471. തിരുവനന്തപുരം വിമാനത്താവളം പിടിക്കാ൯ശ്രമിച്ചതു് പിണറായി വിജയനുവേണു്ടിയല്ല കേരളത്തിനുവേണു്ടിയായിരുന്നെങ്കിലു് അദാനിഗ്രൂപ്പു് വിട്ടുകൊടുക്കുമായിരുന്നു

471

തിരുവനന്തപുരം വിമാനത്താവളം പിടിക്കാ൯ശ്രമിച്ചതു് പിണറായി വിജയനുവേണു്ടിയല്ല കേരളത്തിനുവേണു്ടിയായിരുന്നെങ്കിലു് അദാനിഗ്രൂപ്പു് വിട്ടുകൊടുക്കുമായിരുന്നു  

പി. എസ്സു്. രമേശു് ചന്ദ്ര൯

Article Title Image By Skipp604. Graphics: Adobe SP.

1

തിരുവനന്തപുരം വിമാനത്താവളം പിടിക്കാ൯ശ്രമിച്ചതു് പിണറായി വിജയനുവേണു്ടിയല്ലായിരുന്നെങ്കിലു്, അതിനുപകരം കേരളത്തിനുവേണു്ടിയായിരുന്നെങ്കിലു്, അദാനി ഗ്രൂപ്പു് വിട്ടുകൊടുക്കുമായിരുന്നു. ഒന്നുമില്ലെങ്കിലൊരു സു്റ്റേറ്റല്ലേ, അതും താ൯ മൊത്തം വിഴുങ്ങിയ ഗുജറാത്തിനെപ്പോലൊരു വലിയ സു്റ്റേറ്റുമല്ലല്ലോ, ഒരു കൊച്ചുസു്റ്റേറ്റല്ലേ, പിണറായി വിജയനെപ്പോലൊരു കോ൪പ്പറേഷനല്ലല്ലോ, അതുകൊണു്ടുതന്നെ ആ കൊച്ചുവിമാനത്താവളം അവരുതന്നെ കൊണു്ടുപോകട്ടേയെന്നുവെച്ചേനേ! അതുമല്ല അവരുടെ രാജാവു് പണു്ടുമുതലേ ആറാട്ടെഴുന്നള്ളത്തിനു് വഴിനടന്നുപോകുന്നതും അതുവഴിയാണെന്നതുകൊണു്ടു അവ൪ക്കു് ഒരലു്പം വൈകാരികത്വംകൂടി ഉള്ളതുമാണല്ലോ. കേരളത്തുകാ൪ ഇണങ്ങി കൂടെനിലു്ക്കുകയാണെങ്കിലു് ഇതിനകം വിഴിഞ്ഞം തുറമുഖം പിടിച്ചെടുത്തതുപോലെ ഇനിയുമെന്തെല്ലാം പിടിച്ചെടുക്കാ൯കിടക്കുന്നു കേരളത്തിലു്! വെറുമൊരു വിമാനത്താവളത്തിനുവേണു്ടി കേരളത്തിനെപ്പിണക്കി അതൊക്കെയാരെങ്കിലും വേണു്ടെന്നുവെക്കുമോ? എങ്കിലും, ഇവിടെ തനിക്കുമൊരലു്പ്പം വൈകാരികത്വം വന്നതാണു് കാരണം. പത്തിരുപത്തെട്ടു് വിമാനത്താവളങ്ങളു് ഇപ്പോളു്ത്തന്നെ കൈയിലു്ക്കിടന്നുകറങ്ങുമ്പാളു് ഒരെണ്ണംകൂടി കിട്ടിയില്ലെങ്കിലും ഒന്നും സംഭവിക്കുകയില്ല എന്നതല്ല, വിജയ൯ കോ൪പ്പറേഷ൯പോലെ ഇന്നാളുണു്ടായൊരുസാധനം അദാനിക്കോ൪പ്പറേഷ൯പോലൊരു പഴയൊരെണ്ണവുമായങ്ങനെ ബലാബലംകളിക്കാ൯ വന്നാലോ?

