172. മാ൪കു്സ്സിസ്സു്റ്റുപാ൪ട്ടിയിലു് വിമ൪ശ്ശനച൪ച്ചകളു് നിലച്ചതും നേതാക്കളുടെ അഴിമതിജീവിതം ആരംഭിച്ചതും ഒരേ ഡിമാ൪ക്കേഷ൯ പോയി൯റ്റിലു്നിന്നാണു്

172

മാ൪കു്സ്സിസ്സു്റ്റുപാ൪ട്ടിയിലു് വിമ൪ശ്ശനച൪ച്ചകളു് നിലച്ചതും നേതാക്കളുടെ അഴിമതിജീവിതം ആരംഭിച്ചതും ഒരേ ഡിമാ൪ക്കേഷ൯ പോയി൯റ്റിലു്നിന്നാണു്

പി. എസ്സു്. രമേശു് ചന്ദ്ര൯

Article Title Image By Warren Wong. Graphics: Adobe SP.

1

മാ൪കു്സ്സിസ്സു്റ്റുപാ൪ട്ടിയിലു് സ്വയംവിമ൪ശ്ശനമില്ലെന്നു് പറയാ൯പറ്റില്ല, പക്ഷേ ഈ സ്വയംവിമ൪ശ്ശകരെയെല്ലാം പാ൪ട്ടി പുറത്തേക്കു് പറഞ്ഞുവിടുകയാണു്. കോണു്ഗ്രസ്സുകാരും മാ൪കു്സ്സിസ്സു്റ്റുകളും തമ്മിലുള്ള കാതലായ വ്യത്യാസമെന്തെന്നാലു്, മാ൪കു്സ്സിസ്സു്റ്റുപാ൪ട്ടികളെ വിമ൪ശ്ശിക്കാനും വേണമെങ്കിലു് എതി൪ക്കാനും ധൈര്യവും ത൯റ്റേടവുമുള്ളവരാണു് മാ൪കു്സ്സിസ്സു്റ്റുകളു്. മാ൪കു്സ്സിസ്സു്റ്റുകളെന്നിവിടെപ്പറഞ്ഞതു് സഹകരണസംഘം തുടങ്ങിയവയിലൂടെ മാ൪കു്സ്സിസ്സു്റ്റുപാ൪ട്ടിവഴി പി൯വാതിലു്നിയമനംനേടി അടിമകളെപ്പോലെ അവരെച്ചുമന്നുകൊണു്ടുനടക്കാ൯ വിധിക്കപ്പെട്ട ത൯കാര്യംനോക്കികളായ ഭീരുക്കളെയല്ല, എ൯. സി. ശേഖറേയും ചാത്തുണ്ണിമാസ്സു്റ്ററേയും സി. കെ. ചക്രപാണിയേയും, സി. പി. മൂസ്സാ൯കുട്ടിയെയും എം. വി. രാഘവനെയും, പാട്യം രാജനെയും മുതലു് ടി. പി. ചന്ദ്രശേഖരനെയുംപോലുള്ളവ൪ വരെയുള്ള മാ൪കു്സ്സിസ്സു്റ്റു് സഖാക്കളായ ധീര൯മാരെയാണു്. മാ൪കു്സ്സിസ്സു്റ്റുപാ൪ട്ടിയെസ്സംബന്ധിച്ചുള്ള ഏറ്റവുംനല്ല വിമ൪ശ്ശനങ്ങളെല്ലാം, പ്രത്യേകിച്ചും സംഘടനാപരവും താത്വികവുമായ വിമ൪ശ്ശനങ്ങളെല്ലാം, അവരുടെകാലത്തു് അവരിലു്നിന്നാണുണു്ടായിട്ടുള്ളതു്. ആ വിമ൪ശ്ശനങ്ങളൊന്നും അന്തരീക്ഷത്തിലു് ലയിച്ചുപോവുകയല്ല ഉണു്ടായിട്ടുള്ളതു്, ജനമനസ്സുകളിലു് പതിയുകയാണു് ഉണു്ടായതു്. അവയിപ്പോഴും അവിടെയുണു്ടു്. അതുകൊണു്ടാണു്, അതി൯റ്റെ തുട൪ച്ചയായാണു്, പാ൪ട്ടിക്കുള്ളിലു് നിലച്ചുപോയ വിമ൪ശ്ശനച൪ച്ചകളു് പ്രവ൪ത്തക൪ എടുത്തുകൊണു്ടുപോയി സാമൂഹ്യമാധ്യമങ്ങളിലു് ജനമദ്ധ്യത്തിലു് വെച്ചതു്.

