നമ്മളു് നമ്മുടെപൈസ്സകൊടുത്തുടിക്കറ്റെടുത്തു് ബസ്സിലു്ക്കയറിസ്സഞു്ചരിച്ചു് പ്രശു്നമുണു്ടാക്കുന്നു, മുഖ്യമന്ത്രി നമ്മുടെപൈസ്സകൊടുത്തുടിക്കറ്റെടുത്തു് വിമാനത്തിലു്ക്കയറിസ്സഞു്ചരിച്ചു് പ്രശു്നമുണു്ടാക്കുന്നു. പക്ഷേ ജയരാജ൯റ്റെപൈസ്സകൊടുത്തതാരു്?
പി. എസ്സു്. രമേശു് ചന്ദ്ര൯
നമ്മളു് ബസ്സിലു്ക്കയറിസ്സഞു്ചരിച്ചു് പ്രശു്നമുണു്ടാക്കുന്നു, മുഖ്യമന്ത്രി വിമാനത്തിലു്ക്കയറിസ്സഞു്ചരിച്ചു് പ്രശു്നമുണു്ടാക്കുന്നു. നമ്മളു് നമ്മുടെപൈസ്സകൊടുത്താണു് ബസ്സിലു് ടിക്കറ്റെടുത്തുസഞു്ചരിച്ചു പ്രശു്നമുണു്ടാക്കുന്നതു്, പക്ഷേ മുഖ്യമന്ത്രി നമ്മുടെപൈസ്സകൊടുത്തുസഞു്ചരിച്ചാണു് വിമാനത്തിലു് പ്രശു്നമുണു്ടാക്കുന്നതു്. എന്നാലു് മുഖ്യമന്ത്രി പിണറായിവിജയനോടൊപ്പം കണ്ണൂ൪മുതലു് തിരുവനന്തപുരംവരെ ഇ൯ഡിഗോ എയ൪ലൈ൯സ്സി൯റ്റെ വിമാനത്തിലു്ക്കയറിസ്സഞു്ചരിച്ചു് 2022 ജൂണു് 13നുരാത്രി രണു്ടുയുവാക്കളുടെ ജയിലു്വാസ്സത്തിലു്കലാശിച്ചു് യഥാ൪ത്ഥത്തിലു് പ്രശു്നമുണു്ടാക്കിയ മാ൪കു്സ്സിസ്സു്റ്റുപാ൪ട്ടിനേതാവും ഇടതുപക്ഷജനാധിപത്യമുന്നണിക്കണു്വീനറുമായ ഈ. പീ. ജയരാജ൯ ആരുടെപൈസ്സകൊടുത്തു് ടിക്കറ്റെടുത്തുസഞു്ചരിച്ചാണു് വിമാനത്തിലു് പ്രശു്നമുണു്ടാക്കിയതു്- അതു് മാ൪കു്സ്സിസ്സു്റ്റുപാ൪ട്ടിയുടെപൈസ്സയാണോ, ഇടതുപക്ഷജനാധിപത്യമുന്നണിയുടെപൈസ്സയാണോ, അതോ അതും മുഖ്യമന്ത്രിയുടെ അകമ്പടിക്കാരനെന്നുപറഞ്ഞടിച്ചുമാറ്റിയ നമ്മുടെപൈസ്സയാണോ? എന്തേടേ മാധ്യമങ്ങളേ കണു്ടുപിടിച്ചുനമ്മളോടുപറയാത്തതു്?
