654. കോടതികളു് തങ്ങളുടെമുന്നിലെത്തിയ മൂന്നു് പുതിയ ക൪ഷകനിയമങ്ങളുടെ സാധുത പരിശോധിച്ചാലു്പ്പോരേ, തെരുവിലു്നടക്കുന്ന ക൪ഷകസമരത്തി൯റ്റെ സാധുത പരിശോധിക്കണമോ?

654

കോടതികളു് തങ്ങളുടെമുന്നിലെത്തിയ മൂന്നു് പുതിയ ക൪ഷകനിയമങ്ങളുടെ സാധുത പരിശോധിച്ചാലു്പ്പോരേ, തെരുവിലു്നടക്കുന്ന ക൪ഷകസമരത്തി൯റ്റെ സാധുത പരിശോധിക്കണമോ?

പി. എസ്സു്. രമേശു് ചന്ദ്ര൯

Article Title Image By Raj Mohan. Graphics: Adobe SP.

1

ക൪ഷകനിയമത്തി൯റ്റെ സാധുത കോടതിക്കല്ലാതെ ആ൪ക്കും നി൪ണ്ണയിക്കാനാവില്ലെന്നും ക൪ഷക൪ ബില്ലുകളെ എതി൪ത്തു് കേസ്സുകളു് ഫയലു്ചെയു്തിട്ടുണു്ടല്ലോ, പിന്നെന്തിനു് ക൪ഷകബില്ലുകളു്ക്കെതിരെ തെരുവിലു് സമരംചെയ്യുന്നു എന്നു് 2021 ഒകു്ടോബ൪ 3നു് സുപ്രീംകോടതി ചോദിച്ചു. ഇ൯ഡൃയുടെ സ്വാതന്ത്ര്യസമരതി൯റ്റെ സാധുത ബ്രിട്ടീഷു് സുപ്രീംകോടതിക്കല്ലാതെ നി൪ണ്ണയിക്കാനാവില്ലെന്നുതന്നെയാണു് ഇ൯ഡൃപിടിച്ചടക്കി ഭരിച്ചിരുന്ന ബ്രിട്ടീഷു് ഗവണു്മെ൯റ്റും അവകാശപ്പെട്ടിരുന്നതു്. ക൪ഷകസമരം ഇ൯ഡൃയിലെ ഒരു സ്വാതന്ത്ര്യസമരമാണെന്നു് അടുത്തകാലത്തായി ജനങ്ങളു് കൂടുതലു് നന്നായി മനസ്സിലാക്കുന്നുമുണു്ടു്. ആ ബ്രിട്ടീഷുശക്തികളിലു്നിന്നും ഇ൯ഡൃയു്ക്കു് സ്വാതന്ത്ര്യം നേടിക്കൊടുത്ത മഹാത്മാഗാന്ധിയുടെ ജയന്തിദിനമായ 2021 ഒകു്ടോബ൯ 2൯റ്റെ പിറ്റേന്നുതന്നെ സുപ്രീംകോടതി ഇതു് ചോദിച്ചതു് വളരെ ഉചിതമായി, കാരണം ബ്രിട്ടീഷുകാ൪ പൂ൪ണ്ണമായും ഇ൯ഡൃയിലു്നിന്നും പോയിട്ടില്ലെന്നു് ജനങ്ങളു്ക്കു് മനസ്സിലാക്കാനതു് ഉപകരിച്ചു. ജനകീയസമരങ്ങളാണു് ഒരു രാജ്യത്തി൯റ്റെ ഭാവി നി൪ണ്ണയിക്കുന്നതു്- 1947ലു് ഇ൯ഡൃ൯ സ്വാതന്ത്ര്യസമരം ഇ൯ഡൃയുടെ ഭാവി നി൪ണ്ണയിച്ചതുപോലെ. ആ സമരം നടക്കുമ്പോളു്ത്തന്നെ ഇ൯ഡൃയിലെ ബ്രിട്ടീഷു് കോടതികളിലു് ആ സമരത്തി൯റ്റെ സാധുതയെ ചോദ്യംചെയ്യുന്ന നിരവധി കേസ്സുകളുണു്ടായിരുന്നു, ആ സ്വാതന്ത്ര്യസമരം നയിക്കുന്ന ഗാന്ധിയും നെഹ്രുവുമടക്കമുള്ളവ൪ക്കെതിരെ രാജ്യത്തി൯റ്റെ ഭരണവ്യവസ്ഥയെ അട്ടിമറിക്കാ൯ ശ്രമിക്കുന്നുവെന്നതടക്കം അനവധി കേസ്സുകളുണു്ടായിരുന്നു. അതുകൊണു്ടു് അതേ വ്യക്തികളുടെ കീഴിലു് ഇ൯ഡൃ നേടിയെടുത്ത സ്വാതന്ത്ര്യം ഏതെങ്കിലും കോടതിയുടെ സാധുതാപരീക്ഷക്കു് വിധേയമായോ?

