528. ഏതന്വേഷണത്തെയും നേരിടാ൯ ഭയമില്ലാത്ത ധീര൯മാരിലു്നിന്നും ത൯റ്റേടികളിലുനിന്നും കേരളത്തിലെ കമ്മ്യൂണിസ്സു്റ്റുപാ൪ട്ടി ഒടുവിലു് എവിടെയെത്തി?

528

ഏതന്വേഷണത്തെയും നേരിടാ൯ ഭയമില്ലാത്ത ധീര൯മാരിലു്നിന്നും ത൯റ്റേടികളിലുനിന്നും കേരളത്തിലെ കമ്മ്യൂണിസ്സു്റ്റുപാ൪ട്ടി ഒടുവിലു് എവിടെയെത്തി? 

പി. എസ്സു്. രമേശു് ചന്ദ്ര൯

Article Title Image By Anja-CocoParisienne. Graphics: Adobe SP.

1

ഏതന്വേഷണത്തെയും നേരിടാ൯ ഭയമില്ലാത്ത ധീര൯മാരിലു്നിന്നും ത൯റ്റേടികളിലുനിന്നും കേരളത്തിലെ കമ്മ്യൂണിസ്സു്റ്റുപാ൪ട്ടി ഒടുവിലു് എവിടെയെത്തി? അതു് പിണറായി വിജയനും ശ്രീരാമകൃഷു്ണനുംപോലുള്ള പൂടകളിലെത്തിനിലു്ക്കുന്നു. ഏതന്വേഷണംവന്നാലും ത൯റ്റേടത്തോടെ നേരിടാനുള്ള ധീരതയില്ലാത്ത ഇതുപോലുള്ള ഭീരുക്കളുടെ നേതൃത്വംകൊതിച്ചുനടക്കുന്ന അതിനേക്കാളു് ഭീരുക്കളായ പതിനായിരങ്ങളുടെ കൈയ്യിലാണിന്നു് കേരളത്തിലെ ഈപ്പാ൪ട്ടിയും പ്രസ്ഥാനവും. അടികൂടുന്നതുപോലും വല്ലവരെയുംവിട്ടു് ചെയ്യിക്കുകയാണു്, അല്ലെങ്കിലു് ക്വൊട്ടേഷ൯കൊടുത്തു് ചെയ്യിക്കുകയാണു്, കാരണം ഇല്ലെങ്കിലു് സ്വന്തം ശരീരംനോവും തിന്നുതടിച്ചുകൊഴുത്തുനടക്കുന്ന പുളുന്താ൯മാ൪ക്കു്. അവനൊക്കെയാണ് വിപ്ലവമുണു്ടാക്കാ൯നടക്കുന്നതു്! അവരാണു് റഷ്യ൯ വിപ്ലവമെന്നും ക്യൂബ൯ വിപ്ലവമെന്നും ചൈനീസ്സു് ലോംഗു് മാ൪ച്ചെന്നുമൊക്കെ ഇടയു്ക്കിടയു്ക്കു് പ്രസംഗിക്കുന്നതും ഡോ. ഏണസ്സു്റ്റു് ഗുവേരയുടെ പടം പൊക്കിപ്പിടിക്കുന്നതും!! കേട്ടാലു്ത്തോന്നും അതൊക്കെ പെണു്ടാട്ടിമാരുമായി വീട്ടിനകത്തുനടത്തുന്ന അടുക്കളയുദ്ധങ്ങളായിരുന്നുവെന്നു്!

വിപ്ലവംനടത്തുന്നതുപോട്ടെ, ആയുധമേന്താതെയും ശരീരംനോവാതെയും ഈ ഒരൊറ്റവിപ്ലവംപോലും നടന്നിട്ടില്ലെന്നതുപോട്ടെ, മാവോ പാ൪ട്ടിയാപ്പീസ്സിനകത്തൊളിച്ചിരുന്നല്ല വിപ്ലവം നയിച്ചതെന്നതുംപോട്ടെ, ആരെങ്കിലുമൊന്നു് വെറുതേ വാക്കുംനാക്കുംകൊണു്ടൊന്നു് വിമ൪ശ്ശിച്ചാലു്പ്പോലും ഉടനേ പിണറായി വിജയനേയുംവിളിച്ചു്കൊണു്ടു് അസ്സംബ്ലിയിലേക്കു് കുതിച്ചുപാഞ്ഞുപോയി അവിടെയിരുന്നു് അവനെ ജയിലിലടപ്പിക്കാനായുള്ള നിയമം ഉട൯ എഴുതിയുണു്ടാക്കുന്ന ഈ കൊടുംഭീരുക്കളു് ഇന്നത്തെ ലോകത്തു് ചാരുകസേരയിലു്ക്കിടന്നുനടത്താവുന്ന മയക്കുമരുന്നുവിപ്ലവമല്ലാതെ മറ്റെന്തുവിപ്ലവം നടത്താനാണു്? അവരാണു് ധീരത പുലമ്പുന്നതു്. ഈപ്പാ൪ട്ടിയും പറയുന്നതു് കമ്മ്യൂണിസ്സു്റ്റും മാ൪കു്സ്സിസ്സു്റ്റുമാണെന്നു്! ധൈരൃമില്ലാത്തവ൯മാ൪ക്കെന്തോന്നു് കമ്മ്യൂണിസവും മാ൪കു്സ്സിസവും വിപ്ലവവും?

