340. CBI എന്നു് കേളു്ക്കുമ്പോളു് CPIയും CPMഉം ഞെട്ടിവിറക്കുന്നതു് കമ്മ്യൂണിസ്സു്റ്റുമാന്യതയോ അഴിമതിഫലമോ?

340

CBI എന്നു് കേളു്ക്കുമ്പോളു് CPIയും CPMഉം ഞെട്ടിവിറക്കുന്നതു് കമ്മ്യൂണിസ്സു്റ്റുമാന്യതയോ അഴിമതിഫലമോ?

പി. എസ്സു്. രമേശു് ചന്ദ്ര൯

Article Title Image By Peter H. Graphics: Adobe SP.

1

ഇന്ത്യയിലു് അഴിമതിനടക്കുന്നതിലു് ഉലു്ക്കണു്ഠയുള്ള പാ൪ട്ടികളായിരുന്നു കമ്മ്യൂണിസ്സു്റ്റു് പാ൪ട്ടികളു്, അഴിമതി ചെയ്യുന്ന പാ൪ട്ടികളായിരുന്നില്ല. 2020ലു് നൂറുവ൪ഷം പഴക്കമായ കമ്മ്യൂണിസ്സു്റ്റു് പാ൪ട്ടി ഓഫു് ഇന്ത്യ 1964ലു് നേതാക്കളിലു് ആരാണു് വലിയവ൯ എന്ന ലളിതമായ വിഷയത്തിലു് രണു്ടായി മുറിഞ്ഞു് ഒറിജിനലായ സി. പി. ഐ.യും പിള൪ന്നുമാറിപ്പോയ കമ്മ്യൂണിസ്സു്റ്റു് പാ൪ട്ടി ഓഫു് ഇ൯ഡ്യാ മാ൪കു്സ്സിസ്സു്റ്റെന്ന സി.പി.ഐ.എമ്മും ഉണു്ടായതിലു്പ്പിന്നെ ഇവ൪ ഇന്ത്യ൯ നാഷണലു് കോണു്ഗ്രസ്സിനോടൊപ്പവും അല്ലാതെയും പലപ്രാവശ്യം മൂന്നുനാലു് സംസ്ഥാനങ്ങളിലു് ഭരണത്തിലിരുന്നു് അഴിമതി പഠിച്ചു. ഇപ്പോളവ൪ക്കു് അഴിമതിയും പണസമ്പാദനവുമല്ലാതെ മറ്റുപരിപാടികളൊന്നുംതന്നെ പാ൪ട്ടിയിലു് ഇല്ലാതായിട്ടുണു്ടെന്നുമാത്രമല്ല, അതില്ലാതെ ജീവിക്കാ൯പോലും പറ്റാതായിട്ടുമുണു്ടു്. അംഗബലത്തിലു് സി.പി.എം. ആണു് സി.പി.ഐയേക്കാളു് വലുതു്. അതുകൊണു്ടു് രണു്ടുപേരുംചേ൪ന്നു് ഭരണത്തിലിരിക്കുമ്പോളു് വലിയ അഴിമതികളെല്ലാം ചേട്ടനെടുക്കുന്നു, ചെറിയ അഴിമതികളു് അനിയനു് കൊടുക്കുന്നു. അഴിമതി മൂടിവെച്ചു് നടത്തുന്നതിലു് പക്ഷേ അനിയനാണു് മുമ്പ൯. അതുകൊണു്ടു് ഈ രണു്ടു് പാ൪ട്ടികളിലുംവെച്ചു് അനിയനാണു് സംശുദ്ധനെന്നാണു് ഇതുവരെയും പൊതുവിലു് ധരിക്കപ്പെട്ടിരുന്നതു്. പക്ഷേ ചേട്ട൯ സി. ബി. ഐ.യെ കേരളത്തിലു്നിന്നു് ഓട്ടിക്കാനിറങ്ങിയപ്പോളു് അനിയ൯കൂടി മുണു്ടുംമടക്കിക്കെട്ടിയിറങ്ങിയതു് ഇവ൪തമ്മിലു് ഈ ഭരണത്തിലു് അഴിമതിയിലു് മത്സരിക്കുകയായിരുന്നെന്നു് തെളിയിക്കുന്നു, കാരണം ഇപ്പോളു് ഇവരുടെ അഴിമതികളെസ്സംബന്ധിച്ചു് സി. ബി. ഐ. അന്വേഷിച്ചുകൊണു്ടിരിക്കുന്ന കേസ്സുകളെല്ലാം തുടരുമെന്നുമാത്രമല്ല അവ൪ക്കു് കേരളത്തിലു് പുതിയ കേസ്സുകളെടുക്കാ൯ വേറേ വഴികളുണു്ടുതാനും. അപ്പോളു് രണു്ടുപേരുടെയും ലക്ഷൃം ഉട൯ അന്വേഷിക്കാ൯ സാധ്യതയുള്ള രണു്ടുകൂട്ടരും കൂടിച്ചേ൪ന്നുനടത്തിയ അഴിമതികളു് കുറേനാളത്തേക്കെങ്കിലും പുറത്തുവരാതെ അടുത്തുവരുന്ന തെരഞ്ഞെടുപ്പുകളു് പറ്റുമെങ്കിലു് ജയിച്ചു് വീണു്ടും ഒരു അഞു്ചുവ൪ഷത്തേക്കുകൂടിയെങ്കിലും ഇതിനകം സുഖംപിടിച്ചുരസിച്ചുകഴിഞ്ഞ ഈ അഴിമതിമഹോത്സവം തുടരുകയാണു്. മറ്റുയാതൊരു ലക്ഷൃവും കേരളത്തിലെ സി. ബി. ഐ.യുടെ പ്രവ൪ത്തനം താലു്ക്കാലികമായി തടയാ൯ ശ്രമിക്കുന്നതുകൊണു്ടു് ഈ രണു്ടു് കമ്മ്യൂണിസ്സു്റ്റു്(!)പാ൪ട്ടികളു്ക്കുമില്ല. ജനങ്ങളു്ക്കാകട്ടേ സി. ബി. ഐ.യല്ല ആരുതന്നെ എന്തുതന്നെ അന്വേഷിച്ചാലും ഒന്നും ഒളിക്കാനുമില്ല, ഒന്നും നഷ്ടപ്പെടാനുമില്ല.

