699. ജനങ്ങളോടു് ഇത്രയും വിദ്വേഷവും പകയും വെറുപ്പുമുള്ളയാളെ മുഖ്യമന്ത്രിസ്ഥാനത്തു് വെച്ചേക്കേണു്ടതുണു്ടോ?

699

ജനങ്ങളോടു് ഇത്രയും വിദ്വേഷവും പകയും വെറുപ്പുമുള്ളയാളെ മുഖ്യമന്ത്രിസ്ഥാനത്തു് വെച്ചേക്കേണു്ടതുണു്ടോ?

പി. എസ്സു്. രമേശു് ചന്ദ്ര൯

Article Title Image By Fernando. Graphics: Adobe SP.

ജനങ്ങളോടു് ഇത്രയും വിദ്വേഷവും പകയും വെറുപ്പുമുള്ള മറ്റൊരു രാഷ്ട്രീയക്കാര൯ ഈ ഭൂമുഖത്തുണു്ടോയെന്നുസംശയമാണു്. എന്തോ കാര്യമായ കെടുതി മാനസ്സികമായോ ശാരീരികമായോ ജനങ്ങളുടെ ശാപംകൊണു്ടു മേലു്പ്പടിയാനു് സംഭവിച്ചിട്ടുണു്ടെന്നുറപ്പാണു്, അല്ലെങ്കിലു് ഒരാളു്ക്കും സ്വന്തംനാട്ടിലെ ജനങ്ങളോടു് ഇത്രയും പകയും വെറുപ്പും വിദ്വേഷവുമുണു്ടാവേണു്ടകാരൃമില്ല. ഒരുപക്ഷേ ഈ ജനങ്ങളു് വളരെ ഹീനമായ അഴിമതിയാരോപണങ്ങളിലു്ക്കുരുക്കി ഇനി പ്രധാനമന്ത്രിയാകാ൯പറ്റാത്തത്ര പ്രായം തനിയു്ക്കായിപ്പോയതി൯റ്റെ പകയാണോ? പക്ഷേ ഹീനമായ ആ അഴിമതിയാരോപണങ്ങളിലു് സ്വയംചെന്നു് കുടുങ്ങിയതല്ലേ? എവിടെയെങ്കിലും അമിതമായ പണമിരിക്കുന്നെന്നുകണു്ടാലു് വാപൊളിക്കാതിരുന്നാലു്പ്പോരായിരുന്നോ? ഉട൯പോയതെടുക്കണമെന്നു് തോന്നാതിരുന്നാലു്പ്പോരായിരുന്നോ? കേരളത്തിലെ മുഖ്യമന്ത്രിമാ൪തന്നെയായിരുന്ന അച്ച്യുതമേനോനും അച്ച്യുതാനന്ദനുമെല്ലാം അങ്ങനെതന്നെയായിരുന്നില്ലേ? അവരാരെങ്കിലും ജനങ്ങളോടു് പകയുള്ളവരായി വന്യസ്വപു്നങ്ങളിലു്പ്പോലും ജനങ്ങളു് പറഞ്ഞിട്ടുണു്ടോ? കൊക്കോക്കോളഭീമ൯റ്റെ പ്ലാച്ചിമടപ്പദ്ധതി അച്ച്യുതാനന്ദ൯റ്റെകാലത്തല്ലേ അടച്ചുപൂട്ടിയതു്? ആ സഖാവു് ജനങ്ങളുടെ ഭീഷണിയും പ്രതിഷേധവുംകണു്ടു് പി൯മാറാനല്ല താ൯ സ൪ക്കാരുണു്ടാക്കിവെച്ചിരിക്കുന്നതെന്നുപറഞ്ഞോ?

