ദേശസുരക്ഷയിലു് ഗവണു്മെ൯റ്റു് വിട്ടുവീഴു്ച്ചചെയു്തെന്നുതോന്നിയാലു് അതുച൪ച്ചചെയ്യേണു്ടതു് അതി൯റ്റെയുംമുകളിലു് ജനങ്ങളല്ലാതെയാരാണു്? അതോ അതു് ച൪ച്ചചെയ്യപ്പെടാതെപോകണോ?
പി. എസ്സു്. രമേശു് ചന്ദ്ര൯
നടന്നോ കുതിരപ്പുറത്തോമാത്രം എത്താ൯കഴിയുന്ന കാഷു്മീരിലെ ബൈസാരണു് എന്ന ടൂറിസ്സു്റ്റുമേഖലയിലു് ഭീകരവാദികളു്കടന്നുചെന്നു് 2025 ഏപ്രിലു് 22നു് ഇരുപത്തിയാറുപേരെ വെടിവെച്ചുകൊല്ലുകയും അത്രയുംതന്നെപ്പേരെ മുറിവേലു്പ്പിക്കുകയുംചെയു്തസംഭവത്തിലു് മണിക്കൂറുകളെടുത്തല്ലാതെ ചുറ്റുമുള്ളവനത്തിലൂടെ അതുചെയു്തവ൪ക്കവിടെനിന്നും രക്ഷപ്പെടുകസാധ്യമല്ലെന്നുവ്യക്തമല്ലേ? എന്നിട്ടുമവരെപ്പിടികൂടാ൯ തത്സമയംവിവരംകിട്ടിയിട്ടും ഇ൯ഡ്യനധിക്കൃത൪ക്കുകഴിഞ്ഞിട്ടില്ല. അങ്ങനെയുണു്ടാകുമെന്നു് മൂന്നുദിവസംമുമ്പേവിവരംകിട്ടിയതവിടെനിലു്ക്കട്ടെ! ഇവിടെ ദേശസുരക്ഷയെയപകടപ്പെടുത്തിയതു് അധികൃതരോ ഭീകരവാദികളോ? ഈച്ചോദ്യമൊഴിവാക്കിയുള്ളവാ൪ത്താവിതരണത്തിനാണു് ഇ൯ഡൃ൯മാധ്യമങ്ങളു് താലു്പര്യംകാട്ടുന്നതു്. അതൊഴിവാക്കാത്തമാധ്യമങ്ങളെയവ൪ ഒറ്റപ്പെടുത്തുകയും അവരുടെപ്രവ൪ത്തനം ഗവണു്മെ൯റ്റുതടയുകയുംചെയ്യുന്നു. ഇതി൯റ്റെയ൪ത്ഥമെന്തു്? ദേശസുരക്ഷയിലു് ഗവണു്മെ൯റ്റു് വിട്ടുവീഴു്ച്ചചെയു്തെന്നുതോന്നിയാലു് അതുച൪ച്ചചെയ്യേണു്ടതു് അതി൯റ്റെയുംമുകളിലു് ജനങ്ങളല്ലാതെയാരാണു്? അതോ അതു് ച൪ച്ചചെയ്യപ്പെടാതെപോകണോ? ദേശസുരക്ഷയെസ്സംബന്ധിച്ച സൈനികയസാന്നിധ്യമെന്നവിഷയമൊഴിവാക്കിയാണു് ഇ൯ഡൃ൯മാധ്യമങ്ങളിലെച്ച൪ച്ച!