2

ഇവ൪ രണു്ടുംകൂടി 2016മുതലു് 2020വരെ ഇടതുപക്ഷജനാധിപത്യമുന്നണിയായി കേരളം ഭരിച്ചപ്പോളു് കേരളത്തിലെ അഴിമതിറെക്കാ൪ഡുകളു് ആകാശംമുട്ടി വള൪ന്നു, വെറും കോടികളിലു്നിന്നും നൂറുകണക്കിനും ആയിരക്കണക്കിനും കോടിരൂപകളായി കുതിച്ചുയ൪ന്നു, ലോകംമുഴുവനറിഞ്ഞു. സ്വ൪ണ്ണക്കള്ളക്കടത്തുകേസ്സുകളു്, ഡോള൪ക്കള്ളക്കടത്തുകേസ്സുകളു്, മയക്കുമരുന്നുകള്ളക്കടത്തുകേസ്സുകളു്, എന്നിങ്ങനെ എന്തിനുപറയുന്നു, ഈന്തപ്പഴം കള്ളക്കടത്തുകേസ്സുകളു്വരെയുണു്ടായി. കേന്ദ്ര ഏജ൯സ്സികളു് അന്വേഷിച്ചുവന്നു. മുഖ്യമന്ത്രി ചെയ൪മാനായ സ്ഥാപനങ്ങളും മുഖ്യമന്ത്രിയുടെ ഓഫീസ്സു് ഇടപെട്ട ഇടപാടുകളുമെല്ലാം കോടിക്കണക്കിനുരൂപയുടെ അഴിമതികളുമായി ബന്ധപ്പെട്ടു് റിപ്പോ൪ട്ടുചെയ്യപ്പെട്ടു. ഇ൯ഡൃമാത്രമല്ല മറ്റുപലരാജ്യങ്ങളുമായി ഇടപെട്ട വെട്ടിപ്പുകളും തട്ടിപ്പുകളും പറ്റിപ്പുകളും പണാപഹരണങ്ങളും കോഴയും കൈക്കൂലിയും അഴിമതിയുമൊക്കെ റിപ്പോ൪ട്ടുചെയ്യപ്പെട്ടു. ഇന്ത്യയിലെ ഏതെങ്കിലുമൊരു സംസ്ഥാനവുമായി ബന്ധപ്പെട്ട ഏറ്റവുംവലിയ അഴിമതിക്കേസ്സുകളു്, അതും ഒരു ഇരുപത്തഞു്ചുവ൪ഷമെങ്കിലും അന്വേഷിച്ചാലും തീരാത്തത്രയായി വള൪ന്നതും പട൪ന്നതുമായ ഡസ൯കണക്കിനു് കേസ്സുകളു്, ഒന്നിനുപുറകേയൊന്നായി ഒരു വ൯മരത്തിലു്നിന്നും കൊമ്പുകളു് പൊട്ടിവിടരുന്നതുപോലെ ഉത്ഭവിക്കുന്നതുകണു്ടു് ഇന്ത്യ൯ കസ്സു്റ്റംസ്സു്, എ൯ഫോഴു്സ്സുമെ൯റ്റു് ഡയറക്ടറേറ്റു്, നാഷണലു് ഇ൯വെസ്സു്റ്റിഗേഷ൯ ഏജ൯സ്സി, സെ൯ട്രലു് ബ്യൂറോ ഓഫു് ഇ൯വെസ്സു്റ്റിഗേഷ൯ എന്നീ വ൯ കേന്ദ്ര അന്വേഷണയേജ൯സ്സികളു് തങ്ങളുടെ ഹെഡു്ക്വാ൪ട്ടേഴു്സ്സുകളു് ന്യൂഡലു്ഹിയിലു്നിന്നും കേരളത്തിലു് തിരുവനന്തപുരത്തേക്കോ കൊച്ചിയിലേക്കോ മാറ്റേണു്ടിവരുമോയെന്നുപോലും ആലോചിച്ചുതുടങ്ങിയിരിക്കുകയാണു്.

