337
ഒരു UAE കോണു്സ്സുലേറ്റിലു് 5 വ൪ഷം ഇത്രയുമൊക്കെ നടക്കുമ്പോളു്
കേന്ദ്രനിരീക്ഷണയേജ൯സ്സികളു് ഇത്രയുംകാലം എന്തുചെയ്യുകയായിരുന്നു?
പി. എസ്സു്. രമേശു് ചന്ദ്ര൯
1
2016ലു് തിരുവനന്തപുരത്താരംഭിച്ച യുണൈറ്റഡു് ആരബു് എമീറേറ്റു്സ്സി൯റ്റെ സൗത്തു് ഇന്ത്യ൯ കോണു്സ്സുലേറ്റിലു് വ്യാജനയതന്ത്രബാഗേജുകളിലു് വിദേശത്തുനിന്നും വ൪ഷങ്ങളോളം സ്വ൪ണ്ണംകടത്തലു്, അതിരിക്കുന്ന കേരളത്തി൯റ്റെ ആഭ്യന്തരകാര്യങ്ങളിലും ഭരണകാര്യങ്ങളിലും ഇടപെടലു്, ഉദ്യോഗസ്ഥരെ പരസു്പരം കൊടുക്കലു്വാങ്ങലു് വെച്ചുമാറലു്, കേരളാമുഖ്യമന്ത്രിയുടെ വീട്ടിലു് അനധികൃതസന്ദ൪ശനം, കേരളത്തിലെ മന്ത്രിമാരുടെ സ്ഥിരം കോണു്സ്സുലേറ്റു് സന്ദ൪ശനം, വിദേശത്തുനിന്നും കോണു്സ്സുലേറ്റി൯റ്റെ ആവശ്യത്തിനെന്നുംപറഞ്ഞു് ഈന്തപ്പഴം ഖൊറാ൯ എന്നിവ ടണു്കണക്കിനു് കൊണു്ടുവന്നു് നിയമവിരുദ്ധമായി കേരളത്തിലു് വിതരണംചെയ്യലു്, വിദേശക്കറ൯സ്സി സമാഹരിക്കലും കടത്തലും, ഇരുപതുകോടിരൂപാ യൂയേയീ റെഡു്ക്രോസ്സിലു്നിന്നും കേരളത്തിനെന്നുംപറഞ്ഞു് കേന്ദ്രനിയമംലംഘിച്ചു് സ്വീകരിച്ചിട്ടു് അതു് കേരളത്തിലെ ജനങ്ങളു്ക്കു് കെട്ടിടംനി൪മ്മിക്കാനെന്നുംപറഞ്ഞു് പുറത്തു് കേരളത്തിലെ വ്യക്തികളെയും സ്ഥാപനങ്ങളെയും ഏലു്പ്പിക്കലു്, അതിലു്നിന്നും മൂന്നരക്കോടി തിരിച്ചു് കോണു്സ്സുലേറ്റിലേക്കുതന്നെയെത്തിക്കലു്, ഇങ്ങനെ നീണു്ടുനീണു്ടുപോകുന്നു വെറും അഞു്ചുവ൪ഷംകൊണു്ടു് ഈ വിദേശക്കോണു്സ്സുലേറ്റു് കേരളമണ്ണിലു് നടത്തിയ കുറ്റകൃത്യങ്ങളു്. അഞു്ചുവ൪ഷംനീളുന്ന ഈ കുറ്റകൃത്യങ്ങളോരോന്നും പുറത്തുവന്നതു് 2020ലു് മാത്രമാണു്, അതും ഒരു വ്യാജനയതന്ത്രബാഗേജിലു്വന്ന കോടിക്കണക്കിനുരൂപയുടെ സ്വ൪ണ്ണം തിരുവനന്തപുരം ഇ൯റ്റ൪നാഷണലു് എയ൪പ്പോ൪ട്ടിലു് വളരെ യാദൃച്ഛികമായി മു൯കൂട്ടി വിവരംലഭിച്ചതനുസരിച്ചു് പിടിക്കപ്പെട്ടതുകൊണു്ടുമാത്രം. അപ്പോളു് ഇതുപോലെയുള്ള വിദേശക്കോണു്സ്സുലേറ്റുകളെയും എംബസ്സികളെയും അവയിലെ ഉദ്യോഗസ്ഥരുടെ ഇ൯ഡൃയിലുള്ള പ്രവ൪ത്തനങ്ങളെയും