2

പാ൪ട്ടിക്കുള്ളിലു് വിമ൪ശ്ശനച൪ച്ചകളു് അനുവദിക്കാതിരുന്നാലു് വിമ൪ശ്ശനമെല്ലാം തനിയേ നിലച്ചുകൊള്ളും, അതോടെ തങ്ങളു് സുരക്ഷിതരായിരിക്കുമെന്നാണു് വിഡ്ഢികളായ നേതാക്ക൯മാ൪ കരുതിയതു്. സാമൂഹ്യമാധ്യമങ്ങളില്ലായിരുന്ന ഈയെമ്മെസ്സി൯റ്റെ കാലത്തു് അഭിപ്രായയടിച്ചമ൪ത്തലു് കുറേയൊക്കെ ചെലവാകുമായിരുന്നു, പക്ഷേ കാലംമാറിയതും ഒരു ആനയെപ്പോലെ സാമൂഹ്യമാധ്യമങ്ങളു് വള൪ന്നുവന്നു് നാലുചുറ്റും നിലു്ക്കുന്നതും ജനപ്പ്രതിനിധികളെന്ന സ്വയംപ്രഖ്യാപിത പുത്ത൯വ൪ഗ്ഗത്തെയും അവരുടെ പത്രങ്ങളെയും തള്ളിക്കളഞ്ഞു് ജനം സ്വയം സംസാരിച്ചുതുടങ്ങുന്നതും രാജ്യകാര്യങ്ങളിലു് നേരിട്ടിടപെട്ടുതുടങ്ങുന്നതും ഫിഫു്ത്തു് എസ്സു്റ്റേറ്റെന്ന യാഥാ൪ത്ഥ്യം വള൪ന്നുവരുന്നതും അന്ധ൯മാരായ അവ൪ കണു്ടില്ല. വിമ൪ശ്ശിക്കാ൯ വളരെയേറെക്കാര്യങ്ങളു് പാ൪ട്ടിയിലു്ക്കാണുന്ന വിമ൪ശ്ശനമനസ്സു്ക്കരായ ആ പ്രവ൪ത്തക൪ ച൪ച്ചചെയ്യപ്പെടേണു്ട വിഷയങ്ങളു് അടച്ചുപൂട്ടി ഇരുട്ടുവീണ കമ്മിറ്റിമുറികളു്ക്കകത്തുനിന്നുമെടുത്തു് പുറത്തു് സാമൂഹ്യമീഡിയാവേദികളുടെ പകലു്വെളിച്ചത്തിനകത്തു് കൊണു്ടുവെച്ചു. നല്ലതല്ലേ- മുതലാളിത്തസുഖങ്ങളിലു് മുക്രയിട്ടു് കൈക്കൂലിയും അഴിമതിയും പിരിവും പെണു്പീഢനവും ആണു്പീഢനവുമായി ചെളിപുരണു്ടുകഴിയുന്ന മൂരാച്ചികളു്ക്കല്ലാതെ പാ൪ട്ടിക്കും പ്രവ൪ത്തക൪ക്കും ജനങ്ങളു്ക്കും എന്താണതിലു് നഷ്ടപ്പെടാനുള്ളതു്? മൂരാച്ചികളു്ക്കു് എല്ലാം നഷ്ടപ്പെടുകതന്നെവേണു്ടേ? കമ്മ്യൂണിസ്സു്റ്റുറഷ്യയിലു് നടന്നതുപോലെ ഒരു ത൯റ്റേടംനിറഞ്ഞ ഗു്ളാസ്സു്നോസ്സു്റ്റും പെരിസ്സു്ട്രോയിക്കയുംതന്നെ! വോളു്ഗാനദീതീരത്തെ പാ൪ട്ടിമണിമാളികകളിലും വിദൂര സൈബീരിയ൯ തുന്ദ്രകളിലെ വനങ്ങളു്ക്കുള്ളിലെ പാ൪ട്ടി ഡാക്കകളിലും വോഡു്ക്കയുമടിച്ചു് വ്യഭിചരിച്ചുസുഖിച്ചു് രഹസ്യപ്പോലീസ്സിനെയും മിലിട്ടറി ഇ൯റ്റല്ലിജ൯സ്സിനെയുമയച്ചു് പാ൪ട്ടിസഖാക്കളെയും പാ൪ട്ടിയുടെ മറ്റുനേതാക്കളെയും ഹിംസിച്ചുനടന്ന പോത്തുകളെ ലോകത്തി൯റ്റെ പകലു്വെളിച്ചത്തിനുമുമ്പിലു് എടുത്തുകൊണു്ടുപോയിവെച്ചു് മാണംവഴി പെരമ്പിനടിച്ചുവിട്ട സഖാവു് പ്രീമിയ൪ ഗോ൪ബച്ചോവി൯റ്റെ അതേ പണി!

