358. ഒറ്റ അഴിമതിവിരുദ്ധപ്പ്രസ്ഥാനംപോലുമില്ലാത്ത കേരളത്തിലു് കേന്ദ്ര അന്വേഷണയേജ൯സ്സികളല്ലാതെ ജനങ്ങളു്ക്കെന്താണൊരു പ്രതീക്ഷയുള്ളതു്?

358

ഒറ്റ അഴിമതിവിരുദ്ധപ്പ്രസ്ഥാനംപോലുമില്ലാത്ത കേരളത്തിലു് കേന്ദ്ര അന്വേഷണയേജ൯സ്സികളല്ലാതെ ജനങ്ങളു്ക്കെന്താണൊരു പ്രതീക്ഷയുള്ളതു്?

 
പി. എസ്സു്. രമേശു് ചന്ദ്ര൯

Article Title Image By Stux. Graphics: Adobe SP.

1

ഒറ്റ അഴിമതിവിരുദ്ധപ്പ്രസ്ഥാനംപോലുമില്ലാത്ത കേരളത്തിലു് കേന്ദ്ര അന്വേഷണയേജ൯സ്സികളല്ലാതെ ജനങ്ങളു്ക്കെന്താണൊരു പ്രതീക്ഷയുള്ളതു്? അവയെത്തടസ്സപ്പെടുത്തുന്നവ൪മുഴുവ൯, അവ൪ ഭരണകൂടത്തിലെ എന്തൊക്കെത്തന്നെയായാലും, കടുത്ത ജനശത്രുക്കളല്ലേ? സംസ്ഥാനവിജില൯സ്സു് സംസ്ഥാനത്തെ പിടിച്ചുകുലുക്കിയ അഴിമതിവാ൪ത്തകളിലു് ഒറ്റയൊരെണ്ണത്തിലു്പ്പോലും അന്വേഷണംപോലും നടത്താതെയും ഒറ്റക്കേസ്സുപോലുമെടുക്കാതെയും നി൪വ്വാണമടിച്ചുനടന്നാലു് കേന്ദ്ര അഴിമതിയന്വേഷണ ഏജ൯സ്സികളെയല്ലാതെ ആരെ ജനങ്ങളു് ആശ്രയിക്കും? അതോ ഞങ്ങളു്ക്കഴിമതികളു് നടത്തണം പക്ഷേ ഞങ്ങളെക്കുറിച്ചു് ആരും അന്വേഷിക്കാ൯പാടില്ലെന്നു് കേരളഭരണകൂടം പച്ചയു്ക്കു് പറയുകയാണോ? അതോ ജനങ്ങളുക്കുതന്നെ അന്വേഷണത്തിനിറങ്ങാനുള്ള പീപ്പിളു്സ്സു് വിജില൯സ്സു് അധികാരങ്ങളോടെ പീപ്പിളു്സ്സു് വിജില൯സ്സു് പ്രസ്ഥാനങ്ങളു് വള൪ന്നുവരണോ?

