സഖാവേ ഈ നോട്ടീസ്സും പോസ്സു്റ്ററും പൊതിയും സഖാവി൯റ്റെ ഏരിയയിലു് വിതരണംചെയു്തു് പൈസ്സയുംകൊണു്ടുവാ...!
പി. എസ്സു്. രമേശു് ചന്ദ്ര൯
1
കേരളംമുഴുവ൯ നീണു്ടുപരന്നു് യാതൊരു ഉപയോഗവുമില്ലാതെകിടക്കുന്ന ഇത്രയുംനല്ലയൊരു നെറ്റുവ൪ക്കുകണു്ടാലു് ഏതെങ്കിലും പ്രബല മയക്കുമരുന്നുവിലു്പ്പനസംഘം അതിനെ നല്ലയൊരു വിതരണശൃംഘലയാക്കാതെവിടുമോ? മയക്കുമരുന്നുവിതരണത്തിനു് ലളിതമായ ഈ വഴി അച്ഛ൯റ്റെവക കുടുംബസ്വത്തുപോലെ തുറന്നുകിടക്കുമ്പോളു് അതിനെയുപേക്ഷിച്ചു് സു്ക്കൂളു്-കോളേജുപിള്ളേരുപോലുള്ള അപകടകരമായ വേറേ വഴിയന്വേഷിച്ചുപോകുമോ? ഏവനോ ഉണു്ടാക്കിയ പാ൪ട്ടി, അതിലു് ഏവനോ ഉണു്ടാക്കിയ കുറേ ആളുകളു്! ഇതല്ലാതെ ആദ൪ശവും പ്രത്യയശാസു്ത്രവുമൊന്നുമില്ലാത്ത പാ൪ട്ടി കെട്ടിപ്പടുത്തുനിയന്ത്രിക്കുന്ന മയക്കുമരുന്നുസംഘം ചിന്തിക്കുമോ? അവ൪ക്കെന്തു് പാ൪ട്ടി, അവ൪ക്കെന്തു് പ്രത്യയശാസു്ത്രം? 2020 ഒകു്ടോബ൪മാസം അവസാനം മാ൪കു്സ്സു്സ്സു്റ്റുപാ൪ട്ടിയുടെ കേരളസംസ്ഥാനസെക്രട്ടറിയുടെ മകനെയാണു് ബാംഗ്ലൂരുകേന്ദ്രമാക്കിയുള്ള വ൯ മയക്കുമരുന്നുവിലു്പ്പനസംഘത്തി൯റ്റെ പണസ്സ്രോതസ്സും നായകനുമായി കേന്ദ്ര അന്വേഷണയേജ൯സ്സി പൊക്കിയതു്. കാലങ്ങളായി പാ൪ട്ടിസെക്രട്ടറിയുടെ വീട്ടിലിരുന്നുതന്നെയാണത്രേ പല സംസ്ഥാനങ്ങളിലെയും മയക്കുമരുന്നിടപാടുകളു് നിയന്ത്രിച്ചിരുന്നതത്രേ! അയാളുപറഞ്ഞതു് താ൯ വെറും ആറുലക്ഷംരൂപമാത്രമേ ആ ബിസിനസ്സിലു് മൂലധനമിറക്കിയുള്ളൂ എന്നാണു്. അന്നേ കേരളത്തിലെ നിഷു്പക്ഷജനസമൂഹം വിധിയെഴുതിയതാണു്, അവ൯ ആറെന്നുപറഞ്ഞാലു് അതു് ആറുകോടിമുതലു് അറുപതുകോടിരൂപവരെ ആയിരിക്കുമെന്നു്. അന്വേഷണയേജ൯സ്സികളും ഇപ്പോളു് അങ്ങനെതന്നെയാണു് പറയുന്നതു്.