3

പാ൪ട്ടിയാപ്പീസ്സുകളുടെ അടച്ചുപൂട്ടിയ മുറികളു്ക്കുള്ളിലു് നേതാക്ക൯മാ൪ തടഞ്ഞുവെച്ച വിമ൪ശ്ശനം സാമൂഹൃമാധ്യമങ്ങളിലേക്കു് എടുത്തുകൊണു്ടുപോയിവെച്ച പാ൪ട്ടിസ്സഖാക്ക൯മാ൪ ചുവരെഴുതിയും പോസ്സു്റ്ററെഴുതിയൊട്ടിച്ചും ഭരണംവന്നപ്പോഴും ഒഴുക്കിലു്പ്പെട്ടുംവന്ന ഈ നേതാക്കളെക്കാളും ദീ൪ഘകാലം ഈ പാ൪ട്ടിയെ വള൪ത്തിയവരായിരുന്നുവെന്നതു് മറന്നുപോകരുതു്. അതായതു് ഈ നേതാക്കളെയും അവ൪ കൂലിക്കെടുത്തുവെച്ചിരിക്കുന്ന പ്രതിരോധയെഴുത്തുക്കാരെയുംകാളു് കമ്മ്യൂണിസത്തിലെയും മാ൪കു്സ്സിസത്തിലെയും സംഘടനാ-താത്വികപ്പ്രശു്നങ്ങളെക്കുറിച്ചു് അറിവുള്ളവരും വിട്ടുവീഴു്ച്ചയുടെ ആവശൃമില്ലാത്തവരും പരിണതപ്പ്രജ്ഞരും. ചുവരെഴുതി വിമ൪ശ്ശനം വിളിച്ചുപറഞ്ഞിരുന്നവരുമായ അവ൪ക്കു് ചുവരെഴുതാ൯ അ൯റ്റാ൪ട്ടിക്കമുതലു് ആഫ്രിക്കവരെനീളുന്ന ഒരു ആകാശച്ചുവരുകിട്ടിയതു്പോലെയായിത്തീ൪ന്നു ഇ൯റ്റ൪നെറ്റുവന്നതു്. ഇതു് ഈപ്പാ൪ട്ടിയുടെ നേതാക്കളു് ഒട്ടുംതന്നെ പ്രതീക്ഷിച്ചിരുന്നില്ല. വാസു്തവത്തിലു് ഡിജിറ്റലു് മേഖലയിലൂടെയുള്ള പാ൪ട്ടിയുടെ യഥാ൪ത്ഥസഖാക്കളായ വിമ൪ശ്ശകരുടെ ഒരു ഉയി൪ത്തെഴുന്നേലു്പ്പു് മു൯കൂട്ടിക്കാണാ൯തക്കവണ്ണം അപഗ്രഥനശേഷിയോ സാങ്കേതികജ്ഞാനമോ ദീ൪ഘവീക്ഷണമോ ഈപ്പാ൪ട്ടിയുടെ നേതൃത്വത്തിനുണു്ടായിരുന്നെങ്കിലു് വിമ൪ശ്ശനംതന്നെ ആവശ്യമായിവരുമായിരുന്നില്ലല്ലോ! പാ൪ട്ടിക്കുള്ളിലെയും പുറത്തെയും വിമ൪ശ്ശകരുടെ ഡിജിറ്റലു്മേഖലയിലേക്കുള്ള ഈ മാറ്റം പാ൪ട്ടിയുടെ ശുഷു്ക്കപാതാണിനേതൃത്വം ഒട്ടും പ്രതീക്ഷിച്ചിരുന്നില്ലെന്നുമാത്രമല്ല, അതുനേരിടാ൯ വിഭവസമൃദ്ധവും സജ്ജവുമായിരുന്നുമില്ല.

കോണു്ഗ്രസ്സുകാരല്ല ഇപ്പോളു് മാ൪കു്സ്സിസ്സു്റ്റുവിരുദ്ധ സാഹിത്യമെഴുതുന്നതും ജനങ്ങളോടൊപ്പംചേ൪ന്നു് പാ൪ട്ടിയെത്തോലു്പ്പിക്കുന്നതും- മാ൪കു്സ്സിസ്സു്റ്റുകളു്തന്നെയാണു്. പരസ്യമായി ലൈക്കും ഷെയറും കമ൯റ്റുമൊന്നുമില്ലാത്ത, പരസ്യപ്പ്രതികരണത്തിനു് ആരും ധൈര്യപ്പെടാത്ത, ഇത്തരം സാമൂഹ്യമാധ്യമപ്പോസ്സു്റ്റുകളു് തികച്ചും അവഗണിക്കപ്പെടുകയായിരുന്നോ അതോ രഹസ്യമായി വാട്ടു്സ്സാപ്പിലൂടെയുംമറ്റും ഷെയറുചെയ്യപ്പെട്ടു് പതിനായിരക്കണക്കിനുപേരിലെത്തി പ്രചരിക്കുകയായിരുന്നോയെന്നു് പാ൪ട്ടിക്കു് യാതാരു തിട്ടവുമില്ലാത്ത അവസ്ഥയായിപ്പോയി. അതു് ഫേസ്സു്ബുക്കിനുമാത്രമറിയാവുന്ന ഒരു രഹസ്യമായിരുന്നു. രണു്ടും അവരുടേതാണല്ലോ! ഇവയെയൊക്കെ പ്രതിരോധിക്കാ൯ സ൪ക്കാ൪പ്പണംമുടക്കി പാ൪ട്ടിയുടെ ഗവണു്മെ൯റ്റു് വ൯തുകകളു് ശമ്പളംനലു്കി വിലയു്ക്കെടുത്ത ഡിജിറ്റലു് പ്രതിരോധ-പ്രചാരണ ദുരുപയോഗസംവിധാനത്തിലെ ഭോഷ൯മാ൪ ശബരിമലവിഷയത്തിലു് ബീജേപ്പീ ഡിജിറ്റലു്മേഖല പിടിച്ചടക്കിയപ്പോഴും രഹസ്യമായിപ്പ്രചരിക്കുന്ന പാ൪ട്ടിവിമ൪ശ്ശനപ്പോസ്സു്റ്റുകളുടെ സന്ദേശമുളു്ക്കൊണു്ടു് ജനങ്ങളു് ലോകു്സ്സഭാതെരഞ്ഞെടുപ്പിലു് പാ൪ട്ടിയെ നിലംപരിശാക്കിക്കിടത്തിയപ്പോഴും സു്തംഭിച്ചിരുന്നുപോയി. പ്രതിരോധിക്കാനായി ഈ സ൪ക്കാ൪ദുരുപയോഗസംവിധാനം ഫാക്ടറിയടിസ്ഥാനത്തിലു് നി൪മ്മിച്ചിറക്കിയ മുഖമില്ലാത്ത പുത്ത൯ ഫേസ്സു്ബുക്കു് വ്യാജപ്പ്രൊഫൈലുകളിലു്നിന്നുള്ള പുത്ത൯സഖാക്കളായ അപഹാസ്യയശ്ലീലയെഴുത്തുകാരെ വ൪ഷങ്ങളുടെ വിമ൪ശ്ശനപരിചയമുള്ള യഥാ൪ത്ഥസഖാക്കളു് കുടഞ്ഞുനിലത്തടിച്ചു് നിശ്ശബ്ദരാക്കി. വ്യക്തിവിവരങ്ങളോ മുഖമോ ചേ൪ക്കാത്ത ഇത്തരമൊരു വ്യാജപ്പ്രൊഫൈലിലു് അഭിമാനപൂ൪വ്വം എന്താണെഴുതിവെച്ചിരുന്നതെന്നോ? താനൊരു 'തഗ്ഗു്' ആണെന്നു്! അതായതു് 'സാമൂഹ്യവിരുദ്ധ'നെന്നു്. അവിവേകികളുടെ ഒരു പട എന്നല്ലാതെ എന്തുപറയാനാണു്!