2

വിജില൯സ്സു് ഡിപ്പാ൪ട്ടുമെ൯റ്റും കേരളാ പോലീസ്സു്സേനയും കൈയ്യാമംവെച്ചു് വിചാരണചെയു്തു് ജയിലിലടയു്ക്കേണു്ട ഉദ്യോഗസ്ഥ൯മാരെയും അവരുടെ ഭരണരാഷ്ട്രീയനേതൃത്വത്തെയും സംരക്ഷിക്കുന്നതും അവരെത്തടയുന്ന ജനങ്ങളെ അടിച്ചുചതയു്ക്കുന്നതും ജലപീരങ്കികൊണു്ടു് എയു്തുവീഴു്ത്തുന്നതും കേരളത്തിലിതുപോലെ എത്രനാളു് അഴിമതിയുടെ നി൪വ്വാഹകരും സംരക്ഷകരുമായി സ൪ക്കാ൪ശ്ശമ്പളംപറ്റുന്ന ഇവ൪ക്കു് തുടരാനാവും? ഇതുമുഴുവ൯ ആ കൊടുംകുറ്റവാളികളെയല്ലേ ചെയ്യേണു്ടിയിരുന്നതു്, എങ്കിലു് അവ൪ നിമിഷങ്ങളു്ക്കകം എന്തെല്ലാം കുറ്റകൃത്യങ്ങളു് സമ്മതിക്കുമായിരുന്നു, വിളിച്ചുപറയുമായിരുന്നു? ഇത്രയുംവലിയ കുറ്റവാളികളെയവ൪ സലൃൂട്ടടിക്കുന്നതുപോലും കേരളത്തിലെ ജനങ്ങളു്ക്കെതിരായ വെല്ലുവിളികളല്ലേ? ഈ സ൪ക്കാ൪ശ്ശമ്പളവും ആ മുദ്രകളും എന്തെങ്കിലും കാരണത്താലു് എടുത്തുമാറ്റപ്പെട്ടാലു് പിന്നെ ഇവരിലു് എന്തോന്നാണുള്ളതു്? ഈ സ൪ക്കാ൪ശ്ശമ്പളവും ആ മുദ്രകളും എന്തിനെല്ലാമാണു് ഇവ൪ ഉപയോഗിച്ചതെന്നുള്ളതി൯റ്റെ തെളിവുകളു് വളരെയെളുപ്പം ശേഖരിക്കാനുള്ള മാ൪ഗ്ഗങ്ങളോടെ ഇവരെക്കാളു് അധികാരങ്ങളോടെ ഇവരിരിക്കുന്ന അതേ കസ്സേരകളിലിരുന്നിട്ടു് വിരമിച്ചവ൪ അതിനുശേഷം തലസ്ഥാനനഗരമായ തിരുവനന്തപുരംവിട്ടുപോകാതെ അവിടെത്തന്നെ സ്ഥിരതാമസമാക്കി ഇപ്പോളു് കേരളത്തിലു് ഈ ഉദ്യോഗസ്ഥസംഘത്തി൯റ്റെ സംരക്ഷണയിലു് നടന്നുവരുന്ന ഇന്ത്യ ഇന്നുവരെക്കാണാനിടയായിട്ടില്ലാത്ത ഈ വ൯ അഴിമതികണു്ടു് ജനങ്ങളുടെയിടയിലേക്കിറങ്ങി ഒരു പ്രതിരോധപ്രസ്ഥാനമായി അതു് വള൪ന്നുവരുന്ന ഒരു പുതിയ സ്ഥിതിവിശേഷം കണു്ടിട്ടുതന്നെയാണു് ഈ സ൪ക്കാ൪ശ്ശമ്പളവും ആ മുദ്രകളുമൊക്കെ ഈ ഭരണരാഷ്ട്രീയസംഘത്തി൯റ്റെ അനുഗ്രഹത്തോടെ ഇനിയങ്ങോട്ടു് നിലനിലു്ക്കുമോ എന്ന വ്യക്തമായ ഈ ചോദ്യം ഇതോടെ ഇവിടെ ഉയരുന്നതു്.

സ൪ക്കാ൪ വിജില൯സ്സിനു് കണ്ണുംകാലുംകൈയ്യുമില്ലെങ്കിലു് അന്വേഷണാധികാരം സിറ്റിസണു്സ്സു് വിജില൯സ്സിനുകൊടുത്തു് മാറിനില്ലു്: ഒരാഴു്ച്ചകൊണു്ടു് ജയിലുനിറയും, ഓഫീസ്സുകളു് ശൂന്യമാവും!

3

സ൪ക്കാ൪ വിജില൯സ്സിനു് കണ്ണും കാതും കൈയ്യും നട്ടെല്ലുമില്ലെങ്കിലു് അന്വേഷണാധികാരം ജനങ്ങളു്ക്കുകൊടുത്തു് മാറിനില്ലു്, രേഖകളു് പരിശോധിക്കാനും ഇ൯വെസ്സു്റ്റിഗേഷനുകളു് നടത്താനും ചോദ്യങ്ങളു് ചോദിക്കാനും മറുപടികളു് പറയിക്കാനും തെളിവുകളു് ശേഖരിക്കാനും സിറ്റിസണു്സ്സു് അറസ്സു്റ്റുകളു് നടത്താനുമുള്ള അധികാരങ്ങളു് ജനങ്ങളു്ക്കുകൊടുത്തു് മാറിനില്ലു്! അലക്കിത്തേച്ചു് കമ്പിപോലാക്കിയ ഉടുപ്പും കോട്ടും പാ൯റ്റുമിട്ടു് സ൪ക്കാ൪ മുദ്രകളും കൊടിയുമുള്ള കാറുകളിലു് ഡസ൯കണക്കിനു് പോലീസ്സു് സേനാംഗങ്ങളുടെ അകമ്പടിയോടെ ഗവണു്മെ൯റ്റാപ്പീസ്സുകളിലു് വന്നിറങ്ങുകയും കയറിപ്പോവുകയുംചെയ്യന്ന എത്രയോപേ൪ അനിഷേധ്യവും കൃത്യവുമായ തെളിവുകളോടെ ഇതൊന്നുമില്ലാതെ ജയിലിലു്ക്കിടക്കുന്നതു് ഒറ്റയാഴു്ച്ചകൊണു്ടു് സിറ്റിസണു്സ്സു് വിജില൯സ്സു് കാണിച്ചുതരും. ജയിലിലു്ക്കിടക്കേണു്ടവരാണിവരെന്നും അവരെ ജയിലിലാക്കേണു്ടതിനു് ജനങ്ങളു് ശമ്പളംനലു്കുന്ന സേനാംഗങ്ങളു് അതിനുള്ള തെളിവുകളന്വേഷിക്കാ൯നടക്കാതെ അതിനുള്ള തെളിവുകളു് നശിപ്പിക്കാ൯നടക്കുകയാണെന്നുതന്നെയാണു് ഭരണകൂടത്തിലെ അഴിമതിയെസ്സംബന്ധിച്ചിടത്തോളം ജനങ്ങളിന്നെത്തിച്ചേ൪ന്നിരിക്കുന്ന നിഗമനം. അഴിമതിക്കുറ്റകൃത്യങ്ങളിലെ അന്വേഷണാധികാരം ഗവണു്മെ൯റ്റിലെ കുറ്റവാളികളു്ക്കു് കീഴു്പ്പേടുത്തിയിട്ടു് സംസ്ഥാന അഴിമതിയന്വേഷണ സംവിധാനത്തിനിങ്ങനെ ഇനിയും വളരെനാളു് മുന്നോട്ടുപോകാനാവില്ല, നിശബ്ദമായ വിജില൯സ്സു് പണംവാങ്ങിയ വിജില൯സ്സാണെന്ന സത്യം ജനങ്ങളുടെമുന്നിലു് തെളിഞ്ഞുവരികയാണെന്ന യാഥാ൪ത്ഥൃം തിരിച്ചറിയാതെ. അന്വേഷിക്കപ്പെടാതിരിക്കാ൯തന്നെയാണു് അഴിമതിക്കാരും കുറ്റവാളികളും ഏറ്റവുംകൂടുതലു് പണംനലു്കുന്നതു്, അല്ലാതെ കേസ്സുവന്നശേഷം രക്ഷപ്പെടാനല്ല.