2

ഒരു വിമാനത്താവളം പിടിച്ചെടുക്കലു് യുദ്ധം രണു്ടു് കോ൪പ്പറേറ്റുകളു് തമ്മിലാവുമ്പോളു് വലിയ കോ൪പ്പറേറ്റു് ജയിക്കണമെന്നതാണു് കോ൪പ്പറേറ്റുനിയമം. അതേ നടന്നുമുള്ളൂ. ആ വിമാനത്താവളം കേരളജനതയു്ക്കുവേണു്ടിയെന്നപേരിലു് പിണറായി വിജയനുവേണു്ടി പിടിച്ചെടുക്കാനായുള്ള ശ്രമമാണു് അദാനി ഗ്രൂപ്പു് പരാജയപ്പെടുത്തിയതു്. പഴയകോ൪പ്പറേറ്റായ അദാനിയോടാണോ പുതിയ കോ൪പ്പറേറ്റായ പിണറായി വിജയ൯ ഗ്രൂപ്പി൯റ്റെ കളി? വിമാനത്താവളത്തിനുവേണു്ടി എതി൪വശത്തു് മത്സരിക്കുന്ന അദാനിഗ്രൂപ്പി൯റ്റെ ആളുകളെത്തന്നെയാണു് പിണറായി വിജയനുവേണു്ടി ബിഡ്ഡുകളു് എഴുതിയുണു്ടാക്കി സമ൪പ്പിക്കുന്നതിനുവേണു്ടി ഏ൪പ്പാടുചെയു്തിരുന്നതെന്നതുനോക്കുമ്പോളു് കൊച്ചിയിലെയും കണ്ണൂരെയും സിയാലും കിയാലും ഇ൯റ്റ൪നാഷണലു് എയ൪പ്പോ൪ട്ടുകളുടെ മാതൃകയിലു് കമ്പനി രൂപീകരിച്ചു് ആ൪ക്കൊക്കെയാണു് ഷെയറുവിതരണംചെയു്തു് ആരെയൊക്കെ ഏതൊക്കെവഴിയിലൂടെ ഡയറക്ട൪ ബോ൪ഡുകളിലു്ക്കൊണു്ടുവന്നാണു് ഓരോരോ ഗ്രൂപ്പുകളു് ആക്കമ്പനികളു് പിടിച്ചെടുത്തു് സ്വന്തമാക്കി കൈയ്യിലു്വെക്കാ൯ ബിഡ്ഡുകളിലും കരാറുകളിലും കുഞ്ഞക്ഷരങ്ങളിലും അതിനേക്കാളു്ച്ചെറിയ അക്ഷരങ്ങളിലും ടേംസ്സും ക്ലാസ്സും ഉപക്ലാസ്സും കണു്ഡീഷ൯സ്സുമൊക്കെ എഴുതിച്ചേ൪ത്തുവെച്ചിരിക്കുന്നതെന്നു് വായിച്ചുമനസ്സിലാക്കാനുള്ള ഇംഗ്ലീഷുവശമുണു്ടായിരുന്നെങ്കിലു് തിരുവനന്തപുരം വിമാനത്താവളമിപ്പോളു് പിണറായി വിജയ൯റ്റെ കൈവശമിരുന്നേനേ! ഇതിനാണു് ഓരോരുത്ത൪ പറയുന്നതു് ഏതു് കരാറിലും ബിസിനസ്സു് പേപ്പറിലും സു്മാളു് പ്രി൯റ്റു് വായിച്ചുനോക്കണമെന്നു്!

3

ഒരുപക്ഷേ വിജയ൯ കോ൪പ്പറേഷ൯ കരുതിയിട്ടുണു്ടാവുക കേരളത്തിനു് വിമാനത്താവളം പിടിക്കാനുള്ള, അല്ല നിലനി൪ത്താനുള്ള, കണു്സ്സളു്ട്ട൯സ്സിയെന്നുംപറഞ്ഞു് അവ൪ നിയമിച്ച അദാനിക്കോ൪പ്പറേഷ൯റ്റെയാളുകളു് ഒരുപരിധിക്കപ്പുറം പോകാ൯ കഴിവായിട്ടില്ലാത്ത അവരുടെ വാഗു്ദാനങ്ങളിലും പ്രതിജ്ഞകളിലും പ്രതിഫലങ്ങളിലും മയങ്ങി അവ വിശ്വസിച്ചു് അദാനിയെവഞു്ചിച്ചു് ഉള്ളുകൊണു്ടും അവരോടൊപ്പം നിലു്ക്കുമെന്നും, അദാനി ക്വോട്ടുചെയ്യുന്ന പ്രൈസ്സുമണി എത്രയാണെന്നു് അവ൪ക്കു് ചോ൪ത്തിക്കൊടുക്കുമെന്നുമായിരിക്കും. വലിയ കോ൪പ്പറേഷനുകളുടെ അണു്ലിമിറ്റഡു് ഓഫറുകളുടെ ലീഗിലേക്കു് അവരിനിയും എത്തിയിട്ടില്ല. പാ൪ട്ടിയിലെ കൈപിടിച്ചുയ൪ത്തിയ മുഴുവ൯ നേതാക്കളെയും ചതിച്ചും വഞു്ചിച്ചും വള൪ന്ന ചതിയ൯ ചന്തുമാ൪ അങ്ങനെ കരുതുന്നതും വിശ്വസിക്കുന്നതും സ്വാഭാവികമാണു്. അതിനുവേണു്ടിത്തന്നെയായിരിക്കണം അദാനിയുടെയാളു്ക്കാരെത്തന്നെ കണു്സ്സളു്ട്ട൯സ്സിയാക്കിയതും, അല്ലാതെ ഒരു വിമാനത്താവളം പിടിക്കാനായുള്ള ബിഡ്ഡുകളും പേപ്പറുകളും എഴുതിത്തയാറാക്കാ൯ ഒരു ഗവണു്മെ൯റ്റി൯റ്റെപേരിലു് പ്രവ൪ത്തിക്കുന്നൊരു ഷാഡോക്കോ൪പ്പറേഷനു് ഒരു കണു്സ്സളു്ട്ട൯സ്സിതന്നെയെന്തിനാണു്? അങ്ങനെ ആവശ്യമുണു്ടെങ്കിലു്പ്പോലും അദാനിയുമായി ബന്ധമുള്ളതല്ലാതെ ഇ൯ഡൃയിലു് മറ്റാരെയും കിട്ടാത്തതാണോ? തനതുസ്വഭാവമനുസരിച്ചു് ഒരു ഡബിളു്ക്ക്രോസ്സാണു് ഉദ്ദേശിച്ചതെന്ന൪ത്ഥം. പക്ഷേ മറിച്ചാണു് സംഭവിച്ചതു്. വലിയ കോ൪പ്പറേറ്റുകളു് അങ്ങനെയല്ല പ്രവ൪ത്തിക്കുന്നതു്.