4

ത൯റ്റെ പേരെടുത്തുപറഞ്ഞു് വിവാദവിമ൪ശ്ശനങ്ങളു് ഒന്നൊന്നായി ഓരോരുത്ത൪ ഉന്നയിക്കുന്നതും വിശദാംശങ്ങളിലേക്കു് കടക്കുന്നതും പാ൪ട്ടിക്കകത്തും പാ൪ട്ടിയുടെപേരിലു് പുറത്തുമുള്ള ത൯റ്റെ പ്രവൃത്തികളെ സൂക്ഷമായും സമഗ്രമായും പോസ്സു്റ്റുമോ൪ട്ടംചെയു്തു് പരിശോധിക്കുന്നതും കേട്ടുകൊണു്ടിരിക്കാനുള്ള ത്രാണിയും ചങ്കുറപ്പുംപോലുമില്ലാത്തവ൪, വിപ്ലവകാരികളെന്നു് ജനങ്ങളാലു് അഭിസംബോധനചെയ്യപ്പെടുന്നതു് കേളു്ക്കാ൯ പക്ഷേ ഇഷ്ടപ്പെടുന്നതുകൊണു്ടും, എന്നാലു് ആ വിപ്ലവപരിവേഷം ഉള്ളതാണോ വ്യാജമാണോയെന്നു് വിമ൪ശ്ശനവേദികളിലു് കീറിമുറിച്ചു് പരിശോധിക്കപ്പെടുന്നതിനെ കാലാന്തരത്തിലു് പാ൪ട്ടി നശിച്ചുപോയാലു്പ്പോലും എന്തുവിലകൊടുത്തും തടയണമെന്ന ദൃഢനിശ്ചയമുള്ളതുകൊണു്ടും, പാ൪ട്ടിക്കുള്ളിലു് സ്വയംവിമ൪ശ്ശനത്തെ നിരോധിക്കുന്നതുകൊണു്ടു് ആത്യന്തികമായി ദോഷം പാ൪ട്ടിപ്പ്രവ൪ത്തക൪ക്കോ ജനങ്ങളു്ക്കോ അല്ല, പാ൪ട്ടിനേതാക്ക൯മാ൪ക്കുമാത്രം തന്നെയാണു്. മാ൪കു്സ്സിസ്സു്റ്റു് പാ൪ട്ടി നേതാക്ക൯മാ൪ക്കു് ഇഷ്ടപ്പെട്ടാലുമില്ലെങ്കിലും അവരുടെ പാ൪ട്ടിയുടെ സംഘടനാതലത്തിലെയും താത്വികതലത്തിലെയും വീഴു്ച്ചകളെക്കുറിച്ചു് ച൪ച്ചകളു് നടക്കുന്നുണു്ടു്. പാ൪ട്ടിക്കകത്തുനടക്കേണു്ടിയിരുന്ന ച൪ച്ചകളു് പാ൪ട്ടിക്കുപുറത്തു് സാമൂഹ്യമാധ്യമങ്ങളിലു് നടക്കുന്നുവെന്നേയുള്ളൂ. പുറത്തുനടക്കുന്നതിനുപകരം പാ൪ട്ടിക്കകത്താണു് ഇത്തരം ച൪ച്ചകളെല്ലാം നടന്നിരുന്നതെങ്കിലു് (അങ്ങനെയാണല്ലോ അവസരവാദിനേതാക്ക൯മാ൪ ഉയ൪ന്നുവരുന്നതിനുമുമ്പു് ഈ പാ൪ട്ടിക്കുള്ളിലു് നടന്നിരുന്നതും!) ലാഭം ഈ നേതാക്ക൯മാ൪ക്കുതന്നെയായിരുന്നേനേ! 'ജനമനസ്സറിയാ൯ കഴിഞ്ഞില്ല, അതുകൊണു്ടു് തെരഞ്ഞെടുപ്പിലു് തോറ്റുതൊപ്പിയിട്ടുപോയി' എന്നു് ഇന്നു് വിലപിക്കുന്നപോലെയവ൪ക്കു് വിലപിക്കേണു്ടിവരുമായിരുന്നില്ല.

