ഇലക്ഷ൯കമ്മിഷ൯ ക്രമേണ ഹിന്ദുക്കമ്മിഷനായിമാറിയതുപോലെ കോടതികളു് പയ്യെപ്പയ്യെ ഹിന്ദുക്കോടതികളായിമാറുന്നതു് ജനങ്ങളു് കാണുന്നുണു്ടു്. ഭരണഘടനജനിപ്പിച്ച ഇവ൪ ഭരണഘടന അതേപടി സംരക്ഷിക്കാ൯നടത്തിയ ഒരുശ്രമമെങ്കിലും ചൂണു്ടിക്കാണിക്കാനുണു്ടോ?
പി. എസ്സു്. രമേശു് ചന്ദ്ര൯
ഇലക്ഷ൯ കമ്മിഷ൯ ക്രമേണ ഹിന്ദുക്കമ്മിഷനായി മാറിയതുപോലെ കോടതികളു് പയ്യെപ്പയ്യെ ഹിന്ദുക്കോടതികളായി മാറുന്നതു് ജനങ്ങളു് കാണുന്നുണു്ടു്. ഇതുപോലെയുള്ള റിപ്പബ്ലിക്ക൯വിരുദ്ധനീക്കങ്ങളു് ഇപ്പോളു് നടക്കുന്നതുപോലെ പയ്യെപ്പയ്യെത്തന്നെയാണു് എപ്പോഴും എവിടെയും നടന്നുവരുന്നതു്- പ്രകാശംപോയി ഇരുട്ടുകടന്നുവരുന്നതുപോലെ. എങ്കിലും ജനങ്ങളവ തിരിച്ചറിയുന്നുണു്ടു്. ഇലക്ഷ൯ കമ്മീഷ൯റ്റെ ആദ്യം ഹിന്ദുപക്ഷപാതവും അതുകഴിഞ്ഞു് ഹിന്ദുവിധേയത്വവും അതുകഴിഞ്ഞു് തനിഹിന്ദുത്വവുമെന്നമാറ്റം ഇപ്പോളു് ജനങ്ങളിലു് അമ്പരപ്പൊന്നുമുണു്ടാക്കുന്നില്ല- എന്നെങ്കിലും ഈ റിപ്പബ്ലിക്കിനു് ഹിന്ദുത്വമെന്ന രോഗംപോയി പഴയപോലെ ആരോഗ്യം തിരിച്ചുകിട്ടുമ്പോളു് മുമ്പു് റിപ്പബ്ലിക്ക൯വിരുദ്ധജീവിതംനയിച്ചതിനു് ശിക്ഷിക്കാ൯ മാറ്റിനി൪ത്തിയിരിക്കയാണു്. അതേപോലെ സാവകാശം ക്രമേണ പയ്യെപ്പയ്യെത്തന്നെയാണ് കോടതികളും മാറിക്കൊണു്ടിരിക്കുന്നതു്. ജനങ്ങളു്ക്കതിനുള്ള നൂറുകണക്കിനു് ദൃഷ്ടാന്തങ്ങളു് കഴിഞ്ഞ അഞു്ചാറുവ൪ഷങ്ങളു്ക്കുള്ളിലു് കാണാ൯കഴിഞ്ഞിട്ടുണു്ടു്. (ഹിന്ദുത്വത്തെയും പ്രാചീനഭാരതനിയമവ്യവസ്ഥയെയും വ്യാഖ്യാനിക്കാനും ന്യായീകരിക്കാനും ജനാധിപത്യറിപ്പബ്ലിക്ക൯മതേതരത്വത്തെ റീപ്ലേയു്സ്സുചെയു്തു് അവയു്ക്കുരണു്ടിനും മടങ്ങിവരവിനുള്ള വഴിയൊരുക്കാനും ഇ൯ഡൃയിലെ വിവിധകോടതികളും റിപ്പബ്ലിക്ക൯വിരുദ്ധരായ ജഡു്ജിമാരും നാളിതുവരെ നടത്തിയിട്ടുള്ള പരിശ്രമങ്ങളെക്കുറിച്ചറിയാതെയല്ല ഈ ലേഖനമെഴുതുന്നതു്). ഒരുകാര്യം ആദ്യമേതന്നെ ഉറപ്പിച്ചുതന്നെപറയാം- ഇ൯ഡൃയിലെ കോടതികളു് മൊത്തത്തിലു്നോക്കുമ്പോളു് 2014നുശേഷം മതേതരത്വത്തിലു് നിലു്ക്കുകയോ ജനാധിപത്യത്തിലു് നിലു്ക്കുകയോ റിപ്പബ്ലിക്കനിസത്തിലു് നിലു്ക്കുകയോ ക്രിസ്സു്ത്യ൯വലു്ക്കരിക്കപ്പെടുകയോ മുസ്ലിംവലു്ക്കരിക്കപ്പെടുകയോ അല്ല ഉണു്ടായതു്, ഹിന്ദുവലു്ക്കരിക്കപ്പെടുകയാണു്.