കഴിഞ്ഞ ആറുവ൪ഷമായി പിണറായി വിജയ൯റ്റെ മുഖം ഒരേപോലെതന്നെയാണിരിക്കുന്നതു്. ഒരുമാറ്റവുമില്ല. അതു് അസാധാരണമെന്നല്ല അസാധ്യംതന്നെയാണു്- പ്രത്യേകിച്ചും പ്രായംനോക്കുമ്പോളു്, അതിനുപുറമേ ഭരണരംഗത്തെ 2018മുതലുണു്ടായ അസാധാരണവും അസ്സ്വാഭാവികവുമായ ഒരുനിരസംഭവങ്ങളുടെയും പ്രതിസന്ധികളുടെയും അഗ്നിപ൪വ്വതസ്സു്ഫോടനങ്ങളും നോക്കുമ്പോളു്. അമേരിക്കയിലു് പതിവായിപ്പോകുന്നതു് ഫെയു്സ്സു് ലിഫു്റ്റിംഗിനും ചുളിവുകളു് മാറ്റാനുമാണോയെന്നുചോദിച്ചാലു് എന്തിനാണയാളു് അമേരിക്കയിലു് ഇടയു്ക്കിടയു്ക്കോടിപ്പോകുന്നതെന്നും എന്താണയാളുടെ അസുഖമെന്നും ഗവണു്മെ൯റ്റു് മെഡിക്കലു് റീയിംബേഴു്സ്സു്മെ൯റ്റു് ആപ്ലിക്കേഷനിലു്പ്പോലും ഒളിച്ചുവെച്ചാലു് ജനങ്ങളെങ്ങനെയറിയും- അയാളു്ക്കു് അസുഖം ഉണു്ടോയെന്നുപോലും? ഒടുവിലു് മൈക്കലു് ജാക്കു്സ്സണുപറ്റിയപോലെ പറ്റരുതെന്നെപറയുന്നുള്ളൂ! മലയാളത്തിലെ ഒരു നടനു് ഒടുവിലു് മുഖത്തെ മാംസപേശികളൊന്നും ചലിക്കാതായി എകു്സ്സു്പ്പ്രഷനുകളൊന്നും വിരിയാത്ത നി൪വ്വികാരമായൊരു മുഖമുണു്ടായതിനെക്കുറിച്ചുള്ള വാ൪ത്തകളു് ഇവിടെ അപ്രസക്തമെന്നു് കരുതുന്നതിനാലു് തള്ളിക്കളയുന്നു. അതൊരുദാഹരണംപറയാ൯പോലും കൊള്ളില്ല.

നാട്ടിലു്ക്കാണിച്ചുകൂട്ടുന്ന കന്നംതിരിവുകളും ജനവിരുദ്ധ കൈയ്യിലിരിപ്പുകളുംകാരണം പലരും ഇടയു്ക്കിടയു്ക്കോ സ്ഥിരമായോ നാടുവിട്ടുപോകേണു്ടിവന്നിട്ടുണു്ടു്. ഇതുമങ്ങനെയാണോയെന്നറിയില്ല- അതിനുള്ള എല്ലാ സാധ്യതയുമുണു്ടെങ്കിലും, കാരണം സ്വ൪ണ്ണം കള്ളക്കടത്തുസംഘം, മയക്കുമരുന്നുകച്ചവടസംഘം, ഡോള൪ക്കടത്തുസംഘം, വിദേശസഹായതട്ടിപ്പുസംഘം എന്നിവയോടുചേ൪ന്നാണു് ഈമനുഷ്യ൯റ്റെ പേരു് അടുത്തകാലത്തു് കൂടുതലായിക്കേട്ടിട്ടുള്ളതു്. ഈ പലവിധ ഗവണു്മെ൯റ്റുഡിപ്പാ൪ട്ടുമെ൯റ്റുകളിലൊന്നും സത്യസന്ധതക്കു് ഒരു സാധ്യതയുമില്ല. നാട്ടുകാരോടേറ്റുമുട്ടി മനസ്സമാധാനംതക൪ന്നാലു് ചില൪ കുറേനാളെവിടെയെങ്കിലുംപോയി- വല്ല അമേരിക്കയിലോമറ്റോ- ആശ്വസിച്ചിട്ടുവീണു്ടും ജനങ്ങളെയുപദ്രവിക്കാനായി വരാറുണു്ടു്- പ്രധാനമന്ത്രി നരേന്ദ്രമോദി ചെയ്യുന്നപോലെ. അതുമാത്രമേ മുഖ്യമന്ത്രിയുടെ യാത്രകളെപ്പറ്റിയും ജനങ്ങളു് കരുതുന്നുള്ളൂ.

കേരളത്തിലു് 2018ലെ കൊടുംപ്രളയത്തിലു് നാടുപേക്ഷിച്ചു് അമേരിക്കയിലോട്ടോടിയ മുഖ്യമന്ത്രിയുടെ യാത്രകളെ അത്രയും വിശ്വാസമേ ജനങ്ങളു്ക്കുള്ളൂ. ജനങ്ങളു്- പ്രളയംകാരണമായാലും കൊറോണകാരണമായാലും കെ-റെയിലുകാരണമായാലും- അപകടത്തിലാകുമ്പോളു് പലവിധനടപടികളിലൂടെ അതിനെല്ലാം കാരണക്കാരനായ മുഖ്യമന്ത്രി അമേരിക്കയിലേക്കോടുമ്പോളു് ജനങ്ങളു്ക്കു് പുച്ഛമാണു്, അമ൪ഷമാണു്. ഒരു രോഗാതുരനാണെങ്കിലു്, അതിനാണു് അമേരിക്കയിലേക്കോടുന്നതെങ്കിലു്, അതിനുള്ള സഹതാപം പക്ഷേ ജനങ്ങളു് കൊടുക്കുന്നില്ല, കാരണം ഒരു രോഗാതുര൯റ്റെ പ്രവൃത്തികളല്ല ആ മനുഷ്യ൯റ്റെഭാഗത്തുനിന്നു് ജനങ്ങളുടെനേ൪ക്കുണു്ടാകുന്നതു്.

Written on 07 January 2022 and first published on: 15 January 2022