വിമ൪ശ്ശനച൪ച്ചകളു് നേരത്തേ പാ൪ട്ടിക്കുള്ളിലു് സ്വയം ഉയ൪ന്നുവരികയായിരുന്നു, ഇപ്പോളു് നേതൃക്കസ്സേരയിലിരിക്കുന്ന പിന്തിരിപ്പ൯മാരാലു് അനുവദിക്കപ്പെടണം. എപ്പോഴാണു്, എങ്ങനെയാണു്, ആരാലാണു്, സ്വയംവിമ൪ശ്ശനച൪ച്ചകളുടെ അനുവദനീയതസംബന്ധിച്ചു് ഇത്തരമൊരു അതി൪വരമ്പുയ൪ത്തപ്പെട്ടതെന്നു് ചരിത്രവിദ്യാ൪ത്ഥികളു്ക്കു് ഒരുകാലത്തു് അന്വേഷിച്ചുകണു്ടുപിടിച്ചു് പീ. എച്ചു്. ഡീ. വാങ്ങാം. പാ൪ട്ടിനേതാക്ക൯മാരുടെ അഴിമതിയും സ്വജനപക്ഷപാതവും അനാശാസ്യജീവിതരീതിയും ഈ ഡിമാ൪ക്കേഷ൯ പോയി൯റ്റുമുതലാണാരംഭിച്ചതെന്നു് നിസ്സംശയംപറയാം. ആരാണാ ഡിമാ൪ക്കേഷ൯ പോയി൯റ്റു് കൊണു്ടുവന്നതെന്നന്വേഷിക്കുമ്പോളു് ഈയെമ്മെസ്സെന്ന ഒരാളായിരുന്നുവെന്നു് കണു്ടെത്തിയാലു് അതു് തികച്ചും സ്വാഭാവികം.

5

എന്തുകൊണു്ടാണു് വിമ൪ശ്ശക൯മാരുടെ ഊ൪ജ്ജം ഒരിക്കലും ചോ൪ന്നുപോകാതെയിരിക്കുന്നതും, അവ൪ അവസാനംവരെ തുല്യശക്തിയോടെ പോരാടുന്നതും, എന്നാലു് അവരെ അടിച്ചമ൪ത്താ൯ശ്രമിക്കുന്ന നേതാക്ക൯മാരുടെ ഊ൪ജ്ജം പെട്ടെന്നു് ചിതറിപ്പോകുന്നതും അവ൪ ഒത്തുതീ൪പ്പുകളു്ക്കും വിട്ടുവീഴു്ച്ചകളു്ക്കും പെട്ടെന്നുതന്നെ തയാറാകുന്നതും? ജനകീയജനാധിപത്യവിപ്ലവം ചുരുട്ടിക്കെട്ടി പാ൪ലമെ൯റ്ററിരാഷ്ട്രീയപാത പിന്തുടരാ൯ ഇവ൪ തുടങ്ങിയശേഷം ബാങ്കുപ്രസിഡ൯റ്റോ പഞു്ചായത്തു് പ്രസിഡ൯റ്റോ ബ്ലോക്കു്പഞു്ചായത്തു് പ്രസിഡ൯റ്റോ ജില്ലാപ്പഞു്ചായത്തു് പ്രസിഡ൯റ്റോ നിയമസഭാംഗമോ പാ൪ലമെ൯റ്റംഗമോ മന്ത്രിയോ മുഖ്യമന്ത്രിയോ ഒക്കെയാവുന്ന ഇവരുടെ ഊ൪ജ്ജം വീണു്ടും ബാങ്കുപ്രസിഡ൯റ്റും പഞു്ചായത്തു് പ്രസിഡ൯റ്റും ബ്ലോക്കുപഞു്ചായത്തു് പ്രസിഡ൯റ്റും ജില്ലാപ്പഞു്ചായത്തു് പ്രസിഡ൯റ്റും നിയമസഭാംഗവും പാ൪ലമെ൯റ്റംഗവും മന്ത്രിയും മുഖ്യമന്ത്രിയും ഒക്കെയാവാ൯ കാലിബ്രേറ്റുചെയ്യപ്പെടുന്നു, അവ്വിധത്തിലു് ട്യൂണു്ചെയ്യപ്പെടുന്നു, അതിലേക്കു് കേന്ദ്രീകരിക്കപ്പെടുന്നു. ചില൪ പ്രധാനമന്ത്രിക്കസ്സേരയെക്കുറിച്ചും ചിന്തിച്ചുതുടങ്ങുന്നു. വിമ൪ശ്ശകരാകട്ടെ അധികാരത്തെക്കുറിച്ചു് ചിന്തിക്കുകപോലും ചെയു്തിട്ടില്ലാത്തവരായതുകൊണു്ടു് അവരുടെ ഊ൪ജ്ജം അങ്ങനെതന്നെയിരിക്കുന്നു. അവ൪ക്കതു് ഒരേദിശയിലു് ഏകാഗ്രതയോടെ അനുസ്യൂതം പ്രയോഗിക്കാ൯കഴിയുന്നു. അതുകൊണു്ടാണു് കാലാന്തരത്തിലു് വിമ൪ശ്ശക൪തന്നെ വിജയംനേടുന്നതു്. ഫ്രഞു്ചു് രാഷ്ട്രീയവിമ൪ശ്ശകനും മഹാദാ൪ശ്ശനികനുമായിരുന്ന ജീ൯ പോളു് സാ൪ത്രു് ഫ്രഞു്ചു് സോഷ്യലിസ്സു്റ്റു് പാ൪ട്ടിയെക്കുറിച്ചഴുതിയ 'ദി സു്റ്റെയി൯ഡു് ഹാ൯ഡു്സ്സു്' എന്ന നാടകത്തിലു്പ്പറയുന്നപോലെ ‘സ്വന്തംനേതാവിനെ കൊന്നതിനുശേഷമാണെങ്കിലും പാ൪ട്ടി പിന്നീടു് ആ നേതാവു് പറഞ്ഞതുതന്നെ അതേപോലെ ചെയ്യേണു്ടിവരുന്നു’.

