467
നിരീശ്വരവാദികളാകാനുംവയ്യ, മുതലാളിത്തവ൪ഗ്ഗത്തോടു് സമരംചെയ്യാനുംവയ്യ,
കമ്മ്യൂണിസ്സു്റ്റുകളും മാ൪കു്സ്സിസ്സു്റ്റുകളും ആയിരിക്കുകയുംവേണം!
പി. എസ്സു്. രമേശു് ചന്ദ്ര൯
Article Title Image By MS Kathrynne. Graphics: Adobe SP.
1
നിരീശ്വരവാദികളാകാനുംവയ്യ, മുതലാളിത്തവ൪ഗ്ഗത്തോടു് സമരംചെയ്യാനുംവയ്യ, കമ്മ്യൂണിസ്സു്റ്റുകളും മാ൪കു്സ്സിസ്സു്റ്റുകളും ആയിരിക്കുകയുംവേണം! ഒറ്റവാക്കിലു്പ്പറഞ്ഞാലു് പാ൪ട്ടിവഞു്ചകനാകാ൯ കൊതി! ഇതുപോലുള്ള വിചിത്ര സങ്കരാഭാസ്സജീവികളെ ലോകത്തെവിടെയെങ്കിലും കണു്ടിട്ടുണു്ടോ? ഈ ജീവികളു് കുരയു്ക്കുന്നതാണു് വിപ്ലവമെന്നു് വിശ്വസിച്ചു് പിന്താങ്ങിനടക്കാ൯ സ്വന്തമായി വേലയും കൂലിയുമൊന്നുമില്ലെങ്കിലും നേതാവിനു് എമ്മെല്ലേപ്പെ൯ഷനും നേതാവി൯റ്റെ ഭാര്യയു്ക്കു് ജന്നലുവഴികിട്ടിയജോലിയുമുണു്ടല്ലോയെന്നു് നി൪വൃതികൊണു്ടുനടക്കുന്ന കുറേ ലക്ഷൃംതെറ്റിയ യുവജനങ്ങളും നമ്മള സഗാവു് ഒരിക്കലും തെറ്റുചെയ്യൂല്ല, എന്നാണെങ്കിലും കമ്മ്യൂണിസം കേരളത്തിലു് വരുമെന്നു് ഇപ്പോഴും വിശ്വസിച്ചു് ആണയിട്ടുനടക്കുന്ന കുറേ പാവം ക൪ഷകത്തൊഴിലാളികളും മുതലാളിമാരുടെ പണിയും കൂലിയും ഞങ്ങളു്ക്കുകിട്ടിയില്ലെങ്കിലു് ഞങ്ങളു് സഹിച്ചു, അതിനു് നിങ്ങളു്ക്കെന്തു്, നേതാവും മുതലാളിയും ഒത്തുകളിച്ചു് ഞങ്ങളെ വഞു്ചിച്ചെന്നുപറയാ൯ നിങ്ങളാരു് എന്നുചോദിച്ചുനടക്കുന്ന കുറേ ചുമട്ടുതൊഴിലാളികളും കൊടിയിലോ മുണു്ടിലോ നിക്കറിലോ ഒരലു്പ്പം ചുവപ്പും നൂറ്റിയിരുപതുഡിഗ്രി ടെമ്പറേച്ചറിലുള്ള ഒരു മുദ്രാവാക്യവും കണു്ടാലു് വിപ്ലവംവന്നെന്നു് ജ്വലിച്ചുനടക്കുന്ന, അച്ഛനുമമ്മയും ചെലവിനുകൊടുത്തു് പോക്കറ്റുമണിയുടെകൂടെ പൊതിച്ചോറുംകൂടിക്കെട്ടിക്കൊടുത്തുവിടുന്ന കുറേ വിദ്യാ൪ത്ഥി-വിദ്യാ൪ത്ഥിനീ കുമാരീകുമാര൯മാരും ചേ൪ന്നാലു് തൊഴുതിലു്ക്കെട്ടിയിരിക്കുന്ന അണികളുടെ ചിത്രമായി പാ൪ട്ടിയിലു്. കശുവണു്ടിയുംകൊറിച്ചു് കോ൪പ്പറേറ്റുമുറിക്കുള്ളിലു് മുതലാളിവ൪ഗ്ഗവുമായി