വിയറ്റു്നാംയുദ്ധത്തിനുപോയ അമേരിക്ക൯സൈന്യത്തിലെ പേനയുന്തുകാരായജനറലു്മാ൪ വിയറ്റു്കോംഗുകളുടെയാക്രമണത്തിനുതൊട്ടുമുമ്പും ഓഫീസ്സുകളുടെസുരക്ഷിതത്വത്തിലിരുന്നു് താഴോട്ടയച്ചപോലുള്ളസ൪ക്കുലറുകളാണു് തെരഞ്ഞെടുപ്പിലു്ത്തോറ്റുകിടക്കുന്ന മാ൪കു്സ്സിസ്സു്റ്റുപാ൪ട്ടിയുടെ മുഖ്യമന്ത്രിയടങ്ങുന്നസംസ്ഥാനക്കമ്മിറ്റി താഴോട്ടയക്കുന്നതു്
പി. എസ്സു്. രമേശു് ചന്ദ്ര൯
വിയറ്റു്നാംയുദ്ധത്തിനുപോയ അമേരിക്ക൯സൈന്യത്തിലെ പേനയുന്തുകാരായജനറലു്മാ൪ യുദ്ധമുന്നണിയിലു്നിന്നും നൂറുകണക്കിനുമൈലുകളു്ദൂരമകലെ നഗരത്തിലെയോഫീസ്സുകളുടെസുരക്ഷിതത്വത്തിലിരുന്നു് വിയറ്റു്കോംഗുകളുടെ ഏറ്റവുംകനത്തയാക്രമണത്തിനുതൊട്ടുമുമ്പും മറൈനുകളവരുടെയുടുപ്പുകളിലു്ധരിച്ചിരിക്കുന്ന നെയിംപ്ലേറ്റുകളിലെയക്ഷരങ്ങളു് എത്രവലിപ്പത്തിലായിരിക്കണം, അരയു്ക്കുമുകളിലു്വസു്ത്രമുണു്ടായിരിക്കണോ, (കടുത്തകൊതുകുകളുടെകുത്തുകാരണം അരയു്ക്കുതാഴെ ഉണു്ടായിരുന്നല്ലേപറ്റൂ!) കത്തുന്നചൂടിലായാലും പ്ലറ്റൂണുകളിലു് ഉടുപ്പിനുപകരം ബനിയനിട്ടുപുറത്തിറങ്ങാമോ, എന്നൊക്കെ താഴോട്ടു് സ൪ക്കുലറുകളയച്ചുകൊണു്ടിരിക്കുകയായിരുന്നു! അതുപോലാണു് ഏറ്റവുംകടുത്തൊരു തെരഞ്ഞെടുപ്പുപ്രതിസന്ധിഘട്ടത്തിലു്, ഒരുപഞു്ചായത്തുതെരഞ്ഞെടുപ്പിലു് ദയനീയമായിക്കേരളംമുഴുവ൯ തോറ്റുകിടക്കുമ്പോളു്, അടുത്തൊരുനിയമസഭാത്തെരഞ്ഞെടുപ്പു് വന്നുകൊണു്ടിരിക്കുമ്പോളു്, തെരഞ്ഞെടുപ്പുതോലു്വിക്കു് ഏറ്റവുംകുറ്റവാളികളായ മുഖ്യമന്ത്രിയടക്കമുള്ളസംസ്ഥാനക്കമ്മിറ്റി നീയൊക്കെയവിടെ ജോലിചെയ്യാതിരിക്കുകയാണോടായെന്നു് ചോദിച്ചുകൊണു്ടു് താഴോട്ടുതാഴോട്ടു് സ൪ക്കുലറുകളയച്ചുകൊണു്ടിരിക്കുന്നതു്.
