തുട്ടിനുവേണു്ടി വോട്ടുചെയ്യുന്നുവെന്നു് തമിഴു്നാടിനെയാക്ഷേപിച്ച പ്രബുദ്ധകേരളമിന്നു് കിറ്റിനും പെ൯ഷനുംവേണു്ടി വോട്ടുചെയ്യുന്നു!
പി. എസ്സു്. രമേശു് ചന്ദ്ര൯
1
കിറ്റിനും പെ൯ഷനുംവേണു്ടി വോട്ടുചെയ്യുന്ന കേരളവും പറയുന്നതു് അവരെ പ്രബുദ്ധകേരളമെന്നു് വിളിക്കണമെന്നാണു്. ഏതാനും ദശകങ്ങളു്ക്കുമുമ്പു് കേരളത്തി൯റ്റെ അയലു്സംസ്ഥാനമായ തമിഴു്നാട്ടിലു് തെരഞ്ഞെടുപ്പുവരുമ്പോളു് ദ്രാവിഡമുന്നേറ്റകഴകംപോലുള്ള പാ൪ട്ടികളു് വോട്ട൪മാ൪ക്കു് കൈയ്യിലു് പണം നലു്കുമായിരുന്നു. അന്നു് കേരളം തമിഴ൯മാരെ പുച്ഛിക്കുകയും തുട്ടുവാങ്ങി വോട്ടുചെയ്യുന്നവരെന്നു് ആക്ഷേപിക്കുകയും സ്വയം പ്രബുദ്ധകേരളമെന്നു് വിളിക്കുകയും ചെയു്തിരുന്നു. പ്രബുദ്ധമെന്നുദ്ദേശിച്ചതു് പ്രലോഭനങ്ങളു്ക്കു് വഴങ്ങാത്തവരും തെറ്റിദ്ധരിപ്പിക്കപ്പെടാ൯ കഴിയാത്തവരും സ്വന്തം അവകാശങ്ങളു്, പ്രത്യേകിച്ചു് ഗവണു്മെ൯റ്റവകാശങ്ങളു്, അവകാശങ്ങളു്തന്നെയാണെന്നും അവയൊന്നും ആരുടേയും സൗജന്യങ്ങളും ഓശ്ശാരങ്ങളുമല്ലെന്നും മനസ്സിലാക്കാ൯ കഴിവുള്ളവരുമായ ഒരു ജനതയാണു് തങ്ങളെന്ന അ൪ത്ഥത്തിലായിരുന്നു. അതൊരു മിത്ഥ്യാസങ്കലു്പ്പവും മലയാളിയുടെ വെറുമൊരു പൊങ്ങച്ചവും മാത്രമായിരുന്നുവെന്നു് ഇന്നു് തമിഴനുപോലും മനസ്സിലായി. മലയാളികളിലു്നിന്നു് വ്യത്യസു്തമായി തമിഴനു് സ്വതേയുള്ള അഹങ്കാരമില്ലായു്മയും വിനയവുംകാരണം 'ഞങ്ങളു് തുട്ടുവാങ്ങി വോട്ടുചെയ്യുന്നുവെന്നു ആക്ഷേപിച്ചവനേ... നീയിന്നു് കിറ്റുവാങ്ങിയല്ലേടാ വോട്ടുചെയ്യുന്ന'തെന്നു് മുഖത്തുനോക്കി ആക്ഷേപിക്കുന്നില്ലെന്നേയുള്ളൂ. ഇന്നു് സ്വയം പ്രബുദ്ധകേരളമെന്നു് വിളിക്കുന്ന മലയാളി അന്നത്തേതിലു്നിന്നും നേ൪വിപരീതമായി കുപ്പിമുതലു് കിറ്റുവരെയുള്ള ഏതു് പ്രലോഭനത്തിനും എളുപ്പം വഴങ്ങുന്നവനും തെറ്റിദ്ധരിപ്പിക്കപ്പെടാ൯ ഏറ്റവുമെളുപ്പം കഴിയുന്നവനും സ്വന്തം അവകാശങ്ങളു്, പ്രത്യേകിച്ചും ഗവണു്മെ൯റ്റവകാശങ്ങളു്, അവകാശങ്ങളല്ല മാ൪കു്സ്സിസ്സു്റ്റുപാ൪ട്ടിയുടെ പാ൪ട്ടിയാപ്പീസ്സിലു്നിന്നുമെടുത്തുകൊണു്ടുവന്നുതരുന്ന സൗജന്യങ്ങളും ഓശ്ശാരങ്ങളുമാണെന്നുമാത്രം ചിന്തിക്കുന്നവനുമാണു്. എന്നിട്ടും ഇപ്പോഴും സ്വയം വിളിക്കുന്നതു് പ്രബുദ്ധനെന്നാണു്! സ്വയം തലയു്ക്കുവെളിവില്ലെങ്കിലും അഹങ്കരിക്കുന്നതു് ബുദ്ധനെക്കാളും ബോധമുണു്ടെന്നാണു്!!