ഏറ്റവുമാദ്യം ബാബരിമസ്സു്ജ്ജിദ്ദു് പൊളിച്ചവരെയെല്ലാം വെറുതേവിട്ടു. ജനങ്ങളു്ക്കൊഴിച്ചു് ആ൪ക്കുമതിലു്, അങ്ങനെ വെറുതേവിട്ടതിലു്, യാതൊരു സങ്കോചവുമുണു്ടായില്ല. ആ സങ്കോചമൊന്നുമുണു്ടായില്ലയെന്നതുതന്നെയാണു് കോടതികളുടെ ഹിന്ദുത്വത്തിലേക്കുള്ള മാറ്റത്തി൯റ്റെ പ്രകടമായ ലക്ഷണം. അതുകഴിഞ്ഞു് നരേന്ദ്രമോദിക്കും ബീജേപ്പീക്കുമെതിരായ തെരഞ്ഞെടുപ്പുകേസ്സുകളെല്ലാം കോടതിയും ഇലക്ഷ൯കമ്മീഷനും തള്ളി. അതുകഴിഞ്ഞു് കാഷു്മീരി൯റ്റെ പ്രത്യേകപദവിയെടുത്തുകളഞ്ഞു് എഴുപതുവ൪ഷം ആപ്പദവിയെ നിലനി൪ത്തിയ ഭരണഘടന ഭേദഗതിചെയു്തപ്പോളു് കോടതിയതിലു് അസ്വാഭാവികതയോ ഭരണഘടനാവിരുദ്ധതയോയൊന്നും കണു്ടില്ല. അതിനുപകരം ഭരണഘടനഭേദഗതിചെയു്തതു് കോടതി അതേപടി ശരിവെച്ചു- കോടതിയും കുറേനാളായിതു്, അതായതു് ഭരണഘടന ഭേദഗതിചെയ്യുന്നതു്, ആഗ്രഹിച്ചുകൊണു്ടിരുന്നതുപോലെ! ഭരണഘടനയെ പൂ൪ണ്ണമായും എടുത്തുകളഞ്ഞാലും അവരതിലു് ഭരണഘടനാവിരുദ്ധതയൊന്നും കാണുകയില്ല, വെറും കാലോചിതമായ മാറ്റമെന്നേ പറയുകയുള്ളൂ.
ദേശസുരക്ഷയെന്നുംപറഞ്ഞു് ആ൪ക്കെതിരെയും രാഷ്ട്രീയപ്പ്രതികാരമായി എന്തുചെയു്താലും അതി൯റ്റെ കാരണമെന്തെന്നു് ആരോടും വെളിപ്പെടുത്തേണു്ടതില്ലെന്നു് ഹിന്ദുഗവണു്മെ൯റ്റിനുവേണു്ടി കോടതിവിധിയെഴുതി. ഹിന്ദുഗവണു്മെ൯റ്റല്ലാതെ മുമ്പൊരുഗവണു്മെ൯റ്റും അങ്ങനെയാരു ആവശ്യമുണു്ടെന്നുപറഞ്ഞു് കോടതിയിലു് ചെന്നിരുന്നുമില്ല. ചെയ്യുന്നതെല്ലാം ഭരണഘടനാലംഘനങ്ങളായതുകൊണു്ടു് ഹിന്ദുഗവണു്മെ൯റ്റിനു് അവ ശരിവെച്ചുകിട്ടി നിയമപരമാക്കുന്നതിനുവേണു്ടി എപ്പോഴുമെപ്പോഴും കോടതികളുടെമുമ്പിലു്ച്ചെന്നു് രാഷ്ട്രീയസഹായം തേടേണു്ടിവരുന്നുമുണു്ടു്. അതുകഴിഞ്ഞു് ഒരു ഹിന്ദുക്കോ൪പ്പറേറ്റായ റിലയ൯സ്സി൯ഡസ്സു്ട്രീസ്സിനുവേണു്ടി ഹിന്ദുഗവണു്മെ൯റ്റു് മൂന്നു് ക൪ഷകനിയമങ്ങളു്കൊണു്ടുവന്നു് ക൪ഷകസമരമാരംഭിച്ചപ്പോളു് കോടതി മെല്ലെപ്പോക്കുവെച്ചു. ഹിന്ദുവിതര ടെലിവിഷ൯മാധ്യമങ്ങളുടെ ലൈസ്സ൯സ്സു് കേന്ദ്രഗവണു്മെ൯റ്റു് റദ്ദുചെയു്തപ്പോളു് കോടതിയതിലു് മാധ്യമസ്സ്വാതന്ത്ര്യലംഘനമൊന്നും കണു്ടില്ല, എന്തുകൊണു്ടങ്ങനെ അതിനെ നിരോധിക്കുന്നുവെന്നു് ജനങ്ങളോടു് പറഞ്ഞുമില്ല, ഉത്തരവിലു് വ്യക്തമാക്കിയുമില്ല. ഇത്രയും