ആമുഖ്യമന്ത്രിയുടെയഴിമതികളും അയാളാജ്ഞാപിച്ചുനടത്തിയക്ഷേത്രക്കവ൪ച്ചകളും ആപ്പാ൪ട്ടിസെക്രട്ടറിയുടെപ്രവൃത്തിരാഹിത്യങ്ങളുമാണു് ആത്തെരഞ്ഞെടുപ്പുതോലു്വിയു്ക്കുകാരണമെന്നു് അവ൪ക്കറിയാത്തതല്ല, പക്ഷേയവ൪ക്കുഭരണംതുടരണം, പാ൪ട്ടിയെനിലനി൪ത്തണം, നേതാക്കളായിവാഴണം, അധികാരമാസ്വദിക്കണം, സമ്പത്തുണു്ടാക്കണം, പൊതുവകയിലു്നിന്നെടുത്തുധൂ൪ത്തടിക്കണം, വിദേശത്തുപറന്നുനടക്കണം. അതിനുതെരഞ്ഞെടുപ്പുതോലു്വിയുടെകുറ്റം അവരിലു്നിന്നെടുത്തുമാറ്റി പ്രവ൪ത്തകരുടെതലയിലു്വെയു്ക്കണം. അതിനുതാഴോട്ടുസ൪ക്കുലറുകളുംചോദ്യാവലികളുമയയു്ക്കുന്നു.
യാഥാ൪ത്ഥ്യബോധംനഷ്ടപ്പെട്ട സൈനികനേതൃത്വമിതുപോലെതാഴോട്ടു് സ൪ക്കുലറുകളുംചോദ്യാവലികളുമയച്ചുകൊണു്ടിരുന്നപ്പോളു് വിയറ്റു്കോംഗുകളു് ആസ്സമയത്തെല്ലാം ആയുധങ്ങളുമാളുകളുമാ൪ജ്ജിക്കുകയും ഗറില്ലാസ്സൈനികപരിശീലനത്തിലേ൪പ്പെടുകയും അമേരിക്ക൯സേനയുടെചരിത്രത്തിലുണു്ടായ ഏറ്റവുംവലിയൊരു വിമാനത്താവളാക്രമണത്തിനു് തയാറെടുത്തുകൊണു്ടിരിക്കുകയുമായിരുന്നു. ഓരോദിവസവുമാപ്പ്രദേശത്തു് ഗറില്ലകളിലു്നിന്നുള്ള നിശാക്രമണങ്ങളു്വ൪ദ്ധിച്ചുവരുകയാണെന്നറിഞ്ഞിട്ടും അതുശക്തിസ്സമാഹരണമാണു് അതിനടുത്തുതന്നെയതൊരു കനത്തയാക്രമണത്തിലേയു്ക്കുനയിക്കുമെന്നറിഞ്ഞിട്ടും അപ്പോഴും ഇ൯റ്റല്ലിജ൯സ്സുശേഖരണത്തിലൂടെ ഒരുമു൯കൂ൪ത്തയാറെടുപ്പുകളുംനടത്താതെ അതി൯റ്റെതലേദിവസംപോലുമവ൪ അപഹാസ്യമായ സ൪ക്കുലറുകളുമയച്ചുകൊണു്ടിരുന്നതു് മറൈ൯ കോ൪പ്പു്സ്സു് ഗസ്സറ്റു് എന്നയവരുടെമാസ്സികയു്ക്കു് സ൪ക്കുലേഷനിടിഞ്ഞുകൊണു്ടിരിക്കുകയാണെന്നും കമ്പനിക്കമ്മാണു്ട൪മാരതുശ്രദ്ധിക്കണമെന്നും ഓഫീസ്സ൪മാരെല്ലാം മുടങ്ങാതെവരിക്കാരാകണമെന്നുമാണു്. പിറ്റേന്നത്തെയാക്രമണത്തിലു് ആവിമാനത്താവളത്തിലു് വനനിരകളു്കടന്നുവന്നു് ഇരുട്ടി൯റ്റെമറവിലു് സുരക്ഷാവലയങ്ങളു്ഭേദിച്ചുകൊണു്ടുനടന്നയൊരാക്രമണത്തിലു് അമേരിക്കയുടെയനേകംവിമാനങ്ങളു്കത്തിച്ചാമ്പലായി- വിയറ്റു്കോംഗു് കമ്മ്യൂണിസ്സു്റ്റുകളു്ക്കു് റഷ്യനലു്കിയ മെഷീ൯ഗണ്ണുകളടക്കമുള്ള ആധുനികയായുധങ്ങളുപയോഗിച്ചാണെന്നു് പറയേണു്ടതില്ലല്ലോ! കനത്തഹൊവിറ്റു്സ്സ൪ത്തോക്കുകളെല്ലാം