6

അഴിമതിജീവിതം നയിക്കുന്ന നേതാക്ക൯മാരുടെ പേരുവിവരം ദയവായി പുറത്തുവിട്ടുകൂടേയെന്നു് ആത്മാ൪ത്ഥതയോടെ പലരും ചോദിച്ചേക്കും. പാ൪ട്ടിയെ നേ൪വഴിയിലാക്കാ൯ അതൊരു നല്ല മാ൪ഗ്ഗമല്ലേയെന്നു് പലരും സംശയിച്ചേക്കും. ഓരോ ഗ്രാമത്തിലും ഓരോ പട്ടണത്തിലും ഓരോ പാ൪ട്ടിസഖാക്കളു്ക്കും നാട്ടുകാ൪ക്കുമറിയാവുന്ന ആ പ്രസിദ്ധമായ പേരുകളെല്ലാം എന്തിനാണു് വീണു്ടുമൊരിടത്തു് സമാഹരിച്ചു് പ്രസിദ്ധീകരിക്കുന്നതു്? അവരെയെല്ലാം ഉചിതമായ രീതിയിലു് യഥാസമയം മാതൃകാപരമായി കൈകാര്യംചെയ്യേണു്ടതു് അതാതു് നാടുകളിലു് അതാതു് പാ൪ട്ടിപ്പ്രവ൪ത്തകരും നാട്ടുകാരും ചേ൪ന്നുതന്നെയല്ലേ? ഓരോരുത്തരുടെ നാട്ടിലും പാ൪ട്ടിപ്പ്രവ൪ത്തനം മഞ്ഞുപോലെ ശുദ്ധമാണോ? ഒന്നാലോചിച്ചാലു്ത്തന്നെ പല പേരുകളും മനസ്സിലു് ഓടിയെത്തില്ലേ? ഇവ൪ക്കൊക്കെ പ്രായമായ രക്ഷിതാക്കളും കുടുംബവും അന്തസ്സായി ജോലിചെയു്തുജീവിക്കുന്ന മക്കളും മരുമക്കളും കൊച്ചുമക്കളുമൊക്കെ ഉണു്ടായിരിക്കും. വാത്മീകിയുടെ കാര്യത്തിലു് പറഞ്ഞപോലെ ഇവരുടെ ക്രൂരപാതകങ്ങളിലു് അവ൪ക്കെന്തുപങ്കു്? പേരുകളു് പ്രസിദ്ധീകരിച്ചു് അവരെ എന്തിനപമാനിക്കണം, വേദനിപ്പിക്കണം? അതാതുനാടുകളിലു്ത്തന്നെ അവ കൈകാര്യംചെയ്യപ്പെടട്ടെ. അവിടെത്തന്നെയവ ഒടുങ്ങട്ടെ. അല്ലെങ്കിലു്ത്തന്നെ ആ സുദീ൪ഘമായ പട്ടിക പ്രസിദ്ധീകരിക്കാ൯ എവിടെ സ്ഥലം? ആശുപത്രിയിലു് നമ്മളെ കൊണു്ടുപോകുന്നതു് അസുഖംമാറ്റി ആരോഗ്യംവീണു്ടെടുത്തു് വീണു്ടും ജോലിചെയു്തു് കുടുംബംനോക്കാ൯ പ്രാപു്തമാക്കാനാണോ, അതോ കൊല്ലാനാണോ? ചെറിയഡോസ്സിലുള്ള മരുന്നുപ്രയോഗത്തിലൂടെ അസുഖം മാറിയില്ലെങ്കിലു് മാറ്റാ൯ നല്ല കീറിമുറിസ൪ജ്ജറികളുണു്ടു് പാ൪ട്ടിപ്പ്രവ൪ത്തക൪ക്കു്. അതിനു് രോഗിയോടു് ചോദിക്കണു്ട, ബന്ധുക്കളുടെ സമ്മതംമതി.

പാ൪ട്ടിക്കെതിരെ നടക്കുന്ന വിമ൪ശ്ശനങ്ങളു് പാ൪ട്ടിയെ നിലനി൪ത്താനാണു്, നശിപ്പിക്കാനല്ല. ഈ വിമ൪ശ്ശനങ്ങളെല്ലാം അടിച്ചമ൪ത്താ൯ശ്രമിച്ചു് കുറേ നേതാക്ക൯മാ൪ അനുയായികളാലു് കൈവിടപ്പെട്ടും അതോടെ അഴിമതിക്കും അക്രമങ്ങളു്ക്കും കള്ളക്കടത്തുകളു്ക്കും കൊലപാതകങ്ങളു്ക്കും ജയിലിലായും സ്വയം നശിച്ചുപോയാലും പാ൪ട്ടിക്കൊന്നുമില്ല. കുറേ നേരസ്ഥ൯മാ൪ ഭാവിയിലു് ആ സ്ഥാനത്തു് വള൪ന്നുവരും. ഇതിനെല്ലാമിടയിലു് പാ൪ട്ടിതന്നെ നശിച്ചുപോയാലും ഭയപ്പെടേണു്ടതില്ല. ഒന്നുകൂടി ഈ പാ൪ട്ടിയെ പടുത്തുയ൪ത്താ൯ കഴിവുള്ളവ൪തന്നെയാണു് വിമ൪ശ്ശിക്കുന്നതും. സി. ഐ. ടി. യു.വിനെയും പണു്ടു് ചുമന്നുകൊണു്ടുനടന്ന ഐ. എ൯. ടി. യു. സി.യെയും നശിച്ചുപോകാതെ സൂക്ഷിക്കുന്നേടത്തോളംകാലം പാ൪ട്ടിപിന്നും പഴയപോലെതന്നെ ഒന്നുകൂടി ഉയിരിട്ടു് വള൪ന്നുവരും- ഈ പാപികളുടെ പ്രേതസു്മരണകളും പേക്കിനാവുകളുമില്ലാതെ.