മു൯കൂട്ടിവിവരംലഭിച്ചിരുന്നിട്ടും (അങ്ങനെയാണു് ഇ൯റ്റല്ലിജ൯സ്സുവൃത്തങ്ങളു്പറയുന്നതു്!), ടൂറിസ്സു്റ്റുസീസ്സണാരംഭിച്ചെന്നറിയാമായിരുന്നിട്ടും, സഞു്ചാരികളുടെകുത്തൊഴുക്കാണെന്നറിഞ്ഞിട്ടും, വെറുമൊരുകിലോമീറ്റ൪മാത്രംദൂരെയുള്ള തുട൪ച്ചയായി ഫയറിംഗു്പ്രാക്ടീസ്സുനടക്കുന്ന ആ൪മിക്ക്യാമ്പിലു്നിന്നും എന്തുകൊണു്ടു് സൈനികരുടെസാന്നിധ്യമവിടെയുറപ്പാക്കിയില്ല എന്നചോദ്യത്തിനുത്തരംപറയാ൯ ഇന്നും ഇ൯ഡ്യനധികൃത൪ക്കുകഴിഞ്ഞിട്ടില്ല. വെറുമൊരുകിലോമീറ്റ൪മാത്രമകലെ തുട൪ച്ചയായിക്കുറഞ്ഞതിരുപത്താറുപ്രാവശ്യമെങ്കിലും വെടിശബ്ദംകേളു്ക്കുമ്പോളു് സദാജാഗരൂകമെന്നുപറയുന്ന സൈന്യമതുകേളു്ക്കണു്ടേ, ശ്രദ്ധിക്കണു്ടേ, അതെന്താണെന്നുതിരിച്ചറിയണു്ടേ, ഉടനോടിച്ചെന്നന്വേഷിക്കണു്ടേ? മേട്ടി൯റ്റെപലഭാഗത്തുനിന്നും തുട൪ച്ചയായി വെടിയൊച്ചകളു്കേട്ടുകൊണു്ടിരുന്നതുകൊണു്ടാണു് ഭീകരാക്രമണമാണെന്നുമനസ്സിലായതെന്നു് ദൃകു്സ്സാക്ഷികളായിയവിടെപ്പെട്ടുപോയവ൪ പറയുന്നല്ലോ... നിശബ്ദമായകാഷു്മീരന്തരീക്ഷത്തിലു് വനപ്പ്രദേശങ്ങളിലു് എത്രദൂരമാണുശബ്ദംസഞു്ചരിക്കുന്നതു്! നാലുചുറ്റുംവനങ്ങളു്പൊതിഞ്ഞ ഒരു ടൂറിസ്സു്റ്റുമേടായിരിക്കുമ്പോളു് അവിടെ ഇരട്ടിസ്സുരക്ഷയുണു്ടായിരിക്കേണു്ടതല്ലേ? ഏറ്റവുമാക്രമണഭീഷണിയുള്ള ഇവിടെയിങ്ങനെയായിരിക്കുമ്പോളു് ഇപ്പോളു്ക്കേന്ദ്രഗവണു്മെ൯റ്റി൯റ്റെ സൈനികനിയന്ത്രണത്തിലുള്ള കാഷു്മീരിലെമറ്റുള്ളിടങ്ങളിലെക്കാര്യമോ? അതു് ജനങ്ങളുടെച൪ച്ചാവിഷയത്തിലു്വരില്ലെന്നാണു് അവരുടെനിലപാടു്.
രാജ്യസുരക്ഷയുടെകാര്യത്തിലു് ദേശീയതാലു്പ്പര്യങ്ങളുടെമേലു് സ്വന്തംരാഷ്ട്രീയലക്ഷൃങ്ങളുമായി പ്രവ൪ത്തിക്കുന്നൊരുഗവണു്മെ൯റ്റിനെ എങ്ങനെജനങ്ങളു്ക്കുവിശ്വസിക്കാ൯കഴിയും, അവ൪ക്കു് എങ്ങനെയതിലിടപെടാതെയുമഭിപ്രായംപറയാതെയും നോക്കിക്കൊണു്ടിരിക്കാ൯കഴിയും? പൗര൯മാരേലു്പ്പിച്ചുകൊടുത്തദേശീയതാലു്പ്പര്യമല്ലേ ഗവണു്മെ൯റ്റിനുമുള്ളൂ? പൗര൯മാരെസ്സംരക്ഷിക്കാ൯ ഗവണു്മെ൯റ്റിനുകഴിയുന്നില്ലെങ്കിലു് അവ൪പിന്നെയാരാലു്സ്സംരക്ഷിക്കപ്പെടും? അതേമാസം അതിനുമേതാനുംദിവസംമുമ്പല്ലേ ഇ൯ഡൃയുടെയാഭ്യന്തരമന്ത്രി ജമ്മു-കാഷു്മീ൪സന്ദ൪ശിച്ചുപറഞ്ഞതു് ‘ആപ്പ്രദേശത്തെ മൊത്തംഭീകരയാവാസവ്യവസ്ഥയും ബീജേപ്പീയുടെഭരണത്തിനുകീഴിലു് തുടച്ചുനീക്കപ്പെട്ടു’വെന്നു്? അതുപറഞ്ഞസമയത്തുമീയാക്രമണത്തിനുള്ള ഒരുക്കങ്ങളു്നടക്കുകയായിരുന്നില്ലേ, അതു് കേന്ദ്രഗവണു്മെ൯റ്റധീന കാഷു്മീരിനകത്തുമായിരുന്നില്ലേ?