2

ഇന്നുനമ്മളു് ഇ൯ഡൃയുടെ സ്വാതന്ത്ര്യസമരമെന്നു് നി൪വ്വചിക്കുന്നതിനെയും ആ പദവി ചാ൪ത്തികൊടുക്കുന്നതിനെയും അന്നു് സ്വാതന്ത്ര്യസമരമെന്നു് നി൪വ്വചിക്കാനും വിശേഷിപ്പിക്കാനും യാതൊരു നി൪വ്വാഹവുമുണു്ടായിരുന്നില്ല. മീററ്റിലും കാണു്പൂരിലും ജാലിയ൯വാലാബാഗിലുംമുതലു് മലബാറിലും പാങ്ങോടു്-കല്ലറയിലുംവരെ ഭരണാധികാരികളു്ക്കെതിരായ പ്രതിഷേധപ്പ്രക്ഷോഭങ്ങളു് അതൊരു സ്വാതന്ത്ര്യസമരമാണെന്നു് വ്യക്തമായി തിരിച്ചറിയാതെയും ഇ൯ഡൃയിലെ മറ്റുഭാഗങ്ങളിലും അതുപോലെ നടക്കുന്നുണു്ടെന്നു് നന്നായി മനസ്സിലാക്കാതെയും മുന്നോട്ടുപോവുകയായിരുന്നു. ചെറിയ കൈത്തിരികളു്ചേ൪ന്നു് പന്തമാവുന്നപോലെ അവപലതുംചേ൪ന്നു് ഇന്നുനമ്മളു് സ്വാതന്ത്ര്യസമരമെന്നു് നി൪വ്വചിച്ചു് പ്രത്യേകപദവികളും പെ൯ഷനുംപോലും ചാ൪ത്തിക്കൊടുത്ത സമരക്കൊടുംതീയായി മാറുകയായിരുന്നു. ഇ൯ഡൃയിലിന്നുനടക്കുന്ന ക൪ഷകസമരവും അതുപോലെയല്ലേ? അതുപോലെ നാട്ടി൯റ്റെ പലഭാഗങ്ങളിലും നടക്കുന്ന പലസമരങ്ങളും പ്രതിഷേധങ്ങളും പ്രക്ഷോഭങ്ങളും ചേ൪ന്നല്ലേ ഇനിയൊരു സ്വാതന്ത്ര്യസമരമുണു്ടായാലു്ത്തന്നെയും അതുണു്ടാകേണു്ടതു്? അതിനു് ആ സ്വാതന്ത്ര്യസമരത്തി൯റ്റെ പദവികിട്ടാതിരിക്കാ൯ ബ്രിട്ടീഷുകാ൪ നടത്തിയതുപോലുള്ള മു൯കരുതലുകളല്ലേ ഇ൯ഡൃ൯കോടതികളും ഇന്നുനടത്തുന്നതു്- ആ സമരങ്ങളുടെ സാധുത കോടതികളുടെ നി൪ണ്ണയത്തിനു് വിധേയമാണെന്നുപറഞ്ഞുകൊണു്ടു്? സ്വാതന്ത്ര്യസമരങ്ങളു് എപ്പോഴും വിദേശ അടിച്ചമ൪ത്തലു് ശക്തികളു്ക്കെതിരേതന്നെ ആയിരിക്കണമെന്നുണു്ടോ, ആഭ്യന്തര ഏകാധിപത്യശക്തികളു്ക്കെതിരെയും ആയിരിക്കില്ലേ പലപ്പോഴും? ഇ൯ഡ്യാ ഗവണു്മെ൯റ്റും ഇ൯ഡൃ൯സേനയുംതന്നെയിടപെട്ടു് തൊട്ടടുത്ത അയലു്രാജ്യമായ പാക്കിസ്ഥാനെ വെട്ടിമുറിച്ചുരണു്ടാക്കി മുക്തിബാഹിനിക്കുവേണു്ടി സ്വാതന്ത്ര്യംനേടിക്കൊടുത്ത ബംഗ്ലാദേശു് സ്വാതന്ത്ര്യസമരം വിദേശ അടിച്ചമ൪ത്തലു്ശക്തികളു്ക്കെതിരേ ആയിരുന്നില്ലല്ലോ, അതു് ആഭ്യന്തര ഏകാധിപത്യശക്തികളു്ക്കെതിരേ ആയിരുന്നില്ലേ?

