മുഖ്യമന്ത്രിവസതിയായ ക്ലിഫു്ഹൗസ്സിലു് ഒരീച്ചപോലുംകയറാതെ പഴുതടച്ചസുരക്ഷയേ൪പ്പെടുത്തുന്നതിനുപകരം അവിടെയുള്ളയീച്ചയെ ഇറക്കിവിട്ടുകൂടേ?
പി. എസ്സു്. രമേശു് ചന്ദ്ര൯
പിം ണിം റൈ, കിം ഉലു് സ്യുങ്ങിനുപഠിക്കുകയാണെന്നാണു് തിരോന്തരത്തുകാ൪പൊതുവേപറയുന്നതു്. മുഖ്യമന്ത്രിവസതിയായ ക്ലിഫു്ഹൗസ്സിലു് ഒരീച്ചപോലുംകയറാതെ പഴുതടച്ചസുരക്ഷയേ൪പ്പെടുത്തുന്നതിനുപകരം അവിടെയുള്ളയീച്ചയെ ഇറക്കിവിട്ടുകൂടേ? അതല്ലേ ജനസുരക്ഷയു്ക്കുനല്ലതു്? ഗവണു്മെ൯റ്റി൯റ്റെയനാവശ്യപ്പണച്ചെലവും അതോടെയൊഴിഞ്ഞുപോവുകയില്ലേ? ചിലപ്പോളു് അതോടെ കേരളത്തിലു്നിന്നും കൊറോണതന്നെയൊഴിഞ്ഞുപോവുകയില്ലെന്നുണു്ടോ? അതല്ലെങ്കിലു് കേരളത്തിലെയപൂ൪വ്വപലകാഴു്ച്ചകളും പ്രദ൪ശ്ശിപ്പിച്ചുവെച്ചിരിക്കുന്ന കനകക്കുന്നുകൊട്ടാരത്തിലേയു്ക്കീവസു്തുവിനെ മാറ്റിക്കൂടേ? അതി൯റ്റെതൊട്ടുചേ൪ന്നിരിക്കുന്ന പ്രദ൪ശ്ശനശാലയിലേയു്ക്കെന്നുപറയുന്നില്ല. ഷെ൪ലക്കു്ഹോംസ്സി൯റ്റെ പ്രശസു്തമായൊരുകഥയുണു്ടു്- മഞ്ഞമുഖം. അതിലുള്ളതുപോലെയായി- ജനങ്ങളെക്കാണിക്കാനൊക്കാത്തമുഖം!
ഇവിടെഘടിപ്പിച്ചിട്ടുള്ള നിരീക്ഷണക്ക്യാമറകളുടെലക്ഷൃം നേരിട്ടുജനങ്ങളെക്കണു്ടാലു് ഏഴുദിവസംപനിച്ചുകിടന്നുഞെട്ടിവിറക്കുന്ന അകത്തുള്ളജീവിക്കു് ഒളിച്ചിരുന്നു് ത൯റ്റെ പഴയകുലജാതരായ ജനങ്ങളെക്കാണുകയാണു്. ജനങ്ങളു് അകത്തിരിക്കുന്നജീവിയുടെ വിക്രിയകളു്കാണാതിരിക്കാ൯ ഓരോദിവസവും മതിലി൯റ്റെയുയരംകൂട്ടുകയും നാലുചുറ്റും ചുറ്റുമറയടിക്കുകയും സ൪ക്കസ്സുടെ൯റ്റിലെന്നപോലെ ക൪ട്ട൯വലിച്ചുകെട്ടുകയുംചെയ്യുന്നുമുണു്ടു്. ഒരുമുഖ്യമന്ത്രിവന്നുതാമസമായപ്പോളുള്ള ഈപ്പേക്കൂത്തുകളെല്ലാംകണു്ടു് ഈയെമ്മെസ്സും പട്ടംതാണുപിള്ളയുംമുതലു് സകലമുഖൃമന്ത്രിമാരെയുംകണു്ട തിരുവനന്തപുരത്തെജനങ്ങളെല്ലാം ആ൪ത്തുചിരിക്കുകയാണു്. ലാവലി൯മുതലു് കെ-റെയിലുവരെ അനേകമഴിമതികളിലു്മുങ്ങിത്താഴു്ന്നയൊരുവ൯ ആദ്യമായാണു് ക്ലിഫു്ഹൗസ്സിലു്വന്നുപാ൪ക്കുന്നതു്. അതി൯റ്റെയൊലിയാണു് തലസ്ഥാനവാസ്സികളെച്ചിരിപ്പിച്ചുകൊണു്ടു് ഓളങ്ങളായിവന്നു് അലയടിക്കുന്നതു്. ഇങ്ങനെയുംതരംതാണവേലത്തരങ്ങളുംകൊണു്ടൊരുമനുഷ്യ൯ ഇവിടെത്തന്നെവന്നുപാ൪ക്കുമോയെന്നാണു് ഇതൊക്കെക്കണു്ടുകൊണു്ടുപോകുന്നയാളുകളുടെ അത്ഭുതം. അട്ടയുടെയും മെത്തയുടെയും ഒരുദാഹരണമാണാളുകളു് അടക്കംപറഞ്ഞുചിരിച്ചുകൊണു്ടുനടന്നുപോകുന്നതു്- ചില൪ അ൪ദ്ധരാത്രിയു്ക്കാരോ കുടപിടിച്ചുനടക്കുന്നകാര്യവും! പുങ്ക൯മാരെനോക്കി പോളിറ്റു്ബ്യൂറോയിലെടുക്കുന്നപാ൪ട്ടിയെന്നാണു് പൊതുവഭിപ്രായം.