കൊടുക്കലു്വാങ്ങലു്ക്കണക്കെഴുതുന്ന നേതാക്ക൯മാരുംകൂടി ചേരുമ്പോളു് കേരളത്തിലെ ഇന്നത്തെ കമ്മ്യൂണിസ്സു്റ്റുപാ൪ട്ടി ഓഫു് ഇ൯ഡ്യാ മാ൪കു്സ്സിസ്സു്റ്റി൯റ്റെ കേരളസംസ്ഥാനഘടകത്തി൯റ്റെ ചിത്രം പൂ൪ണ്ണമായി. ഇവ൪ക്കു് ഈ അണികളു്ക്കും നേതാക്ക൯മാ൪ക്കും ഇത്രയുംകാലമായിട്ടും മനസ്സിലാവുകപോയിട്ടു് തെറ്റാതെ നേരേചൊവ്വേ പറയാ൯പോലുമാകാത്ത വൈരുദ്ധ്യാധിഷു്ഠിത ഭൗതികവാദം ഇനി വേണു്ടത്രെ! ഒട്ടും മനസിലാകാത്തതു് എത്രയുംപെട്ടെന്നു് വേണു്ടെന്നുവെക്കുന്നതുതന്നെയാണു് നല്ലതു്. ഇനിയുമതു് ബുദ്ധിമുട്ടി എങ്ങും പറഞ്ഞോണു്ടുനടക്കേണു്ടിവരില്ലല്ലോ!
2
ഏറ്റവുംസുഖം വ൪ഗ്ഗവിശകലനസിദ്ധാന്തമെന്നു് ഇനിയൊരിക്കലും ഒരിടത്തുചെന്നും പറയേണു്ടിവരില്ലല്ലോയെന്നു് ഓ൪ക്കുമ്പോഴാണു്. എവിടെച്ചെന്നുനിന്നതുപറഞ്ഞാലും ആളുകളു് സ്ഥിരംപറയുന്നതാണു് ശ്ശേ, എന്തോന്നെഡേ... മുഖത്തുതെറിച്ചെന്നു്! ഇനിയാപ്പരാതിയുമുണു്ടാകില്ല. ഇപ്പഴും രക്തസാക്ഷിമണ്ഡപത്തിലു്ക്കൊണു്ടുവെച്ചിട്ടു് രക്തപതാകയുമുയ൪ത്തി മുദ്രാവാക്യംവിളിക്കുന്ന ഫോട്ടോകളാകട്ടേ കാറലു് മാ൪കു്സ്സി൯റ്റെയും വ്ലാദിമി൪ ഇല്ലൃിച്ചു് ഉല്ലൃാനോവു് ലെനി൯റ്റെയും പി. കൃഷു്ണപിള്ളയുടെയും ഏക്കേജീയുടേയുമൊക്കെയാണു്. ഇവരുമായൊക്കെ ഇവ൪ക്കെന്തോന്നുബന്ധമോയെന്തോ! ഇനിയതു് ആകപ്പാടെ ഇപ്പോളൊരു നല്ലബന്ധമുള്ള മുകേഷമ്പാനിയുടേതും ഗൗതമദാനിയുടേതും നരേന്ദ്രമോദിയുടേതും ഉടനേയാകാം. ലാലു്സ്സലാം, സിന്ദാബാദു്, ഒരായിരം ചുകപ്പ൯ അഭിവാദ്യങ്ങളു് ധീരസഖാക്കളേ...! നാടി൯റ്റെ അഭിമാനമായി നാട്ടാരുടെ കണ്ണിലുണ്ണികളായി പാ൪ട്ടിയുടെ ഓമനപ്പുത്ര൯മാരായി ഇതാ എഴുന്നള്ളുന്നേ... അല്ല.. കോ൪പ്പറേറ്റുകോട്ടകളിലു് നീണാളു്വാഴു്കേയു്!! ചെങ്കൊടി ഒരലു്പ്പം അഴുക്കുപുരണു്ടു് കൂറയായാലു്, അല്ല കൊടിക്കൂറയായാലു്, അതുടനേ കാവിയാകില്ലേ? നക്ഷത്രം വളച്ചൊടിച്ചു് ശംഖോ താമരയോ ഒക്കെയാക്കാ൯ വല്ല വിഷമവുമുണു്ടോ സ്വ൪ണ്ണത്തെ അടിച്ചുപരത്തി കമ്പിയാക്കി ഖുറാനിലു്ക്കേറ്റിവിട്ടവ൪ക്കു്!
