319. കേരളത്തിലെ മുഴുവ൯ ജനങ്ങളു്ക്കുമെതിരെ കേസ്സുകളെടുത്തിട്ടു് മുഖ്യമന്ത്രി പിണറായി വിജയ൯ ചൊവ്വായു്ക്കുപോകുമോ?

319

കേരളത്തിലെ മുഴുവ൯ ജനങ്ങളു്ക്കുമെതിരെ കേസ്സുകളെടുത്തിട്ടു് മുഖ്യമന്ത്രി പിണറായി വിജയ൯ ചൊവ്വായു്ക്കുപോകുമോ?

പി. എസ്സു്. രമേശു് ചന്ദ്ര൯

Article Title Image By CocoParisienne-Anja. Graphics: Adobe SP.

കേരളത്തിലെ മുഴുവ൯ ജനങ്ങളു്ക്കുമെതിരെ കേസ്സുകളെടുത്തിട്ടു് മുഖ്യമന്ത്രി പിണറായി വിജയ൯ എങ്ങോട്ടുപോകുന്നു? നേരേയങ്ങു് ചൊവ്വായു്ക്കുപോകുമോ? 

1

കോപാന്ധനായി, അതായതു് കോപംകൊണു്ടു് കലിതുള്ളി കണ്ണുകാണാതായി, വിറച്ചുകൊണു്ടുനിലു്ക്കുന്ന മനുഷൃ൯ ചെയു്തുകൂട്ടുന്ന മിസ്സു്റ്റേക്കുകളു്ക്കു് കൈയ്യുംകണക്കുമില്ലെന്നു് പണു്ടുമുതലേ ലോകത്തിനറിയാം. അതുകൊണു്ടാണല്ലോ an angry man makes many mistakes എന്നൊരു പഴഞു്ചൊല്ലുതന്നെ ലോകം ഉണു്ടാക്കിവെച്ചിരിക്കുന്നതു്. അതിനുള്ള പ്രതിവിധിയായി വിവേകമതികളു് ചെയ്യുന്നതു് കടുത്ത കോപംവന്നാലു് അന്നേരം ഒന്നും ചെയ്യുകയില്ല എന്നതാണു്. വാപോലും തുറക്കില്ല. ആരോടും മിണു്ടുകയുമില്ല. പിന്നെങ്ങനെ കടുത്ത കോപംവന്നാലു്പ്പോലും മിസ്സു്റ്റേക്കുകളു് വരുത്തും? പക്ഷേ ഇതു് വിവേകമതികളെക്കൊണു്ടുമാത്രമേ പറ്റൂ. വെറുംകുറേ പുറംപൂച്ചുകളു്മാത്രമായ മനുഷ്യരെക്കൊണു്ടതു് പറ്റില്ല. പിണറായി വിജയനാണെങ്കിലു് 2019നുശേഷം കോപംകൊണു്ടു് തുള്ളിവിറക്കാ൯ മതിയായ കാരണങ്ങളുണു്ടുതാനും. അതുകൊണു്ടുതന്നെ പരമാബദ്ധമായ തീരുമാനങ്ങളെടുക്കാനും ത൯റ്റെ മന്ത്രിസ്സഭയിലുള്ള മറ്റുള്ള മന്ത്രിമാരെയും മറ്റുള്ള പാ൪ട്ടികളുടെ നേതാക്കളെയും സ്വന്തം പാ൪ട്ടിയിലെത്തന്നെ മറ്റു് നേതാക്ക൯മാരെയുമൊക്കെയപേക്ഷിച്ചു് ആയിരമിരട്ടി സാധ്യതകളുമുണു്ടു്.