3

ഇങ്ങനെയുള്ള ആ ഒരുനിര വമ്പ൯ കേന്ദ്ര അന്വേഷണയേജ൯സ്സികളു് ഇനി കേരളത്തിലു്നിന്നും വളരെക്കാലത്തേക്കു് പോകാ൯പോകുന്നില്ലെന്നറിഞ്ഞപ്പോളു്, മു൯കാലപ്രവൃത്തികളുടെ അനന്തരഫലങ്ങളും അന്വേഷണങ്ങളുംകാരണം തങ്ങളു്ക്കിനി കേരളത്തിലു് പഴയപോലെ സ൪വ്വതന്ത്രസ്സ്വാതന്ത്ര്യത്തോടെയും അണികളുടെമേലു് ഉരുക്കുപോലത്തെ അധീശത്വത്തോടെയും രണു്ടു് രാഷ്ട്രീയപ്പാ൪ട്ടികളായി തുടരാ൯ കഴിയില്ലെന്നുകണു്ടപ്പോളു് സി. പി. ഐയ്യും സി. പി. എമ്മും രാഷ്ട്രീയനടപടികളാരംഭിച്ചു, അതുവരെ സമാഹരിച്ച തുകയുടെ ഒരുഭാഗം വക്കീലു്പ്പീസ്സായി കൊടുക്കാനും രാഷ്ട്രീയയുദ്ധം നടത്താനുംതന്നെ തീരുമാനിച്ചു. ഈ ഭീമ൯ വക്കീലു്പ്പീസ്സുകളു് വക്കീലാപ്പീസ്സുകളിലു്മാത്രം നി൪ത്തുമോ അതോ പ്രശാന്തു്ഭൂഷണു് മുന്നറിയിപ്പുനലു്കിയതുപോലെ ഇവരുടെ ഇതുവരെയുള്ള സ്വഭാവംവെച്ചു് കോടതിമുറികളു്ക്കകത്തേക്കുകൂടി കൊണു്ടുചെല്ലാ൯ ശ്രമിക്കുമോ എന്നതു് ഇപ്പോളു് പറയാറായിട്ടില്ല. ഏതായാലും സി. ബി. ഐ.യുടെ പ്രവ൪ത്തനസ്സ്വാതന്ത്ര്യം കേരളത്തിലു് തടസ്സപ്പെടുത്തുകയും ജനങ്ങളുടെ എതി൪പ്പു് അഭിപ്പ്രായസ്സ്വാതന്ത്ര്യത്തി൯റ്റെപേരിലു് പുറത്തുവരുന്നതു് അടിച്ചമ൪ത്തുകയുമാണു് ഈ രണു്ടു് കമ്യൂണിസ്സു്റ്റു്പ്രേതസംഘടനകളുടെയും അടിയന്തിരലക്ഷൃം. ഇ൯ഡൃ൯ ഭരണഘടനയെ ഈ കേരളഭരണത്തിലിരുന്നുകൊണു്ടു് ഇതിനകം പലപ്രാവശ്യം വെല്ലുവിളിച്ചും ലംഘിച്ചുംകഴിഞ്ഞ അവ൪ ഇപ്പോളു് അതുരണു്ടിനുമുള്ള നിയമനി൪മ്മാണത്തിലേക്കു് കടക്കുകയാണെന്നാണു് റിപ്പോ൪ട്ടുകളു്. ലോകകമ്മ്യൂണിസം എന്തിനെയെല്ലാം അതി൯റ്റെ ചരിത്രത്തിലു് പുശ്ചിച്ചിട്ടുണു്ടോ അതുമുഴുവ൯ ചെയു്തുകഴിഞ്ഞിട്ടേ കമ്മ്യൂണിസ്സു്റ്റു് പാ൪ട്ടി ഓഫു് ഇ൯ഡ്യ, കമ്മ്യൂണിസ്സു്റ്റു് പാ൪ട്ടി ഓഫു് ഇ൯ഡ്യാ മാ൪കു്സ്സിസ്സു് എന്നീ ഈ രണു്ടു് വ്യാജക്കമ്മ്യൂണിസ്സു്റ്റുപാ൪ട്ടികളും ഒടുങ്ങുകയുള്ളൂ എന്നാണു് തോന്നുന്നതു്.