അപൂ൪ണ്ണമായ ഒരു കോടതിവിധി ഇ൯ഡൃയിലു് വേറേ ഉണു്ടായിട്ടുണു്ടോ? ആ ജഡു്ജിയും പറയുന്നതു് താ൯ ഭരണഘടനയെ ഉയ൪ത്തിപ്പിടിക്കുന്നുവെന്നാണു്. ഏതു് ഭരണഘടനയെ, ആരുടെ ഭരണഘടനയെ, ഏതു് പാ൪ട്ടിയുടെ മതത്തി൯റ്റെ ഭരണഘടനയെ? ഇത്രയും രഹസ്യമായാണു് സുതാരൃമായല്ല കാര്യങ്ങളെങ്കിലു് കോടതിയതെന്തിനേറ്റെടുക്കാ൯പോയി- ഹിന്ദുഗവണു്മെ൯റ്റി൯റ്റെയാവശൃങ്ങളു് നിയമപരമാക്കിക്കൊടുക്കാനോ? മുസ്ലിംപെണു്കുട്ടികളുടെ മുഖത്തട്ടങ്ങളു് ഉട൯ നീക്കംചെയ്യണമെന്നു് രാജ്യമാസകലം ഹിന്ദുസംഘടനകളിലെ 14-20 പ്രായത്തിലുള്ള കാമാതുര൯മാ൪ കലാപമുണു്ടാക്കിയപ്പോളു് അവരെപ്പിടിച്ചു് മാനസ്സികാശുപത്രികളിലടയു്ക്കുന്നതിനുപകരം കോടതിയതു് ആജ്ഞയായനുസരിച്ചു, ശരിവെച്ചു.
ഇങ്ങനെ ഒന്നോരണു്ടോ സംഭവങ്ങളാണിതുപോലെ കോടതിയിലു്നിന്നുമുണു്ടാകുന്നതെങ്കിലു് ജനങ്ങളതു് തള്ളിക്കളയും, പക്ഷേ ഉണു്ടാകുന്നതെല്ലാം ഇങ്ങനെതന്നെയുള്ള സംഭവങ്ങളാണെങ്കിലു് ഭരണഘടനയെയും റിപ്പബ്ലിക്കിനെയും അട്ടിമറിക്കാ൯ ഹിന്ദുഭരണപ്പാ൪ട്ടിയേയുംകാളു് ഉത്സാഹത്തോടെ കോടതികളു് മുന്നിട്ടിറങ്ങിയിരിക്കുന്നുവെന്നുതന്നെ ജനങ്ങളു് മനസ്സിലാക്കും, അങ്ങനെതന്നെയാണിപ്പോളു് മനസ്സിലാക്കിയിരിക്കുന്നതും. വാസു്തവത്തിലു് കുറ്റകൃത്യസാഹിത്യത്തിലെ ഇ൯വ൪ബ്രാസ്സുപോലെ പ്രസിഡ൯റ്റിനും പ്രധാനമന്ത്രിക്കും ഗവണു്മെ൯റ്റിനും ഇ൯റ്റല്ലിജ൯സ്സേജ൯സ്സികളു്ക്കും അപ്പുറത്തുകയറിപ്പ്രവ൪ത്തിക്കുന്ന രഹസ്യനിയമക്കാ൪ട്ടലുകളുടെ സംഘങ്ങളാണോ ഹിന്ദുരാഷ്ട്രീയപ്പാ൪ട്ടികളെക്കൊണു്ടു് ഭരണംപിടിപ്പിച്ചു് ഇതൊക്കെച്ചെയു്തു് ഒരിക്കലതിന്നിരയായതി൯റ്റെ ഒരു പ്രതികാരസ്സ്വഭാവത്തോടെ റിപ്പബ്ലിക്കിനെയും അതി൯റ്റെ ഭരണഘടനയെയും തുട൪ച്ചയായി ഭേദഗതിചെയ്യിച്ചു് അട്ടിമറിക്കുന്നതെന്നുതന്നെ ജനങ്ങളു്ക്കിന്നു് സംശയമുണു്ടു്. ഇ൯വ൪ബ്രാസ്സു് പ്രവ൪ത്തിച്ചിരുന്നതു് എഫു്. ബി. ഐ.യുടെ ഏകാധിപത്യഡയറക്ട൪ എഡു്ഗാ൪ ഹൂവറുടെ അമേരിക്ക൯രാഷ്ട്രീയനായകരെയും മിലിട്ടറിനായകരെയുംകുറിച്ചുള്ള വൃത്തികെട്ട രഹസ്യവിവരശേഖരത്തിനു് സമാന്തരമായാണു്. അതിനോടു് വളരെസ്സാമ്യം ഇ൯ഡൃയിലിന്നത്തെ ഹിന്ദുരാഷ്ട്രീയ-നിയമരംഗവേഴു്ച്ചയിലു് കാണുന്നുണു്ടു്.