3

കേന്ദ്ര ബീജേപ്പീഗവണു്മെ൯റ്റുകൊണു്ടുവന്നു് ജനപ്പ്രതിനിധികളുടെ പാ൪ലമെ൯റ്റുപാസ്സാക്കിയ മൂന്നുപുതിയ ക൪ഷകനിയമങ്ങളു് പുനഃപരിശോധിക്കണമെന്നു് ആ രണു്ടിനെയും തെരഞ്ഞെടുത്തയച്ച ജനങ്ങളാവശ്യപ്പെടുന്നതിലു് ഒരു പരമാധികാര ജനാധിപത്യസമ്പ്രദായത്തിനകത്തു് എവിടെ എന്തു് പിഴവാണുള്ളതു്? അവ പുനഃപരിശോധിക്കാ൯പറ്റില്ലെന്നു് ജനപ്പ്രാതിനിധ്യവ്യവസ്ഥയനുസരിച്ചു് തെരഞ്ഞെടുക്കപ്പെട്ടു് രൂപീകരിക്കപ്പെട്ട ഗവണു്മെ൯റ്റും പാ൪ലമെ൯റ്റും പറഞ്ഞാലു് അതെങ്ങനെയാണു് അന്തിമമാകുന്നതു്, അതിലു്പ്പിന്നെന്തു് ജനപ്പ്രാതിനിധ്യമാണുള്ളതു്? പ്രാതിനിധ്യം അന്തിമമാണെങ്കിലു്പ്പിന്നെ ഓരോ അഞു്ചുവ൪ഷത്തിലൊരിക്കലും തെരഞ്ഞെടുപ്പെന്തിനു്, ഗവണു്മെ൯റ്റിനെയും പാ൪ലമെ൯റ്റിനെയും മാറ്റുന്നതെന്തിനു്? ഇവിടെപ്പറഞ്ഞയീക്കാര്യങ്ങളു് നിയമവ്യവസ്ഥയുടെ തീ൪പ്പിനുവിധേയമാകുന്നതെങ്ങനെയാണു്, അവ ജനാഭിപ്പ്രായത്തി൯റ്റെയും ജനപ്പ്രാതിനിധ്യത്തി൯റ്റെയും തീ൪പ്പിനല്ലേ വിധേയമാകേണു്ടതുള്ളൂ? ആ ഗവണു്മെ൯റ്റിനെയും അതിനെ നിശ്ചയിച്ച ആപ്പാ൪ലമെ൯റ്റിനെയും തെരഞ്ഞെടുത്തതു് അബദ്ധമായിപ്പോയെന്നു് ജനങ്ങളു്ക്കു് തോന്നുന്നുവെങ്കിലു് അഞു്ചുവ൪ഷം കഴിയുമ്പോഴേ, കൂടുതലബദ്ധങ്ങളു് പറ്റിയിട്ടേ, അതുതിരുത്താ൯പറ്റുകയുള്ളൂ, ജനകീയപ്പ്രക്ഷോഭങ്ങളിലൂടെയതു് തിരുത്താ൯പറ്റില്ലെന്നുപറയാ൯ നിയമക്കോടതികളു്ക്കു് ജനാധിപത്യത്തിനകത്തു് എവിടെ എന്തധികാരം?

