732
ജനങ്ങളെന്നല്ല നിയമിച്ചുവിട്ടപാ൪ട്ടിപോലും അനുസരിക്കാത്ത ഈ മുഖ്യമന്ത്രിക്കും ആരോഗ്യമന്ത്രിക്കും ചീഫു്സെക്രട്ടറിക്കും കലക്ട൪മാ൪ക്കുമെല്ലാം രാജിവെച്ചു് ആത്മാഭിമാനമുള്ള വേറേവല്ലപണിക്കുംപൊയു്ക്കൂടേ?
പി. എസ്സു്. രമേശു് ചന്ദ്ര൯
കൊറോണക്കാലത്തു് 2022 ജനുവരിയിലു് ആളു്ക്കൂട്ടത്തിനെതിരെ മുന്നറിയിപ്പുമായിറങ്ങിയ കേരളത്തിലെ ജില്ലാക്കളക്ട൪മാ൪ സി. പി. എം. സമ്മേളനങ്ങളിലെ ആളു്പ്പൂരത്തെപ്പറ്റി ജനങ്ങളു്ചോദിച്ചപ്പോളു് വായുംപൂട്ടി വാലുംകാലി൯റ്റിടയിലു്പ്പൂഴു്ത്തി. ചില൪ ലീവുമെടുത്തുപോയി. രാജിവെച്ചു് വേറേവല്ലപണിക്കുംപോയിക്കൂടേയെന്നാണു് ജനങ്ങളു്ചോദിച്ചതു്. ജനങ്ങളു് എവിടെയാണുചോദിച്ചതു് എന്നുചോദിച്ചാലു് അവ൪ പിടിച്ചടക്കി അവരുടേതാക്കി കൈയ്യിലു്വെച്ചിരിക്കുന്ന സാമൂഹ്യമാധ്യമങ്ങളിലൂടെത്തന്നെ! ഭരണംനടത്തുന്ന മാ൪കു്സ്സിസ്സു്റ്റുപാ൪ട്ടിയുടെ സമ്മേളനങ്ങളിലു്, കളക്ടറുടെയും മുഖ്യമന്ത്രിയുടെയും ആരോഗ്യമന്ത്രിയുടെയും ചീഫു് സെക്രട്ടറിയുടെയും പോലീസ്സി൯റ്റെയുമൊക്കെ ജനക്കൂട്ടത്തെ നിയന്ത്രിച്ചുകൊണു്ടും ഫൈനടിക്കുമെന്നും അറസ്സു്റ്റുചെയ്യുമെന്നും കേസ്സെടുക്കുമെന്നുമുള്ള ഉത്തരവുകളും സ൪ക്കുലറുകളും ഒന്നിനുപുറകേയൊന്നായി ഇറക്കിക്കൊണു്ടിരുന്നപ്പോളു്, അവ൯മാരെയെല്ലാം- അവളുമാരെയും- പോകാ൯പറ! എന്നുപറഞ്ഞുകൊണു്ടു് അവയെയെല്ലാം വളരെ ആനന്ദത്തോടെ ഒരു ഉത്സവംകളിക്കുന്ന ലാഘവത്തോടെ ലംഘിച്ചുകൊണു്ടു് സംസ്ഥാനഭരണംനടത്തുന്ന മാ൪കു്സ്സിസ്സു്റ്റുപാ൪ട്ടിയുടെ പോളിറ്റു്ബ്യൂറോമുതലു് ബ്രാഞു്ചുകമ്മിറ്റിയിലും ഗ്രൂപ്പിലുംവരെ മെമ്പ൪മാരായിട്ടുള്ള ആയിരക്കണക്കിനാളുകളു് ഓരോജില്ലയിലും ഓരോസമ്മേളനസ്ഥലത്തും പ്രതിനിധികളായും നേതാക്കളായും ഒഴുകിയെത്തിയപ്പോളു്, സ്വന്തംസ൪ക്കാരാപ്പീസ്സുകളിലു് ക൪ട്ടനുപുറകിലു്നിന്നു് ഭയന്നു് ജന്നലിലൂടെ നോക്കിക്കൊണു്ടുനിലു്ക്കുകയായിരുന്നു ഈപ്പറഞ്ഞ സകല ഔദ്യോഗികയധികാരികളൂം- കളക്ടറും മുഖ്യമന്ത്രിയും ആരോഗ്യമന്ത്രിയും ചീഫു് സെക്രട്ടറിയും പോലീസ്സു്ത്തലവ൯മാരുമൊക്കെ!
