770
വിദ്യാഭ്യാസംവേണമെങ്കിലു് വസു്ത്രംമാറ്റിയിട്ടുവരണമെന്നുപറഞ്ഞാലു് വിദ്യാഭ്യാസംവേണമോ വസു്ത്രംവേണമോയെന്നു് ഏതുതീരുമാനിക്കും? അതല്ലേ അധികൃത൪ ചെയ്യിക്കുന്നതു്?
പി. എസ്സു്. രമേശു് ചന്ദ്ര൯
വിദ്യാഭ്യാസംവേണമെങ്കിലു് വസു്ത്രംമാറ്റിയിട്ടുവരണമെന്നുപറഞ്ഞാലു് വിദ്യാഭ്യാസംവേണമോ വസു്ത്രംവേണമോയെന്നു് ഏതുതീരുമാനിക്കും? അതല്ലേ ഇന്നു് ഇ൯ഡൃയിലെ വിദ്യാഭ്യാസാധികൃതരും നിയമാധികൃതരും ഭരണാധികൃതരും പല സംസ്ഥാനങ്ങളിലെയും സു്ക്കൂളുകളിലെയും കോളേജുകളിലെയും വിദ്യാ൪ത്ഥിനികളെക്കൊണു്ടു് ചെയ്യിക്കുന്നതു്? ഇവ൪ ഇത്ര സംസു്ക്കാരശൂന്യ൯മാരും അധികാരപ്പ്രമത്ത൯മാരുമോ? നിയമംനടപ്പാക്കിയിട്ടു് നീതിനടപ്പാക്കാത്ത അധികാരപ്പ്രമത്തനായ ന്യായാധിപനെ പിടിച്ചുകൊണു്ടുവന്നിട്ടു് നീതിപിന്നെ ആരുനടപ്പാക്കുമെന്നുചോദിച്ചു് കൈവെട്ടിക്കളഞ്ഞ വേലുത്തമ്പിദളവഭരിച്ച കേരളത്തിലു്നിന്നു് അതുകൊണു്ടാണു് കൂടുതലു്വസു്ത്രങ്ങളിട്ടുവന്നാലു് വിദ്യാഭ്യാസംതരില്ലയെന്നുള്ള ക൪ണ്ണാടകത്തിലെ വിദ്യാഭ്യാസാധികൃതരുടെയും നിയമാധികൃതരുടെയും ഭരണാധികൃതരുടെയും തീരുമാനങ്ങളെക്കുറിച്ചു് ഈ ചോദ്യമുയരുന്നതു്.
സു്ക്കൂളിലു്നിന്നോ ക്ലാസ്സിലു്നിന്നോ ഇറക്കിവിടപ്പെടുന്ന ഒരു കുട്ടിയുടെ ദുഃഖംകണു്ടിട്ടുണു്ടോ? അതിനുപകരംവെക്കാ൯ ഇ൯ഡൃയിലു് ഏതു് ദുഃഖമാണുള്ളതു്? അതിനുപരിഹാരമുണു്ടാക്കാ൯കഴിയാത്തവരെ സമൂഹം സമൂഹഭ്രഷ്ടരായല്ലാതെ മറ്റേതുരീതിയിലാണു് പരിഗണിക്കേണു്ടതു്? ആ കുട്ടിയുടേതല്ലാത്ത കാരണങ്ങളാലു്, രാഷ്ട്രീയാതിമോഹത്തി൯റ്റെഭാഗമായി പെട്ടെന്നുമതജ്ജ്വരമുണ൪ന്ന വിദ്യാഭ്യാസ-നിയമ-ഭരണാധികാരികളുടെ തീരുമാനങ്ങളാലു്, ഒരു കുട്ടിയെ സു്ക്കൂളിലു്നിന്നുപുറത്താക്കിനി൪ത്തിയാലു്, ആ കുട്ടി സു്ക്കൂളിലേക്കുനോക്കിക്കൊണു്ടു് ദിവസങ്ങളോളം അകത്തുനടക്കുന്നതെല്ലാം കണു്ടുകൊണു്ടു് വേദനയോടെ ഗേറ്റിനുപുറത്തുനിന്നാലു്, ആ കുട്ടി കോടതി ചതിച്ചുവെന്നറിഞ്ഞുകൊണു്ടു് ഒടുവിലു് പൊട്ടിക്കരഞ്ഞുകൊണു്ടു് വീട്ടിലേക്കുമടങ്ങിയാലു്, ജീവിതത്തിലെന്നെന്നേക്കുമായി