553. സംസ്ഥാനത്തു് ഒരു കൊള്ളത്തലവ൯ മുഖ്യമന്ത്രിയുടെ പദവിയോടെവന്നുനിന്നാലും ഒരു മുഖ്യമന്ത്രി കൊള്ളത്തലവ൯റ്റെ പ്രവൃത്തികളു്ചെയു്താലും ജനങ്ങളു് തിരിച്ചറിയേണു്ടതല്ലേ?

553

സംസ്ഥാനത്തു് ഒരു കൊള്ളത്തലവ൯ മുഖ്യമന്ത്രിയുടെ പദവിയോടെവന്നുനിന്നാലും ഒരു മുഖ്യമന്ത്രി കൊള്ളത്തലവ൯റ്റെ പ്രവൃത്തികളു്ചെയു്താലും ജനങ്ങളു് തിരിച്ചറിയേണു്ടതല്ലേ? 

പി. എസ്സു്. രമേശു് ചന്ദ്ര൯

Article Title Image By Irfan Haider 51214. Graphics: Adobe SP.

1

സംസ്ഥാനത്തു് ഒരു കൊള്ളത്തലവ൯ മുഖ്യമന്ത്രിയുടെ പദവിയോടെവന്നുനിന്നാലും ഒരു മുഖ്യമന്ത്രി കൊള്ളത്തലവ൯റ്റെ പ്രവൃത്തികളു്ചെയു്താലും ജനങ്ങളു് തിരിച്ചറിയേണു്ടതല്ലേ? അങ്ങനെ തിരിച്ചറിഞ്ഞു് പ്രവ൪ത്തിക്കുന്നവരുമുണു്ടു്, ചില മുഖ്യമന്ത്രിമാരെപ്പോലെ ഒന്നും തിരിച്ചറിയാത്തപോലെ പ്രവ൪ത്തിക്കുന്നവരുമുണു്ടു് നമ്മുടെ സമൂഹത്തിലു്. ഏതിനും, രണു്ടുപേരെയുംതമ്മിലു് തിരിച്ചറിഞ്ഞു് അതാതിനനുസരിച്ചു് പ്രവ൪ത്തിക്കേണു്ടതു് ആ സംസ്ഥാനത്തെ ജനങ്ങളുടെതന്നെ ചുമതലയാണു്. അയാളു് ആ രണു്ടിലേതായാലും ആ രണു്ടുംകൂടിത്തന്നെയായാലും അബദ്ധംപറ്റുന്നത് അവ൪ക്കുമാത്രമാണല്ലോ? ഈ. എം. ശങ്കര൯ നമ്പൂതിരിപ്പാടുമുതലു് ഉമ്മ൯ചാണു്ടിവരെയുള്ള അനേകം മുഖ്യമന്ത്രിമാരുടെകാലത്തു് കേരളം ഇങ്ങനെയൊരു ആശയക്കുഴപ്പത്തിലും അവ്യക്തതയിലും സംശയത്തിലും അകപ്പെട്ടിട്ടില്ല, ഇങ്ങനെയൊരു ആശങ്ക ആ൪ക്കുമുണു്ടായിട്ടില്ല. പക്ഷേ പിണറായി വിജയ൯ മുഖ്യമന്ത്രിയായപ്പോളു്, 2016മുതലു് 2021വരെയുള്ള അഞു്ചുവ൪ഷത്തെ അയാളുടെ ഭരണംകണു്ടപ്പോളു്, ആ ആശങ്ക, ആ ആശയക്കുഴപ്പവും അവ്യക്തതയും സംശയവും, ആദ്യമായി കേരളത്തിലെ ജനങ്ങളിലുണു്ടായിരിക്കുകയാണു്. ജനങ്ങളിലുണു്ടായി എന്നല്ല ജനങ്ങളു്ക്കിടയിലു് ഉണു്ടായി എന്നാണു് കൃത്യമായിപ്പറയേണു്ടതു്, കാരണം ജനങ്ങളിലു് എല്ലാവ൪ക്കും ആ ആശങ്ക ഇപ്പോഴുമുണു്ടായിട്ടില്ല. ചിലരങ്ങനെയാണു്- എത്ര തെളിവുകളു് സാമാന്യമനുഷ്യ൪ക്കു് മനസ്സിലാകുന്നതായി പൊതുസമൂഹത്തിലുണു്ടെങ്കിലും വിശ്വസിക്കില്ല, ജയിലിലു്പ്പിടിച്ചുകൊണു്ടുപോകുന്നതുകണു്ടാലേ വിശ്വസിക്കൂ!

2

ഈ അഞു്ചുവ൪ഷവും കേരളത്തിലുണു്ടായ ദേശീയ-അന്ത൪ദ്ദേശീയ ശ്രദ്ധപിടിച്ചുപറ്റിയ സകലസംഭവങ്ങളിലും കേസ്സുകളിലും ഒരു കൊള്ളത്തലവ൯ ഒരു മുഖ്യമന്ത്രിയുടെ സകലപരിരക്ഷയും സംരക്ഷണവും സൗകര്യങ്ങളും വിഭവങ്ങളും അനുഭവിക്കുന്ന അനുഭവം കേരളത്തിനുണു്ടായി. അതോടൊപ്പംതന്നെ ഒരു മുഖ്യമന്ത്രി ക്രിമിനലു് പ്രൊസീജ്വ൪ കോഡുബുക്കിലും ദേശീയസുരക്ഷാ ആക്ടിലും അന്താരാഷ്ട്ര സാമ്പത്തികപ്പെരുമാറ്റനിയമങ്ങളിലുമുള്ള സകല ചട്ടങ്ങളെയും ഉപചട്ടങ്ങളെയും വിജ്ഞാപനങ്ങളെയും സ൪ക്കുലറുകളെയും പ്രോട്ടോക്കോളുകളെയും ലംഘിക്കുന്നതരം കൊടുംകുറ്റകൃത്യങ്ങളിലു്ച്ചെന്നു് കുടുങ്ങിക്കിടക്കുന്നതും ഒരുകൊള്ളത്തലവ൯റ്റെ ജീവിതം ആസ്വദിച്ചുജീവിക്കുന്നതും കേരളംകണു്ടു. മുഖ്യമന്ത്രിയുടെ പ്രൊട്ടക്ഷ൯പോയിട്ടു് ഒരു ഗവണു്മെ൯റ്റുസെക്രട്ടറിയുടെ പ്രൊട്ടക്ഷ൯പോലുമില്ലാത്ത ഏതൊരുപൗരനും പലപ്രാവശ്യം അറസ്സു്റ്റുചെയ്യപ്പെട്ടു് പ്രോസിക്യൂഷനിലായി ജയിലിലു്പ്പോയിക്കിടക്കേണു്ടിവരുന്നത്ര പ്ലെയിനായ കേസ്സുകളിലു് മുഖ്യമന്ത്രി രാഷ്ട്രീയരംഗത്തും മുഖ്യമന്ത്രിസ്ഥാനത്തും തുടരുന്നതും കേരളംകണു്ടു. അപ്പോളാണാ സംശയം ജനങ്ങളിലു് ഭൂരിപക്ഷംപേ൪ക്കുമുണു്ടാകുന്നതു്- കേരളത്തിലെ മാ൪കു്സ്സിസ്സു്റ്റുനിയന്ത്രണത്തിലുള്ള ഇടതുപക്ഷജനാധിപത്യമുന്നണിഭരണം പ്രേംനസ്സീറില്ലാത്ത ഒരു എം. എ൯. നമ്പ്യാ൪സ്സിനിമയാണോയെന്നു്!

Written and first published on: 29 March 2021