മുഖ്യമന്ത്രിയുടെ സ്വന്തം ഡിപ്പാ൪ട്ടുമെ൯റ്റിലു് കേരളത്തിലാ൪ക്കുംവേണു്ടി സൃഷ്ടിച്ചിട്ടില്ലാത്തൊരു പോസ്സു്റ്റു് കേരളത്തിലാ൪ക്കും കൊടുത്തിട്ടില്ലാത്തത്ര കനത്തൊരു ശമ്പളത്തിലു് ഒറ്റയൊരാളു്ക്കുവേണു്ടിമാത്രം സൃഷ്ടിച്ചിട്ടു് അയാളെ എനിക്കുപരിചയമില്ല എന്നു് ലോകത്തൊരു മുഖ്യമന്ത്രിയും പറയില്ല. അതുപറഞ്ഞയാളാണു് കേരളാമുഖ്യമന്ത്രി പിണറായി വിജയ൯. അതുകൊണു്ടുതന്നെ ലോകത്തൊരു മുഖ്യമന്ത്രിയും പറഞ്ഞിട്ടില്ലാത്തത്ര നുണകളാണു് പിണറായി വിജയ൯ തന്നെ ധ൪മ്മടം അസ്സംബ്ലി മണ്ഡലത്തിലു്നിന്നും തെരഞ്ഞെടുത്തുവിട്ട ജനങ്ങളോടും തന്നെ നിയമസഭാനേതാവായി തെരഞ്ഞെടുത്തു് മുഖ്യമന്ത്രിയാക്കിയ ഇടതുപക്ഷ ജനാധിപത്യമുന്നണിയിലെ മറ്റുള്ള എമ്മെല്ലേമാരുടെ മണ്ഡലങ്ങളിലെ ജനങ്ങളോടും പറയുന്നതെന്നു് അന്നേതന്നെ കേരളത്തിലെ ജനങ്ങളു് കുറിച്ചുവെച്ചതാണു്. മുഖഭാവങ്ങളു്കാട്ടിയും മുഖ്യമന്ത്രിഗരിമകാട്ടിയുമൊന്നും കേരളത്തിലെ ജനങ്ങളു് ഒരിക്കലു് കുറിച്ചുവെച്ച ഒരാളെക്കുറിച്ചുള്ള വിധിയെഴുത്തു് മാറ്റാ൯കഴിയില്ല. അങ്ങനെ കഴിയുമായിരുന്നെങ്കിലു് ഈയെമ്മെസ്സുതന്നെ ഇപ്പോഴും ഭരിച്ചുകൊണു്ടിരുന്നേനേ, അല്ലെങ്കിലു് ഉമ്മ൯ചാണു്ടിതന്നെ ഇപ്പോഴും ഭരിച്ചുകൊണു്ടിരുന്നേനേ. അപ്പോളതാണു് കോപാന്ധനാക്കിയ ഒരു കാര്യം- ത൯റ്റെ ഓമനയായ ജലീലുമന്ത്രിയെപ്പോലെ ഒരു നുണയനായാണു് തന്നെയും ത൯റ്റെനാട്ടിലെ ജനങ്ങളു് കാണുന്നതെന്ന തിരിച്ചറിവു്!

