1822
നൂറുവ൪ഷങ്ങളു്ക്കുമുമ്പു് നാരായണഗുരുവും മഹാത്മാഗാന്ധിയുംതമ്മിലു്നടന്ന കൂടിക്കാഴു്ച്ചയുടെയനുസ്സു്മരണം കോണു്ഗ്രസ്സു് അന്തസ്സുള്ളതാക്കി. നാരായണഗുരുസ്ഥാപിച്ചു് ഇന്നു് മാ൪കു്സ്സിസ്സു്റ്റുപാ൪ട്ടിയുടെപിടിയിലു്പ്പെട്ട എസ്സെ൯ഡീപ്പീയോ?
പി. എസ്സു്. രമേശു് ചന്ദ്ര൯
1925 മാ൪ച്ചുമാസം 12നാണു് കേരളത്തിലു് വ൪ക്കല ശിവഗിരിയിലു്വെച്ചു് മഹാത്മാഗാന്ധിയും നാരായണഗുരുവുംതമ്മിലുള്ള ആ ഐതിഹാസികമായ കൂടിക്കാഴു്ച്ചനടന്നതു്. ആരു് ആരെയാണു് കൂടുതലു്സ്വാധീനിച്ചതെന്നതു് ഇന്നുംനമുക്കറിഞ്ഞുകൂട. ലോകത്തിതുപോലെ ഏതെല്ലാംഭൂഖണ്ഡങ്ങളിലു് ഏതെല്ലാംരാജ്യങ്ങളിലു് എത്രയോമഹാ൯മാരെയും അവരുടെദ൪ശ്ശനങ്ങളെയും പരിചയപ്പെട്ടിട്ടുള്ളയാളാണു് ഗാന്ധി! ഗ്രാമസ്സ്വരാജും അയിത്തോച്ഛാടനവുംപോലെ ത൯റ്റേതുമായനേകംസാമ്യങ്ങളുള്ള നാരായണദ൪ശ്ശനത്തിലാകൃഷ്ടനായി അതുകഴിഞ്ഞുവീണു്ടും ഗാന്ധി രണു്ടുപ്രാവശ്യംകൂടിയവിടെവന്നു.
2025 മാ൪ച്ചുമാസം 12നു് രാഷ്ട്രീയത്തിലെയും തത്വചിന്തയിലെയും രണു്ടുനക്ഷത്രങ്ങളു്കണു്ടുമുട്ടുന്ന ഈ മഹാസംഗമത്തിനു് നൂറുവ൪ഷംതികഞ്ഞു. ഇ൯ഡൃയിലും കേരളത്തിലുമൊരുപാടുസംഘടനകളു്ക്കു് ഇതാഘോഷിക്കാ൯ അ൪ഹതയും അവകാശവും അവസരവും ബാധ്യതയുമുണു്ടായിട്ടും ഇ൯ഡൃ൯ നാഷണലു് കോണു്ഗ്രസ്സെന്നൊരു രാഷ്ട്രീയസംഘടനമാത്രമാണു് നാരായണഗുരുവും ഗാന്ധിയും എന്തൊക്കെയാണുചിന്തിച്ചിരുന്നതു് എന്തൊക്കെയാണുപ്രവ൪ത്തിച്ചിരുന്നതു് എന്നൊക്കെവീണു്ടും ജനങ്ങളുടെയിടയിലു്ച്ച൪ച്ചയാക്കിക്കൊണു്ടു് ആദിനം കേരളത്തിലു് സമുചിതമായരീതിയിലാചരിച്ചതു്. നാരായണഗുരുതന്നെസ്ഥാപിച്ച എസ്സെ൯ഡീപ്പീയോഗമെന്ന ശ്രീനാരായണധ൪മ്മപരിപാലനയോഗം മുതലങ്ങോട്ടുള്ളയനേകംസംഘടനകളു് അതിനൊന്നുമൊരുങ്ങിയില്ലെന്നതു് നമ്മെയമ്പരപ്പിക്കുന്നില്ല.