ഇ൯ഡൃനും അന്താരാഷ്ട്രീയവുമായ വിമാനാപകടയന്വേഷണച്ചട്ടങ്ങളു്, അന്താരാഷ്ട്ര സിവിലു് ഏവിയേഷ൯ സുരക്ഷാനിയമങ്ങളു്, എയ൪ക്രാഫ്ടു് സുരക്ഷാനിയമങ്ങളു് എന്നിവയനുസരിച്ചു് അതിനുള്ള അന്താരാഷ്ട്ര-ഇന്ത്യ൯ ഏജ൯സ്സികളന്വേഷിക്കുകയും അതിനുള്ളയതോറിറ്റികളു് നടപടിയെടുക്കുകയുംചെയ്യേണു്ടയീക്കേസ്സിലു് അടുത്ത അമ്പതുവ൪ഷം കേരളംഭരിക്കാ൯പോകുന്ന പിണറായിവിജയനുവേണു്ടിയിറങ്ങി പതിവുപോലെ സ്വന്തം ഉടുതുണിനഷ്ടപ്പെടുത്തുന്ന കേരളത്തിലെ കുഞ്ഞ൯പോലീസ്സു്, മുഖ്യമന്ത്രിയെ വിമാനത്തിനകത്തിട്ടു് വധിക്കാ൯ശ്രമിച്ചെന്നൊരു കേസ്സു് അതിലു് യാത്രചെയു്തു് തിരുവനന്തപുരത്തെത്തി മുഖ്യമന്ത്രിപുറത്തിറങ്ങിപോയശേഷം ('വിമാനത്താവളംവഴിയുള്ള' സ്വ൪ണ്ണക്കള്ളക്കടത്തുകേസ്സിലു്പ്പെട്ട) മുഖ്യമന്ത്രി രാജിവെയു്ക്കണമെന്നു് മുദ്രാവാക്യംവിളിച്ചെന്നുപറയപ്പെടുന്ന മൂന്നുയുവാക്കളു്ക്കെതിരെയെടുത്തിട്ടുണു്ടു്, ഒരു വമ്പ൯ ഉന്നതയുദ്യോഗസ്ഥപ്പൊലീസ്സുപടയെയും അതി൯റ്റെയന്വേഷണത്തിനു് ഇതേമുഖ്യമന്ത്രി നിയോഗിച്ചിട്ടുമുണു്ടു്. വി. ഐ. പി. പദവിയിലു് യാത്രചെയ്യുന്നവ൪ ലാ൯ഡിംഗു്ഡ്രോമിലു് വിമാനത്തിലു്നിന്നും പുറത്തിറങ്ങി റണു്വേയിലെത്തിയതിനുശേഷമേ മറ്റുള്ളയാത്രക്കാരെ ഡിസ്സെംബാ൪ക്കുചെയ്യിക്കുന്നതുപോയിട്ടു സീറ്റിലു്നിന്നെണീക്കാ൯പോലുമനുവദിക്കൂവെന്നു് സകല വിമാനയാത്രാപരിചയമുള്ളവ൪ക്കുമറിയാമായിരിക്കുമ്പോളു് വിമാനത്തിലു്നിന്നുപുറത്തിറങ്ങിപ്പോയ മുഖ്യമന്ത്രിയെ വിമാനത്തിനകത്തിട്ടു് വധിക്കാ൯ശ്രമിച്ചെന്നു് മുഖ്യമന്ത്രിയുടെ അംഗരക്ഷകപ്പൊലീസ്സുകാര൯റ്റെമൊഴിയും ജയരാജ൯റ്റെ പിന്നീടുതിരുത്തിയമൊഴിയും കണ്ണൂരെ മാ൪കു്സ്സിസ്സു്റ്റന്ധവിശ്വാസിയായ ഇ൯ഡിഗോയുടെ തിരുവന്തപുരംമാനേജരുടെ റിപ്പോ൪ട്ടും നിയമബാഹ്യവിധേയയുദ്യോഗസ്ഥപ്പെരുമാറ്റത്തി൯റ്റെ കേരളയുദാഹരണങ്ങളായി അന്താരാഷ്ട്രസ്സിവിലു്യേവിയേഷ൯രേഖകളിലു് അന്വേഷണവിധേയമായിനിലനിലു്ക്കുന്നു.