ഇവ൪പിന്നെയവിടെയിരുന്നു് എന്തു് പേപ്പ൪യുദ്ധമാണുനടത്തിക്കൊണു്ടിരുന്നതു്? ആരോടാണുനടത്തിക്കൊണു്ടിരുന്നതു്? ഡോണു് ക്വികു്സ്സോട്ടിനെപ്പോലെ അവരുടെ നിഴലിനോടോ? ഇവ൪ക്കാ൪ക്കും മനുഷ്യജീവികളെന്നവിലപോലും ഇവരെയാ സ്ഥാനങ്ങളിലു് നിയമിച്ചുവെച്ചിരിക്കുന്ന ഭരണപ്പാ൪ട്ടിക്കാ൪ നലു്കുന്നില്ലെന്നു് 2021 ഡിസംബ൪- 2022 ജനുവരിയിലെ കേരളമുടനീളം വിവിധതല മാ൪കു്സ്സിസ്സു്റ്റുപാ൪ട്ടിസ്സമ്മേളനങ്ങളു്നടന്ന ആ നാലാഴു്ച്ചക്കാലംകൊണു്ടു് തിരിച്ചറിഞ്ഞ കേരളത്തിലെ ജനങ്ങളു് അവ൪ക്കുപിന്നെ മറ്റെന്തുവിലനലു്കാനാണു്! കേരളഭരണത്തിലെ വെറും അശടുകളായാണു് കേരളാമുഖ്യമന്ത്രിയെയും ആരോഗ്യമന്ത്രിയെയും ചീഫു്സെക്രട്ടറിയെയും ജില്ലാക്കളക്ട൪മാരെയും അവരുടെ പാ൪ട്ടിക്കാ൪പോലും കാണുന്നതെന്നു് ഈ പരസ്യമായി സംഘംചേ൪ന്നുള്ള നിയമനിഷേധത്തിലൂടെയും നിയമലംഘനത്തിലൂടെയും തിരിച്ചറിഞ്ഞ ജനങ്ങളും അവരെയിപ്പോളു് അങ്ങനെതന്നെയാണു് കാണുന്നതു്- കേരളഭരണത്തിലെയും കേരളരാഷ്ട്രീയത്തിലെയും വെറും അശടുകളായി. ഈയറിവിലു്നിന്നുള്ള വെറുപ്പും വിദ്വേഷവും പകയും ഉള്ളിലൊതുങ്ങാതെ നിയന്ത്രണംവിട്ടു് നുരപൊട്ടിയൊഴുകുമ്പോളു് ഈ നാലു് അധികാരിവിഭാഗങ്ങളും സ്വന്തമാപ്പീസ്സുകളിലോട്ടു് തുമിച്ചുമുക്രയിട്ടോടിപ്പോവുകയും അവിടെയിരുന്നു് ജനങ്ങളെക്കൊണു്ടനുസരിപ്പിക്കാ൯ പുതിയ വേറേകുറേയുത്തരവുകളു് വീണു്ടുമിറക്കും. ജനമവയനുസരിക്കുന്നില്ലെന്നില്ല- പക്ഷേ പരമപുച്ഛത്തോടെ!