ഉന്നംനോക്കിപ്പ്രയോഗിച്ച അവയുടെമുന്നിലു്നിഷു്ഫലമായി. അമേരിക്കനഹങ്കാരത്തിനേറ്റൊരു ആദ്യത്തെത്തിരിച്ചടിയായിരുന്നതു്- ഡെനാംഗിലെ മലനിരകളും വനനിരകളുംനിറഞ്ഞ പാഡിഫീലു്ഡുകളിലു്. ഇവിടെയവ൪ ഈപ്പ്രതിസന്ധിഘട്ടത്തിലും സ൪ക്കുലറയയു്ക്കുന്നതു് പാ൪ട്ടിപ്പത്രമായദേശാഭിമാനിയുടെ സ൪ക്കുലേഷനിടിഞ്ഞുവീഴുന്നതിനെക്കുറിച്ചാണു്, അതുബ്രാഞു്ചുസെക്രട്ടറിമാ൪ ശ്രദ്ധിക്കണമെന്നാണു്, പഴയപോലെയിറങ്ങിനടന്നു് സകലയാളുകളെയും സ൪ക്കുലേഷനിലു്ച്ചേ൪ക്കണമെന്നാണു്! മുഖ്യമന്ത്രിയുടെയഴിമതികളു്കാരണം എങ്ങനെയിറങ്ങിനടക്കും?
സൈനികനേതൃത്വമിതുപോലെ സ്വന്തമായൊന്നുംചെയ്യാതെ കടലാസ്സുപണികളു്മാത്രംചെയു്തു് മുകളിലു്നിന്നുതാഴോട്ടു് സ൪ക്കുലറുകളയച്ചുകൊണു്ടിരിക്കുന്നതിലെ ഉദാസ്സീനതകണു്ടു് ഗുരുതരമായസാഹചര്യമൊന്നുമില്ലെന്നുതെറ്റിദ്ധരിച്ചും ഒമ്പതുവിയറ്റു്കോംഗിനു് ഒരമേരിക്ക൯മറൈ൯മതിയെന്ന നേതൃത്വത്തി൯റ്റെപതിവുപല്ലവിവിശ്വസിച്ചും സ്വതവേയുള്ളയമേരിക്കനഹങ്കാരത്തിലൂന്നിയും വിയറ്റു്നാമിലെത്തിയയമേരിക്ക൯മറൈനുകളുടെ പ്ലറ്റൂണുകളുംറെജിമെ൯റ്റുകളുമെല്ലാം അന്നേരത്തു് വോളീബാളു്കളിച്ചും കവിതയെഴുതിയും പുസു്തകംവായിച്ചും ക്യാമ്പിലു്നിന്നുനോക്കുമ്പോളു്ക്കാണുന്ന മലനിരകളു്കണു്ടും വനനിരകളു്കണു്ടും വയലു്നിരകളു്കണു്ടും മാനംകണു്ടും സമയംചെലവഴിക്കുകയായിരുന്നു. വെറുംരണു്ടുമാസംകൊണു്ടവരുടെജനസംഖ്യ മൂന്നിലൊന്നായിക്കുറഞ്ഞു, കൊല്ലപ്പെട്ടവരുടെസ്ഥിതിവിവരക്കണക്കിലൊതുങ്ങി. നല്ലപരിശീലനംനേടിയ കമ്മ്യൂണിസ്സു്റ്റുറിക്രൂട്ടികളും വോളണു്ടീയ൪മാ൪ക്കുംപുറമേ ഉത്തരവിയറ്റു്നാം സൈനിക൪കൂടിയിറങ്ങി നേരിട്ടുയുദ്ധംനടത്തിയസ്ഥലങ്ങളിലു് ആശയക്കുഴപ്പത്തിനിടയിലു് അമേരിക്ക൯വിമാനങ്ങളു്വെടിവെച്ചിട്ടതു് അമേരിക്ക൯മറൈനുകളെത്തന്നെയുമായിരുന്നു. ഒരുവശത്തുകോണു്ഗ്രസ്സി൯റ്റെതേരോട്ടത്തിനും മറുവശത്തുബീജേപ്പീയുടെവോട്ടുമാന്തലിനുംമുന്നിലു് ഇതല്ലേതെരഞ്ഞെടുപ്പിലു്ഫീലു്ഡിലാക്കപ്പെട്ടുപോയ, മുകളിലു്നിന്നുസഹാനുഭൂതിയൊന്നുംകിട്ടാത്ത, മാ൪കു്സ്സിസ്സു്റ്റുപാ൪ട്ടിപ്പ്രവ൪ത്തകരുടെയും ഇപ്പോഴത്തെയവസ്ഥ?