ബീജേപ്പീഗവണു്മെ൯റ്റുചെയു്തതുപോലെ അതിനെ 'ഓപ്പണു്ചെയ്യു'ന്നെന്നുപറഞ്ഞു് ജമ്മു-കാഷു്മീരി൯റ്റെ പ്രത്യേകപദവിയെടുത്തുകളയുകയും അതി൯റ്റെനിയന്ത്രണം സൈന്യത്തിലൂടെ കേന്ദ്രഗവണു്മെ൯റ്റിലാക്കുകയും അതിനെ ജമ്മുവും കാഷു്മീരുമൊക്കെയായി പലതായിമുറിക്കുകയുംചെയു്തപ്പോളുണു്ടായ ഇതുപോലെയുള്ള ദീ൪ഘകാലഭവിഷ്യത്തും അതിനെനേരത്തേപ്പോലെതന്നെ മറ്റുസംസ്ഥാനങ്ങളു്ക്കുപദ്രവമില്ലാതെ പ്രത്യേകപദവിയോടെ ജനാധിപത്യരീതിയിലു്ത്തെരഞ്ഞെടുക്കപ്പെട്ട ഒരുസ൪ക്കാരിനുകീഴിലു് ഒറ്റസംസ്ഥാനമായിത്തന്നെ തുടരാനനുവദിക്കുകയുംചെയു്തിരുന്നെങ്കിലുള്ള 2019നുമുമ്പത്തെസ്സമാധാനനിലയുംതമ്മിലു് തുലനംചെയ്യുന്നില്ല. അതുവരെപ്പത്തിതാഴു്ത്തിക്കിടന്നിരുന്ന ഭീകരസംഘടനകളെല്ലാം അതിനുശേഷമാണുയ൪ന്നെണീറ്റുവന്നിട്ടുള്ളതു്. കാഷു്മീരിലു്ത്തന്നെയുള്ള മുസ്ലിംജനതയുടെയതൃപു്തി ക്രമേണയായി ബീജേപ്പീതന്നെയുയ൪ത്തിക്കൊണു്ടുവരികയായിരുന്നു. അതിനെത്തണുപ്പിക്കാനുള്ളനടപടികളല്ലയുണു്ടായതു്. അതുകൊണു്ടാണു് ഇപ്പോളവിടെനടക്കുന്നതിനെല്ലാം ബീജേപ്പീയുടെഗവണു്മെ൯റ്റാണു് ആത്യന്തതികമായി ഉത്തരവാദിയെന്നവിലയിരുത്തലിലു് രാജ്യത്തെജനങ്ങളെത്തിച്ചേ൪ന്നിട്ടുള്ളതു്.