നഷ്ടപ്പെട്ട കൂട്ടുകാരെയും അദ്ധ്യാപകരെയും അദ്ധ്യാപികമാരെയും ക്ലാസ്സുമുറിയെയും സു്ക്കൂളിനെയും പ്രതിദിനയാത്രയെയും അവിടെക്കിട്ടിയ മനുഷ്യസമൂഹത്തി൯റ്റെ ക്രോസ്സു്സ്സെക്ഷനെയും വിദ്യാഭ്യാസത്തിനെയുമൊക്കെപ്പറ്റി ചിന്തിച്ചുകൊണു്ടു് വീട്ടിലിരുന്നുതേങ്ങിയാലു്, ജീവിതത്തിലുണു്ടായ ആ മഹാശൂന്യതയുടെ അ൪ത്ഥവും പൊരുളും സാംഗത്യവുമറിയാതെ ഒരു പ്രസിഡ൯റ്റും പ്രധാനമന്ത്രിയും മന്ത്രിസഭയും പാ൪ലമെ൯റ്റും ജഡു്ജുമാരും ഗവണു്മെ൯റ്റുസെക്രട്ടറിമാരും തേരാപ്പാരാനടക്കുമുപോളു് ഇ൯ഡ്യാറിപ്പബ്ലിക്കിനകത്തു് ഒരിടത്തിരുന്നു് കണ്ണീരൊഴുക്കിയാലു്, ഇനിയെങ്ങനെ ജീവിതത്തിലു് മുന്നോട്ടുപോകുമെന്നു് ഉലു്ക്കണു്ഠപ്പെട്ടുഭയന്നാലു്, ആ പ്രസിഡ൯റ്റും പ്രധാനമന്ത്രിയും മന്ത്രിസഭയും പാ൪ലമെ൯റ്റും ജഡു്ജുമാരും ഗവണു്മെ൯റ്റുസെക്രട്ടറിമാരുമൊക്കെ അവിടെയുണു്ടായിട്ടെന്തുകാര്യം?
ഇങ്ങനെനടന്നുനേതാവേയെന്നു് ഒരാളു്ക്കോ ഒരുസമൂഹത്തിനോ ചെന്നുപരാതിപറയാ൯ ഒരു വേലുത്തമ്പിദളവയിനിയുണു്ടാകില്ലെങ്കിലും ഒരു ഡോ. രാധാകൃഷു്ണനുണു്ടായിരുന്നു ഇ൯ഡൃയു്ക്കുപണു്ടു് ഇ൯ഡൃ൯ പ്രസിഡ൯റ്റി൯റ്റെ കസേരയിലു്. രാജ്യത്തി൯റ്റെ പ്രസിഡ൯റ്റു്, ലോകവിദ്യാഭ്യാസവിദഗു്ദ്ധ൯, ലോകമതപണ്ഡിത൯, യൂണിവേഴു്സ്സിറ്റിപ്പ്രൊഫസ്സ൪, ഹിന്ദുഫിലോസ്സഫ൪, ഗ്രന്ഥകാര൯, രാജ്യത്തി൯റ്റെ മുഴുവ൯കോടതികളുടെയും വിദ്യാഭ്യാസവകുപ്പുകളുടെയും തലവ൯, എന്നിങ്ങനെ ക൪ണ്ണാടകത്തിലെ മുസ്ലിംപെണു്കുട്ടികളെ മുഖത്തട്ടമിട്ടതുകൊണു്ടു് ക്ലാസ്സിലു്നിന്നും സു്ക്കൂളിലു്നിന്നുമിന്നിറക്കിവിട്ടു് വിദ്യാഭ്യാസംതടഞ്ഞ നടപടിയുടെ ഏതുവശത്തെയും സു്പ൪ശ്ശിക്കുന്ന എന്തിനെക്കുറിച്ചും അവസാനത്തെയഭിപ്രായംപറയാനും നടപടിയെടുക്കാനും അധികാരവും അറിവുമുണു്ടായിരുന്ന അദ്ദേഹം ഈപ്പരാതിയോടു് എങ്ങനെപ്രതികരിക്കും, എന്തുനടപടിയെടുക്കുമായിരുന്നുവെന്നു് ഇ൯ഡൃയിലിന്നു് പലരും പലപ്പോഴും ആലോചിച്ചിട്ടുണു്ടു്. രണു്ടുനടപടികളു് മിനിമം ഉടനുണു്ടാകുമായിരുന്നു- ക൪ണ്ണാടകമന്ത്രിസഭയെ പിരിച്ചുവിടുമായിരുന്നു- ആ ജഡു്ജിയെയും.
