827
പുട്ടിനു് മാനസ്സികരോഗമല്ല, ഭ്രാന്തുതന്നെയാണു്. ഒരു ഭ്രാന്ത൯റ്റെനടപടികളെ പിന്തുണക്കുന്നതാരൊക്കെയാണെന്നാണു് ലോകമിന്നു് നോക്കികൊണു്ടിരിക്കുന്നതു്. ഏതായാലും ഇ൯ഡ്യയതിലു്പ്പെട്ടു- എഴുപതുവ൪ഷം സമ൪ത്ഥമായിനയിക്കപ്പെട്ടയി൯ഡൃ!
പി. എസ്സു്. രമേശു് ചന്ദ്ര൯
Article Title Image By Eugene Chystiakov. Graphics: Adobe SP.
പുട്ടിനു് മാനസ്സികരോഗമല്ല, ഭ്രാന്തുതന്നെയാണു്. ഒരു ഭ്രാന്ത൯റ്റെനടപടികളെ പിന്തുണക്കുന്നതാരൊക്കെയാണെന്നാണു് ലോകമിന്നു് നോക്കികൊണു്ടിരിക്കുന്നതു്. ഏതായാലും ഇ൯ഡ്യയതിലു്പ്പെട്ടു- എഴുപതുവ൪ഷം സമ൪ത്ഥമായിനയിക്കപ്പെട്ടയി൯ഡൃ! പുട്ടിനിപ്പോഴും കരുതുന്നതും മതിഭ്രമംപൂണു്ടുനടക്കുന്നതും സോവിയറ്റു് യൂണിയ൯ തക൪ന്നിട്ടില്ലെന്നും ഇപ്പോഴുമുണു്ടെന്നും സോവിയറ്റുയൂണിയ൯റ്റെ ഭാഗമായിരുന്ന ഇന്നത്തെ ഉക്രെയിനടക്കമുള്ള സ്വതന്ത്രരാജ്യങ്ങളെല്ലാം റഷ്യയുടെവകയാണെന്നും റഷ്യയിലു് കമ്മ്യൂണിസം ഇപ്പോഴുമുണു്ടെന്നുമാണു്. അതുകൊണു്ടാണയാളു്ക്കു് അസുഖമാണെന്നുപറയുന്നതു്. ഇങ്ങനെയിപ്പോഴും വിശ്വസിച്ചുപ്രവ൪ത്തിക്കുന്നൊരാളി൯റ്റെയടുത്തുചെന്നു് ഗൗരവത്തോടെ രാഷ്ട്രീയ ബിസിനസ്സു് സൈനിക അന്ത൪ദ്ദേശീയബന്ധകാര്യങ്ങളു് സംസാരിക്കുന്നവ൪ എങ്ങനെയുള്ളവരായിരിക്കണം!
പുട്ടി൯റ്റെയസുഖത്തെപ്പറ്റി പാശ്ചാത്യഗവണു്മെ൯റ്റുകളും മാധ്യമങ്ങളും പറയുന്നതുമുഴുവ൯ അതിശയോക്തിപരമാണെന്നുകരുതുന്നവരുണു്ടു്. അതു് അതിശയോക്തിപരമല്ല, അവ൪ മുഴുവ൯പറയുന്നില്ലെന്നേയുള്ളൂ. ഏതായാലുമവ൪പറയുന്നതു് തെറ്റിദ്ധാരണാജനകമാണു്. അവരുടെയഭിപ്രായത്തിലു്, അവരുടെവിവരങ്ങളു്കേളു്ക്കുമ്പോളു്, പുട്ടിനിപ്പോഴും ഒരു രാഷ്ട്രത്തി൯റ്റെ ഭരണത്തലവനായിരിക്കാനുള്ള മാനസ്സികസ്ഥിരതയുള്ളവനാണെന്നുതോന്നും. വാസു്തവത്തിലതങ്ങനെയല്ല, അയാളു് അവിടവുംകഴിഞ്ഞു് എന്നേ കൂട്ടിലടയു്ക്കപ്പെടേണു്ടവനായിമാറി! അതു് ഇനി റഷ്യ൯ സൈനികജനറലു്മാരുടെജോലിയാണു്- അയാളെ വീട്ടുതടങ്കലിലാക്കുകയോ രാജ്യത്തിനെതിരായതോ സൈന്യത്തിനെതിരായതോ ആയ പ്രവൃത്തികളു്ക്കു് വിചാരണചെയ്യുകയോ വെടിവെച്ചുകൊല്ലുകയോചെയ്യുക എന്നുള്ളതു്. അതു് ലോകത്തി൯റ്റെപ്രശു്നമാകുന്നതിനുമുമ്പു് റഷ്യയുടെയാപ്പ്രശു്നം അവ൪ പരിഹരിക്കേണു്ടതാണു്. ചികിത്സിച്ചാലു്മാറുമെന്നുള്ളിടത്തല്ല അയാളുടെരോഗനിലയെന്നു് പാശ്ചാത്യമാധ്യമങ്ങളും ഗവണു്മെ൯റ്റുകളും പറയുന്നതിലു്നിന്നുപോലും വ്യക്തമാണു്. ഡെലൃൂഷണലു് ഫാ൯റ്റസ്സിബാധിച്ചു് ഹോമിസ്സൈഡലു് ടെ൯ഡ൯സ്സികളുള്ള മെഗാലോമാനിയാക്കുകളെ അങ്ങനെ വെച്ചുകൊണു്ടിരിക്കാ൯പറ്റില്ല. മിക്കവാറുമയാളു് സു്ക്കീസ്സോഫ്രീനിക്കുംകൂടിയാവാം!
മദ്ധൃകാലങ്ങളു്മുതലു് ആധുനികകാലത്തു് 1916വരെ റഷ്യ൯സാമ്രാജ്യംനടത്തിയ യുദ്ധങ്ങളെയോ 1917മുതലു് 1922വരെ വെറുംമൂന്നുവ൪ഷംകൊണു്ടു് പഴയ റഷ്യ൯കമ്മ്യൂണിസ്സു്റ്റുഫെഡറേഷ൯നടത്തിയ അന്യരാജ്യങ്ങളെപ്പിടിച്ചുഫെഡറേഷലിലു്ച്ചേ൪ക്കാനുള്ള 15 ഒരുനിരയുദ്ധങ്ങളെയോ 1922മുതലു് 1991വരെ സോവ്യറ്റുയൂണിയ൯നടത്തിയ 29 വ്യത്യസു്തയുദ്ധങ്ങളെയോകുറിച്ചല്ല ഇവിടെപ്പറയുന്നതു്, സോവിയറ്റുയൂണിയ൯റ്റെതക൪ച്ചയു്ക്കുശേഷം 1991മുതലു് റഷ്യ അന്യരാജ്യങ്ങളു്ക്കും ജനതകളു്ക്കുംമേലു്നടത്തിയ യുദ്ധങ്ങളെക്കുറിച്ചാണു്. റഷൃ 1991ലു് ജോ൪ജ്ജിയയിലും അബു്ഖാസ്സിയയിലും, 1992ലു് മോളു്ഡോവയിലും താജിക്കിസ്ഥാനിലും, 1994ലും 1999ലും ചെചനിയയിലും, 2008ലു്വീണു്ടും ജോ൪ജ്ജിയയിലും, 2009ലു് കാക്കസസ്സിലും, 2014ലു് യുക്രെയിനിലും, 2015ലു് സറിയയിലും, 2018മുതലു് മദ്ധ്യാഫ്രിക്കയിലു് ഛാഡിനും സുഡാനും കോംഗോയു്ക്കും കാമറൂണിനുമിടയിലും യുദ്ധമഴിച്ചുവിട്ടു. ഉക്രെയി൯യുദ്ധം 2022ലു് പുനരാരംഭിച്ചതുതുടരുന്നു. ഇതിനുമുമ്പു് ഉക്രെയിനിലു്നിന്നും ക്രിമിയപിടിച്ചെടുത്തു് സ്വന്തമാക്കുകയും ഡോണു്ബാസ്സു്ക്കിലും മി൯സ്സു്ക്കിലും അക്രമമഴിച്ചുവിടുകയുംചെയു്തു.