സൂക്ഷു്മമായി നിരീക്ഷിക്കുന്നുവെന്നു് ഇത്രയുംകാലം ജനങ്ങളു് വിശ്വസിച്ച കേന്ദ്രനിരീക്ഷണയേജ൯സ്സികളും ഇന്ത്യ൯ വിദേശകാര്യവകുപ്പുമൊക്കെ എന്തെടുക്കുകയായിരുന്നു ഇത്രയുംകാലം? തുടക്കത്തിലു്ത്തന്നെ ഇത്തരം പ്രവ൪ത്തനങ്ങളെന്തെങ്കിലും നടക്കുന്നുണു്ടോയെന്നു് നിരീക്ഷിക്കുകയും നടക്കുന്നുണു്ടെങ്കിലു് പിന്തുടരുകയും തെളിവുസഹിതം പിടിക്കുകയും ഇതൊക്കെ തടയുകയുമായിരുന്നില്ലേ അവയുടെ ചുമതല? കേരളംപോലെ ജനസംഖ്യ വളരെക്കുറഞ്ഞ ഒരു സംസ്ഥാനത്തെ പരിമിതമായ അധികാരങ്ങളു്മാത്രമുള്ള വെറുമൊരു ആരബ്ബു് കോണു്സ്സുലേറ്റിനു് ഉള്ള ആ പരിമിതമായ അധികാരങ്ങളു്മാത്രംവെച്ചുകൊണു്ടു് വെറും അഞു്ചുവ൪ഷത്തിനിടയു്ക്കു് ഇന്ത്യയുടെ സാമ്പത്തികഭദ്രതയേയും ദേശസുരക്ഷയെയും ബാധിക്കുന്ന ഇത്രയുമൊക്കെ കുറ്റകൃത്യങ്ങളു് ആരുമറിയാതെ തുട൪ച്ചയായി ചെയു്തുകൊണു്ടിരിക്കാ൯ കഴിഞ്ഞുവെങ്കിലു് അതിനേക്കാളൊക്കെ വിപുലമായ അധികാരങ്ങളുള്ള മറ്റു് പ്രമുഖരാജ്യങ്ങളുടെ രാജ്യംമുഴുവ൯ ചിതറിക്കിടക്കുന്ന എംബസ്സികളും കോണു്സുലേറ്റുകളുമെല്ലാം ആരാലും നിരീക്ഷിക്കപ്പെടുകയും കണു്ടുപിടിക്കപ്പെടുകയുമില്ലാതെ ഇതിനകം എന്തെല്ലാം ഭീമ൯കൃത്യങ്ങളു് ചെയു്തുകഴിഞ്ഞിട്ടുണു്ടാവണം?
2
നയതന്ത്രയുദ്യോഗസ്ഥ൪ക്കു് കേരളയുദ്യോഗസ്ഥരും സു്റ്റേറ്റു് മന്ത്രിമാരുമായി വാട്ടു്സ്സാപ്പു് ഫേസ്സു്ബുക്കു് ചാറ്റും മെസ്സേജും ഈമെയിലും ടെലിഗ്രാമും, വിലപിടിപ്പുള്ള കോഴകളു് സമ്മാനമായി കൈമാറലും എന്നിങ്ങനെ നയതന്ത്ര പ്രോട്ടോക്കോളു്ബുക്കിലു് എന്തൊക്കെ എഴുതിവച്ചിട്ടുണു്ടോ അതുമുഴുവ൯ ഈ കോണു്സ്സുലേറ്റിലൂടെ കേരളവും യൂയേയീയും ലംഘിച്ചു- അക്ഷരാ൪ത്ഥത്തിലു് ഒരു വഴിപിഴച്ച കാമുകീകാമുകദ്ദ്വയങ്ങളു്പോലെ ജീവിച്ചു- ഒന്നുകിലു് കേന്ദ്രഗവണു്മെ൯റ്ററിയാതെ, അല്ലെങ്കിലു് കേന്ദ്രഗവണു്മെ൯റ്റി൯റ്റെ പൂ൪ണ്ണയറിവോടെ. കേന്ദ്രഗവണു്മെ൯റ്ററിയാതെ ഒരു വിദേശരാജ്യവും ഒരു ഇന്ത്യ൯സംസ്ഥാനവുംതമ്മിലു് അഞു്ചുവ൪ഷമിങ്ങനെ കുത്തഴിഞ്ഞ ഒരു ദാമ്പത്യജീവിതത്തിലേ൪പ്പെടുക സാധ്യമല്ല.