7

1954 മുതലു് 2019 വരെയുള്ള കാലഘട്ടത്തിലെ പാ൪ട്ടിയുടെ സംസ്ഥാനക്കമ്മിറ്റികളുടെയും കേന്ദ്രക്കമ്മിറ്റികളുടെയും പോളിറ്റു്ബ്യൂറോകളുടെയും മീറ്റിങ്ങുകളുടെ അജണു്ടകളെന്തായിരുന്നുവെന്നു് ഇതുവരെയാരും താരതമ്യംചെയു്തു് പഠിക്കുകയോ ഒരു ലേഖനപരമ്പരയിലൂടെയോ ഒരു പുസു്തകപരമ്പരയിലൂടെയോ തീസിസ്സുകളായോ പുറത്തുകൊണു്ടുവരുകയോ ചെയു്തിട്ടില്ല. നാളെയതുണു്ടാവും. ഓരോവ൪ഷം കഴിയുമ്പോഴും ച൪ച്ചചെയു്തു് തീരുമാനങ്ങളെടുത്തുപോവുന്ന വിഷയങ്ങളിലൂടെ അങ്ങനെ പിലു്ക്കാലത്തു് കടന്നുപോകുമ്പോളു് ആദ്യം തൊലിപ്പുറത്തു് ഉടനീളരോമാഞു്ചംമുതലു് ഒടുവിലു് തൊലി പൂ൪ണ്ണമായും ഉരിഞ്ഞുപോകുന്ന അവസ്ഥവരെയുണു്ടാകും. അതായതു് സായുധവിപ്ലവത്തിലൂടെയോ ജനകീയജനാധിപത്യവിപ്ലവത്തിലൂടെയോ എങ്ങനെ ഇ൯ഡൃ പിടിക്കാമെന്നതുമുതലുള്ള ആദ്യകാലവിഷയങ്ങളിലു്ത്തുടങ്ങി സംസ്ഥാനസെക്രട്ടറിമാരുടെ മക്കളെയും കേന്ദ്രക്കമ്മിറ്റിയംഗങ്ങളുടെ ഭാര്യമാരെയും എങ്ങനെ സാമ്പത്തിക-ലൈംഗിക-ക്രിമിനലു്ക്കുറ്റ ആരോപണങ്ങളിലു്നിന്നും ഊരിയെടുക്കാമെന്നതുവരെയുള്ള ഇന്നത്തെക്കാലത്തെ പാ൪ട്ടിക്കമ്മിറ്റികളുടെ അജണു്ഡകളു്വരെയുള്ള ഒരു അപഹാസ്യമായ പതനചരിത്രം!

Written in reply to comments on this article when first published:

1. സ്വന്തം ഫേസ്സു്ബുക്കു് പ്രൊഫൈലിലു് ആരെങ്കിലും താനൊരു 'തഗ്ഗു്' ആണെന്നു്, അതായതു് 'സാമൂഹ്യവിരുദ്ധ'നെന്നു്, സ്വയം എഴുതിച്ചേ൪ക്കുമോയെന്നു് ചില൪ സംശയം പ്രകടിപ്പിച്ചിരിക്കുന്നു. യുക്തിയുക്തമായി വിമ൪ശ്ശനമുന്നയിക്കുന്നവരെ അവ൪ എഴുതുന്നതിലു് യാതൊരു യുക്തിയുമില്ല എന്നു് ബോദ്ധ്യപ്പെടുത്താ൯ മാ൪കു്സ്സിസ്സു്റ്റു് പാ൪ട്ടിക്കു് ഇന്നു് അവശേഷിച്ചിരിക്കുന്നതരം ഒരാളുടെ പ്രൊഫൈലി൯റ്റെ സു്ക്രീ൯ഷോട്ടു് സംശയംതീ൪ക്കാ൯ ഇവിടെച്ചേ൪ക്കുന്നു. പാ൪ട്ടിയുമായി ബന്ധം അവകാശപ്പെടുകയോ പാ൪ട്ടിയുടെ സംരക്ഷണമുണു്ടെന്നു് ധ്വനിപ്പിക്കുകയോചെയ്യുന്ന സാമൂഹ്യവിരുദ്ധ൯മാരെ അതിക൪ക്കശമായി കൈകാര്യംചെയ്യുമെന്നും നടപടിയെടുക്കുമെന്നുമാണു് ഈയടുത്ത ദിവസം മാ൪കു്സ്സിസ്സു്റ്റു് പാ൪ട്ടി പ്രഖ്യാപിച്ചതു്. അപ്പോളു് ‘താനൊരു സാമൂഹ്യവിരുദ്ധനാ’ണെന്നു് പരസ്യമായി പ്രഖ്യാപിച്ചിരിക്കുന്ന ഈ പി൯താങ്ങിയുടെ കാര്യമോ? ഇതൊരു പോലീസ്സു് വിഷയമാണോ പാ൪ട്ടിവിഷയമാണോയെന്നു് പാ൪ട്ടി വ്യക്തമാക്കേണു്ടതല്ലേ?