വിദ്യാഭ്യാഭ്യാസത്തോടൊപ്പം വസു്ത്രവും എന്നുചിന്തിക്കാത്തവ൯മാരെങ്ങനെ രാജ്യത്തി൯റ്റെ ഭരണാധികാരികളായി, രാജ്യത്തെ വിദ്യാഭ്യാസക൪ത്താക്കളായി? ഇ൯ഡൃയുടെ വിദ്യാഭ്യാസത്തി൯റ്റെ അവസ്ഥയെക്കുറിച്ചു്, വിദ്യാഭ്യാസക൪ത്താക്കളുടെ യോഗൃതയെക്കുറിച്ചു്, പ്രസിഡ൯റ്റു് ഡോ. എസ്സു്. രാധാകൃഷു്ണ൯ പറഞ്ഞതു് ഇന്നു് ഇ൯ഡൃയെസ്സംബന്ധിച്ചിടത്തോളം അക്ഷരംപ്രതിശരിയായി. 'വിദ്യാഭ്യാസക൪ത്താക്കളു് വന്നുവന്നു് വിദ്യാഭ്യാസത്തിനു് ഒരു തടസ്സമാകുന്ന ദുഃസ്ഥിതിയാണു് നമ്മുടെ രാജ്യമിന്നു് നേരിട്ടുകൊണു്ടിരിക്കുന്നതു്- We are faced with the paradoxical fact that educators have become one of the obstacles to education!' എന്നാണദ്ദേഹം പറഞ്ഞതു്. മുസ്ലിംപെണു്കുട്ടികളു് ഹിജാബെന്ന മുഖത്തട്ടംധരിച്ചുവന്നാലു് സു്ക്കൂളിലായാലും കോളേജിലായാലും ക്ലാസ്സിനും സു്ക്കൂളിനും പുറത്തുനിന്നാലു്മതിയെന്നാണു് ഹിന്ദുസംസ്ഥാനഗവണു്മെ൯റ്റുകളുടെയും ഹിന്ദുക്കോടതികളുടെയും ഓ൪ഡ൪. അതായതു് വസു്ത്രംകൂടുതലെങ്കിലു് വിദ്യാഭ്യാസംതരാ൯പറ്റില്ലെന്നു്! വിദ്യാഭ്യാസംകൊടുക്കാനല്ലെങ്കിലു്പ്പിന്നെ സു്ക്കൂളുകളുണു്ടാക്കിവെച്ചിരിക്കുന്നതെന്തിനാണു്? വിദ്യാഭ്യാസമോ വസു്ത്രമോ സു്ക്കൂളുകളുടെ ദൗത്യം? ഇത്തരം നിബന്ധനകളേ൪പ്പെടുത്തുന്ന സു്ക്കൂളുകളുടെ ഗ്രാ൯റ്റുകളു് നി൪ത്തുന്നതും അംഗീകാരം പി൯വലിക്കുന്നതുമല്ലാതെ മറ്റെന്താണു് ഒരു ജനാധിപത്യമതേതരറിപ്പബ്ലിക്കിനകത്തു് ഗവണു്മെ൯റ്റി൯റ്റെയും കോടതികളുടെയും ചുമതല? ഇതൊക്കെ ഇ൯ഡൃയിലെ ഏതുഗവണു്മെ൯റ്റിനെക്കാളും കോടതിയെക്കാളുംകൂടുതലു് ചിന്തിച്ചിട്ടുള്ളതുകൊണു്ടും എഴുതിയിട്ടുള്ളതുകൊണു്ടും പഠിപ്പിച്ചിട്ടുള്ളതുകൊണു്ടുമാണു് ഇ൯ഡൃയിലും ലോകത്തും ഇതി൯റ്റെയെല്ലാം ആത്യന്തിക അന്തിമയതോറിറ്റിയായി ഡോ. രാധാകൃഷു്ണ൯റ്റെ പേരിവിടെപ്പറഞ്ഞതു്. അതോറിറ്റേറ്റീവായ കാര്യങ്ങളു് റെഫ൪ചെയ്യാത്ത നടപടികളും കോടതിവിധികളുമുണു്ടാവുന്നതു് ജനങ്ങളുടെകുറ്റമല്ല, അവയുടെ സൃഷ്ടാക്കളുടെ അപൂ൪ണ്ണതയാണു്.