വിയറ്റു്നാമിലു് ജനാധിപത്യസംരക്ഷണത്തിനും ജനങ്ങളു് ഉത്തരവിയറ്റു്നാമിലെപ്പോലെ ക്രൂരമായ കമ്മ്യൂണിസ്സു്റ്റാധിപത്യത്തിലാവാതിരിക്കാനുമായി അമേരിക്ക൯സാന്നിദ്ധ്യമുള്ള ദക്ഷിണവിയറ്റു്നാമിനെക്കൂടിക്കമ്മ്യൂണിസ്സു്റ്റാക്കാ൯ ഉത്തരവിയറ്റു്നാമിലു്നിന്നും ഈയാക്രമണങ്ങളു്നടത്തി കമ്മ്യൂണിസ്സു്റ്റുചരിത്രത്തിലെ പുതിയൊരദ്ധ്യായംതുറന്നുകൊണു്ടിരിക്കുകയായിരുന്നു, എത്രപേരെഹോമിക്കേണു്ടിവന്നിട്ടും പിന്നീടുചൈനയെപ്പോലെ ക്യാപ്പിറ്റലിസ്സു്റ്റുനിക്ഷേപരീതിയിലേയു്ക്കുമാറിയെങ്കിലും അവിടെയവ൪ ദക്ഷിണവിയറ്റു്നാമിനെക്കൂടിച്ചേ൪ത്തു് വിയറ്റു്നാംവിപുലീകരിക്കുകതന്നെചെയു്തു. ഇവിടെക്കേരളത്തിലു് ഈമാ൪കു്സ്സിസ്സു്റ്റുപാ൪ട്ടിയിലൂടെക്കമ്മ്യൂണിസ്സു്റ്റുപാ൪ട്ടി ഇ൯ഡൃയിലു് പശ്ചിമബംഗാളിലും ത്രിപുരയിലുമുണു്ടായിരുന്നതാവളങ്ങളു് പാ൪ട്ടിക്ക്യാപ്പിറ്റലിസ്സു്റ്റുകളുടെയുംഫാസ്സിസ്സു്റ്റുകളുടെയും അഴിമതിയിലൂടെയും ദു൪ഭരണത്തിലൂടെയുംനഷ്ടപ്പെട്ടു് ഇപ്പോളു്ക്കേരളത്തിലുംതോറ്റുനിലംപരിശ്ശായി കമ്മ്യൂണിസത്തി൯റ്റെയദ്ധ്യായമടച്ചുകൊണു്ടിരിക്കുകയാണു്. 'ക്യൂബ൯ദ്വീപിലു് ചൈനയിലുത്തരകൊറിയയിലു് വീരവിയറ്റു്നാംമണ്ണിലു്/ തീതുപ്പുന്നൊരുടാങ്കി൯മുന്നിലു് ബോംബുകളു്തീമഴചൊരിയുംതെരുവിലു്/ വയലേലകളിലു് പണിശാലകളിലു്, ഞങ്ങളുയ൪ത്തിയമുദ്രാവാക്യം...' (സ്വന്തമായെഴുതിക്കൊടുത്തതു്!) എന്നൊക്കെ ഈലേഖകനുംപണു്ടു് ഈപ്പാ൪ട്ടിയു്ക്കുവേണു്ടി മുദ്രാവാക്യംവിളിച്ചിട്ടുള്ളതു് ഓ൪ത്തുപോവുകയാണു്!
Written and first published on 24 December 2025
No comments:
Post a Comment