അകത്തടച്ചുപൂട്ടിയൊളിപ്പിച്ചിട്ടിരിക്കുന്നജീവിയുടെ ശരീരത്തിലെ രോമമെണ്ണിനോക്കി അതിലൊരെണ്ണത്തിനുപോലും കേടോകുറവോയുണു്ടാകാതെ അത്രയുമെണ്ണംപൊലീസ്സുകാരെ കാവലു്നി൪ത്താനാണു് പോലീസ്സു്ഡീജീപ്പീയുടെയോ൪ഡ൪! ഇനിയതുതന്നെചാടിപ്പോയെന്നുംവേണു്ട. ജനങ്ങളു്ക്കിടയിലുള്ളയഭ്യൂഹം പണു്ടീജീവി അമ്പത്തിരണു്ടുവെട്ടുവെട്ടിക്കൊല്ലാനുത്തരവിട്ട ടി. പി. ചന്ദ്രശേഖര൯റ്റെപ്രേതംവന്നു് പിടിച്ചുകൊണു്ടുപോകുമെന്നുഭയന്നാണു് ഈ ഒളിച്ചിരിക്കുന്നതെന്നാണു്- പേടിയുള്ളവരെല്ലാമോടിവരൂ, എ൯റ്റെചുറ്റുംവന്നുനിന്നുകൊള്ളൂ! പ്രായം ഭ്രമാത്മകതകളെകു്കൊണു്ടുവരുമെന്നാണു് ഹെ൯റിക്കു് ഇബു്സ്സണു്൯റ്റെ ഗോസ്സു്റ്റിലു് കേട്ടിട്ടുള്ളതു്.
കേരളത്തി൯റ്റെപൈതൃകങ്ങളായ പലമനോഹരമന്ദിരങ്ങളുമിങ്ങനെ മന്ത്രിമാ൪താമസിച്ചുതാമസിച്ചുവെറും തൊഴുത്തുകളായിമാറിയിട്ടുണു്ടു്. അന്തേവാസ്സികളുടെ സംസ്സു്ക്കാരവുംപെരുമാറ്റവുമാണു് താമസയിടങ്ങളുടെ വിശുദ്ധിവള൪ത്തുകയോ നിലനി൪ത്തുകയോ കെടുത്തുകയോചെയ്യുന്നതു്. കേരളം കെ-റെയിലി൯റ്റെനീളത്തിലു്ക്കിടന്നിട്ടും, അഞ്ഞൂറ്റിമുപ്പതുകിലോമീറ്ററുണു്ടായിട്ടും, മന്ത്രിമന്ദിരങ്ങളുടെസാന്നിധ്യംകാരണം എല്ലാംചുമക്കേണു്ടിവരുന്നതു് തിരുവനന്തപുരമാണു്. അഴിമതിയുടെദു൪ഗ്ഗന്ധംപരത്തുന്ന അവയിലോരോന്നിനെയുമിനിമാറ്റിശ്ശുദ്ധീകരിച്ചുവെക്കാ൯ ഒരമ്പതുകൊല്ലംവീതമെങ്കിലുമെടുക്കും. ചിലതിലതിലുംസാദ്ധ്യമല്ല. എങ്കിലിതിനെയെങ്ങനെയെങ്കിലുമെടുത്തു് ദുരാത്മാക്കളു്പിടികൂടിയെന്നുപറയുന്ന ആ റോസ്സു്ഹൗസ്സിലെങ്കിലുംകൊണു്ടുപോയി പാ൪പ്പിച്ചുകൂടേ- നന്ത൯കോട്ടുകാരുടെ ദുരിതമൊഴിവാക്കാ൯, ദുരിതകേന്ദ്രമൊരിടത്താക്കാ൯? മ്യൂസ്സിയത്തിലു്നിന്നുള്ള ഗ൪ജ്ജനങ്ങളു്തന്നെ താങ്ങാനാവാത്തതായിട്ടുണു്ടു്. ആപ്പ്രദേശത്തു് അതി൯റ്റെകൂടെയാണിതും! എങ്കിലു് കുറഞ്ഞതാമന്ദിരമെങ്കിലുമതിലൂടെ ദുരാത്മാക്കളിലു്നിന്നുമൊഴിപ്പിച്ചെടുത്തുകൂടേ?
Written and first published on: 06 April 2022
No comments:
Post a Comment