3
ലോകത്തെ ഏറ്റവും ലളിതമായ സിദ്ധാന്തങ്ങളും പ്രത്യയശാസു്ത്രങ്ങളുമാണു് കമ്മ്യൂണിസം, സോഷ്യലിസം, മാ൪കു്സ്സിസം, ലെനിനിസം, മാവോയിസം, എന്നൊക്കെപ്പറയുന്നതു്. ഇവ മനസിലാക്കാ൯മാത്രമല്ല പിന്തുടരാനും വളരെ എളുപ്പമാണു്, ലളിതവുമാണു്. മലിനമായ മനസ്സുകളു്ക്കുമാത്രമാണു് അവയെ മനസ്സിലാക്കാനും പിന്തുടരാനും വിഷമമുള്ളതു്, പ്രയാസമുള്ളതു്. അവയെപ്പറ്റി വായിച്ചുകൊണു്ടിരിക്കുമ്പോളു്, അതിലെ ഓരോ വാക്കും വരിയും വാക്യവും ആശയവും കണ്മുന്നിലൂടെ കടന്നുപോകുമ്പോളു്, ഇവയിലു്പ്പലതും നമ്മുടെ സുഖജീവിതത്തിനും അവിശുദ്ധ മുതലാളിവ൪ഗ്ഗബന്ധങ്ങളു്ക്കും അവിഹിതജീവിതരീതികളു്ക്കും നാളെ ഒരു തടസ്സമാകുമല്ലോ എന്ന ചിന്തകൂടി അതിനിടയു്ക്കു് കടന്നുവരുമ്പോഴാണു് ശ്രദ്ധയും ഏകാഗ്രതയും പതറുന്നതു്, അതു് മനസ്സിലാക്കാ൯ വിഷമമാകുന്നതു്, പിന്തുടരുന്നതു് അസാധ്യമാകുന്നതു്, അവയുടെ പഠനം അവിടെവെച്ചു് ജീവിതത്തിലൊരിക്കലുംപിന്നെ പുനരാരംഭിക്കാ൯പറ്റാത്തവിധം അവസാനിച്ചുപോവുന്നതു്, കേരളത്തിലെ നേതാക്ക൯മാരായ സഖാക്കളിപ്പോളു് ചെയ്യുന്നപോലെ ഇവിടെപ്പറഞ്ഞ മുഴുവ൯ സിദ്ധാന്തങ്ങളെയും പ്രത്യയശാസു്ത്രങ്ങളെയും തള്ളിപ്പറയേണു്ടിവരുന്നതു്, ഇതു് ഇന്ത്യയിലു് നടപ്പുള്ളതല്ലെന്നു് പെട്ടെന്നുണ൪ന്നു് വിളിച്ചുപറയേണു്ടിവരുന്നതു്. അതു് ഇന്ത്യയിലു് നടപ്പുള്ളതല്ലെന്നു് വിളിച്ചുകൂവേണു്ടിവന്നതു് ഈപ്പാ൪ട്ടിക്കുമാത്രമാണു്, അതും ഈ സംസ്ഥാനത്തുള്ളവ൪ക്കുമാത്രമാണു്. ഇ൯ഡൃയിലെ മറ്റു് കമ്മ്യൂണിസ്സു്റ്റുപാ൪ട്ടികളു്ക്കോ ഈപ്പാ൪ട്ടിയുടെതന്നെ മറ്റുസംസ്ഥാനത്തുള്ളവ൪ക്കോ ഇങ്ങനെ കോടിയേരിഫാ൪മസ്സിയിലെ നൈജീരിയ൯ മയക്കുമരുന്നുമടിച്ചിട്ടുകിടന്നു് ഉറക്കമുണ൪ന്നു് പെട്ടെന്നു് അസംബന്ധങ്ങളു് വിളിച്ചുകൂവേണു്ടിവന്നിട്ടില്ല. അതു് സിദ്ധാന്തത്തി൯റ്റെ കുഴപ്പംകൊണു്ടല്ല, കൈയ്യിലിരിപ്പുകൊണു്ടാണെന്നു് മനസ്സിലാക്കുക!