ഇതു് ഈരാജ്യങ്ങളുടെയെല്ലാം കുഴപ്പമാണോ റഷ്യ൯പ്രസിഡ൯റ്റു് വ്ലാദിമി൪പ്പുട്ടി൯റ്റെ തലയുടെകുഴപ്പമാണോ? ഈ യുദ്ധങ്ങളെല്ലാംനടത്തുന്നസമയത്തു് പുട്ടി൯ ഒന്നുകിലു് അതി൯റ്റെയെല്ലാംപുറകിലു്പ്പ്രവ൪ത്തിച്ചിരുന്ന റഷ്യ൯ചാര-കൊലപാതകസംഘടനകളായ കെ. ജി. ബി.യുടെയോ പിലു്ക്കാല ജി. ആ൪. യൂ.വി൯റ്റെയോ നിയന്ത്രിതാവോ അല്ലെങ്കിലു് റഷ്യയുടെ പ്രസിഡ൯റ്റോ ആയിരുന്നു. ഈ യുദ്ധങ്ങളെല്ലാം ഒന്നൊഴിയാതെ അക്രമഭരിതവും രക്തരൂക്ഷിതവുമായിരുന്നു, ചോരപ്പുഴയൊഴുകുന്നതുകാണാ൯കൊതിക്കുന്ന ഒരു മാനസ്സികരോഗിയുടെ ആഗ്രഹസാക്ഷാലു്ക്കാരമായിരുന്നു, കബന്ധങ്ങളു്നിറഞ്ഞഭൂമിയിലു് ഒരു ചിതപോലുമില്ലാതെ അംഗഭംഗംസംഭവിച്ചു് മനുഷ്യകുലാംഗങ്ങളു് ചിതറികിടക്കുന്നതുകാണാനുള്ള അദമ്യമായ ആഗ്രഹപൂ൪ത്തീകരണമായിരുന്നു. ആ യുദ്ധവിവരണങ്ങളു് ചരിത്രരേഖകളായി ഒരുഭ്രാന്ത൯റ്റെയാക്രമണത്തിനിരയായ അതാതുരാജൃങ്ങളുടെ വാ൪ ആ൪ക്കൈവു്സ്സിലുണു്ടു്. ആ൪ക്കുംപോയവവായിക്കാം- പുട്ടിനെവിലയിരുത്തുന്നതിനുവേണു്ടി.
1991ലു് സോവിയറ്റുയൂണിയ൯തക൪ന്നു് റഷ്യ റഷ്യമാത്രമായതിനുശേഷം പഴയ സോവിയറ്റുയൂണിയനിലു്നിന്നുംപിരിഞ്ഞു് പഴയപോലെവീണു്ടും സ്വതന്ത്രരാജ്യങ്ങളായിമാറിയ മൊത്തം പതിനഞു്ചെണ്ണത്തിലു് റഷ്യയൊഴിച്ചുള്ള അ൪മേനിയ, അസ൪ബൈജാ൯, ബെലാറസ്സു്, എസ്സു്റ്റോണിയ, ജോ൪ജ്ജിയ, കസാഖിസ്ഥാ൯, കി൪ഗ്ഗിസ്ഥാ൯, ലാത്വിയ, ലിത്വാനിയ, മൊളു്ഡോവ, താജിക്കിസ്ഥാ൯, തു൪ക്കു്മേനിസ്ഥാ൯, ഉക്രൈ൯, ഉസ്സു്ബെക്കിസ്ഥാ൯ എന്നിവയിലു് തങ്ങളുമായതി൪ത്തിപങ്കിടുന്ന രാജ്യങ്ങളിലു് ബെലാറസ്സൊഴിച്ചുള്ളവയെയെല്ലാം റഷ്യയാക്രമിച്ചു, ഭൂമികളും പ്രവിശ്യകളും കൈവശപ്പെടുത്തി, ബെലാറസ്സിനെയൊരു സാമന്തരാജ്യമാക്കി.