കാഷു്മീരിലെനിലവിലുണു്ടായിരുന്ന വ്യവസ്ഥകളെമാറ്റി അതിനെയോപ്പണു്ചെയു്തു് അന്യസംസ്ഥാനങ്ങളിലു്നിന്നു് ആളെക്കൊണു്ടുവന്നുനിറയു്ക്കുന്ന കേന്ദ്രബീജേപ്പീഗവണു്മെ൯റ്റി൯റ്റെ നടപടിയു്ക്കെതിരെ രാഷ്ട്രീയമായിപ്പൊരുതാനുള്ളസംഘടനകളും അതിനുള്ളയവസരങ്ങളുമില്ലാത്തതുകൊണു്ടു് അവിടെയുള്ളയസംതൃപു്ത൪ സൈനികമായിസ്സംഘടിച്ചുപൊരുതുന്നുവെന്നുതന്നെയാണു് ഇതിനെക്കുറിച്ചുപഠനംനടത്തിയിട്ടുള്ളവരുടെ അന്താരാഷ്ട്രവിലയിരുത്തലു്. 2022ലു്ത്തന്നെ അവരുടെപഠനങ്ങളവ൪പ്രസിദ്ധീകരിച്ചിട്ടുമുണു്ടു്.
2024ലു് മുപ്പതുലക്ഷംടൂറിസ്സു്റ്റുകളു്വന്നതു് ബീജേപ്പീ ഡലു്ഹിയിലു്നിന്നുംഭരണമേറ്റെടുത്തശേഷം കാഷു്മീരിലുണു്ടായശാന്തതയുടെയടയാളമായി ബീജേപ്പീപ്രചരിപ്പിച്ചു. അതങ്ങനെകാണരുതെന്നു് കാഷു്മീ൪മുഖ്യമന്ത്രി ഫാറൂഖു് അബ്ദുള്ള 2024 മേയിലു്ത്തന്നെമുന്നറിയിപ്പുനലു്കിയിരുന്നു. ഈ ടൂറിസ്സു്റ്റുകളായിരിക്കും അടുത്തഭീകരാക്രമണത്തി൯റ്റെ ഉന്നമെന്നു് നേരത്തേപറഞ്ഞവിദേശപഠനഗ്രൂപ്പുകളും 2022ലു്ത്തന്നെമുന്നറിയിപ്പുനലു്കിയിരുന്നു. ഈമുന്നറിയിപ്പുകളെല്ലാംകഴിഞ്ഞു് 2025 എപ്രിലു് 22നു് പഹലു്ഗാമിലു് ബൈസ്സരണിലു് ടൂറിസ്സു്റ്റുകളുടെമേലു്നടന്നയീ കൂട്ടക്കൊലപാതകമൊഴിവാക്കുന്നതിനു് അവരതാഗ്രഹിച്ചിരുന്നപോലെയും അതിനുവേണു്ടിസ്സു്ക്കീംചെയു്തപോലെയും എന്തുകൊണു്ടാണുകേന്ദ്രഗവണു്മെ൯റ്റു് ഒരുനടപടിയുമെടുക്കാതിരുന്നതു്? തങ്ങളുടെഭരണമേറ്റെടുക്കലോടെ കാഷു്മീരിലു്സ്സമാധാനംകടന്നുവന്നെന്നു് വെറുംരാഷ്ട്രീയോദ്ദേശങ്ങളോടെയുള്ള കേന്ദ്രബീജേപ്പീഗവണു്മെ൯റ്റി൯റ്റെ പൊള്ളയായയവകാശവാദങ്ങളും പ്രചരണവുമാണു് യഥാ൪ത്ഥത്തിലു്സ്സുരക്ഷയും മു൯കരുതലു്നടപടികളും സൈന്യത്തി൯റ്റെഭാഗത്തുനിന്നടക്കംമന്ദിപ്പിച്ചതും ഇപ്പോളീയാക്രമണത്തിലേയു്ക്കുനയിച്ചതും. ചൈനീസ്സതി൪ത്തിഭീഷണിയിലു് ജമ്മുവിലു്നിന്നുംസേനാവിഭാഗങ്ങളെ ലഡാക്കിലേക്കുനീക്കിയതു് താരതമ്യേനകുറേക്കാലമായിശ്ശാന്തമായിരുന്ന ജമ്മുവിലുംകുഴപ്പങ്ങളു്ക്കുകാരണമായിട്ടുണു്ടു്. പാക്കിസ്ഥാ൯-ചൈനായതി൪ത്തികളു്പങ്കിടുന്ന ഗുലു്മാ൪ഗ്ഗിലും സോനാമാ൪ഗ്ഗിലുമുള്ളസംരക്ഷണം പഹലു്ഗാമിലില്ലാതാക്കിയതു് അവിടെയീയാക്രമണത്തിനുകാരണമാവുകയുംചെയു്തു.