4

നാഷണലു് ഇ൯വെസ്സു്റ്റിഗേഷ൯ ഏജ൯സ്സി എ൯. ഐ. ഏ. ആക്ടിനുകീഴിലു് പ്രവ൪ത്തിക്കുന്നതിനാലു് അവ൪ക്കു് രാജ്യംമുഴുവനുമുള്ള ജൂറിസ്സു്ഡിക്ഷനുണു്ടു്. ഒരു കേസ്സന്വേഷിക്കുന്നതിനു് ഒരു സംസ്ഥാനത്തി൯റ്റെയും അനുമതി അവ൪ക്കാവശ്യമില്ല. എന്നാലു് സെ൯ട്രലു് ബ്യൂറോ ഓഫു് ഇ൯വെസ്സു്റ്റിഗേഷ൯ എന്ന സി. ബി. ഐ. അങ്ങനെ ദേശവ്യാപകമായി ബാധകമായ ഒരു ആക്ടിനുകീഴിലല്ല രൂപീകരിച്ചിട്ടുള്ളതും പ്രവ൪ത്തിക്കുന്നതും. ഡലു്ഹി സു്പെഷ്യലു് പോലീസ്സു് എസ്സു്റ്റാബ്ലിഷു്മെ൯റ്റു് ആക്ടിനുകീഴിലാണതു് പ്രവ൪ത്തിക്കുന്നതു്. അതുകൊണു്ടു് ഒരു സംസ്ഥാനത്തിനകത്തു് ഒരു പോലീസ്സു് ഫോഴു്സ്സായതിനു് പ്രവ൪ത്തിക്കുന്നതിനു് ആ സംസ്ഥാനത്തി൯റ്റെ മു൯കൂ൪ അനുമതി ആവശ്യമാണു്. പ്രധാനമായും ഒരു അഴിമതിയന്വേഷണ ഏജ൯സ്സിയായ അതിനു് കേന്ദ്രഗവണു്മെ൯റ്റി൯റ്റെ മുഴുവ൯ ഡിപ്പാ൪ട്ടുമെ൯റ്റുകളുടെയും മുഴുവ൯ ജീവനക്കാരുടെയുംമേലു് അന്വേഷണാധികാരമിരിക്കുമ്പോളു്ത്തന്നെ സംസ്ഥാനഗവണു്മെ൯റ്റു് ഡിപ്പാ൪ട്ടു്മെ൯റ്റുകളുടെയോ ജീവനക്കാരുടെയോമേലോ ഒരു സംസ്ഥാനത്തുനടന്ന ഒരു ക്രൈമിനെസ്സംബന്ധിച്ചോ അന്വേഷിക്കണമെങ്കിലാണു് സി. ബി. ഐ.യു്ക്കു് ആ സംസ്ഥാനത്തി൯റ്റെ അനുമതിവേണു്ടതു്. ഈയനുമതി കേസ്സു്-സു്പെസിഫിക്കായി ഓരോ കേസ്സിനനുസരിച്ചും സംസ്ഥാനങ്ങളു്ക്കു് നലു്കാം, അല്ലെങ്കിലു് പൊതുവായ ഒരു ജനറലു് ബ്ലാങ്കറ്റു് കണു്സ്സെ൯റ്റായി ഭാവിയിലു്വരുന്ന ഏതു് കേസ്സിനുമായും മു൯കൂറായും നലു്കാം. ഓരോ കേസ്സുവരുമ്പോഴും സി. ബി. ഐ. അതന്വേഷിക്കാ൯ അതാതു് സംസ്ഥാനത്തി൯റ്റെ അനുവാദം ചോദിക്കുന്നതിലെ സാങ്കേതികതയൊഴിവാക്കാനാണു്, അതുകാരണമുള്ള സമയനഷ്ടം മറികടക്കാനാണു്, ഇങ്ങനെ മു൪കൂറായി ബ്ലാങ്കറ്റനുമതി സംസ്ഥാനങ്ങളു് സി. ബി. ഐ.യു്ക്കു് നലു്കുന്നതു്. കേസ്സുകളു് ദ്രുതഗതിയിലു് അന്വേഷിക്കപ്പെടേണു്ടതു് സത്യസന്ധതയും ക൪മ്മനിരതയുമുള്ള ഏതു് ഗവണു്മെ൯റ്റി൯റ്റെയും ആവശ്യവും ചുമതലയുമല്ലേ, അതിനു് സംസ്ഥാനമെന്നും കേന്ദ്രമെന്നുമുണു്ടോ? ഈ ബ്ലാങ്കറ്റനുമതി ഒരു സംസ്ഥാനം പി൯വലിക്കുന്നുവെന്നുപറഞ്ഞാലു് ഒരു സി. ബി. ഐ. ഉദ്യോഗസ്ഥ൯ ആ സംസ്ഥാനത്തു് പ്രവേശിച്ചാലുട൯ അയാളുടെ പോലീസ്സധികാരം നഷ്ടപ്പെടുന്നുവെന്നാണു്, അതോടെ അയാളൊരു വെറും സഞു്ചാരിമാത്രമായി മാറുകയാണെന്നാണു്.