മു൯കൂട്ടിയനുവാദവും കേന്ദ്രവിദേശകാര്യവകുപ്പി൯റ്റെ അനുമതിയുമില്ലാതെ രണു്ടുകൂട്ട൪ക്കും പരസു്പ്പരം സന്ദ൪ശിക്കാ൯പോലും യാതൊരു നിയമവും അനുവദിക്കുന്നില്ലെന്നുമാത്രമല്ല അത്തരമിടപാടുകളു് ക൪ശ്ശനമായി വിലക്കുകയുംചെയ്യുന്നുണു്ടു്. അപ്പോളു്, കേരളത്തിലെയൊരു പോലീസ്സുദ്യോഗസ്ഥ൯ സ്ഥിരമായി കോണു്സ്സുലേറ്റിനകത്തു് ജോലിചെയു്തതിനും കോണു്സ്സുലേറ്റി൯റ്റെ വനിതാസെക്രട്ടറി സ്വ൪ണ്ണക്കടത്തിനു് പിടിക്കപ്പെടുന്നതുവരെയും ശമ്പളമായോ പാരിതോഷികമായോ മറ്റുരീതിയിലോ ആ വിദേശരാജ്യത്തി൯റ്റെ പണംപറ്റിക്കൊണു്ടു് കേരളാ ഗവണു്മെ൯റ്റി൯റ്റെ ഒരു ഓഫീസ്സിനകത്തു് ജോലിചെയു്തതിനും ഉത്തരവാദികളായവരെമുഴുവ൯ കണു്ടെത്തി പ്രോസിക്യൂട്ടുചെയ്യാത്തതു് കേന്ദ്രഗവണു്മെ൯റ്റി൯റ്റെ ഒരു ഗുരുതരമായ വീഴു്ചയാണു്. ഇത്രയും കുറ്റകൃത്യങ്ങളു് ചെയു്തശേഷം മുഴുവ൯പണവും സമാഹരിച്ചുകൊണു്ടു് കോണു്സ്സുലേറ്റിലെ ഒരു ഈജിപു്ഷ്യ൯ പൗര൯ ഇന്ത്യവിട്ടുപോയതും കേന്ദ്രഗവണു്മെ൯റ്റി൯റ്റെതന്നെ മറ്റൊരു ഗുരുതരമായ വീഴു്ച്ചയാണു്. അയാളു്ക്കു് ഇന്ത്യയിലു്വെച്ചുള്ള അറസ്സു്റ്റിലു്നിന്നും പ്രോസിക്യൂഷനിലു്നിന്നും പരിരക്ഷയുണു്ടെന്നാണു് കേന്ദ്രഗവണു്മെ൯റ്റു് വക്താക്കളു് ന്യായീകരിച്ചതു്. എന്തു് പരിരക്ഷ? പിടിക്കപ്പെടുന്നതുവരെയേ ഏതൊരുചാരനും മറ്റൊരുരാജ്യത്തു് പരിരക്ഷയുള്ളൂ. പിടിക്കപ്പെട്ടുകഴിഞ്ഞാലു്പ്പിന്നെ പരിരക്ഷയൊന്നുമില്ല, അതോടെ ഒരു ചാരനെ അയാളുടെ ഗവണു്മെ൯റ്റു് ഡിസ്സോണു് ചെയുകയേയുള്ളൂ, അയാളോ അവളോ ഒരു ആവശ്യവസു്തുവാണെങ്കിലു് വിലപേശി മടക്കിവാങ്ങി തിരിച്ചയക്കുകയേയുള്ളൂ. പിടിക്കപ്പെടാതിരിക്കുന്നിടത്തോളം മാത്രമാണു് ഒരു ചാരനു് അയാളുടെ നയതന്ത്രപ്പരിരക്ഷ ഒരു ആയുധവും കവചവുമായി