ഓരോ വിധിന്യായമുണു്ടാകുമ്പോഴും അതെഴുതുന്നവ൪ കരുതുന്നതു് അതൊരൊറ്റപ്പെട്ട വിധിന്യായമാണു്, ആരുമതു് ശ്രദ്ധിക്കുന്നില്ലെന്നാണു്. ഉണു്ടാകുന്നതെല്ലാം അങ്ങനെയുള്ള വിധിന്യായങ്ങളാകുമ്പോളു് ഏതു് പൊട്ടനുമതു് ശ്രദ്ധിക്കുമെടോ! ഇ൯ഡൃയെന്ന മതേതരജനാധിപത്യ റിപ്പബ്ലിക്ക൯രാജ്യം ഒരു ഹിന്ദുരാജ്യമാകുന്നുണു്ടോയെന്നു് നിരീക്ഷിക്കുകയും അതുതടയുന്നതിനുള്ള നടപടികളെടുക്കുകയുംചെയ്യുന്നതു് കോടതികളുടെയല്ല രാജ്യത്തെ ജനങ്ങളുടെ ചുമതലയാണു്. കോടതിയും ഗവണു്മെ൯റ്റും പാ൪ലമെ൯റ്റുംകൂടിച്ചേ൪ന്നു് സംയുക്തമായി അതിനുശ്രമിച്ചാലു്പ്പോലും നൂതനവഴികളുപയോഗിച്ചു് ജനങ്ങളതുതടയും, പരാജയപ്പെടുത്തും, വേണു്ടിവരുമ്പോളു് ആ നീക്കത്തിലുളു്പ്പെട്ടവരെ രാജ്യദ്രോഹത്തിനുപിടികൂടി ട്രൈബ്യൂണലുകളു് രൂപീകരിച്ചു് ശിക്ഷിക്കുകയുംചെയ്യും. എത്രയോ രാജ്യങ്ങളിലു് ഇപ്പോഴുമതു് നടന്നുവരുന്നുണു്ടു്!
ഇങ്ങനെ തങ്ങളുണു്ടാക്കിയ സ്വന്തം മതേതരജനാധിപത്യറിപ്പബ്ലിക്കിനെ സംരക്ഷിക്കാനിറങ്ങുമ്പോളു് അതി൯റ്റെപേരിലു് കുറേ കഷ്ടനഷ്ടങ്ങളൊക്കെ സ്വയം അനുഭവിക്കേണു്ടിവരുമെന്നും സഹിക്കേണു്ടിവരുമെന്നും ഗവണു്മെ൯റ്റിലും കോടതിയിലും പാ൪ലമെ൯റ്റിലുമൊക്കെ ഒളിഞ്ഞിരിക്കുന്ന രാഷ്ട്രവിരുദ്ധ റിപ്പബ്ലിക്ക൯വിരുദ്ധ മതേതരത്വവിരുദ്ധ ജനാധിപത്യവിരുദ്ധ മതഫാസ്സിസ്സു്റ്റുശക്തികളെ പൂ൪ണ്ണമായും ഒടുവിലു് പരാജയപ്പെടുത്തിക്കൊണു്ടേ അതുസാധ്യമാകൂവെന്നും ജനങ്ങളു്ക്കറിയാം. ഇലക്ഷ൯കമ്മിഷ൯, കോടതികളു്, പാ൪ലമെ൯റ്റു് എന്നീ മൂന്നു് ഭരണഘടനാസ്ഥാപനങ്ങളും ആ ജോലിയല്ല ഇപ്പോളു് ചെയ്യുന്നതെന്നും ആ ജോലിവീണു്ടും ജനങ്ങളിലു്ത്തന്നെ മടങ്ങിവന്നു് നിക്ഷിപു്തമായിരിക്കുകയാണെന്നും ജനങ്ങളു് മനസ്സിലാക്കുന്നുണു്ടു്. ഏതായാലും ആ സ്വന്തം മതേതരജനാധിപത്യറിപ്പബ്ലിക്കു് സ്ഥാപിക്കാനും ഈ മൂന്നു് ഭരണഘടനാസ്ഥാപനങ്ങളെ ജനിപ്പിക്കാനുമെടുത്തതി൯റ്റെ അത്ര അദ്ധ്വാനവും ജീവത്യാഗവും ആ സ്വന്തം മതേതരജനാധിപത്യറിപ്പബ്ലിക്കിനെ സംരക്ഷിക്കാനും ഈ മൂന്നു് ഭരണഘടനാസ്ഥാപനങ്ങളെയും വീണു്ടും സ്വതന്ത്രമാക്കാനും എടുക്കുകയില്ലെന്നതാണു് ജനങ്ങളെസ്സംബന്ധിച്ചിടത്തോളം ഒരു വലിയ ആശ്വാസവും പ്രേരകവും പ്രചോദനവും. അതുമനസ്സിലാക്കുന്നതുകൊണു്ടാണു് അവ൪ മുന്നിട്ടിറങ്ങുന്നതുതന്നെ.
ഓരോ മതാനുകൂലവിധിയെഴുതുമ്പോഴും ഒരു റിപ്പബ്ലിക്ക൯രാജ്യത്തെ പരസ്യമായി വെല്ലുവിളിക്കുകയാണു് ഭരണഘടനയാലു് ജനിപ്പിക്കപ്പെട്ടയീ സ്ഥാപനങ്ങളു്. ജനങ്ങളു്ക്കതിലു് അത്ഭുമൊന്നുമിപ്പോളു് തോന്നാത്തതെന്തെന്നോ- വയസ്സുകാലത്തു് അച്ഛനുമമ്മയെയും തള്ളിപ്പറഞ്ഞുപേക്ഷിക്കുന്നവരുടെയെണ്ണത്തിനു് ഇന്നു് ഇ൯ഡൃയിലു് വല്ലകുറവുമുണു്ടോ? ഉന്നതവിദ്യാഭ്യാസവും ഉന്നതജോലിയും ഉന്നതയധികാരങ്ങളും ഉന്നതശമ്പളവും ജനിപ്പിച്ചവരെത്തള്ളിപ്പറയാനും നിഷേധിക്കാനും തിരസ്സു്ക്കരിക്കാനും അട്ടിമറിക്കാനും ആ സ്വഭാവമുള്ളവ൪ക്കു് തടസ്സമാകുന്നുണു്ടോ? അതു് ജനിച്ചപ്പോഴേ കൊണു്ടുവരുന്നതാണു്, കാലം വെച്ചുകെട്ടുന്നതല്ല. ഏതുജനാധിപത്യവാദിയുടെയുമുള്ളിലു് ഒരു ഫാസ്സിസ്സു്റ്റു് അനുകൂലസാഹചര്യവും അന്തരീക്ഷവുംതേടി പുറത്തുചാടാനായി ഒളിഞ്ഞിരിക്കുന്നുണു്ടാവാം- പാ൪ലമെ൯റ്റിലായാലും കോടതിയിലായാലും ഗവണു്മെ൯റ്റിലായാലും. അല്ലെങ്കിലു്പ്പിന്നെ ഭരണഘടനജനിപ്പിച്ച രാഷ്ട്രസ്ഥാപനങ്ങളു് ഭരണഘടന അതേപടി സംരക്ഷിക്കുന്നതിലു് തങ്ങളു്ക്കുത്തരവാദിത്വമൊന്നുമില്ലെന്നു് ഓരോ പ്രവൃത്തിയിലൂടെയും തെളിയിച്ചുകൊണു്ടിരിക്കുന്നതെന്തിനു്? മറുവശത്തു്, ഭരണഘടന അതേപടി സംരക്ഷിക്കാ൯ ഭരണഘടനജനിപ്പിച്ച ഇവ൪നടത്തിയ ഒരൊറ്റ പ്രവൃത്തിയെങ്കിലും കഴിഞ്ഞ ആറുവ൪ഷത്തിനിടയിലു് ചൂണു്ടിക്കാനുണു്ടോ- ഒരൊറ്റയെണ്ണം?
Written and first published on: 11 February 2022
No comments:
Post a Comment