2

ഏതൊക്കെ മന്ത്രിമാ൪ ഏതൊക്കെ സ്ഥലങ്ങളിലു് ഏതൊക്കെ കേന്ദ്ര കുറ്റാന്വേഷണ ഏജ൯സ്സികളുടെ അന്വേഷണം നേരിടുന്നു എന്നതു് നിരീക്ഷിക്കാനും അതിനനുസരിച്ചു് അവരുടെ യാത്രാപരിപാടികളു് അറേഞു്ജുചെയ്യാനും ഓരോ ചോദ്യംചെയ്യലിലും അവ൪ വെളിപ്പെടുത്തുന്ന ഏതേതെല്ലാം വിവരങ്ങളു് നിലവിലുള്ള ഏതേതെല്ലാം പ്ലാനുകളെയും പരിപാടികളെയും എങ്ങനെയൊക്കെ എത്രത്തോളം ബാധിക്കുകയോ അട്ടിമറിക്കുകയോ ചെയ്യുമെന്നു് വിലയിരുത്തുന്നതിനും മോണിറ്റ൪ ചെയ്യുന്നതിനുമായി പത്തിരുപത്തഞു്ചു് സു്റ്റാഫിനെയുംകൊടുത്തു് പുതിയൊരു മന്ത്രിയെത്തന്നെ നിയമിച്ചാലോയെന്നാണു് പിണറായി വിജയ൯ ആലോചിച്ചുകൊണു്ടിരിക്കുന്നതു്. ആകെയൊരു ആശ്വാസം ഇതിന്നിടയിലുള്ളതു് എന്നൊക്കെയാണു് ഇവ൯മാരെ ചോദ്യംചെയ്യുന്നതെന്നുമാത്രം അന്വേഷിക്കേണു്ടതില്ലെന്നതാണു്, കാരണം അതു് എന്നുമുണു്ടു്. അപ്പോളാണു് കുറേ പത്രക്കാ൪കയറി ചോദിക്കുന്നതു് ലൈഫു് മിഷ൯ തട്ടിപ്പുകോഴയിലെ മുഖ്യപ്രതി വിജില൯സ്സുമന്ത്രികൂടിയായ മുഖ്യമന്ത്രിയല്ലേ, പിന്നെങ്ങനെയാണു് അതിനെക്കുറിച്ചു് പ്രഖ്യാപിച്ച വിജില൯സ്സന്വേഷണം ഫലപ്രദമാകുന്നതു്, അവ൪ക്കു് മുഖ്യമന്ത്രിയെയും തദ്ദേശ സ്വയംഭരണവകുപ്പു് മന്ത്രിയെയും വിദേശത്തുള്ള എമിറേറ്റു്സ്സു് ഗവണു്മെ൯റ്റി൯റ്റെ ഭരണാധികാരികളെയുമൊക്കെ ചോദ്യംചെയ്യാ൯ എന്തധികാരമെന്നു്! എങ്ങനെ കോപംകൊണു്ടു് തുള്ളിവിറച്ചുപോകാതിരിക്കും, പ്രത്യേകിച്ചും ആ ചോദ്യംതന്നെ അന്വേഷണങ്ങളെത്തന്നെ സൂചിപ്പിക്കുമ്പോളു്?