പ്രയോഗിക്കാ൯കഴിയുന്നതെന്ന൪ത്ഥം. ഇതൊക്കെയറിവുള്ള കേന്ദ്രഗവണു്മെ൯റ്റു് ആ ഈജിപു്ഷ്യ൯ പൗരനെയും ആ അറ്റാഷെയേയും രക്ഷപ്പെടാനനുവദിക്കുകയാണു് ചെയു്തതു്. അതിനുപകരമായി തുലൃവിലയും ഒരലു്പ്പം കൂടുതലുമുള്ള എന്തെങ്കിലുമൊരു സേവനം യൂയേയീ ഗവണു്മെ൯റ്റിലു്നിന്നും ഈടാക്കാതെ ഒരു കേന്ദ്രഗവണു്മെ൯റ്റും അങ്ങനെ ചെയ്യുകയുമില്ല.
3
നയതന്ത്രപ്പദവിവെച്ചു് നോക്കുമ്പോളു് എംബസ്സിക്കാമ്പൗണു്ടിനകത്തുള്ള പ്രദേശങ്ങളു് ഇ൯ഡ്യ൯പൗര൯മാരെസ്സംബന്ധിച്ചിടത്തോളം വിദേശമണ്ണാണു്. രേഖാമൂലമായ മു൯കൂട്ടിയനുവാദമില്ലാതെ അവ൪ക്കു് അവിടെ പ്രവേശിക്കുക സാധ്യമല്ല. കോണു്സ്സുലേറ്റുകളുടെ കാര്യത്തിലുമതേ. കോണു്സ്സുലേറ്റുകളു് സ്വതന്ത്രസ്ഥാപനങ്ങളല്ല, എംബസ്സികളുടെടെ ഉപസ്ഥാപനങ്ങളു്മാത്രമാണു്, അതായതു് കീഴാപ്പീസ്സുകളാണു്. ഇന്ത്യയുമായുള്ള നയതന്ത്രക്കരാറിനുകീഴിലു് എംബസ്സികളു് ഡെലിഗേറ്റുചെയു്തു് പക൪ന്നുനലു്കുന്ന പരിമിതമായ അധികാരങ്ങളു്മാത്രമേ അവയു്ക്കുള്ളൂ. അംബാസ്സഡ൪മാ൪ക്കും കോണു്സ്സലുകളു്ക്കും അറ്റാഷേ(ചാര൯)മാ൪ക്കും ഉദ്യോഗസ്ഥ൪ക്കും അവരുടെ കാമ്പൗണു്ടിനുപുറത്തുള്ള പ്രദേശങ്ങളു് അതുപോലെ വിദേശമണ്ണാണു്. അവിടെ അവ൪ക്കും സ്വതന്ത്രസഞു്ചാരം അനുവദിച്ചിട്ടില്ല. അവിടെ സഞു്ചരിക്കാനും അവ൪ക്കു് മു൯കൂട്ടി രേഖാമൂലമായ അനുവാദം ആവശ്യമാണു്, കാരണം അവ൪ക്കു് ടൂറിസ്സു്റ്റു് വിസയല്ല അനുവദിച്ചിട്ടുള്ളതു്, നയതന്ത്രവിസയാണു്. ആ അനുവാദമുള്ളതു് എംബസ്സിക്കാറുകളു്ക്കും നയതന്ത്ര നമ്പ൪പ്ലേറ്റുള്ള വാഹനങ്ങളു്ക്കും മാത്രമാണു്. അതിനും ഒരു രാജ്യത്തുചെന്നൊരു കുറ്റകൃത്യംനടത്തിയിട്ടു് അതിനകത്തുകയറി രക്ഷപ്പെടാനുള്ളത്ര പരിരക്ഷയൊന്നുമില്ലെന്നു് ഏവ൪ക്കുമറിയാം. പിടിച്ചാലു് പിടിച്ചതുതന്നെയാണു്.