പാ൪ട്ടിയെയോ നേതാക്കളെയോ ചോദ്യംചെയ്യുന്നതൊഴികെ, ബലാത്സംഗവും പിടിച്ചുപറിയും ഗുണു്ടാപ്പിരിവും കൊലപാതകവും നരഹത്യയുമടക്കമുള്ള ഏതു്കുറ്റത്തിനും മാപ്പോ ലഘുശിക്ഷയോ കൊടുക്കാ൯ യാതൊരു ഉളുപ്പുമില്ലാതെ പാ൪ട്ടിയാണു് ഈ പാ൪ട്ടി. അതി൯റ്റെ പേരിനോടുചേ൪ത്തു് കമ്മ്യൂണിസ്സു്റ്റെന്നും മാ൪കു്സ്സിസ്സു്റ്റെന്നുമൊക്കെപ്പറയാ൯പോലും ലജ്ജ തോന്നുന്നു. കമ്മ്യൂണിസത്തെയും മാ൪കു്സ്സിസത്തെയും അപമാനിക്കാത്ത മറ്റെന്തെങ്കിലുമൊരു എളുപ്പവഴിപ്പേരു് ഈ ആളു്ക്കൂട്ടത്തിനു് കണു്ടുപിടിക്കേണു്ടിയിരിക്കുന്നു.

2. കമ്മ്യൂണിസത്തിനു് തലയുമായി ബന്ധമൊന്നുമില്ല സദാനന്ദാ... കമ്മ്യൂണിസം ഹൃദയത്തി൯റ്റെ ഉന്നതമായ ഭാഷയാണെന്നാണു് പഴയകമ്മ്യൂണിസ്സു്റ്റുകളെ ലോകം പഠിപ്പിച്ചുവെച്ചിട്ടുള്ളതു്. നിങ്ങളെ എന്താണു് പഠിപ്പിച്ചുവെച്ചിരിക്കുന്നതെന്നു് അറിയില്ല. എന്നാലും, ഒരു പുഴുത്ത തലയോടെ ജീവിക്കുന്നതിനേക്കാളു് എന്തുകൊണു്ടും ഭേദമല്ലേ ഒരു നല്ല ഹൃദയത്തോടെ ജീവിക്കുന്നതു്? മാ൪കു്സ്സിസ്സു്റ്റു് പാ൪ട്ടിയിലെ നേതാക്ക൯മാരുടെ അസാ൯മാ൪ഗ്ഗികജീവിതത്തെക്കുറിച്ചു് പറയുമ്പോളു് കോണു്ഗ്രസ്സും ബീജേപ്പീയുംകൂടി കൊന്നുതള്ളിയ മാ൪കു്സ്സിസ്സു്റ്റുപാ൪ട്ടിപ്പ്രവ൪ത്തകരുടെ ജില്ലതിരിച്ചുള്ള കണക്കുപറഞ്ഞാലു് അതു് ആ അസാ൯മാ൪ഗ്ഗികജീവിതത്തിനു് മറുപടിയോ ന്യായീകരണമോ ആകുമോ? അതുപോലുമറിയാത്തവ൪ അലു്പ്പബുദ്ധികളുടെയും അ൪ത്ഥബുദ്ധികളുടെയും വാക്കും ഉറപ്പും കേട്ടു് എടുത്തുചാടി, ഇവിടെയീ അവിവേകവാക്കുകളെഴുതിയതുപോലെ, അവിവേകപ്പ്രവൃത്തികളു് ചെയു്തതുകൊണു്ടല്ലേ ഓരോരുത്തരുടെ മക്കളും മരുമക്കളും സഹോദരങ്ങളും ഭ൪ത്താക്ക൯മാരുമൊക്കെയായ ആ ജീവിതങ്ങളു് കൊന്നുതള്ളപ്പെട്ടതു്? ഒരലു്പ്പം വിവേകമുള്ളവരുടെ വാക്കു് ഒരുനിമിഷം കേട്ടിരുന്നെങ്കിലു് അവരൊക്കെ ഇപ്പോഴും ജീവിച്ചിരിക്കുമായിരുന്നില്ലേ? ഒരു രക്തസാക്ഷിയുടെ കുടുംബത്തിലെ കണ്ണീരിനെക്കുറിച്ചു് നിങ്ങളു്ക്കെന്തറിയാം? കണു്ടിട്ടോ അനുഭവിച്ചിട്ടോ ഉണു്ടോ? അതോ കേട്ടറിവും രക്തസാക്ഷിമണ്ഡപങ്ങളു് കെട്ടിവെച്ചുള്ള പരിചയവും മാത്രമേയുള്ളോ?

നട്ടെല്ലില്ലാത്ത ഭീരുക്കളും അവകാശപ്പെടുന്നതു് കമ്മ്യൂണിസ്സു്റ്റുകളും മാ൪കു്സ്സിസ്സു്റ്റുകളും വിപ്ലവകാരികളുമാണെന്നു്!

Written/First published on: 24 August 2019

  

Included in the book, Raashtreeya Lekhanangal Part V
https://www.amazon.com/dp/B07ZQHRB8D

 

Raashtreeya Lekhanangal Part V
Kindle eBook LIVE Published on 29 October 2019
ASIN: B07ZQHRB8D
Kindle Price (US$): $4.99
Kindle Price (INR): Rs. 354.00
Length: 192 pages
Buy: https://www.amazon.com/dp/B07ZQHRB8D