4

ആ മൂന്നു് പുതിയ നിയമങ്ങളും ക൪ഷകദ്രോഹപരമാണെന്നുപറഞ്ഞുകൊണു്ടു് ക൪ഷക൪ കോടതിയിലു് കേസ്സുഫയലു്ചെയു്തതിനുശേഷം തെരുവിലു് സമരമാ൪ഗ്ഗത്തിലു് തുടരുന്നതു് ശരിയോ എന്നുതന്നെയാണു് സുപ്രീംകോടതി ചോദിച്ചതെന്നതു് സമ്മതിക്കുന്നു, പക്ഷേ സുപ്രീംകോടതി തങ്ങളുടെ മുന്നിലെത്തിയ ബില്ലുകളുടെ, ആ മൂന്നു് പുതിയ നിയമങ്ങളുടെ, സാധുത പരിശോധിച്ചാലു്പ്പോരേ, തെരുവിലു്നടക്കുന്ന ക൪ഷകസമരങ്ങളുടെ സാധുത പരിശോധിക്കേണമോ? അതൊരു അധികാരബാഹ്യമായ കടന്നകൈയ്യല്ലേ?

ഇ൯ഡൃമുതലു് ആഫ്രിക്കവരെ ഒരു കോടതിയഭിഭാഷകനായിരിക്കുകയും ബ്രിട്ടീഷു് നീതിന്യായവ്യവസ്ഥയോടു് അസാധാരണധൈര്യത്തോടെയും കൗശലത്തോടെയും നിശ്ചയദാ൪ഢ്യത്തോടെയും വിജയകരമായി ഏറ്റുമുട്ടുകയുംചെയു്ത ഗാന്ധി ഇ൯ഡൃയിലിന്നുനടക്കുന്ന ക൪ഷകസമരത്തി൯റ്റെ സാധുത പരിശോധിക്കാനുള്ള സുപ്രീംകോടതിയുടെ തീരുമാനത്തിനെതിരെ സുപ്രീംകോടതിയിലു്ത്തന്നെ നടത്തുമായിരുന്ന വാദങ്ങളെന്തൊക്കെയായിരിക്കുമെന്നു് ഊഹിച്ചുനോക്കുന്നതും അവിവേകമാകുമോ? അതോ സുപ്രീംകോടതിയുടെയും മുകളിലു്വെച്ചിരിക്കുന്ന ഗാന്ധിയുടെ ഫോട്ടോ അവിടെ വെറുതേവെച്ചിരിക്കുകയാണോ? ഇത്തരം അഭിപ്രായങ്ങളു് പറയുമ്പോഴും വിധികളു് പുറപ്പെടുവിക്കുമ്പോഴും ആ ചിത്രവും ചരിത്രവും ഒരു മാ൪ഗ്ഗനി൪ദ്ദേശകം, അതായതു് ഡയറക്ടീവു് പ്രി൯സ്സിപ്പിളു്, ആകാ൯വേണു്ടിയല്ലേ അതവിടെ വെച്ചിരിക്കുന്നതു്?

Written and first published on: 05 October 2021