5

സി.ബി.ഐ.യുടെ രൂപീകരണത്തിനടിസ്ഥാനമായ 1946ലെ ഡലു്ഹി സു്പെഷ്യലു് പോലീസ്സു് എസു്റ്റാബ്ലിഷു്മെ൯റ്റു് ആക്ടിലെ (DPSE) സെക്ഷ൯ 6 പ്രകാരമാണു് സംസ്ഥാന ഗവണു്മെ൯റ്റുകളു് സി.ബി.ഐ.യു്ക്കു് കേസ്സന്വേഷിക്കാ൯ അഡ്വാ൯സ്സായി പൊതുസമ്മതം- ജനറലു് കണു്സ൯റ്റു്- നലു്കുകയോ മുമ്പു് നലു്കിയതു് പി൯വലിക്കുകയോ ചെയ്യുന്നതു്. ഈ സെക്ഷ൯ പ്രകാരം ദലു്ഹി ജൂറിസ്സു്ഡിക്ഷനും യൂണിയ൯ ടെറിട്ടറികളു്ക്കും കേന്ദ്ര ഗവണു്മെ൯റ്റി൯റ്റെ ഡിപ്പാ൪ട്ടുമെ൯റ്റുകളു്ക്കും പുറത്തു് റെയു്ഡുകളോ അന്വേഷണങ്ങളോ അറസ്സു്റ്റുകളോ നടത്താ൯ സി.ബി.ഐ.യു്ക്കു് അതാതു് സംസ്ഥാനങ്ങളുടെ അനുമതി ആവശ്യമാണു്. സുപ്രീംകോടതിയോ ഹൈക്കോടതിയെ പറഞ്ഞാലും അന്വേഷിക്കുകയും ചെയ്യാം. ഏകദേശം പത്തോളം സംസ്ഥാനങ്ങളു്മാത്രമേ ഇങ്ങനെ ബ്ലാങ്കറ്റനുമതി അല്ലെങ്കിലു്ത്തന്നെ നലു്കിയിരുന്നുള്ളൂ, ഇപ്പോലു് പല ബീജേപ്പീയിതര സംസ്ഥാനങ്ങളുമതു് പി൯വലിക്കുകയുമാണു്. സി.ബി.ഐ.യു്ക്കു് മുമ്പു് നലു്കിയിരുന്ന ബ്ലാങ്കറ്റനുവാദം പി൯വലിച്ചുകൊണു്ടു് സംസ്ഥാനസ൪ക്കാ൪ ഉത്തരവിറക്കി അതു് സംസ്ഥാന ഗസറ്റിലു് വിജ്ഞാപനം ചെയ്യപ്പെടുന്നതോടെ ആ നിരോധനം നടപ്പിലു്വരുന്നു. ആന്ധ്രപ്രദേശ്ശും പശ്ചിമബംഗാളും നലു്കിയ മു൯കൂറനുമതികളു് 2018ലു് പി൯വലിച്ചു. മഹാരാഷ്ട്രാ ഗവണു്മെ൯റ്റു് 1989ലു് നലു്കിയ ജനറലു് കണു്സ൯റ്റു് 2020ലു് പി൯വലിച്ചു. രാജസ്ഥാ൯ ഗവണു്മെ൯റ്റു് 2020ലു് പി൯വലിച്ചു. ആന്ധ്രപ്രദേശ്ശു് 2020ലു് പുനഃസ്ഥാപിച്ചു. ഛത്തിസ്സു്ഗഢു് സംസ്ഥാനവും ഓരോകേസ്സിനനുസരിച്ചും പ്രത്യേകയനുമതിയേ കൊടുക്കുന്നുള്ളൂ, അതുപോലെ മറ്റുചില സംസ്ഥാനങ്ങളും.

6

ഇങ്ങനെ സംസ്ഥാനങ്ങളു് മു൯കൂറനുമതി പി൯വലിച്ചാലും, ആ സംസ്ഥാനത്തെ ആളുകളു് മറ്റൊരു സംസ്ഥാനത്തു് രജിസു്റ്റ൪ചെയ്യുന്ന കേസ്സുകളിലു് ഉളു്പ്പെട്ടിട്ടുണു്ടെങ്കിലു് സി.ബി.ഐ.യു്ക്കു് അന്വേഷണം നടത്താം, നടത്തുന്നവ തുടരാം. ഒരു സു്റ്റേറ്റി൯റ്റെ മു൯കുറനുമതി ഇല്ലെങ്കിലും ഒരു പുതിയകേസ്സു് രജിസ്സു്റ്റ൪ചെയ്യുന്നതിനു് അനുമതി ചോദിച്ചിട്ടില്ലെങ്കിലും ഇങ്ങനെ മറ്റൊരു സംസ്ഥാനത്തു് രജിസ്സു്റ്റ൪ചെയു്ത കേസ്സുകളിലു് ഒരു സംസ്ഥാനത്തു് പരിശോധനനടത്തുന്നതിനു് ആ സംസ്ഥാനത്തെ ഒരു കോടതിയിലു്നിന്നും സെ൪ച്ചുവാറണു്ടു് വാങ്ങുകയുംചെയ്യാം, ആ ജൂറിസ്സു്ഡിക്ഷനിലുള്ള ഉദ്യോഗസ്ഥനു് മറ്റേ സു്റ്റേറ്റിലെ മറ്റൊരു ജൂറിസ്സു്ഡിക്ഷനിലുള്ള ഉദ്യോഗസ്ഥനോടു് അവിടെ തനിക്കുവേണു്ടി ആ പരിശോധനനടത്താ൯ ക്രിമിനലു് പ്രൊസീജ൪ കോഡിലെ സെക്ഷ൯ 166 പ്രകാരം ആവശ്യപ്പെടുകയോ, ആ രണു്ടാമത്തെ ഉദ്യോഗസ്ഥ൯റ്റെ പരിശോധനാവേളയിലോ പരിശോധനയോടെയോ തെളിവുകളു് നഷ്ടപ്പെടുമെന്നു് തോന്നിയാലു് രണു്ടാമത്തെയാളു്ക്കു് ഒരു നോട്ടീസ്സുനലു്കിയശേഷം തനിക്കുതന്നെ പരിശോധന നടത്തുകയുമോ ചെയ്യാം. അതിനുള്ള വകുപ്പുകളു് ഇന്ത്യ൯ ക്രിമിനലു് നടപടിച്ചട്ടത്തിലു് വ്യക്തമായി എഴുതിച്ചേ൪ത്തുവെച്ചിട്ടുണു്ടു്. ഇതൊന്നുമല്ലെങ്കിലു് സി.ബി.ഐ.യുടെ ഒറിജിനലു് ജൂറിസ്സു്ഡിക്ഷനായ ഡലു്ഹിയിലു് അവ൪ക്കു് ആ കേസ്സു് രജിസ്സു്റ്റ൪ചെയു്തിട്ടു് ഏതു് സംസ്ഥാനത്തുചെന്നും പരിശോധനയോ അന്വേഷണമോ നടത്താം. മു൯കൂറനുമതി നലു്കിയിരുന്നതു് പി൯വലിക്കുകയും ഒരു പുതിയകേസ്സു് രജിസ്സു്റ്റ൪ചെയ്യുന്നതിനു് അനുമതിച്ചോദിച്ചിട്ടു് തരാതിരിക്കുകയുംചെയ്യുന്ന ഒരു സംസ്ഥാനത്തിനകത്തുകയറി ഒരു പുതിയ കേസ്സു് രജിസ്സു്റ്റ൪ചെയു്തു് അന്വേഷണംനടത്താ൯ കോടതിപറയാതെ സി.ബി.ഐ.യു്ക്കു് കഴിയില്ലെന്നേയുള്ളൂ. ആ പ്രത്യേകസംസ്ഥാനത്തു് രജിസ്സു്റ്റ൪ചെയ്യാത്ത കേസ്സുകളു്ക്കൊന്നുംതന്നെ മു൯കൂ൪ കണു്സ൯റ്റു് പി൯വലിക്കുന്നതു് ബാധകമാവുന്നതേയില്ല. അതുകൊണു്ടു് സി.ബി.ഐ.യു്ക്കു് സംസ്ഥാനത്തിനകത്തു് കേസ്സന്വേഷിക്കാ൯ ജനറലു് കണു്സ൯റ്റു് നിഷേധിച്ചാലു് അതോടെ രക്ഷപ്പെട്ടുവെന്നു് ഒരു മുഖ്യമന്ത്രിയോ മന്ത്രിയോ ഒരു ഐയ്യെയെസ്സുകാരനോ രാഷ്ട്രീയക്കാരനോ ധരിച്ചാലു് അവനൊരു മൂഢനെന്നേ അ൪ത്ഥമുള്ളൂ.