ശ്രീനാരായണധ൪മ്മപരിപാലനമെന്നുപറയുന്നതു് വിഷു്ണുവവതാരങ്ങളു്തന്നെയായ പരശുരാമാവതാരവും ശ്രീകൃഷു്ണാവതാരവുംപോലെ ആവശ്യവുമനാവശ്യവുമായ യുദ്ധങ്ങളിലേ൪പ്പെട്ടു് നിരപരാധികളായയനേകമനുഷ്യരുടെ മരണത്തിനുകാരണമാകുന്നതിനുപകരം അവതാരബാഹ്യനായ ശ്രീനാരായണനായവിഷു്ണുവി൯റ്റെധ൪മ്മമായ തി൯മയു്ക്കെതിരെയുള്ളപോരാട്ടവും ലോകസുഖപരിപാലനവുമാണു് എന്നതിനുപകരം ആസ്സംഘടന നാരായണഗുരുവി൯റ്റെധ൪മ്മങ്ങളെ പരിപാലിക്കുന്നതിനുള്ള ആത്മസുഖസംഘടനയാണെന്നുധരിച്ചിട്ടുള്ള എസ്സെ൯ഡീപ്പീയുടെനേതാക്കളും പ്രവ൪ത്തകരും ആദിനം ഓ൪ത്താലോ ഓ൪ത്താലു്ത്തന്നെയതു് ആചരിച്ചാലോ ആണു് നമുക്കത്ഭുതം.
നൂറുവ൪ഷങ്ങളു്ക്കുമുമ്പു് മഹാത്മാഗാന്ധിയും നാരായണഗുരുവുംതമ്മിലു്നടന്ന കൂടിക്കാഴു്ച്ചയുടെയനുസ്സു്മരണത്തിനു് ആ മഹാസംഗമംനടന്നശിവഗിരിയിലു്നടന്നമാ൪ച്ചിനെ അബു്ക്കാരിക്കുടുംബംനയിച്ചു! എന്തൊരഭിമാനമുഹൂ൪ത്തം!! മുക്കാലിയിലു്ക്കെട്ടിയടിക്കണോ പോയിയാത്മഹത്യചെയ്യാ൯പറയണോ? അതാമഹത്തായസംഭവത്തി൯റ്റെ അനുസ്സു്മരണമോമരണമോ? ഇ൯ഡൃ൯ നാഷണലു് കോണു്ഗ്രസ്സു് എത്രയന്തസ്സായാണു് തിരുവനന്തപുരത്തൊരു മഹായോഗത്തിലൂടെ അതി൯റ്റെയനുസ്സു്മരണംനടത്തിയതു്! കേന്ദ്രബീജേപ്പീയുടെയും ഗാന്ധിഘാതകരുടെയുംപിടിയിലു്പ്പെട്ട മാ൪കു്സ്സിസ്സു്റ്റുപാ൪ട്ടിയുടെപിടിയിലു്പ്പെട്ടു് മദ്യോപാസ്സകരായി അന്നന്നുകാണന്നവനെയച്ഛായെന്നുവിളിച്ചുനടക്കുന്ന എസ്സെ൯ഡീപ്പീയു്ക്കും ശിവഗിരിയു്ക്കും ഇതല്ലേപറ്റൂ!!
ചില൪സംശയിച്ചേക്കും എന്തിനാണു് ഇതിനകത്തു് നാരായണഗുരുവും മഹാത്മാഗാന്ധിയും എന്നെഴുതുന്നതിനുപകരം മഹാത്മാഗാന്ധിയും നാരായണഗുരുവും എന്നെഴുതിയതെന്നു്. ലാളിത്യവും പരബഹുമാനവുമെന്ന അതാണുനാരായണദ൪ശ്ശനം!
Written on 13 March 2025 and first published on 25 March 2025
No comments:
Post a Comment