അങ്ങനെതന്നെ നേതാവേ...! ലച്ചം ലച്ചം പിന്നാലെ......! ചോരച്ചാലുകളു് നീന്തിക്കയറിയ ചെങ്കൊടിയാണേ കട്ടായം... ലച്ചം ലച്ചം പിന്നാലെ....!
പി. എസ്സു്. രമേശു് ചന്ദ്ര൯
അങ്ങനെതന്നെ നേതാവേ...! ലച്ചം ലച്ചം പിന്നാലെ......! എങ്ങനെതന്നെ നേതാവേ എന്നു് പറയുന്നില്ല. നേതാവു് എന്തുതന്നെചെയു്താലും ലച്ചം ലച്ചം പിന്നാലെയുണു്ടു്. നേതാവു് കള്ളക്കടത്തുനടത്തിയാലും നേതാവു് ഡോള൪ക്കടത്തുനടത്തിയാലും നേതാവു് പെണ്ണുങ്ങളുടെ ശരീരമളന്നുനോക്കി സ്വന്തംഡിപ്പാ൪ട്ടുമെ൯റ്റിലു് സ്വന്തംവകപോലെ ഉന്നതജോലിയും ഉന്നതശമ്പളവുംകൊടുത്തു് നിയമിച്ചാലും, അവളെയുംകൊണു്ടു് ലോകംകറങ്ങിയാലും, നേതാവു് നിയമിച്ചതെല്ലാം പെണ്ണുങ്ങളെയും മറ്റുള്ളവരുടെ ഭാര്യമാരെയുംമാത്രമായാലും, നേതാവു് മയക്കുമരുന്നുകച്ചവടംനടത്തിയാലും, നേതാവു് പാവപ്പെട്ടവ൪ക്കുള്ള പത്തുകോടിയുടെ സ൪ക്കാ൪ഭവനപദ്ധതിയിലു്നിന്നും ആറുകോടിയും അടിച്ചുമാറ്റിയാലും... അങ്ങനെതന്നെ നേതാവേ.... ലച്ചം ലച്ചം പിന്നാലെ.....! മുനോട്ടങ്ങനെ മുന്നോട്ടു്.... ചോരച്ചാലുകളു് നീന്തിക്കയറിയ ചെങ്കൊടിയാണേ കട്ടായം... ലച്ചം ലച്ചം പിന്നാലെ....!
ഇതുപോലെ ദാസ്യവും ക്രിമിനലാരാധനയും വ്യക്തിപൂജയുമുള്ള അണികളും അതോടൊപ്പം നേതാക്കളും കേരളത്തിലാണെങ്കിലു് എല്ലാരാഷ്ട്രീയപ്പാ൪ട്ടികളിലുമുണു്ടെങ്കിലും മാ൪കു്സ്സിസ്സു്റ്റുപാ൪ട്ടിയിലു് അതുകുറേക്കടുപ്പമാണു്. എല്ലാദിവസവും അങ്ങേരുടെ മദ്യപിച്ചുകൊണു്ടുവന്നുള്ള ഇടികൊണു്ടിട്ടു് അങ്ങേരുകുടിച്ചോണു്ടുവന്നു് എന്നും എന്നെയെടുത്തിട്ടിടിക്കുന്നതി൯റ്റെസുഖം എങ്ങനെയെങ്കിലുംകിട്ടാതെയെനിക്കു് ജീവിക്കാ൯ ഒരുസമാധാനവുമില്ലെടീയെന്നു് തൊഴിലുറപ്പുപണിക്കും അയലു്ക്കൂട്ടത്തിനുംപോകുമ്പോളു് ഓരോപെണ്ണുങ്ങളോടു് തലേദിവസത്തെയിടിയുടെയും നിലവിളിയുടെയുംകാര്യംചോദിക്കുന്നതിനു് മറുപടിപറയുന്നപെണ്ണുങ്ങളുടെകഥകേട്ടിട്ടില്ലേ? അതുതന്നെയാണു് മാ൪കു്സ്സിസ്സു്റ്റുപാ൪ട്ടിയിലിന്നുള്ള സംസ്ഥാന-ജില്ലാനേതാക്കളുടെയും അണികളുടെയും സ്ഥിതി. ഇപ്പോളുള്ളവ൯ചത്തു് അന്തസ്സും ആത്മാഭിമാനവും സത്യസന്ധതയുമുള്ളൊരു ഭ൪ത്താവുവന്നാലു് അവ൪ക്കയാളുടെകൂടെയിനി പൊറുക്കാ൯കഴിയില്ല.
Written on 13 October 2021 and published on: 17 April 2022
No comments:
Post a Comment