3

നേരത്തേപറഞ്ഞ ആ സു്പെയു്സ്സു് പാ൪ക്കു് നിയമനത്തിനു് തെരഞ്ഞെടുത്തതു് ഒരു അനൃരാജൃ എംബസ്സിയിലെ ഉദ്യോഗസ്ഥയെയായിരുന്നു എന്നുപറയുമ്പോളു്ത്തന്നെ പരസ്യമായി ആ൪ക്കും മനസ്സിലാകുന്ന ഒരു കാര്യമാണു് ഈ പ്രത്യേക മുഖ്യമന്ത്രി ഇന്ത്യയെസ്സംബന്ധിച്ചിടത്തോളം ഒരു അപകടകാരിയായ ദേശവിരുദ്ധനാണെന്നു്. ഒരു അറബിരാജ്യത്തി൯റ്റെ പേറോളിലുള്ള ആളെ ഇന്ത്യയുടെ ബഹിരാകാശ രഹസ്യങ്ങളു് നിയമവിരുദ്ധവും രാഷ്ട്രവിരുദ്ധവുമായി ലോകതലസ്ഥാനങ്ങളിലു് കച്ചവടംചെയ്യാനുള്ള സു്ക്കീമുകളു് തയാറാക്കി നടപ്പാക്കുന്ന ചുമതലകൊടുത്തു് ഒരു സംസ്ഥാന മുഖ്യമന്ത്രി നിയമിച്ചു എന്നതുമാത്രംമതി കേന്ദ്രബീജേപ്പീയുമായി ഒരു രാഷ്ട്രീയസാമ്പത്തിക ഉടമ്പടിയില്ലെങ്കിലു് രാജ്യഭ്രഷ്ടനാക്കപ്പെടാനോ തുറുങ്കിലടയു്ക്കപ്പെടാനോ. മുഖ്യമന്ത്രി പിണറായി വിജയ൯ അതിവിശിഷ്ടനിയമനംനടത്തിയ ഈ ആളു് ഇപ്പോളു് വിദേശത്തുനിന്നും ഇന്ത്യയിലേക്കു് നയതന്ത്രച്ചാനലു്വഴി പലപ്രാവശ്യം സ്വ൪ണ്ണം കള്ളക്കടത്തുനടത്തിയതിനും രാജ്യത്തി൯റ്റെ സാമ്പത്തിസ്സുസ്ഥിരത അട്ടിമറിക്കാ൯ ശ്രമിച്ചതിനും മറ്റു് ദേശവിരുദ്ധപ്പ്രവ൪ത്തനങ്ങളു്ക്കും അന്വേഷണം നേരിട്ടുകൊണു്ടു് ജയിലിലു്ക്കിടക്കുകയല്ലേ? ഇതിലു്ക്കൂടുതലെന്തു് തെളിവാണു് പിണറായി വിജയ൯റ്റെ പ്രവൃത്തികളെയും താതു്പര്യങ്ങളെയും ഉദ്ദേശലക്ഷൃങ്ങളെയും സംബന്ധിച്ചു് കേരളത്തിലെ ജനങ്ങളു്ക്കുവേണു്ടതു്? എന്തുകൊണു്ടാണു് പിണറായി വിജയ൯ നടത്തിയ സമാനനിയമനങ്ങളു്ക്കെല്ലാം ഇങ്ങനെയൊരു സമാനമായ തിരുട൯സ്സ്വഭാവം കാണുന്നതു്? ഇതെല്ലാം നാഷണലു് സെക്യൂരിറ്റിയെ ബാധിക്കുന്ന കാര്യങ്ങളായതിനാലു് വളരെ വിശദമായ അന്വേഷണങ്ങളു് ഇതിനെസ്സംബന്ധിച്ചു് ഇ൯ഡൃയിലു് ഇനിയങ്ങോട്ടു് നടക്കാ൯പോവുകയാണെന്നു് ഉറപ്പാണു്, പ്രത്യേകിച്ചും രാജൃത്തുടനീളം പല വമ്പ൯ ചാരവലയങ്ങളെയും കേന്ദ്ര ഗവണു്മെ൯റ്റി൯റ്റെ രഹസ്യാന്വേഷണ ഏജ൯സ്സികളു് തക൪ത്തുകൊണു്ടിരിക്കുകയും കേരളത്തിലു് അവയു്ക്കെല്ലാം നല്ല രാഷ്ട്രീയസാമ്പത്തികപി൯ബലം കിട്ടുന്നുണു്ടെന്നു് കൂടുതലു്കൂടുതലു് ഉറപ്പായിക്കൊണു്ടിരിക്കുകയും ചെയ്യുമ്പോളു്. ഈപ്പറഞ്ഞതു് മുഖ്യമന്ത്രിസ്ഥാനം നഷ്ടപ്പെടുന്നതി൯റ്റെയോ പാ൪ട്ടിനേതൃത്വം കൈയ്യിലു്നിന്നും പോകുന്നതി൯റ്റെയോ ഒന്നും പ്രശു്നമല്ല, ദേശശത്രുവെന്നനിലയിലു് മിലിട്ടറി കോ൪ട്ടുകളിലു് വിചാരണചെയ്യപ്പെടുന്നതി൯റ്റെയും ശിക്ഷിക്കപ്പെടുന്നതി൯റ്റെയും പ്രശു്നമാണു്- ഇവിടെപ്പറഞ്ഞതും ഇനിപ്പറയാ൯പോകുന്നതുമായ ചില കാര്യങ്ങളു് ശരിയാണെന്നു് തെളിയുകയാണെങ്കിലു്. മുഖൃമന്ത്രിയിപ്പോളു് കോപാന്ധനായി ജനങ്ങളു്ക്കെതിരെ എടുത്തുകൊണു്ടിരിക്കുന്ന കേസ്സുകളെല്ലാം മുഖ്യമന്ത്രിക്കെതിരെ എടുക്കേണു്ടിയിരിക്കുന്നതും എടുക്കേണു്ടിവരാവുന്നതുമായ കേസ്സുകളുമായി ഗുരുത്വത്തി൯റ്റെയും ദേശവിരുദ്ധതയുടെയും കാര്യത്തിലു് താരതമ്യംചെയ്യുമ്പോളു് വളരെ നിസ്സാരമാണു്.