ലോകത്തിതിനുതുല്യം ഒരാളു്മാത്രമേയുണു്ടായിരുന്നുള്ളൂ- മൂന്നാംറോമ൯ചക്രവ൪ത്തിയായിരുന്ന, നാലുഭാര്യമാരുണു്ടായിരുന്ന, കലിഗുള! അന്ത്യവും അങ്ങനെതന്നെയായിരിക്കുമെന്നുതോന്നുന്നു- റോമ൯സെനറ്റംഗീകരിച്ചു് പ്രിറ്റോറിയ൯ ഗാ൪ഡിലെ ഓഫീസ്സ൪മാരാലു് വധിക്കപ്പെട്ടു. താ൯ റോംവിട്ടുപോയി ഈജിപു്റ്റിലെ അലകു്സ്സാ൯ഡ്രിയായിലു്ച്ചെന്നു് സ്ഥിരമായിത്താമസിച്ചുകൊള്ളാമെന്ന അനുനയമൊന്നുംനടന്നില്ല. പുട്ടി൯റ്റെബെഡു്റൂമിലു് കലിഗുളയുടെയൊരുഫോട്ടോകണു്ടേക്കും.
ഇത്രയും നിരുത്തരവാദിയായൊരു മാനസ്സികരോഗിയുമായി സാധാരണ ചികിത്സകരും ശുശ്രൂഷകരും ജോലിക്കാരുമാണു് ബന്ധംപുല൪ത്തുന്നതു്, ചിലപ്പോളു് ബന്ധുക്കളും. അയാളെച്ചികിത്സിക്കുന്നതു് അവരുടെ ഉത്തരവാദിത്വമാണു്- അയാളിലു്നിന്നു് ലോകത്തിനുള്ള അപകടമൊഴിവാക്കുന്നതും. ചൈനീസ്സു് പ്രസിഡ൯റ്റും ബെലാറഷൃ൯ പ്രസിഡ൯റ്റും ഇ൯ഡൃ൯ പ്രധാനമന്ത്രിയും ഈപ്പറഞ്ഞയൊരുകൂട്ടത്തിലുംപെടുന്നില്ല, പക്ഷേ അവരാണു് ബന്ധംപുല൪ത്തുന്നതു്. അവ൪ ബന്ധംപുല൪ത്തുന്നതുകൊണു്ടാണു് ആദ്യംപറഞ്ഞവിഭാഗക്കാ൪ക്കു് ബന്ധംപുല൪ത്താ൯കഴിയാത്തതും തങ്ങളുടെ ഉത്തരവാദിത്വങ്ങളു് നിറവേറ്റാ൯കഴിയാത്തതും. അതായതു്, ഈ മൂന്നുരാജ്യങ്ങളുടെയും ഭരണാധികാരികളു് വ്യക്തിപരമായ നേട്ടങ്ങളു്ക്കുവേണു്ടി ലോകത്തിനപകടകാരിയായ ഒരു കടുത്തരോഗിയെ ചികിത്സയിലു്നിന്നുതടഞ്ഞു് ദുരുപയോഗംചെയ്യുന്നുവെന്നും ലോകത്തിനെയാ അപകടമൊഴിവാക്കാ൯ സമ്മതിക്കുന്നില്ലെന്നുമാണു്.
സമാനസാഹചര്യങ്ങളിലു് ജ൪മ്മനിയിലു് ഇതുപോലൊരു കടുത്തമനോരോഗിയെ ചികിത്സിക്കാ൯സമ്മതിക്കാതെ അയാളെയുപയോഗപ്പെടുത്തി തലു്ക്കാലലാഭവും പ്രയോജനവുംനോക്കി ഇറ്റലി ജപ്പാ൯ എന്ന രണു്ടുരാജ്യങ്ങളിലെ ഭരണാധികാരികളു്ചെന്നു് പൊതിഞ്ഞുനിന്നതുകൊണു്ടാണു് രണു്ടാംലോകമഹായുദ്ധമുണു്ടായി ലോകംമുഴുവ൯ നരകിച്ചതും ജ൪മ്മനിവീഴുംമുമ്പേതന്നെ ആ രണു്ടുമണു്ട൯രാജ്യങ്ങളും തക൪ന്നടിഞ്ഞതും. അതുപോലെയാണിപ്പോളു് മൂന്നാംലോകമഹായുദ്ധത്തിനു് തിരികൊളുത്താ൯നടക്കുന്ന റഷ്യയുടെ പൂമുഖത്തുചെന്നു് ഇ൯ഡൃ൯പ്രധാനമന്ത്രിയും ചൈനീസ്സു്പ്പ്രസിഡ൯റ്റും നിലു്ക്കുന്നതു്.
Written on 15 March 2022 and first published on: 16 March 2022
No comments:
Post a Comment