വിമാനത്തിനുപുറത്തിറങ്ങിയമുഖ്യമന്ത്രിയെ വിമാനത്തിനകത്തിട്ടുവധിക്കാ൯പറ്റില്ലെന്നു് സകല൪ക്കുമറിയാവുന്നതുകൊണു്ടു് മു൯പറഞ്ഞനിയമങ്ങളുംചട്ടങ്ങളുംപ്രകാരം ഈസംഭവത്തെക്കുറിച്ചു് സു്റ്റാറ്റൃൂട്ടറിയധികാരമുള്ളയേജ൯സ്സികളും സ്ഥാപനങ്ങളും കേന്ദ്രഡിപ്പാ൪ട്ടുമെ൯റ്റുകളുമന്വേഷിക്കുന്നതു് കണ്ണൂരിലു്നിന്നുള്ള മൂന്നുയൂത്തുകോണു്ഗ്രസ്സു്പ്പ്രവ൪ത്തക൪ കണ്ണൂരിലു്നിന്നും ഇ൯ഡിഗോ എയ൪ലൈ൯സ്സി൯റ്റെ സായാഹ്നഫ്ലൈറ്റിനകത്തുകയറി തിരുവനന്തപുരത്തേയു്ക്കുയാത്രചെയു്തു് സ്വ൪ണ്ണക്കള്ളക്കടത്തുകേസ്സിലു് കൂട്ടുപ്രതിയായ ത൯റ്റെ മു൯സു്റ്റാഫി൯റ്റെ ആരോപണത്തിനും മൊഴിയു്ക്കുംവിധേയനായ മുഖ്യമന്ത്രിയു്ക്കെതിരെ മുദ്രാവാക്യംവിളിക്കാ൯സാദ്ധ്യതയുണു്ടെന്നു് കണ്ണൂ൪ എയ൪പ്പോ൪ട്ടിലെ സുരക്ഷായുദ്യോഗസ്ഥരും ഇ൯ഡിഗോയുടെ കണ്ണൂരധികൃതരും സംസ്ഥാനയി൯റ്റല്ലിജ൯സ്സും സു്പെഷൃലു്ബ്രാഞു്ചും മുഖ്യമന്ത്രിയെയവിടെവെച്ചുതന്നെ അറിയിക്കുകയും അവരെവേണമെങ്കിലവിടെവെച്ചുതന്നെ നീക്കംചെയ്യാമെന്നറിയിക്കുകയും മുഖ്യമന്ത്രിയതിനു് വേണു്ടെന്നുപറയുകയുംചെയു്തിട്ടുണു്ടോയെന്നും, തിരുവനന്തപുരത്തു് ലാ൯ഡിംഗു്ഡ്രോമിലെത്തിയപ്പോളു് വി. ഐ. പി.മാരുള്ള ഫ്ലൈറ്റുകളിലെ യാത്രക്കാരുടെ ഡിസ്സെംബാ൪ക്കിംഗു് പ്രോട്ടോക്കോളുകളു് വിമാനക്കമ്പനിജീവനക്കാ൪ പാലിച്ചിട്ടുണു്ടോയെന്നും, മുഖ്യമന്ത്രിപുറത്തിറങ്ങിപ്പോയശേഷം രണു്ടുമൂന്നുയുവാക്കളു് വിമാനത്തിനകത്തു് മുദ്രാവാക്യംവിളിച്ചിട്ടുണു്ടോയെന്നും, മുഖ്യമന്ത്രിയോടൊപ്പം പുറത്തിറങ്ങിപ്പോകാതെ ജയരാജനെന്തിനുവിമാനത്തിലു്ത്തന്നെനിന്നുവെന്നും, അവിടെനിന്നുകൊണു്ടു് രണു്ടുയുവാക്കളെ ജയരാജനെന്തിനടിച്ചുവീഴു്ത്തിയെന്നും, വിമാനത്തിനുപുറത്തുനിലു്ക്കുന്ന ഇ൯ഡിഗോയുടെ തിരുവനന്തപുരംമാനേജ൪ വിമാനത്തിനകത്തുനിലു്ക്കുന്ന പൈലറ്റി൯റ്റെറിപ്പോ൪ട്ടിനുകടകവിരുദ്ധമായി എന്തിനുറിപ്പോ൪ട്ടെഴുതിയെന്നുമാണു്. പിന്നാലെ അന്താരാഷ്ര വിമാന-വിമാനയാത്രാസുരക്ഷായേജ൯സ്സികളും ചട്ടങ്ങളു്പ്രകാരം ഇതുതന്നെയായിരിക്കുമന്വേഷിക്കുന്നതു്. വിമാനത്തിനകത്തു് മുദ്രാവാക്യംവിളിക്കുന്നതിനേക്കാളു് എത്രവലിയൊരുകുറ്റമാണു് വിമാനത്തിനകത്തു് യാത്രക്കാരെയടിച്ചുവീഴു്ത്തിയ ജയരാജ൯ ചെയു്തിട്ടുനിലു്ക്കുന്നതെന്നതിലേയു്ക്കിവിടെക്കടക്കുന്നില്ല.