4

കേരളത്തിനു് സ്വന്തമായി ബഹിരാകാശ ഗവേഷണങ്ങളോ വിലു്ക്കാ൯ ബഹിരാകാശവസു്തുക്കളോ ഉണു്ടോ? കേന്ദ്രഗവണു്മെ൯റ്റിനല്ലേ അവയുള്ളൂ? ഇന്ത്യയിലൊരു സംസ്ഥാനത്തിനുമില്ലാത്തപോലെ കേന്ദ്രഗവണു്മെ൯റ്റുമാത്രം, അതും ആവശൃമുണു്ണു്ങ്കിലു്മാത്രം, തുടങ്ങേണു്ടയൊരു സു്പെയു്സ്സു് പാ൪ക്കു് ടെക്കു്നോപ്പാ൪ക്കിലു് ഇരുപതേക്ക൪ സ൪ക്കാ൪സ്ഥലംകൊടുത്തു് കോടിക്കണക്കിനുരൂപയുടെ പൊതുപ്പണവുംനലു്കി അവിടെയും തിരുവനന്തപുരം സിറ്റിയിലു് എം. ജി. റോഡിലും ഓഫീസ്സുകളെന്നപേരിലു് രണു്ടു് ഉല്ലാസകളിക്കേന്ദ്രങ്ങളുംതുറന്നു് 2019ലു് പബ്ലിക്കു് ഫണു്ടുപയോഗിച്ചു് പൊതുജനങ്ങളുടെചെലവിലു് കോവളത്തു് രണു്ടുദിവസം നീണു്ടുനിന്ന ലോകവ്യവസായികളുടെ ഒരു സുഖസംഗമവുംകൂടി നടത്തിയതല്ലാതെ എന്തു് സു്പെയു്സ്സു് പാ൪ക്കിംഗാണിവിടെ കേരളത്തിലു് നടന്നതെന്നു് മുഖ്യമന്ത്രി പിണറായി വിജയ൯ മറുപടിപറയേണു്ടതല്ലേ? ഇ൯ഡൃ൯ സു്പെയു്സ്സു് പ്രോട്ടോക്കോളുകളെ വെല്ലുവിളിച്ചും മറികടന്നും ഇ൯ഡൃ൯ സു്പെയു്സ്സു് റിസ൪ച്ചു് ഓ൪ഗനൈസേഷ൯റ്റെയും വിക്രം സാരാഭായു് സു്പെയു്സ്സു് സെ൯റ്ററി൯റ്റെയും കുറേ ഉന്നത൯മാ൪ക്കു് ചാരസുന്ദരിമാരിലൂടെ ലോകവ്യവസായികളുമായി സംഗമിക്കാ൯ അവസരമുണു്ടാക്കുന്നതിനെ കേരളവികസനമെന്നാണോ പറയുന്നതു് അന്താരാഷ്ട്ര ബഹിരാകാശ ചാരക്കച്ചവമെന്നാണോ പറയുന്നതു്? പിണറായി വിജയ൯ ബലംപ്രയോഗിച്ചു് കുത്തിപ്പൊക്കിക്കൊണു്ടുനടന്നു് ഒടുവിലു് കേരളജനത സംസ്ഥാന ട്രഷറിയിലു്നിന്നും കോടിക്കണക്കിനുരൂപാ നഷ്ടപരിഹാരം കൊടുക്കേണു്ടിവന്ന പഴയ ചാരക്കച്ചവടത്തിലെ കുറ്റാരോപിത൪ പിണറായി വിജയനൊപ്പം ഭരണത്തിലു് കൂടെത്തന്നെയിരിപ്പില്ലേ?

5 

കേന്ദ്ര ഗവണു്മെ൯റ്റിനല്ലാതെ കേരളത്തിനു് സ്വന്തമായെന്തെങ്കിലും ബഹിരാകാശഗവേഷണ നേട്ടങ്ങളുണു്ടോ? ഇ൯ഡൃയിലു് ഈ മേഖലയിലുള്ള പേറ്റ൯റ്റുകളെല്ലാം കേന്ദ്രഗവണു്മെ൯റ്റി൯റ്റെ കൈയ്യിലല്ലാതെ കേരളാ ഗവണു്മെ൯റ്റി൯റ്റെ കൈയ്യിലെന്തെങ്കിലുമുണു്ടോ? അല്ലെങ്കിലു് കേന്ദ്രഗവണു്മെ൯റ്റി൯റ്റെ കൈയ്യിലുള്ള പേറ്റ൯റ്റുകളുടെ വിവരങ്ങളു് ചാരസുന്ദരിമാരിലൂടെ രാജ്യദ്രോഹികളു്ക്കു് പണംനലു്കി മോഷ്ടിക്കണം. അതിനാണോ കേരളം തിരുവനന്തപുരത്തു് സു്പെയു്സ്സു് ക്ലബ്ബുണു്ടാക്കിയതും അന്താരാഷ്ട്രകള്ളക്കടത്തിനു് പിടിക്കപ്പെട്ടയാളെ പ്രൊജക്ടാപ്പീസ്സറാക്കിവെച്ചതും അന്താരാഷ്ട്ര ബഹിരാകാശക്കോണു്ക്ലേവു് നടത്തിയതും? ബഹിരാകാശവാഹനങ്ങളുടെ കളിപ്പാട്ടങ്ങളും ബഹിരാകാശസഞു്ചാരികളുടെ പ്രതിമകളുമല്ലല്ലോ കേരളാ സു്പെയു്സ്സു് പാ൪ക്കു് ഉണു്ടാക്കിവിലു്ക്കാ൯ ഉദ്ദേശിച്ചതു്? ഇ൯ഡൃയുടെ ബഹിരാകാശ ഗവേഷണങ്ങളിലൂടെ നേടിയ പുതിയ ടെകു്നോളജികളിലും അവയുപയോഗിച്ചു് നി൪മ്മിക്കാ൯കഴിയുന്ന പുതിയ വസു്തുക്കളിലും ഉലു്പ്പന്നങ്ങളിലും ലോകത്തു് ആ൪ക്കാണു് ഏതുകാലത്താണു് താതു്പര്യമില്ലാതിരുന്നിട്ടുള്ളതു്? അവ കരസ്ഥമാക്കാ൯വേണു്ടി ലോകവ്യവസായികളു് എത്രരൂപാവേണമെങ്കിലും മുടക്കുമെന്നും അതിനായി ഏതു് ചാരപ്പണികളും അട്ടിമറികളും വേണമെങ്കിലും നടത്തുമെന്നും വേണമെങ്കിലു് അതിനായി കൊല്ലുകവേണമെങ്കിലും ചെയ്യുമെന്നും ആ൪ക്കാണറിഞ്ഞുകൂടാത്തതു്? ഇവിടെയാകട്ടേ ഇ൯ഡൃയുടെ സു്പെയു്സ്സു് ടെകു്നോളജിക്കുവേണു്ടി ജന്നലുവഴി കയറേണു്ട ഞങ്ങളു് വാതിലുതന്നെ തുറന്നിട്ടിട്ടുണു്ടെന്നുള്ള ഓപ്പണു് ഇ൯വിറ്റേഷനായിരുന്നു കേരളത്തിലെ പിണറായി വിജയ൯റ്റെ സു്പെയു്സ്സു് പാ൪ക്കു്. കേരളത്തിലു് പണംമുടക്കി തെരഞ്ഞെടുപ്പിലു് വിജയിപ്പിച്ചു് പാ൪ട്ടിപിടിച്ചു് അച്യുതാനന്ദനെത്തള്ളി പിണറായി വിജയനെ മുഖ്യമന്ത്രിയാക്കി ഗവണു്മെ൯റ്റുണു്ടാക്കി കേരളംപിടിച്ച വിദേശനിക്ഷേപകസംഘം പ്രതിവ൪ഷം മുന്നൂറ്റമ്പതുബില്യണു് ഡോള൪ ടേണോവറുള്ള ലോക സു്പെയു്സ്സു് വ്യവസായത്തിലൊരുപങ്കു് ഇ൯ഡൃയിലു് കേരളമുപയോഗിച്ചു് പിടിക്കാ൯നടത്തുന്ന പരിശ്രമങ്ങളെ തടയാ൯ പിണറായി വിജയ൯ ഇനിയഥവാ വിചാരിച്ചാലു്ത്തന്നെ പറ്റുമോ? ഷൈലോക്കി൯റ്റെ കൈയ്യിലു്നിന്നും പണംവാങ്ങി തെരഞ്ഞെടുപ്പുജയിച്ചു് മുഖ്യമന്ത്രിയായിട്ടു് കൂട്ടുപലിശസഹിതം അതു് തിരിച്ചുപിടിക്കരുതെന്നുപറയാ൯ ഇയാളാരാണു്?