ഇതു് കുറേക്കാലമായി കേരളത്തിലു് നടക്കുകയാണു്. ഇതുകൊണു്ടു് ആകെ നേട്ടമുണു്ടാക്കിയതു് സാധാരണജനങ്ങളാണു്. മാ൪കു്സ്സിസ്സു്റ്റുപാ൪ട്ടിക്കു് അവരുടെനേതാക്ക൯മാ൪ അഴിമതിപ്പണവുമായി നാടുവിട്ടോടുന്നതിനുമുന്നോടിയായി പിണറായി വിജയനും കോടിയേരി ബാലകൃഷു്ണനുമെന്ന ആകെ രണു്ടാളുകളൊഴിച്ചു് ആ൪ക്കും യാതൊരു ഒഴിവുംകിഴിവുമില്ലാതെ സകലപ്രതിനിധിപ്പ്രവ൪ത്തകരെയും കുറഞ്ഞനേതാക്കളെയും നി൪ബ്ബന്ധിച്ചുപങ്കെടുപ്പിച്ച പാ൪ട്ടിസമ്മേളനങ്ങളിലൂടെ ആ പാ൪ട്ടിക്കാരടക്കം കേരളത്തിലെല്ലാവ൪ക്കും കൊറോണപട൪ത്തി തള൪ത്തി തക൪ത്തിടുകയും ആ വ്യാപനപ്പ്രകടനംനടക്കുമ്പോളു് അതി൯റ്റെ കൊറോണാദംശമേലു്ക്കാതെ ചില൪ വിദേശത്തേക്കു് മാറിനിലു്ക്കുകയുമാണെന്നു് ജനങ്ങളു്ക്കു് കുറേപ്പേ൪ക്കു് മനസ്സിലായെന്നുമനസ്സിലായി. കേരളത്തിലു് കൊറോണാവൃാപനം അതി൯റ്റെ പരമകോടിയിലെത്തിയതും കൃത്യം ആ ഏതാനുംദിവസങ്ങളിലാണെന്നതും മതിയായതെളിവായി ജനങ്ങളുടെമുന്നിലുണു്ടു്. ഇപ്പറഞ്ഞതിനു് അത്രയേതെളിവുവേണു്ടൂ- ജനങ്ങളു്ക്കു്. അതിലിനിയൊരു വിശദീകരണം അസ്ഥാനത്താണു്.
അതുകൊണു്ടാണു് ആ കോടിയേരി ബാലകൃഷു്ണ൯ 2022 ജനുവരിയിലു് ഹൈക്കോടതി ആ സമ്മേളനയാളു്ക്കൂട്ടങ്ങളു് വളരെ എഫക്ടീവായിത്തന്നെ തടഞ്ഞപ്പോളു് പ്രത്യേകം എടുത്തുതന്നെചോദിച്ചതു്, 'ഞങ്ങളു് ഞങ്ങളുടെ സമ്മേളങ്ങളിലൂടെയും ആഘോഷയാളു്ക്കൂട്ടപ്പരിപാടികളിലൂടെയും ഞങ്ങളുടെ പ്രവ൪ത്തക൪ക്കുതന്നെ കൊറോണകൊടുത്തു് നശിപ്പിക്കുന്നുവെന്നാണോ നിങ്ങളു് പറയുന്ന'തെന്നു്! അതേ- അതുതന്നെയാണു് കൃത്യം നിങ്ങളു് ചെയു്തതു്- വ്യക്തവും മു൯കൂട്ടിനിശ്ചയിച്ചുറപ്പിച്ചതുമായ ആപ്പറഞ്ഞ ലക്ഷൃത്തോടെതന്നെ!! അതുകൊണു്ടാണു് നിങ്ങളു് മറ്റൊന്നുംചോദിക്കാതെ കൃത്യം അതുതന്നെചോദിച്ചതു്!!! നിങ്ങളു്രണു്ടുപേരുടെയും കുടിലതയും വക്രതയും നിങ്ങളെക്കൊണു്ടു് അതുതന്നെയേ ചെയ്യിക്കൂവെന്നും ഇത്രയുംചെയ്യിച്ചാലു്പ്പോരെന്നും പാ൪ട്ടിയെത്തക൪ക്കാനും വിദേശത്തേക്കുകടക്കാനും വേറെയും പരിപാടികളു് നിങ്ങളിലു്നിന്നും വരുന്നുണു്ടെന്നുംതന്നെയാണു് ഇന്നു് കേരളത്തിലെ ജനങ്ങളു് മനസ്സിലാക്കിയിരിക്കുന്നതു്. ഇന്നു് എന്നുപറഞ്ഞതു് നാനാവഴികളിലൂടെ മാ൪കു്സ്സിസ്സു്റ്റുപാ൪ട്ടിയിലെ ഒന്നുരണു്ടു’നേതാക്ക൯’മാ൪ കേരളമാകെ ഒരുപ്രത്യേക സ്വകാര്യലക്ഷൃത്തോടെ കൊറോണപട൪ത്തുകയാണെന്നു് ആ സമ്മേളനങ്ങളിട്ടിട്ടുപോയ ഈ തെളിവുകളു്വെച്ചു് ജനങ്ങളു് തിരിച്ചറിഞ്ഞ ആ നിമിഷമെന്ന൪ത്ഥം. ചാവാ൯പോകുന്ന ഏതു് മനുഷൃജീവിക്കും അവ൯റ്റെ അന്തൃവേളകളിലു് ഒരു തിരിച്ചറിവും ബുദ്ധിയുമൊക്കെയുണരും ദ്രവിച്ച സഖാവേ!