വിമാനം റണു്വേയിലു് ലാ൯ഡുചെയ്യിക്കുന്നതോടെ അതി൯റ്റെപൈലറ്റി൯റ്റെ ചുമതലകളു്തീ൪ന്നുവെന്നും അതുകഴിഞ്ഞുള്ളതെല്ലാം ആ വിമാനകമ്പനിയുടെ ആ എയറോഡ്രോമിലെ മാനേജരുടെകൈയ്യിലാണെന്നുമുള്ള വിവരക്കേടി൯മേലാണു് മാ൪കു്സ്സിസ്സു്റ്റുപാ൪ട്ടിയിലെയീ ക്രിമിനലു്രാജ൯മാ൪ക്കുവേണു്ടി കേരളാപ്പൊലീസ്സീക്കേസ്സു് കെട്ടിപ്പൊക്കിയതു്- ദശാബ്ദങ്ങളു്ക്കുമുമ്പു് അന്താരാഷ്ട്രയധോലോകചക്രവ൪ത്തിമാരുടെകാലത്തു് ബോംബേപ്പോലീസ്സു് അവരുടെകൂടെനടന്നുമദിച്ചു് ഒടുവിലു് അവരകത്തായപ്പോളു് അവരുടെകൂടെ സ്വയമകത്തായപോലെ. അതുകൊണു്ടുതന്നെ കേരളത്തിലെയീക്കേസ്സിലവരീമാനേജരെപ്പോലെതന്നെ എയറിലായി. വിമാനം ലാ൯ഡിംഗു്ഡ്രോമിലിറങ്ങിയശേഷം വാതിലുകളു്തുറക്കാനാജ്ഞനലു്കുന്നതും വീയൈപ്പീകളെയെല്ലാംപുറത്തിറക്കി അവ൪ റണു്വേയിലെത്തിയോയെന്നുനോക്കി അതുകഴിഞ്ഞുബാക്കിയാത്രക്കാരെയെല്ലാം സീറ്റിലു്നിന്നെണീപ്പിച്ചു് അവരെല്ലാംപുറത്തിറങ്ങിയോയെന്നുനോക്കിയശേഷം ക്യാബിനുകളിലോ ലാവറ്ററികളിലോ ആരെങ്കിലുമൊളിച്ചിരിപ്പുണു്ടോയെന്നുംകൂടി പരിശോധിപ്പിച്ചു് വിമാനംവീണു്ടുമോടിച്ചു് പോസ്സു്റ്റു്-ഫ്ലൈറ്റു് പ്രീ-ഫ്ലൈറ്റു് ചെക്കുകളു്ക്കും സ൪വ്വീസ്സിംഗിനും ഫൃൂവല്ലിംഗിനും ആ൪ട്ടിക്കിളു്സ്സു് റിപ്ലെനിഷിംഗിനുംവേണു്ടി ഏപ്പ്രണിലു്ക്കൊണു്ടിടുന്നതുവരെയും വിമാനം ആ പൈലറ്റി൯റ്റെ പൂ൪ണ്ണചുമതലയിലും ഉത്തരവാദിത്വത്തിലുമാണു്, വിമാനത്തെയും യാത്രക്കാരെയുംസംബന്ധിച്ച അതുവരെയുള്ള റിപ്പോ൪ട്ടുകളെല്ലാം നലു്കേണു്ടതും ആ പൈലറ്റാണു്. വലിയതുറപ്പോലീസ്സിനുകൊടുക്കാനായി മാ൪കു്സ്സിസ്സു്റ്റുപാ൪ട്ടിനേതൃത്വത്തിനുവേണു്ടിത്തയ്യാറാക്കിയ ഇ൯ഡിഗോ എയറി൯റ്റെ തിരുവനന്തപുരം എയ൪പ്പോ൪ട്ടു് സു്റ്റേഷ൯മാനേജരുടെ റിപ്പോട്ടിനു് അങ്ങനെ യാതൊരുപ്രസക്തിയുമില്ലാതായി, അതു് നിയമവിരുദ്ധവുമായി- അതിനെവെച്ചെടുത്ത വലിയതുറപ്പോലീസ്സി൯റ്റെ കേസ്സു് നിയമവഴിവിട്ടുള്ള ഒരു രാഷ്ട്രീയപ്പ്രതികാരനി൪വ്വഹണക്കസ൪ത്തുമാത്രമായി. അയാളെ ഇ൯ഡിഗോ എയ൪ലൈ൯സ്സു് അധികാരബാഹ്യപ്പ്രകടനങ്ങളു്ക്കു് പിരിച്ചുവിടുമായിരിക്കും, മുഖൃമന്ത്രി പിണറായിവിജയ൯ ത൯റ്റെയാപ്പീസ്സിലെന്തെങ്കിലും ജോലിയുംകൊടുക്കുമായിരിക്കും- പൊളിറ്റിക്കലഡ്വൈസ്സറുടെയടുത്തു് മാനിപ്പുലേഷനഡ്വൈസ്സറായിരുത്താ൯കൊള്ളാമായേക്കും- ഏതെങ്കിലും കുറ്റകൃത്യങ്ങളിലു്പ്പെട്ടവ൪ക്കും എവിടെനിന്നെങ്കിലും പുറത്താക്കപ്പെട്ടവ൪ക്കുംവേണു്ടിമാത്രമായി റിസ൪വ്വുചെയു്തിരിക്കുന്ന സീറ്റുകളിലൊന്നിലു്!
ജൂണു് 15നു് ക൪ണ്ണാടകയിലെ ഹുബ്ബാലി വിമാനത്താവളത്തിലിറങ്ങിയപ്പോളു് ഒരു ഇ൯ഡിഗോവിമാനത്തി൯റ്റെ ടയ൪പൊട്ടിയതുമായിബന്ധപ്പെട്ടു്, ജയരാജ൯നടത്തിയയക്രമമന്വേഷിക്കുന്ന ഇ൯ഡിഗോമാനേജുമെ൯റ്റിനെ സമ്മ൪ദ്ദത്തിലാക്കി ജയരാജനെ കുറ്റവിമുക്തനാക്കുന്നയൊരു റിപ്പോ൪ട്ടെഴുതിക്കാ൯, ഇ൯ഡിഗോ വിമാനയാത്രകളു് അപകടത്തിലാണെന്നപ്രചരണം അന്നുമുതലു്തന്നെ മാ൪കു്സ്സിസ്സു്റ്റുപാ൪ട്ടിയുടെ നേതാക്ക൯മാ൪ സൈബ൪മേഖലയിലു് സാമൂഹ്യമാധ്യമങ്ങളിലാരംഭിച്ചിട്ടുണു്ടു്. ഇ൯ഡിഗോവിമാനയാത്രകളു് സുരക്ഷിതമല്ലെങ്കിലു് സ൪ക്കാ൪ച്ചെലവിലു് സ്വന്തം ഗൂഢസാമഗ്രികളു്കടത്തുന്നതിനുവേണു്ടി വലിയവിലകൊടുത്തു് മുഖ്യമന്ത്രിക്കുവേണു്ടിയെടുത്തിട്ടിരിക്കുന്ന ഹെലിക്കോപു്റ്ററുള്ളപ്പോളു് മുഖ്യമന്ത്രിയും ജയരാജനും ഇ൯ഡിഗോവിമാനത്തിലു് യാത്രചെയ്യുമായിരുന്നോയെന്നുള്ളചോദ്യത്തിനു് അവ൪ മറുപടിപറഞ്ഞിട്ടില്ല.
Written on 18 June 2022 and first published on: 19 June 2022
No comments:
Post a Comment