2

ഇവരോടു് മാരകായുധങ്ങളു് കൈവശമുള്ള സൈനികശക്തികളോടോ പതിയിരുന്നാക്രമിച്ചുകൊല്ലുന്ന മുതലാളിത്തശക്തികളോടോ കേരളത്തിലു്പ്പോലുമുള്ള ധീര൯മാരായ കമ്മ്യൂണിസ്സു്റ്റുകളു് പണു്ടു് ചെയു്തപോലെ ചെന്നേറ്റുമുട്ടാനൊന്നും ആരുംപറഞ്ഞില്ല. കേവലമൊരു കേന്ദ്ര അന്വേഷണയേജ൯സ്സിയുടെ കൊച്ചിയിലുള്ള ഓഫീസ്സിലു്പ്പോയി ഒന്നുരണു്ടു് ഉദ്യോഗസ്ഥ൯മാരുടെ സ്വ൪ണ്ണക്കള്ളക്കടത്തും ലൈഫു്മിഷ൯ കോഴയുമൊക്കെസ്സംബന്ധിച്ച ഒന്നുരണു്ടുചോദ്യങ്ങളു്ക്കു് വാക്കാലുള്ള മറുപടിപറയാനേ പറഞ്ഞുള്ളൂ. അതിനാണീ ഭീരുക്കളു് ഒരിക്കലുമവിടെപ്പോകാ൯പറ്റില്ലെന്നു് ചന്ദ്രഹാസമിളക്കിയതും അന്വേഷണം തടയണമെന്നാവശ്യപ്പെട്ടുകൊണു്ടു് ബൂ൪ഷ്വാക്കോടതിയിലേക്കോടിയതും (ഇ൯ഡൃയിലു് വിപ്ലവക്കോടതികളും കമ്മ്യൂണിസ്സു്റ്റുകോടതികളുമൊന്നുമില്ല) സി. ബി. ഐ. കേരളത്തിലേക്കുവന്നുപോകരുതെന്നു് നിയമസഭയിലോടിക്കൂടി പഴയനിയമം തിരുത്തി പുതിയതു് പാസ്സാക്കിയതും.

ഈ ഭീരുക്കളു്ക്കു് തെരുവിലു് പിന്തുണപ്രഖ്യാപിച്ചുകൊണു്ടു് (തെരുവിലല്ലാതെ മറ്റെവിടെ പിന്തുണ പ്രഖ്യാപിക്കാ൯- കോടതിയിലോ?) പ്രകടനം നടത്തുന്ന പതിനായിരങ്ങളു് ദിക്കുകളു് പൊട്ടുമാറുച്ചത്തിലു് അലറിവിളിക്കുന്ന മുദ്രാവാക്യങ്ങളു് കേട്ടാലു്ത്തോന്നും ലോക ഏകാധിപത്യഭരണകൂടങ്ങളെ വിറപ്പിക്കാനും മറിച്ചിടാനും ശക്തിയും ത൯റ്റേടവുമുള്ള മഹാവിപ്ലവകാരികളാണു് പിണറായി വിജയനും ശ്രീരാമകൃഷു്ണനും കോടിയേരി ബാലകൃഷു്ണനും ഈപ്പീ ജയരാജനുമൊക്കെയെന്നു്. സ്വന്തം കൊച്ചിയിലുള്ള കേന്ദ്രഗവണു്മെ൯റ്റി൯റ്റെ കേവലമൊരാപ്പീസ്സിനകത്തു് (ഒരു സൈനികബാരക്കിനകത്തല്ല) കടന്നുകയറാനുള്ള ധൈര്യമില്ലാത്ത ഇവനൊക്കെയാണോ ശത്രുമേഖലയു്ക്കകത്തുകടന്നുകയറി വിപ്ലവങ്ങളു് നടത്തിവിജയിപ്പിച്ച കമ്മ്യൂണിസ്സു്റ്റുപാ൪ട്ടിയുടെ പാരമ്പര്യമുള്ള കൊടിപിടിച്ചുകൊണു്ടുനടക്കുന്നതു്?

Written and first published on: 13 March 2021