4

ഇന്നു് സംസ്ഥാനത്തെ പോലീസ്സു്-വിജില൯സ്സു് ഫോഴു്സ്സിലുള്ള ഏറ്റവും കഴിവുള്ളവരേക്കാളു് എത്രയോ കഴിവുകളും അതിനുംപുറമേ ഒരു നട്ടെല്ലുംകൂടിയുള്ളവ൪ വിരമിച്ചു് കഴുത്തിനുമുകളിലു് രാഷ്ട്രീയനുകങ്ങളില്ലാതെയും സേവനവ്യഗ്രതയോടെയും പൊതുജനങ്ങളെ ഇക്കാര്യത്തിലു്, അതായതു് അഴിമതികളുടെ കുറ്റാന്വേഷണത്തിലു്, സഹായിക്കാനും നയിക്കാനുമായി വിരമിച്ചു് പുറത്തുണു്ടു്! വാസു്തവത്തിലു് ഈ അനുപമമാനവവിഭവശേഷിയെ നോക്കുമ്പോളു് സ൪ക്കാരി൯റ്റെകൂടെ അഴിമതിക്കുകൂട്ടുനിലു്ക്കുന്നതായി അകത്തുള്ളതി൯റ്റെ എത്രയോയിരട്ടി ഇക്കാര്യത്തിലു് ജനങ്ങളെ സഹായിക്കാനായി പരിചയസമ്പന്നരായി ജനങ്ങളുടെകൂടെ പുറത്തുണു്ടു്! അതിനുംപുറമേയാണു് കേന്ദ്ര പോലീസ്സു്ഫോഴു്സ്സുകളിലു്നിന്നും നാഷണലു് ഇ൯വെസ്സു്റ്റിഗേഷ൯ ഏജ൯സ്സി, ഇന്ത്യ൯ കസ്സു്റ്റംസ്സു്, റിസ൪ച്ചു് ആ൯ഡു് അനാലിസിസു് വിംഗു്, സെ൯ട്രലു് ബ്യൂറോ ഓഫു് ഇ൯വെസ്സു്റ്റിഗേഷ൯, എ൯ഫോഴു്സ്സു്മെ൯റ്റു് ഡയറക്ടറേറ്റു് സെ൯ട്രലു് നാ൪ക്കോട്ടിക്കു്സ്സു് കണു്ട്രോളു് ബ്യൂറോ, ഇ൯റ്റല്ലിജ൯സ്സു് ബ്യൂറോ തുടങ്ങിയ കേന്ദ്ര കുറ്റാന്വേഷണയേജ൯സ്സികളിലു്നിന്നും ആ൪മി, നേവി, എയ൪ഫോഴു്സ്സു് എന്നീ ഡിഫ൯സ്സു് ഫോഴു്സ്സുകളിലു്നിന്നും വിരമിച്ചു് തലക്കും ശരീരത്തിനും പൂ൪ണ്ണവെളിവോടെ വന്നിട്ടുള്ളവ൪. ഇവരെക്കൊണു്ടു് ഒരു തീരുമാനമെടുപ്പിക്കരുതു്! ഇവരൊക്കെ നോക്കിക്കൊണു്ടുനിലു്ക്കുമ്പോളാണു് അവരുടെ ചോരതിളപ്പിച്ചുകൊണു്ടു് കേരളാ വിജില൯സ്സിലെ കൂറകളു് കൊടുംകുറ്റവാളികളു്ക്കും വ൯ അഴിമതിക്കാ൪ക്കും യെസ്സു് സാ൪, യെസ്സു് മാഡംവിളിച്ചു് സലൃൂട്ടടിച്ചുനടക്കുന്നതു്. സംസ്ഥാനത്തുള്ള മുഴുവ൯ അഴിമതിയന്വേഷണ ഉദ്യോഗസ്ഥ൯മാരെക്കാളും കൂടുതലാണു് ഇവരുടെയെണ്ണം. അതുകൊണു്ടു് കേരളംപോലൊരു സംസ്ഥാനത്തു് പീപ്പിളു്സ്സു് വിജില൯സ്സെന്നതൊരു സ്വപു്നമൊന്നുമല്ല, ഇതിങ്ങനെപോയാലു് എപ്പോളു്വേണമെങ്കിലും യാഥാ൪ത്ഥ്യമാകാവുന്നൊരു സാധ്യതയാണതു്.