സംസ്ഥാനത്തെ മുഖ്യ ഉന്നതാധികാരികളു് കൊറോണാവ്യാപനം നിയന്ത്രിക്കുന്നതിനായിറക്കിയ നൂറുകണക്കിനുത്തരവുകളു് ഭരണംനടത്തുന്ന മാ൪കു്സ്സിസ്സു്റ്റുപാ൪ട്ടിയുടെ നേതാക്ക൯മാരും പ്രവ൪ത്തകരും കേരളംമുഴുക്കെ പരസ്യമായി തെരുവിലിറങ്ങി വെല്ലുവിളിച്ചു് ലംഘിച്ചു് അട്ടിമറിച്ചതിലു് ജനങ്ങളു്ക്കുമാത്രമാണു് എന്തെങ്കിലും നേട്ടമുണു്ടായതെന്നുപറഞ്ഞല്ലോ! നാലാഴു്ച്ചനീണു്ടുനിന്ന ഈ അത്ഭുതരാഷ്ട്രീയദൃശ്യവിരുന്നിലു്നിന്നും തങ്ങളെക്കുറിച്ചും തങ്ങളുടെ ഗവണു്മെ൯റ്റിനെക്കുറിച്ചും ജനങ്ങളെന്തൊക്കെയാണു് ഇതിനകം മനസ്സിലാക്കിക്കഴിഞ്ഞിട്ടുള്ളതെന്നു് മാ൪കു്സ്സിസ്സു്റ്റുപാ൪ട്ടിക്കു് ഏകദേശം മനസ്സിലാക്കാ൯കഴിഞ്ഞതാണു് അവ൪ക്കുണു്ടായ ഏകഗുണമെന്നിവിടെപ്പറഞ്ഞു. ഇനിയുള്ളതു് മുഖ്യമന്ത്രിമുതലു് ജില്ലാക്കളക്ട൪മാ൪വരെയുള്ള ആ മുഖ്യയധികാരികളു്ക്കു് ഈ ദൃശ്യവിരുന്നിലു്നിന്നും എന്തുഗുണമുണു്ടായി, എന്തുമനസ്സിലായി, എന്നുള്ളതാണു്. മുഖ്യമന്ത്രിമുതലു് ജില്ലാക്കളക്ട൪മാ൪വരെയുള്ള ആ അധികാരികളെസ്സംബന്ധിച്ചിടത്തോളം അവ൪ കേരളത്തിലു് വെറുംകുറേ ഡാഷുകളു്മാത്രമാണെന്നു് ഒറ്റക്കുഞ്ഞൊഴിയാതെ ഈ സു്പെക്ടക്കിളിലൂടെ സകലരും മനസ്സിലാക്കിയെന്നു് അവ൪ക്കുംമനസ്സിലായി. ഇനിത്തുടങ്ങണമെങ്കിലവ൪ എല്ലാം സീറോയിലു്നിന്നു ഒന്നുംകൂടിത്തുടങ്ങണം, പുതിയ ക്രെഡിബിലിറ്റിപിടിക്കണം- പക്ഷേയതിനു് വ൪ഷങ്ങളെടുക്കും.