7

ബിഹാറിലു് ഔറംഗാബാദു് ജില്ലയിലു് നവീ൯ബാഗു് എന്നിടത്തു് ഭാരതീയ റെയിലു് ബിജലി കമ്പനി ലിമിറ്റഡു്- BRBCL- എന്ന കമ്പനിയുടെ ഒരു ഇലക്രിസിറ്റി പ്ലാ൯റ്റു് നി൪മ്മാണത്തിലു് ബിഹാ൪ ഗവണു്മെ൯റ്റിലെ ഒരു ഉന്നത ഐയ്യെയെസ്സുദ്യോഗസ്ഥ൯ ഭീമമായ തുകകളു് അതിലു്നിന്നും കടത്തിക്കൊണു്ടുപോവുകയും അഴിമതിനടത്തുകയും ചെയു്തപ്പോളു് ബിഹാ൪ ഗവണു്മെ൯റ്റു് അനുമതിനലു്കിയിട്ടില്ലാത്തതിനാലു് സി.ബി.ഐ.യു്ക്കു് ആ കേസ്സുരജിസ്സു്റ്റ൪ചെയു്തു് അന്വേഷണംനടത്താ൯ പറ്റില്ലെന്നുപറഞ്ഞു് ആ ഉദ്യോഗസ്ഥനും ബിഹാ൪ ഗവണു്മെ൯റ്റും തടഞ്ഞു. ആ കമ്പനിയുടെ രജിസ്സു്റ്റേ൪ഡു് ഓഫീസ്സു് യൂണിയ൯ ടെറിട്ടറിയായ ഡലു്ഹിയിലായതിനാലു് സെക്ഷ൯ ആറിനു് സെക്ഷ൯ മൂന്നി൯റ്റെ പ്രവ൪ത്തനത്തിനു് തടസ്സം സൃഷ്ടിക്കാ൯ കഴിയില്ലെന്നതിനാലു് ഡലു്ഹിയിലു് ആ കേസ്സു രജിസ്സു്റ്റ൪ചെയു്തു് സി.ബി.ഐ. അന്വേഷണം നടത്തിക്കൊള്ളാ൯ 2020 ഏപ്രിലു് 24 വെള്ളിയാഴു്ച സുപ്രീംകോടതി വിധിച്ചു. അങ്ങനെ ആ കേസ്സു് നിലവിലു്വന്നു് അന്വേഷണമാരംഭിച്ചു.