കേന്ദ്രഗവണു്മെ൯റ്റുകൊണു്ടുവന്ന നിയമമാറ്റങ്ങളു്ക്കുശേഷം കാഷു്മീരികളല്ലാത്തവ൪ക്കുനലു്കിയ ഇതുവരെ എണു്പത്തയ്യായിരമുണു്ടെന്നാരോപിക്കപ്പെടുന്ന പുതിയ ഭൂമിയവകാശസ൪ട്ടിഫിക്കറ്റുകളും അന്യസംസ്ഥാനങ്ങളിലു്നിന്നുള്ള കുടിയേറ്റത്തൊഴിലാളികളുടെപ്രവേശനവും സാന്നിധ്യവും സ്ഥിതിഗതികളു്വഷളാക്കുന്നതിനൊരു കാരണമായിട്ടുണു്ടെന്നു് തീവ്രവാദികളു്തന്നെപറയുന്നതിനു് രാഷ്ട്രീയപരിഹാരംകാണാ൯ ബീജേപ്പീഗവണു്മെ൯റ്റിനിതുവരെക്കഴിഞ്ഞിട്ടില്ല. പ്രത്യേകസംസ്ഥാനപദവിയെടുത്തുമാറ്റിയാണു് അവരിതെല്ലാംസാധിച്ചിട്ടുള്ളതു്. അതുസാധ്യമാക്കുന്നതിനുവേണു്ടിയാണു് പ്രത്യേകപദവിയെടുത്തുമാറ്റിയതെന്നാണു് അക്രമസംഘടനകളു്പറയുന്നതു്.
പത്തൊമ്പതുമിരുപതുംനൂറ്റാണു്ടുകളിലു് അമേരിക്കയിലെ റെഡ്ഡി൯ഡൃ൯ഭൂമികളിലു് വെള്ളക്കാ൪കടന്നുകയറിക്കുടിയേറിപ്പാ൪ത്തും കാട്ടുപോത്തുകളു്മുതലുള്ള അവരുടെവിഭവങ്ങളു്കവ൪ന്നെടുത്തും ജനസംഖ്യാനുപാതത്തിലു് വ്യത്യാസമുണു്ടാക്കിയപ്പോഴും, ആഫ്രിക്കയിലെസ്സുഡാനിലും നൈലി൯റ്റെമറ്റുഭാഗങ്ങളിലും അതിപുരാതനഗോത്രയാവാസഭൂമികളിലു് അതേകാലങ്ങളിലു് നെപ്പോളിയ൯റ്റെകാലംമുതലു് ആ കാലക്രമത്തിലു് ഫ്രഞു്ചുകാരും ഈജിപ്പു്ഷ്യ൯മാരും ബ്രിട്ടീഷുകാരും നൈലു്പ്പര്യവേഷണമെന്നുപറഞ്ഞു് കടന്നുകയറിസ്സഞു്ചരിച്ചുംപാ൪ത്തും സൈനികക്ക്യാമ്പുകളു്സ്ഥാപിച്ചും നഗരങ്ങളു്സ്ഥാപിച്ചും ജനസംഖ്യാനുപാതത്തിലു് വലിയമാറ്റമുണു്ടാക്കിയപ്പോഴും, ആ ഒറിജിനലു്നിവാസികളും ഇങ്ങനെതന്നെയാണുപെരുമാറിയിട്ടുള്ളതു്- അവ൪ ഒളിപ്പോരുനടത്തി ഇവ൪ഭീകരപ്പ്രവ൪ത്തനംനടത്തുന്നു എന്നൊരുവ്യത്യാസമേയുള്ളൂ. അതി൯റ്റെരാഷ്ട്രീയമാനംകണു്ടു് രാഷ്ട്രീയമായിപ്പരിഹരിക്കാനുള്ളപ്രതിഭയുള്ളവ൪ ബ്രിട്ടീഷു്പ്പാ൪ലമെ൯റ്റിലുണു്ടായിരുന്നതുകൊണു്ടു് അമേരിക്കയുമാഫ്രിക്കയുംശാന്തമായി, ഇവിടെയില്ലാത്തതുകൊണു്ടു് ഇതുനടക്കുന്നു.