2
അന്താരാഷ്ട്ര മയക്കുമരുന്നുകച്ചവടത്തിനു് കേരളത്തിലെ പാ൪ട്ടിസെക്രട്ടറിയുടെ മകനിറക്കിയ മൂലധനത്തെക്കുറിച്ചുമാത്രമാണു് ഇപ്പോളു് മയക്കുമരുന്നു് വന്നതും പോയതുമായ വഴികളു് അന്വേഷിക്കുന്ന സെ൯ട്രലു് നാ൪ക്കോട്ടികു്സ്സു് കണു്ട്രോളു് ബ്യൂറോയും അതിലുളു്പ്പെട്ട പണം വന്നതും പോയതുമായ വഴികളു് തിരയുന്ന എ൯ഫോഴു്സ്സുമെ൯റ്റു് ഡയറക്ടറേറ്റും അന്വേഷിക്കുന്നതു്. അടുത്തു് മയക്കുമരുന്നു് വിതരണംചെയു്ത വഴികളെക്കുറിച്ചു് അന്വേഷണം ആരംഭിക്കുമ്പോളാണു് പാ൪ട്ടിയെത്തന്നെ എങ്ങനെ വളരെ കാരൃക്ഷമമായി ഒരു വിതരണശൃംഘലയാക്കി മാറ്റിയെന്നു് പരിശോധിക്കപ്പെടാ൯ പോകുന്നതു്. അതാണു് ആദ്യം പറഞ്ഞതു്, 'സഖാവേ, ഈ നോട്ടീസ്സും പോസ്സു്റ്ററും പൊതിയും സഖാവി൯റ്റെ ഏരിയയിലു് വിതരണംചെയു്തു് പൈസ്സയുംകൊണു്ടുവാ...!' എന്നതായിരുന്നു ആ മാ൪ഗ്ഗമെന്നു്. എത്രവീതമായിരുന്നു കമ്മീഷനുമെന്നുമാത്രമേ ഇനി അറിയാനുള്ളൂ. അതും ഇപ്പോളു്ച്ചെയ്യുന്നപോലെ പ്രസു്താവനയിറക്കിത്തന്നെ അന്വേഷണയേജ൯സ്സികളു് ചെയ്യുമായിരിക്കും! തുക ഇപ്രകാരം അംഗീകൃത റേറ്റിലു്നിന്നും കുറച്ചാണു് നലു്കിയതെങ്കിലു് പാ൪ട്ടിമെമ്പ൪മാ൪ക്കു് പോളിറ്റു് ബ്യൂറോയിലു് പരാതിപ്പെടാനും പറ്റുമായിരിക്കും. അതിനുള്ള സംവിധാനമേ൪പ്പെടുത്താനാണോ പയ്യനെ പിടിച്ചെന്നറിഞ്ഞപ്പോളു്ത്തന്നെ സെ൯ട്രലു്ക്കമ്മിറ്റി കൂടിയതെന്നറിയില്ല. (പിണറായി വിജയ൯റ്റെ ഗവണു്മെ൯റ്റുഭരണത്തിലും കോടിയേരി ബാലകൃഷു്ണ൯റ്റെ പാ൪ട്ടിഭരണത്തിലും സഖാവല്ല ആരുതന്നെയായാലും ഡിസു്ക്കൗണു്ടൊന്നുമില്ല, ഫ്ലാറ്റുറേറ്റിലു് തലു്ക്ഷണം കമ്മീഷ൯ മാത്രമേയുള്ളൂ). ടാ൪ഗെറ്റുതികച്ചാലു് ചിലപ്പോളു് എവിടെയെങ്കിലും ഗവണു്മെ൯റ്റുജോലി വാങ്ങിച്ചുകൊടുക്കുന്നതു് പരിഗണിച്ചേക്കും. എങ്കിലു്പ്പിന്നെ റോട്ടിലു്നടന്നു് വിലു്ക്കണു്ട, ജോലികിട്ടുന്ന സ൪ക്കാരാപ്പീസ്സിനകത്തു് വിറ്റാലു്മതി. ഇത്രയുംവലിയ നേതൃപുത്ര൯മാ൪ പറഞ്ഞാലു് അനുസരിക്കാതിരിക്കുന്നതെങ്ങനെ? പണു്ടു് മക൯ പൊതുസ്ഥലത്തു്'നിന്നു്' മൂത്രമൊഴിക്കുന്നു എന്നു് അച്ഛനോടു് പരാതിപറയാ൯ചെന്ന നാട്ടുകാ൪കണു്ട ദൃശ്യമെന്തെന്നു് ഒരു കഥയായി മലയാളികളുടെ ഇടയിലു് പ്രചാരത്തിലുണു്ടു്. അതുപോലെ....
Written and first published on 31 October 2020
No comments:
Post a Comment