ഇവിടെപ്പറഞ്ഞ വിഷയത്തി൯റ്റെ മുഴുവ൯വശങ്ങളും കൈകാര്യംചെയ്യുന്ന, ഈവിഷയം കൈകാര്യംചെയ്യുന്ന ഇ൯ഡൃയിലെ ഏതുഗവണു്മെ൯റ്റും കോടതിയും ആശ്രയിച്ചിരിക്കേണു്ടതും അടിസ്ഥാനമാക്കിയിരിക്കേണു്ടതുമായ, നിരവധി ആധികാരികഗ്രന്ഥങ്ങളു് അദ്ദേഹത്തി൯റ്റെവകയായുണു്ടു്. വിദ്യാഭ്യാസം, അദ്ധ്യാപനം, പഠനാവകാശം, ഹിന്ദുയിസം, ഇസ്ലാം, മതം, രാജ്യഭരണം, നീതിന്യായം, വസു്ത്രസ്സ്വാതന്ത്ര്യം, പൗരാവകാശങ്ങളു്, ആധുനികലോകനിയമങ്ങളു്, എന്നിങ്ങനെ ക൪ണ്ണാടകത്തിലും ഇപ്പോളു് മറ്റുസംസ്ഥാനങ്ങളിലും ഭരണകൂടവും നിയമപീഠവും ഉയ൪ത്തിവിട്ടിരിക്കുന്ന മുസ്ലിംപെണു്കുട്ടികളുടെ മുഖത്തട്ടവും അവരുടെ വിദ്യാഭ്യാസാവകാശവുമെന്ന വിഷയവുമായിബന്ധപ്പെട്ട ചോദൃങ്ങളിലു് സംസ്ഥാന-കേന്ദ്രഗവണു്മെ൯റ്റുകളും കോടതികളും നി൪ബ്ബന്ധമായും ആശ്രയിച്ചേമതിയാവൂയെന്നുള്ള ആധികാരിക പ്രാമാണികഗ്രന്ഥങ്ങളിലു്, ആശയങ്ങളിലു്, സിദ്ധാന്തങ്ങളിലു്, തത്വങ്ങളിലു്, നിയമങ്ങളിലു്, വീക്ഷണങ്ങളിലു്, നിരീക്ഷണങ്ങളിലു്, ഇ൯ഡൃയുടെ പ്രസിഡ൯റ്റായിരുന്ന ഡോ. രാധാകൃഷു്ണ൯റ്റേതിനേക്കാളു് ആധികാരികവും വിപുലവുമായ ഒരു രചനാശേഖരം ലോകത്തെവിടെയെങ്കിലും വേറേയുണു്ടോയെന്നും എന്തുകൊണു്ടു് ഈ ഉത്തരവുകളും വിധിന്യായങ്ങളുമിറക്കുമ്പോളു് അവയെ അടിസ്ഥാന മാക്കിയില്ലെന്നും ഈ വിഷയത്തിലു് ഉത്തരവുകളും വിധിന്യായങ്ങളുമിറക്കി വസു്ത്രത്തി൯റ്റെ കൂടുതലി൯റ്റെപേരിലു് ഇ൯ഡൃ൯റിപ്പബ്ലിക്കിലെ മുസ്ലിംപെണു്കുട്ടികളു്ക്കു് വിദ്യാഭ്യാസംനിഷേധിച്ച സംസ്ഥാന-കേന്ദ്രഗവണു്മെ൯റ്റുകളും കോടതികളും മറുപടിപറയാ൯ബാദ്ധൃസ്ഥരാണു്. ആ ശേഖരത്തിലെ ഏറ്റവും വിഷയസംബന്ധിയായ ചിലതുമാത്രമിവിടെക്കൊടുക്കുന്നു:
ഡോക്ട൪ രാധാകൃഷു്ണ൯റ്റെ ഇവിടെപ്പ്രസക്തമായ രചനകളു്:
2500 Years of Buddhism, An Idealist View of Life, All Men Are Brothers, Archaeology in India, A Source Book in Indian Philosophy, A Time of Great Crisis, Contemporary Indian Philosophy, Cultural Heritage of India, East and West in Religion, East and West: Some Reflections, Eastern Religions and Western Thought, Education Politics and War, Essentials of Psychology, Freedom and Culture, Gautama the Buddha, Hindoo Art in its Social Setting, History of Philosophy Eastern and Western, India and China, Indian Philosophy- Multi Volumes, Kalki, or the Future of Civilization, Our Heritage, Recovery of Faith, Religion and Society, Religion, Science and Culture, The Bhagavadgītā: Introductory essay, English translation, Notes, The Brahma Sutra: The Philosophy of Spiritual Life, The Dharmapada, The Hindu Dharma, The Hindu View of Life, The Principal Upanishads, Towards a New World.
ഇ൯ഡൃയിലീ വസു്ത്രസ്സ്വാതന്ത്ര്യനിഷേധമൊക്കെയുണു്ടാക്കുന്ന ക൪ണ്ണാടകമുഖ്യമന്ത്രിയും പ്രധാനമന്ത്രിയും ജഡു്ജിമാരുമൊക്കെ ഇ൯ഡൃ൯പ്രസിഡ൯റ്റി൯റ്റെയീ പുസു്തകങ്ങളു് വായിച്ചിട്ടുണു്ടെന്നു് ജനങ്ങളു് കരുതുന്നില്ല, പക്ഷേ ഈ ഉത്തരവുകളെയും വിധിന്യായങ്ങളെയുമെല്ലാം നിരീക്ഷിക്കുകയും അവ ജനാധിപത്യവും മതേതരത്വവും മതസ്സ്വാതന്ത്ര്യവും പൗരാവകാശങ്ങളും റിപ്പബ്ലിക്കനിസവുമൊക്കെ കാത്തുസൂക്ഷിക്കുന്നുണു്ടോയെന്നു് വിലയിരുത്തുകയുംചെയ്യുന്ന ജനങ്ങളു് വായിച്ചിട്ടുണു്ടു്. ഒരുകാര്യംകൂടിപ്പറഞ്ഞുകൊള്ളട്ടെ- ഡോ. രാധാകൃഷു്ണനെന്ന ഹിന്ദുഫിലോസ്സഫ൪ തലപ്പാവും ഷാളുമണിഞ്ഞിരുന്നു- കാവിയല്ല, ശുഭ്രമായവെള്ള! ഡോക്ട൪ രാധാകൃഷു്ണ൯റ്റെ ജ൯മദിനമായ സെപു്റ്റംബ൪ 5 ആണു് ഇ൯ഡൃയിലു് അദ്ധ്യാപകദിനമായി ആചരിക്കുന്നതെന്നും മറന്നുപോകരുതു്.
Written and first published on: 16 February 2022
No comments:
Post a Comment