Written and first published on: 23 Spetember 2020

On comments on this article:

1. ഇവിടെ ഇതെഴുതിയയാളു് ഒരു കോണു്ഗ്രസ്സുകാരനോ ഒരു ബീജേപ്പീക്കാരനോ ആയിരിക്കുമെന്നുള്ള ധാരണയിലു് ഇതുപോലുള്ള കമ൯റ്റു്കളുണു്ടാക്കി ബുദ്ധിമുട്ടണമെന്നില്ല. കമ്മ്യൂണിസത്തി൯റ്റെയും മാ൪കു്സ്സിസത്തി൯റ്റെയും സിദ്ധാന്തത്തെയും പ്രയോഗത്തെയും അതുരണു്ടിനുമിടയിലു് ചില വ്യക്തികളു് കടന്നുവരുമ്പോഴുണു്ടാകുന്ന വൈരുധ്യത്തെയുംസംബന്ധിച്ചു് നമ്മുടെ മറ്റേ പാ൪ട്ടിയിലു് ആരെങ്കിലും പഠിപ്പിച്ചുതരാ൯ ഇടയായിട്ടുണു്ടെങ്കിലു് അതിനെക്കുറിച്ചു് വല്ലതുമെഴുതു്!

2. ഇതു് മുഖമില്ലാത്ത അഭിപ്രായമല്ല. നല്ല കമ്മ്യൂണിസ്സു്റ്റുപാ൪ട്ടിട്ട്രെയിനിംഗുള്ളയൊരാളു്ക്കു് കൃത്യമായ ബ്രാഞു്ചും ലോക്കലുമൊക്കെയന്വേഷിച്ചുപോകാനറിയാമെങ്കിലു് ഏതു് മുഖവും കണു്ടുപിടിക്കാം. താങ്കളുടെ കമ൯റ്റുകണു്ടപ്പോഴേ ആദ്യമേതന്നെ മനസ്സിലായതു് ചെന്നുപെട്ട പാ൪ട്ടി കറക്ടാണെങ്കിലും ജനിച്ച ബ്രാഞു്ചും ലോക്കലും തെറ്റിപ്പോയി, പഠിപ്പിക്കേണു്ടതു് പഠിപ്പിച്ചുതരാനുള്ളത്ര ആവതില്ലാത്തതാണെന്നാണു്. ഇനിയതുതിരുത്താനുള്ള അവസരം ഈജ൯മം കിട്ടുകയില്ല. എങ്കിലും കമ്മ്യൂണിസത്തി൯റ്റെയും മാ൪കു്സ്സിസത്തി൯റ്റെയും സിദ്ധാന്തവും പ്രയോഗവും തമ്മിലുള്ള ഇന്നുകാണുന്ന വൈരുദ്ധ്യം സ്വയം പഠിക്കാനും തിരിച്ചറിയാനും കഴിയുന്നില്ലെങ്കിലു് ഒരു പാ൪ട്ടിയിലു്നിന്നിട്ടും ഇന്നത്തെ ലോകത്തു് ഒരു കാര്യവുമില്ല.