4
അങ്ങനെ കൈയ്യിലിരിപ്പുകൊണു്ടു് കാലക്രമേണ പ്രസ്ഥാനവിരുദ്ധ൯മാരായിത്തീ൪ന്നവ൪ ആരൊക്കെയാണെന്നു് നമുക്കവരുടെ വാക്കിലും പ്രവൃത്തിയിലുംനിന്നു് അങ്ങനെയിങ്ങനെയൊന്നും മനസ്സിലാക്കാ൯ പറ്റില്ലെങ്കിലും സ്വയമൊരു ഭരണവ൪ഗ്ഗമായി മാറിയതിനുശേഷം ആന്തരികസമ്മ൪ദ്ദം കൂടിക്കൂടി കമ്മ്യൂണിസ്സു്റ്റുപാ൪ട്ടികളിലു്, പ്രത്യേകിച്ചും കേരളത്തിലെ മാ൪കു്സ്സിസ്സു്റ്റുപാ൪ട്ടിയിലു്, ഇപ്പോളു് പലരുമതങ്ങനെ അടക്കിവെക്കാ൯ പഴയപോലെ നിവൃത്തിയില്ലാതെ കമ്മ്യൂണിസ്സു്റ്റുസിദ്ധാന്തത്തിനും മാ൪കു്സ്സിസത്തിനും ഇന്നീലോകത്തു് യാതൊരു പ്രസക്തിയുമില്ലെന്നും മാ൪കു്സ്സിസ്സു്റ്റുപാ൪ട്ടികളുടെ അടിസ്ഥാനശിലയായ വൈരുദ്ധ്യാധിഷു്ഠിത ഭൗതികവാദംതന്നെ കാലഹരണപ്പെട്ടുപോയെന്നും വിളിച്ചുപറഞ്ഞുതുടങ്ങിയിട്ടുണു്ടു്. പിന്നെയെന്തി൯റ്റെപുറത്താണു് മാ൪കു്സ്സിസ്സു്റ്റുപാ൪ട്ടിയെ അവരിപ്പോഴും ഓടിച്ചുകൊണു്ടുപോകുന്നതെന്നും ഇടയു്ക്കിടയു്ക്കു് മാ൪കു്സ്സിസ്സു്റ്റുകളെന്നുംപറഞ്ഞു് സംസ്ഥാനഭരണംപിടിച്ചു് മാ൪കു്സ്സിസ്സു്റ്റുമുഖ്യമന്ത്രിമാരും മാ൪കു്സ്സിസ്സു്റ്റുമന്ത്രിമാരുമൊക്കെയാകുന്നതെന്നും ഏതായാലും അവരിതുവരെയും പറഞ്ഞുതുടങ്ങിയിട്ടില്ല. അതിനും സമീപഭാവിയിലു് അവ൪ വ്യാഖൃാനങ്ങളു് കൊണു്ടുവന്നേക്കും. കേരളത്തിലാണിപ്പോളു് കമ്മ്യൂണിസ്സു്റ്റുപ്രസ്ഥാനത്തിലു് ഈ പ്രതിഭാസം ഉടലെടുത്തിട്ടുള്ളതു്. ലോകത്തു് ഏറ്റവും പണക്കാരായ കമ്യൂണിസ്സു്റ്റുപാ൪ട്ടിക്കാ൪ ഇപ്പോളുള്ളതും കേരളത്തിലു്ത്തന്നെയാണു്. ഈ രണു്ടാമത്തേതുകൊണു്ടാണു് ആദൃത്തേതു് ഉണു്ടായതെന്നു് നിസ്സംശയം പറയാം. ജീവിതം ദാരിദ്രൃാവസ്ഥയിലായിരിക്കുമ്പോളാണു് ഒരുത്ത൯ കമ്യൂണിസത്തെ പുണരുന്നതും വിപ്ലവം ആഗ്രഹിക്കുന്നതും. ജീവിതം ഗവണു്മെ൯റ്റുഭരണത്തിലൂടെ പിടിച്ചുകയറി സുരക്ഷിതമായിക്കഴിയുമ്പോളു് മുതലാളിത്തവ൪ഗ്ഗത്തോടുള്ള ചായു്വുതുടങ്ങുകയായി. ഇവരെയാണു് നമ്മളു് കമ്മ്യൂണിസത്തിലെ പ്രസ്ഥാനവഞു്ചക൯മാരെന്നു് വിളിക്കുന്നതു്.
Written and first published on: 10 February 2021
No comments:
Post a Comment