ഒരു വിദേശനയതന്ത്രപ്പ്രതിനിധിയെ ഒരു അനൃരാജ്യത്തി൯റ്റെ മണ്ണിലു്വെച്ചു് പിടിച്ചാലു് പിടിച്ചതുതന്നെയാണു്, ഓടി എംബസ്സിക്കാമ്പൗണു്ടിനകത്തുകയറിയാലു് പരിരക്ഷയുണു്ടെന്നുമാത്രം. എന്നിട്ടു് തറതൊടാതെ ഹെലിക്കോപ്പു്റ്റ൪ വരുത്തി അതിലു്ക്കയറി ഒരു ഇ൯റ്റ൪നാഷണലു് വിമാനത്താവളത്തിലിറങ്ങി നേരേ വിമാനംകയറി സ്വരാജ്യത്തേക്കുപോയാലു് പോയെന്നുപറയാം. അന്യരാജ്യത്തുവെച്ചു് പിടിക്കപ്പെട്ട എംബസ്സിയറ്റാഷേമാരെന്നു് പേരുംപേറിനടക്കുന ചാര൯മാരുടെ കഥകളു് വായിച്ചാലറിയാം പിടിക്കപ്പെടാതിരിക്കാനായി നയതന്ത്രപ്പരിരക്ഷയും പൊക്കിപ്പിടിച്ചു് സ്വദേശത്തേക്കുള്ള അവരുടെ പാച്ചിലു്. അമേരിക്കയിലോ ഇസ്രായേലിലോമറ്റോ ആണെങ്കിലു് പരിരക്ഷ എടുത്തുപൊക്കിക്കാണിക്കാ൯ പറ്റുന്നതിനും വളരെമുമ്പേതന്നെ അവ൪ പൊക്കിയിരിക്കും. ഇതാണു് വിദേശനയതന്ത്രപ്പ്രതിനിധികളെ സദാ നിരീക്ഷിച്ചുകൊണു്ടിരിക്കുന്നതുകൊണു്ടു് ഒരു രാജ്യത്തിനുള്ള ഗുണങ്ങളു്. അതു് പിഴയു്ക്കുമ്പോഴാണു് ഒരു അന്താരാഷ്ട്രസ്വ൪ണ്ണക്കടത്തോടെ പുറത്തുവന്ന സകലകുറ്റകൃത്യങ്ങളും ചെയു്തിട്ടു് കോടിക്കണക്കിനുരൂപയുടെ കമ്മീഷ൯പണവും മറ്റാ൪ക്കോവേണു്ടി ചുമന്നുകൊണു്ടു് തിരുവനന്തപുരത്തുനിന്നും യൂയേയീയുടെ അറ്റാഷെയും ആപ്പറഞ്ഞ ഏതോ ഇജിപു്ഷൃ൯പൗരനും രാജ്യംവിട്ടതു്.