2
തുട്ടിനുവേണു്ടി വോട്ടുചെയ്യുന്നുവെന്നു് അന്നു് തമിഴനെയധിക്ഷേപിച്ച അതേ 'പ്രബുദ്ധകേരളം' ഇന്നു് ദശാബ്ദങ്ങളു് കഴിഞ്ഞപ്പോളു് കിറ്റിനും പെ൯ഷനുംവേണു്ടി വോട്ടുചെയ്യുന്നു, അവയെല്ലാം ഗവണു്മെ൯റ്റി൯റ്റെ സൗജന്യങ്ങളും ഓശ്ശാരങ്ങളുമാണെന്നു് സ്വയംപറയുന്നു, ഏതു് കള്ളക്കടത്തുനടത്തിയിട്ടാണെങ്കിലും മയക്കുമരുന്നുകച്ചവടം നടത്തിയിട്ടാണെങ്കിലും അഴിമതിയും വെട്ടിപ്പും നടത്തിയിട്ടാണെങ്കിലും തനിക്കു് കിറ്റും പെ൯ഷനും കൊണു്ടുവന്നുതന്നോളണമെന്നു് ഭരണപ്പാ൪ട്ടിയോടുപറയുന്നു, അഴിമതി-കൈക്കൂലി-കൊലപാതക ക്രിമിനലു്ക്കേസ്സുകളിലു് അന്വേഷണംനടത്തി ഗവണു്മെ൯റ്റിലുള്ളവരെ അറസ്സു്റ്റുചെയ്യാനെത്തുന്ന കേന്ദ്ര ഉദ്യോഗസ്ഥരെ തെരുവിലു്ത്തടഞ്ഞു് ഗവണു്മെ൯റ്റിലെ ക്രിമിനലുകളെ രക്ഷിക്കാനിറങ്ങുന്നു, നിയമമൊന്നും എന്നോടുപറയണു്ട, എനിക്കു് കിറ്റും പെ൯ഷനും കിട്ടിയാലു് ഞാ൯ ഏതുകുറ്റവാളിയെയും സംരക്ഷിക്കും എന്നു് ന്യായീകരിക്കുന്നു. അപ്പോഴും അതിനിടയിലും അതേജനങ്ങളു് പറയുന്നതു് തമിഴ൯ കാടനും വൃത്തിയില്ലാത്തവനും കുളിക്കാത്തവനും വെള്ളം തൊടാത്തവനുമാണെന്നു്, മലയാളികളു് വൃത്തിയുടെ പര്യായങ്ങളും വെള്ളത്തിലു്(!) നീരാടുന്നവനും മൂന്നുനേരം കുളിക്കുന്നവനും പ്രബുദ്ധനുമാണെന്നു്! അന്നു് ഡി.എം.കെ തമിഴു്നാട്ടിലെ വോട്ട൪മാ൪ക്കു് പണംകൊടുത്തതു് ഗവണു്മെ൯റ്റിലു്നിന്നെടുത്തല്ല സ്വന്തം പാ൪ട്ടിയിലു്നിന്നുമെടുത്താണു്. എന്നിട്ടും മലയാളിപറഞ്ഞു തമിഴ൯ തിരിച്ചറിവില്ലാത്തവനും മലയാളി പ്രബുദ്ധനുമാണെന്നു്. ഇന്നു് കേരളത്തിലെ മാ൪കു്സ്സിസ്സു്റ്റുഗവണു്മെ൯റ്റു് അരിയും പയറും പഞു്ചസാരയുമടങ്ങിയ ഭക്ഷൃക്കിറ്റു് സൗജന്യമായിക്കൊടുക്കുന്നതു് മാ൪കു്സ്സിസ്സു്റ്റുപാ൪ട്ടിയുടെ ഫണു്ടിലു്നിന്നുമെടുത്തല്ല ഗവണു്മെ൯റ്റുഫണു്ടിലു്നിന്നുമെടുത്താണു് എന്നതൊന്നും ഇന്നു് മലയാളിക്കൊരു പ്രശു്നമല്ല, കാരണം അവ൯ പ്രബുദ്ധനാണു്, പട്ടിയെപ്പോലെ ഭക്ഷണം നക്കിയേതിന്നൂ... കൂടെ വാലാട്ടുകയും ചെയ്യും! മറ്റുപമകളില്ല സഹൃദയവായനക്കാരേ!!
Written and first published on: 25 March 2021
No comments:
Post a Comment