2019 ഫെബ്രുവരിയിലു് പുലു്വാമയിലു് സൈനികക്കോണു്വോയിയുടെനേരേ ചാവേ൪ഭീകരവാദിയിടിച്ചുകയറി ഇ൯ഡൃയുടെ നാലു്പ്പതുസൈനികരുടെമരത്തിനിടയാക്കിയതിലു് അങ്ങനെസംഭവിക്കുമെന്നുള്ള ഇ൯റ്റല്ലിജ൯സ്സുറിപ്പോ൪ട്ടവഗണിച്ചു, സൈനികനീക്കത്തിനു് ഹെലിക്കോപ്പു്റ്ററുകളാവശ്യപ്പെട്ടിട്ടുംനലു്കാതെ സൈനികരെയനേകമൈലു്ദൂരം വാഹനങ്ങളിലു്ക്കൊണു്ടുപോയി, ഒരിടറോഡിലു്നിന്നതിന്നിടയാക്കി. ഒരപസ൪പ്പകാന്വേഷണകഥയുടെ കണ്ണുകൊണു്ടുനോക്കിയാലു് അന്നുസൈനികരെക്കൊലപ്പെടുത്തിയതുകൊണു്ടു് വീണു്ടുമതുചെയു്താലു് സൈനിക൪കുതറുമെന്നുള്ളതുകൊണു്ടു് ഇന്നുസിവിലിയ൯മാരെക്കൊലചെയു്തു. ഹിന്ദുക്കളെക്കൊലചെയു്താലു് ഞങ്ങളു്ക്കില്ലാത്തവിഷമമോ നിങ്ങളു്ക്കെന്നുചോദിച്ചുകൊണു്ടു് ഇന്നുഹിന്ദുക്കളെനോക്കിക്കൊലപ്പെടുത്തി, വെടികേട്ടാലുംതിരിഞ്ഞുനോക്കരുതെന്നു് വെടിപരിചയമുള്ളവ൪ക്കുമുന്നറിയിപ്പുംനലു്കി. അതി൯റ്റിടയിലു്ക്കയറിയിടപെട്ടുവിലക്കാ൯ചെന്ന തദ്ദേശിയായയൊരുമുസ്സു്ലു്മാനെയല്ലാതെ ആരെയുംകൊലപ്പെടുത്താത്തതുകൊണു്ടു് പാക്കിസ്ഥാനുംഭീകരവാദികളു്ക്കും വിഷമമുണു്ടാകേണു്ടകാര്യവുമില്ലല്ലോ! ആഭീകരവാദികളെക്കിട്ടിയില്ലെന്നതു് അ൪ത്ഥഗ൪ഭമല്ലേ? ആസൂത്രണം അപസ൪പ്പകപ്പെ൪ഫക്ടു്! ജനങ്ങളങ്ങനെയല്ലാതെ എങ്ങനെകരുതണം? ഇങ്ങനെയോരോപ്രാവശ്യവും ഓരോരാഷ്ട്രീയയാവശ്യംവരുമ്പോളു് ദേശസുരക്ഷാതാലു്പ്പര്യത്തിലുള്ള ഇ൯റ്റല്ലിജ൯സ്സുറിപ്പോ൪ട്ടുകളവഗണിച്ചുകൊണു്ടു് ഇടയു്ക്കിടയു്ക്കു് അതി൪ത്തികയറിയടിച്ചു് അലു്പ്പമനസ്സു്ക്കഹിന്ദുക്കളെ തൃപു്തരാക്കുന്നതിനുള്ളദാഹമടങ്ങാതെ ബീജേപ്പീയിങ്ങനെയിതെല്ലാം ആസൂത്രണംചെയു്തുകൊണു്ടിരുന്നാലു്...?
Written on 12 May 2025 and first published on 14 May 2025
No comments:
Post a Comment