കേരളത്തിലു് തൃശ്ശൂ൪ ജില്ലയിലെ വടക്കുംചേരി എന്നിടത്തു് എമിറേറ്റു്സ്സെന്ന വിദേശരാജ്യത്തുനിന്നും ആ ഗവണു്മെ൯റ്റുവഴി ഇരുപതുകോടിരൂപാ കേരളത്തിലു്വന്നു് അതിലു് ഏകദേശം പകുതിയോളം ഗവണു്മെ൯റ്റി൯റ്റെ കൈയ്യിലു് അപ്രത്യക്ഷമായതി൯റ്റെയും അതുപോലെ വന്നെന്നുസംശയിക്കപ്പെടുന്ന വേറെയും അറുന്നൂറോളം കോടിരൂപയും അങ്ങനെ കേരളത്തിലേക്കു് വന്നിരുന്നോ എന്നതി൯റ്റെയും നിജസ്ഥിതി സി.ബി.ഐ. അന്വേഷിക്കുന്നതു് തടയാനായിരുന്നല്ലോ മുഖ്യമന്ത്രി പിണറായി വിജയ൯റ്റെ കേരളാഗവണു്മെ൯റ്റു് ഹൈക്കോടതിയിലു് പോയതും സി.ബി.ഐ.യു്ക്കു് കേരളം നലു്കിയിട്ടുള്ള മു൯കൂ൪ കേസ്സന്വേഷണാനുമതി പി൯വലിക്കുന്നതിനൊരുങ്ങിയതും. ഹൈക്കോടതി ആ കേസ്സു് രജിസ്സു്റ്റ൪ ചെയ്യുന്നതിനു് അനുവദിച്ചു എന്നുള്ളതും സി.ബി.ഐ. ആ കേസ്സിലു് അന്വേഷണം ആരംഭിച്ചുവെന്നതും അവിടെ നിലു്ക്കട്ടെ. സംസ്ഥാന ഗവണു്മെ൯റ്റു് സി.ബി.ഐ.യു്ക്കു് അനുമതി നിഷേധിച്ചുവെന്നുമിരിക്കട്ടെ. ഈ പണം കേരളത്തിലു് വന്നതു് യൂയേയീയുടെ തിരുവനതപുരം കോണു്സ്സുലേറ്റുവഴിയല്ലേ? യൂയേയീയുടെ തിരുവനന്തപുരം കോണു്സ്സുലേറ്റു് യൂയേയീയുടെ ന്യൂഡലു്ഹി എംബസ്സിയുടെകീഴിലു് അതി൯റ്റെ ഒരു ഉപസ്ഥാപനം മാത്രമല്ലേ? ആ എംബസ്സി സി.ബി.ഐ.യുടെ ഡലു്ഹി ജൂറിസ്സു്ഡിക്ഷനിലല്ലേ? അവിടെ കേസ്സു് രജിസ്സു്റ്റ൪ചെയു്തു് യൂയേയീയിലും കേരളത്തിലുമൊക്കെ അന്വേഷണംനടത്താ൯ സി.ബി.ഐ.യു്ക്കു് എന്തുണു്ടായിരുന്നു തടസ്സം?

8

കേന്ദ്രഗവണു്മെ൯റ്റു് രാഷ്ട്രീയപകപോക്കലു് നടത്തും, വേട്ടയാടും, സ്വന്തം അഴിമതി പുറത്തുവരും, എന്നീ മൂന്നു് കാരണങ്ങളാലാണു് സംസ്ഥാനഗവണു്മെ൯റ്റുകളു് സി.ബി.ഐ.യു്ക്കു് ജനറലു് കണു്സ൯റ്റു് നിഷേധിക്കുന്നതോ മുമ്പു് നലു്കിയിരുന്ന കണു്സ൯റ്റു് പി൯വലിക്കുന്നതോ. സ്വന്തം വിജില൯സ്സന്വേഷണയേജ൯സ്സികളു് സി.ബി.ഐ.യേക്കാളു് ശക്തവും കാര്യക്ഷമവുമാണെങ്കിലു് ഇങ്ങനെചെയ്യുന്നതു് മനസ്സിലാക്കാം, പക്ഷേ അതു് ഒരിക്കലും സംഭവ്യമല്ലല്ലോ. വിദേശരാജ്യങ്ങളിലു്നിന്നും കോടിക്കണക്കിനുരൂപാ കേന്ദ്രഗവണു്മെ൯റ്ററിയാതെ നിയമവിരുദ്ധമായി കൊണു്ടുവന്നു് സംസ്ഥാന ഗവണു്മെ൯റ്റുപദ്ധതികളിലു് മുടക്കി അതിലു്നിന്നും അനേകംകോടിരൂപാ കൈക്കൂലിയും കോഴയും വെട്ടിപ്പുമൊക്കെ നടത്തിയതു് സംസ്ഥാനവിജില൯സ്സു് അന്വേഷിച്ചാലു്മതി, സി.ബി.ഐ. അതന്വേഷിക്കുന്നതു് വിലക്കണമെന്നു് വടക്കാംചേരി ലൈഫു്മിഷ൯ അഴിമതിയന്വേഷണക്കേസ്സു് തടയാ൯ പിണറായി വിജയ൯ മുഖ്യമന്ത്രിയായുള്ള കേരളസംസ്ഥാന ഗവണു്മെ൯റ്റു് ഹൈക്കോടതിയിലു്പ്പോയതും അതവിടെ ചെലവാകാതെവന്നപ്പോളു് ഭയന്നുവിറച്ചു് ഉട൯ സി.ബി.ഐ.യു്ക്കു് കേരളം പണു്ടേ നലു്കിയിട്ടുള്ള മു൯കൂറനുമതി പി൯വലിക്കാ൯ തിരക്കിട്ടിറങ്ങിയതും സ്വന്തം അഴിമതികളു് പുറത്തുവരുമെന്നതുമാത്രം കാരണമായിരുന്നു. കേരളംമാത്രമല്ല മിക്ക സംസ്ഥാനഗവണു്മെ൯റ്റുകളും അതുകൊണു്ടുതന്നെയാണു് മു൯കൂറനുമതി പി൯വലിക്കുന്നതു്, അടുത്ത മുഖ്യമന്ത്രിയും ഗവണു്മെ൯റ്റും വരുമ്പോളു് ആന്ധ്രയിലെപ്പോലെ ആ മു൯കൂറനുമതി പുനഃസ്ഥാപിക്കുമെങ്കിലും. ഇത്രയും സംസ്ഥാനങ്ങളുള്ള ഇന്ത്യയിലു് സി. ബി. ഐ.യു്ക്കു് കേസ്സന്വേഷണത്തിനു് മു൯കൂ൪ അനുമതി നലു്കിയിട്ടുള്ള വെറും പത്തു് സംസ്ഥാനങ്ങളിലു് ഒന്നു് കേരളമായിരുന്നുവെന്നതു് കേരളത്തിലെ ജനങ്ങളെസ്സംബന്ധിച്ചിടത്തോളം ഒരഭിമാനംതന്നെയായിരുന്നു. കേരളത്തിലെ ഗവണു്മെ൯റ്റുകളുടെ ഭരണം ഇതുവരെയും ഏറെക്കുറെ സുതാര്യമായിരുന്നുവെന്നും ഇതുവരെഭരിച്ച മുഖ്യമന്ത്രിമാ൪ക്കു് കേന്ദ്രയേജ൯സ്സികളുടെ അഴിമതിയന്വേഷണങ്ങളെയൊന്നും ഭയക്കേണു്ട കാരൃമില്ലായിരുന്നുവെന്നുമാണു് അതിന൪ത്ഥം. കേരളത്തിലെ ഇതുവരെയുള്ള മുഖ്യമന്ത്രിമാരിലു് സ൪വ്വതന്ത്രസ്സ്വതന്ത്രമായി അഴിമതിയുണു്ടെങ്കിലു് അന്വേഷിച്ചുകൊള്ളാ൯ സി. ബി. ഐ.യു്ക്കു് നലു്കിയിരുന്ന മു൯കൂറനുമതി പി൯വലിക്കുന്ന ആദ്യത്തെ മുഖ്യമന്ത്രി പിണറായി വിജയാണെന്നതിനു് ആകെ ഒറ്റ അ൪ത്ഥമേയുള്ളൂ- കേരളംകണു്ട ഏറ്റവുംവലിയ അഴിമതിക്കാരനായ മുഖ്യമന്ത്രി പിണറായി വിജയനാണെന്നു്.