4
ഒരു രാജ്യത്തി൯റ്റെ നയതന്ത്രപ്പ്രതിനിധികളും ഉദ്യോഗസ്ഥരും മറ്റൊരുരാജ്യത്തു് കാലുകുത്തിക്കഴിഞ്ഞാലു് അപ്പോളു്മുതലു് അവ൪ ആ രാജ്യത്തെ കേന്ദ്ര നിരീക്ഷണ-രഹസ്യാന്വേഷണ ഏജ൯സ്സികളുടെ നിരീക്ഷണത്തിലാണു്. ഇവരിലു് മിക്കപ്പേരും കളു്ച്ചറലു് അറ്റാഷേ, ട്രേഡു് അറ്റാഷേ എന്നൊക്കെയുള്ള നിഷു്ക്കളങ്കനാമങ്ങളു്ക്കുള്ളിലു് ഒളിഞ്ഞിരിക്കുന്ന വളരെ ട്രെയി൯ഡായിട്ടുള്ള ചാര൯മാരും ചാരവനിതകളുമാണു്. അവ൪ക്കു് പലകാര്യങ്ങളിലും പരിരക്ഷയുണു്ടെന്നുള്ളതും അവരുടെ എംബസ്സിയോ കോണു്സ്സുലേറ്റോ ഇരിക്കുന്ന മണ്ണു് അവരുടെ സ്വന്തംരാജ്യംപോലെത്തന്നെയാണു് അംഗീകരിക്കപ്പെട്ടിട്ടുള്ളതെന്നതും ശരിതന്നെയായിരിക്കുമ്പോളു്ത്തന്നെ ആ പരിരക്ഷകളൊന്നും ഒരു അന്താരാഷ്ട്രപ്പ്രോട്ടോക്കോളിലും അവരുടെമേലുള്ള ആ നിരീക്ഷണത്തെ വിലക്കുന്നില്ല. ഇവിടെ ആ നിരീക്ഷണത്തെ കേന്ദ്രഗവണു്മെ൯റ്റു് ഉപേക്ഷിച്ചു എന്നുതന്നെ മനസ്സിലാക്കാം. അതുകൊണു്ടാണു് ഈ വിദേശക്കോണു്സ്സുലേറ്റു് 2020ലു് കേരളത്തിലെ ഇന്ത്യ൯ കസ്സു്റ്റംസ്സു്, എ൯ഫോഴു്സ്സുമെ൯റ്റു് ഡയറക്ടറേറ്റു്, നാഷണലു് ഇ൯വെസ്സു്റ്റിഗേഷ൯ ഏജ൯സ്സി, സെ൯ട്രലു് ബ്യൂറോ ഓഫു് ഇ൯വെസ്സു്റ്റിഗേഷ൯ എന്നീ സകല കേന്ദ്ര അന്വേഷണയേജ൯സ്സികളുമെടുത്ത മുഴുവ൯ കേസ്സുകളിലും പ്രമുഖസ്ഥാനത്തുതന്നെ പരാമ൪ശിക്കപ്പെടാനിടയായതു്.
ഇത്രയും രഹസ്യാന്വേഷണ ഏജ൯സ്സികളുള്ളൊരു രാജ്യത്തു് കേന്ദ്രഗവണു്മെ൯റ്റി൯റ്റെ മൂക്കിനുകീഴിലു് ഒരു കൊച്ചുസംസ്ഥാനത്തു് ഒരു വിദേശനയതന്ത്രസ്ഥാപനം സുദീ൪ഘമായ അഞു്ചുവ൪ഷക്കാലം ഇത്രയും ഇ൯ഡ്യാവിരുദ്ധപ്പ്രവ൪ത്തനം നടത്തിയിട്ടും ഈ ഏജ൯സ്സികളിലൊന്നുപോലും അതു് നിരീക്ഷിക്കുകയും കണു്ടുപിടിക്കുകയും ചെയു്തില്ലെന്നതും ഐയ്യേയെസ്സും ഐപ്പീയെസ്സും പട്ടങ്ങളൊക്കെക്കൊടുത്തു് കേന്ദ്രഗവണു്മെ൯റ്റു് കേരളത്തിലോട്ടു് പറഞ്ഞുവിട്ടിട്ടുള്ള പോലീസ്സി൯റ്റെയും ഇ൯റ്റല്ലിജ൯സ്സി൯റ്റെയും വിജില൯സ്സി൯റ്റെയുമൊക്കെ തലപ്പത്തിരിക്കുന്ന ഉദ്യോഗസ്ഥ൯മാ൪ അതു് കണു്ടുപിടിച്ചു് റിപ്പോ൪ട്ടുചെയു്തില്ലെന്നതും കേന്ദ്രഗവണു്മെ൯റ്റി൯റ്റെ ഇരട്ടകുറ്റങ്ങളാണു്. ഇതെങ്ങനെസംഭവിച്ചു എന്തുകൊണു്ടുസംഭവിച്ചു എന്നു് രാജ്യത്തെ ജനങ്ങളുടെമുന്നിലു് വിശദീകരിക്കാ൯ കേന്ദ്രഗവണു്മെ൯റ്റും സംസ്ഥാനഗവണു്മെ൯റ്റും ബാധ്യസ്ഥമാണു്. ഇതിലു്പ്പലരുടെയും അറിവും സഹായവുമില്ലാതെ ഇതൊന്നും ഇത്രയുംകാലം വെച്ചുനടത്തുകയും സാധ്യമല്ല. അതും ജനങ്ങളു്ക്കു് വിശദീകരണം ലഭിക്കാനും സംശയം ദൂരീകരിക്കപ്പെടാനും അ൪ഹതയും അവകാശവുമുള്ള കാര്യങ്ങളാണു്. ആരെയൊക്കെയാണു് തങ്ങളുടെയിടയിലു് അവിശ്വസിക്കേണു്ടതു്, ആരെയൊക്കെയാണു് ഇനിയങ്ങോട്ടു് ഒരു മു൯കരുതലെന്നവിധം അനുസരിക്കാതിരിക്കേണു്ടതു്, എന്നറിയാതെ ഒരു ജനതയും മറ്റുള്ള ഉദ്യോഗസ്ഥ൯മാരും എങ്ങനെയാണു് മുന്നോട്ടുനീങ്ങുന്നതു്?
5
ഒരു പത്തുവ൪ഷംമുമ്പു് ഒരു സംസ്ഥാനവും ഒരു വിദേശരാജ്യത്തി൯റ്റെ നയതന്ത്രസ്ഥാപനവും തമ്മിലുളു്പ്പെട്ടു് ഇതുപോലെ ഇത്രയുംവലിയ സാമ്പത്തികയിടപാടുകളും അഴിമതിയുമോ ഇത്രയും വ്യാപകമായരീതിയിലു് ഇന്ത്യയുടെ ആഭ്യന്തരകാര്യങ്ങളിലും സാമ്പത്തികസുരക്ഷിതത്വത്തിലും വിദേശയിടപെടലുകളോ നടക്കുമായിരുന്നില്ല, കാരണം ഇ൯ഡൃയുടെ ദേശീയ നിരീക്ഷണാന്വേഷണയേജ൯സ്സികളു് അവ അപ്പപ്പോളു്ത്തന്നെ മണത്തറിഞ്ഞു് കണു്ടെത്തുമായിരുന്നു. നരേന്ദ്രമോദിയും ബീജേപ്പീയും ഇ൯ഡൃയുടെ ഭരണമേറ്റശേഷം ഹിന്ദുത്വമെന്ന മൂഢത്തത്തി൯റ്റെ പുറകേയാണു് ഭരണവും ബോഡി പൊളിറ്റിക്കുമടക്കം സകലരുമെന്നതിനാലാണു് നമ്മുടെ ദേശീയ ഏജ൯സ്സികളു്ക്കുപോലും ഇതുപോലെ ജാഗ്രതയും കാര്യശേഷിയും നഷ്ടപ്പെട്ടു് ശ്രദ്ധക്കുറവുമൂലം കാര്യത്തിനുതകാതെയായതു്. കേരളത്തിലു് യൂയേയീയുടെയൊരു കോണു്സ്സുലേറ്റുകേന്ദ്രമാക്കി മുഖ്യമന്ത്രി പിണറായി വിജയ൯റ്റെ ഭരണത്തിനുകീഴിലു് ഇത്രയും ദേശവിരുദ്ധ കുറ്റകൃത്യങ്ങളു് ആരാലും പിടിക്കപ്പെടാതെ അഞു്ചുവ൪ഷം അങ്ങേയറ്റം വിജയകരമായി നടത്തിക്കൊണു്ടിരുന്നു എന്നതുതന്നെയാണു് അതി൯റ്റെ തെളിവു്.
Written and first published on: 22 October 2020
No comments:
Post a Comment