പിന്നെയുണു്ടായ, ജനങ്ങളു്ക്കുമാത്രമായുണു്ടായ, നേട്ടമെന്തെന്നാലു് ഈ പാ൪ട്ടിമുതലു് ഈ മുഖ്യമന്ത്രിയും ആരോഗ്യമന്ത്രിയും ചീഫു്സ്സെക്രട്ടറിയും ജില്ലാക്കളക്ട൪മാരുംവരെയുള്ള കേരളത്തിലെ സകലയധികാരികളെയുംകുറിച്ചു് ജനങ്ങളു്ക്കുപണു്ടേതന്നെയണു്ടായിരുന്ന അവരെല്ലാം വെറുംകുറേ അശടുകളാണെന്നയഭിപ്രായവും ഇവരുടെ പ്രവൃത്തികളു്നോക്കിയുള്ള അവരുടെ വിലയിരുത്തലുകളും ഒരേസമയം ആ പാ൪ട്ടിയെക്കൊണു്ടും ആ അധികാരികളെക്കൊണു്ടും ബാക്കിയുള്ള ജനങ്ങളെക്കൊണു്ടുംകൂടി അംഗീകരിപ്പിച്ചുകിട്ടി, അതായതു് മാ൪കു്സ്സിസ്സു്റ്റുപാ൪ട്ടിയെയും അവരുടെ ഗവണു്മെ൯റ്റിനെയും അതി൯റ്റെ ഉദ്യോഗസ്ഥനിരയെയുംകുറിച്ചുള്ള അവരുടെ വിലയിരുത്തലിനും അഭിപ്രായത്തിനും ഔദ്യോഗിക റാറ്റിഫിക്കേഷ൯ലഭിച്ചു, എന്നുള്ളതാണു്. അങ്ങനെ ജനങ്ങളൊഴിച്ചു് കേരളത്തിലിപ്പോളു് ഭരണരംഗത്തും ഭരണരാഷ്ട്രീയരംഗത്തും കുറേ അശടുകളും വെടലകളുംമാത്രമായി. ഇതിനിടയിലു് സെയു്നിറ്റിയുള്ള ഒരുത്ത൯പോലുമില്ലേയെന്നു് നമ്മളു് അത്ഭുതപ്പെട്ടുപോകും.
ജനങ്ങളുടെമേലു് കൊറോണാവ്യാപനനിയന്ത്രണവുമായി ബന്ധപ്പെട്ടു് ഓരോരോയിടത്തും അതു് സ്വകാര്യവീടാണോ ആരാധനാലയമാണോ സ്ഥാപനമാണോ കടയാണോ പൊതുസ്ഥലമാണോയെന്നതിനെ അടിസ്ഥാനപ്പെടുത്തി ഒരുസമയം എത്രപേ൪ക്കുവരെ കൂടിച്ചേരാം, അവ൪ എന്തൊക്കെ നിയന്ത്രണമാണു് അവരുടെ സ്വയവും സമൂഹത്തി൯റ്റെ പൊതുവുമായ ആരോഗ്യസുരക്ഷക്കുവേണു്ടി ഈ അത്യാഹിതഘട്ടത്തിലു് അവിടെ പാലിക്കേണു്ടതു്, അങ്ങനെ ആ നിയന്ത്രണങ്ങളു് പാലിച്ചില്ലെങ്കിലു് പിഴയും അറസ്സു്റ്റും തടവുമടക്കം എന്തൊക്കെ ശിക്ഷാനടപടികളാണു് ജില്ലാക്കളക്ട൪മാരിലൂടെയും പോലീസ്സിലൂടെയും ഗവണു്മെ൯റ്റു് സ്വീകരിക്കാ൯പോകുന്നതു്, എന്നൊക്കെയുള്ള ഏകദേശം ആയിരത്തിനടുത്തു് ഓ൪ഡറുകളും നോട്ടിഫികേഷനുകളും നോട്ടുകളും സ൪ക്കുലറുകളും ഗവണു്മെ൯റ്റു് 2019-22ലു് പുറപ്പെടുവിച്ചിട്ടുണു്ടു്. ഇതൊക്കെ പുറപ്പെടുവിച്ചിട്ടുള്ളതും നടപ്പാക്കുന്നതും മുഖ്യമന്ത്രി, ആഭ്യന്തരമന്ത്രി (രണു്ടും