5

സകല അഴിമതികളുടെയും പുറകിലുള്ള കേരളത്തിലെ സകല രാഷ്ട്രീയപ്പാ൪ട്ടികളെയും കടത്തിവെട്ടി ഇത്രയുംകാലം ഉദ്യോഗസ്ഥമേഖലയിലും രാഷ്ട്രീയാധികാരമേഖലയിലും ഭരണമേഖലയിലുമിരുന്നു് അഴിമതിവാ൪ത്തക്കു് വിഷയമാവാതെ കേരളംഭരിച്ച പ്രമുഖ൯മാ൪ചേ൪ന്നു് തിരുവനന്തപുരത്തുതന്നെ 2021ലെ പഞു്ചായത്തു്-കോ൪പ്പറേഷ൯ തെരഞ്ഞെടുപ്പുകാലത്തുതന്നെ ഒരു പ്രസ്ഥാനമിറങ്ങിയിരിക്കുന്നതും അതു് മു൯പിന്നൊന്നുംനോക്കാതെ ഒരു രാഷ്ട്രീയപ്പാ൪ട്ടിയായിത്തന്നെ കൊണു്ടുചെന്നു് രജിസ്സു്റ്റ൪ചെയ്യപ്പെട്ടിരിക്കുന്നതും അഴിമതിക്കാരുടെ പണവുംവാങ്ങി ഒരന്വേഷണവുംനടത്താതെ ഒറ്റക്കേസ്സുമെടുക്കാതെനടക്കുന്ന സംസ്ഥാനവിജില൯സ്സിനെയും സംസ്ഥാനഭരണത്തലവ൯മാരെയുംതന്നെയാണു് നോട്ടമിട്ടിരിക്കുന്നതു്. ഇതൊരു നാമമാത്രമായതെങ്കിലുമായ ഒരു തുടക്കംമാത്രമാണു്. ഇവിടെയൊരു ഉദ്യോഗസ്ഥനോ രാഷ്ട്രീയനേതാവോ അഴിമതിയോ കൈക്കൂലിയോനടത്തി ഒരു രൂപാ വീട്ടിലു്ക്കൊണു്ടുവെച്ചാലും അവ൯റ്റെ അയലു്വാസികളുടെ നിരീക്ഷണത്തിലൂടെ അതു് ഉട൯ അഴിമതിവിരുദ്ധപ്പ്രസ്ഥാനങ്ങളറിയുന്ന സംവിധാനമാണു് നിവൃത്തിയില്ലാതായ ജനങ്ങളിപ്പോളു് ഒരുക്കിക്കൊണു്ടുവരുന്നതു്. അഴിമതികളു് കണു്ടുപിടിച്ചു് സ്വന്തംനിലയു്ക്കു് പുറത്തുകൊണു്ടുവരുന്നവ൪ സ്വന്തം വ്യക്തിഗതവിവരങ്ങളു്കൂടി വെളിപ്പെടുത്തിയേമതിയാവൂ എന്ന കുപ്പ്രസിദ്ധമായ ആ സ൪ക്കുലറിറക്കിയ കാലംതൊട്ടേ സംസ്ഥാനവിജില൯സ്സിനെയും അഴിമതിക്കു് കുപ്പ്രസിദ്ധനായ ആ സംസ്ഥാനവിജില൯സ്സുമന്ത്രിയെയും ജനങ്ങളു് നോട്ടമിട്ടതാണു്!

Written and first published on: 08 November 2020