4

വിജയ൯ കോ൪പ്പറേഷ൯ ആദ്യമായാണു് ഒരു അദാനിക്കോ൪പ്പറേഷനെ എതി൪വശത്തുകാണുന്നതെങ്കിലും അദാനിക്കോ൪പ്പറേഷ൯ എത്രയോ വിജയ൯ കോ൪പ്പറേഷനുകളെ എതി൪വശത്തുകണു്ടിട്ടാണു് ഈ നിലയിലു് എത്തിയതു്! അവ൪ ത്രിബിളു്ക്ക്രോസ്സാണു് കളിക്കുന്നതു്. ആ കണു്സ്സളു്ട്ട൯സ്സി വിജയ൯ കോ൪പ്പറേഷ൯റ്റെ സകല ആനുകൂല്യങ്ങളുംപറ്റി അവരുടെ ബിഡ്ഡുപ്രൈസ്സു് അദാനിക്കോ൪പ്പറേഷനു് ചോ൪ത്തിക്കൊടുക്കുകയാണു് ചെയു്തതു്. ആക്രിലേലംവിളിക്കാ൯ സ൪ക്കാരാപ്പീസ്സുകളിലെത്തുന്നവരെ കണു്ടിട്ടില്ലേ? അതുപോലെ എതിരാളിയുടെ തുകയറിഞ്ഞു് അതിലു് കഷ്ടിച്ചൊരലു്പ്പമുയ൪ത്തി ബിഡ്ഡുചെയു്തു് വിമാനത്താവളം അദാനി കൊണു്ടുപോവുകയുംചെയു്തു- അടുത്ത തുറമുഖം ലേലത്തിനു് കാണാമെന്നുംപറഞ്ഞു്. കേരളത്തിലെ ജനങ്ങളെ ബോധ്യപ്പെടുത്താ൯വേണു്ടി വിപ്ലവവീര൯ ഇപ്പോളു് അദാനിയിലു്നിന്നും വിമാനത്താവളം തിരികെപ്പിടിക്കാ൯ കേസ്സുംവഴക്കുമായിനടക്കുന്നു, മാധ്യമങ്ങളെയും കൈയ്യിലെടുത്തു്. ധാരണ ലംഘിച്ചു് ബീജേപ്പീ അന്ത്യനിമിഷത്തിലു് കൂറുമാറിയതും ഇതിലൊരു ഘടകമായി. ഒരു വിമാനത്താവളം എങ്ങനെയാണു് സ്വന്തമായുണു്ടാക്കാതെ ഒരു ഗവണു്മെ൯റ്റിലു്നിന്നും നരേന്ദ്രമോദിയെയുപയോഗിച്ചു് പിടിച്ചെടുത്തു് സ്വന്തമാക്കി കൈയ്യിലു്വെച്ചു് അതി൯റ്റെ ഉടമസ്ഥനാകേണു്ടതെന്നു് അദാനിയെയാരും പഠിപ്പിച്ചുകൊടുക്കേണു്ടതില്ല, പക്ഷേ വിജയനതു് പഠിച്ചുവരുന്നതല്ലേയുള്ളൂ!

Written and first published on: 12 February 2021