പിണറായിവിജയ൯തന്നെ), ആരോഗ്യമന്ത്രി (കെ. കെ. ഷൈലജ, വീണാ ജോ൪ജ്ജു്), ചീഫു് സെക്രട്ടറി (വിശ്വാസ്സു് മേത്ത, വി. പി. ജോയു് എന്നിവരാണു് കൊറോണക്കാലത്തു് ഈ സ്വയംപതനത്തെനയിച്ച ചീഫു് സെക്രട്ടറിമാ൪), പത്തൊമ്പതു് ജില്ലാക്കളക്ട൪മാ൪ എന്നിവരിലൂടെയാണു്. ഇവ സംസ്ഥാനത്തു് നടപ്പാക്കപ്പെട്ടില്ലെങ്കിലു്, അല്ലെങ്കിലു് നിഷു്പ്പക്ഷമായും പൂ൪ണ്ണമായും നടപ്പാക്കപ്പെട്ടില്ലെങ്കിലു്, ദേശീയദുരന്തനിവാരണനിയമമനുസരിച്ചാണു് ഇവരുടെമേലു് സു്റ്റേറ്റു് നടപടികളെടുക്കേണു്ടതു്, കാരണം ഉയ൪ന്ന മരണനിരക്കും രോഗവ്യാപനവുമുള്ള ഇതുപോലുള്ള അത്യാഹിതഘട്ടങ്ങളിലു് ദേശീയദുരന്തനിവാരണനിയമം പ്രാബലൃത്തിലാകുന്നതോടെ അതു് മറ്റെല്ലാനിയമങ്ങളെയും സൂപ്പ൪സ്സീഡുചെയ്യുന്നു എന്നു് വ്യക്തമാക്കപ്പെട്ടിട്ടുള്ളതാണു്. ഉദാഹരണത്തിനു്, വീട്ടിലിരിക്കണമെന്നു് നി൪ദ്ദേശിക്കപ്പെട്ടിട്ടുണു്ടെങ്കിലു് പുറത്തിറങ്ങിനടക്കാനുള്ള വ്യക്തിസ്വാതന്ത്ര്യത്തെയും സഞു്ചാരസ്വാതന്ത്ര്യത്തെയുംസംബന്ധിച്ച നിയമങ്ങളെയതു് സൂപ്പ൪സ്സീഡുചെയ്യുന്നു. നിയമങ്ങളനുസരിച്ചുള്ള ഉത്തരവുകളു് പുറപ്പെടുവിക്കുന്നവ൪ക്കുതന്നെയാണു് അതു് നടപ്പാക്കുന്നതി൯റ്റെയും ചുമതലയും ബാധ്യതയുമെന്നു് പ്രത്യേകം പറയേണു്ടതില്ലല്ലോ! ഏതെങ്കിലും സാഹചര്യത്തിലു് ഇതിലു്പ്പറഞ്ഞവരിലു് ആരുടെയെങ്കിലും ഉത്തരവുകളു് എവിടെയെങ്കിലും നടപ്പാക്കപ്പെടാതെപോയിട്ടുണു്ടെങ്കിലു്, അതിനുള്ള പിഴ, അറസ്സു്റ്റു്, തടവു് എന്നീ ശിക്ഷാനടപടികളു് ബന്ധപ്പെട്ടവരുടെമേലു് സ്വീകരിക്കാ൯കഴിയാതെപോയിട്ടുണു്ടെങ്കിലു്, അവ൪ ദേശീയദുരന്തനിവാരണനിയമത്തിനുകീഴിലു് ശിക്ഷിക്കപ്പെട്ടേമതിയാവൂ. അതു് മുഖ്യമന്ത്രിമുതലു് ആഭ്യന്തരമന്ത്രിയും ആരോഗ്യമന്ത്രിയും ചീഫു്സ്സെക്രട്ടറിയും ജില്ലാക്കളക്ട൪മാരും ആരായാലു്ത്തന്നെയും അവരുടെമേലു് ദേശീയദുരന്തനിവാരണനിയമം പ്രവ൪ത്തിച്ചേമതിയാവൂ.
Written on 24 January 2022 and first published on: 27 January 2022
No comments:
Post a Comment