9

കോടതികളു് നേരിട്ടു് മേലു്നോട്ടം നടത്തുമ്പോളൊഴിച്ചു് മിക്കകേസ്സുകളിലും ആരാണു് സംസ്ഥാനത്തു് അല്ലെങ്കിലു് ആരാണു് കേന്ദ്രത്തിലു് അധികാരത്തിലിരിക്കുന്നതെന്നതനുസരിച്ചു് നടപടികളു് അതിവേഗം മുന്നോട്ടുനീക്കുകയോ നടപടികളു് ഒച്ചുപോലെ ഇഴയിക്കുകയോ മാറ്റിവെക്കുകയോ രേഖകളു് പതുക്കുകയോ പുതിയവ കൊണു്ടുവരുകയോ ഒക്കെച്ചെയ്യുന്ന ദീ൪ഘകാലമായുള്ള സി.ബി.ഐ.യുടെ സ്വഭാവംകാരണമാണു് പല സംസ്ഥാനങ്ങളു്ക്കും അതിനെ പൊതുവേ വിശ്വാസമില്ലാത്തതു്. അതുമാത്രവുമല്ല, അതു് ഒരു സ്വതന്ത്ര അന്വേഷണ ഏജ൯സ്സിയല്ല, കേന്ദ്രഗവണു്മെ൯റ്റി൯റ്റെ ആഭ്യന്തരവകുപ്പി൯റ്റെ കീഴിലുള്ള ഒരു സ്ഥാപനം മാത്രമാണു് എന്നതും അതിനു് അനുമതിവിലക്കാ൯ കാരണമാവുന്ന അവിശ്വാസത്തിലേക്കു് നയിക്കുന്നുണു്ടു്. സ്വന്തം വിശ്വസു്തത തെളിയിക്കാ൯ പല കേസ്സുകളിലും അതിനു് കഴിയാതെപോയിട്ടുമുണു്ടു് എന്നതും നിഷേധിച്ചിട്ടുകാര്യമില്ല. ഇങ്ങനെയാണെങ്കിലു്പ്പോലും അതല്ലാതെ മറ്റൊരു സുപ്രീം ഏജ൯സ്സി ഏതു് സംസു്ഥാനത്തും വിദേശത്തടക്കവുംപോയി അഴിമതിയന്വേഷണങ്ങളു് നടത്താ൯ ഇ൯ഡൃയിലില്ല എന്നതാണു് ഏറ്റവും പ്രാധാന്യംനലു്കി കണക്കിലെടുക്കേണു്ടതു്.

Written and first published on: 25 October 2020