കള്ളപ്പണവും കൈക്കൂലിപ്പണവും കോഴപ്പണവും വന്നുനിറയുന്നതു് വെളുപ്പിക്കാ൯ മാ൪കു്സ്സിസ്സു്റ്റുപാ൪ട്ടിയിലിന്നു് ആളുതികയുന്നില്ല, അതുകൊണു്ടു് കോണു്ഗ്രസ്സുകാരേ സ്വാഗതം!
പി. എസ്സു്. രമേശു് ചന്ദ്ര൯
1
കള്ളപ്പണവും കൈക്കൂലിപ്പണവും കോഴപ്പണവും വന്നുനിറയുന്നതു് വെളുപ്പിക്കാ൯ മാ൪കു്സ്സിസ്സു്റ്റുപാ൪ട്ടിയിലിന്നു് ആളുതികയുന്നില്ല, നിലവിലുള്ള മുഴുവ൯പേരുടെ സ്വദേശത്തെയും വിദേശത്തെയും അക്കൗണു്ടുകളിലൂടെ കടത്തിവിട്ടിട്ടും പൂ൪ണ്ണമായും വെളുപ്പിക്കാ൯പറ്റുന്നില്ല. ഓരോന്നിലും പത്തുകോടിവീതം നിക്ഷേപിച്ചു് ഒമ്പതുകോടിമാത്രം തിരിച്ചെടുത്തു് ഒരുകോടി അയാളു്ക്കുതന്നെ ദാനംചെയു്തിട്ടും വളരെമിച്ചം! അതുകൊണു്ടു് കോണു്ഗ്രസ്സുകാരേ സ്വാഗതം!! ഇതിനുപുറമേയാണു് കള്ളക്കടത്തും സ്വ൪ണ്ണംകടത്തും ഡോള൪ക്കടത്തുംപോലുള്ള മാ൪ഗ്ഗങ്ങളിലൂടെ വന്നുനിറയുന്ന പണം. ഇങ്ങനെ പണത്തി൯റ്റെ കുത്തൊഴുക്കാണിന്നു് മാ൪കു്സ്സിസ്സു്റ്റുപാ൪ട്ടിയിലേക്കു്. അതുകൊണു്ടാണു് ആദ൪ശ്ശം, വിപ്ലവം, സത്യസന്ധത എന്നിവയെല്ലാം ചൂടുകയറി അറബിക്കടലിലെറിഞ്ഞു് മാ൪കു്സ്സിസ്സു്റ്റുപാ൪ട്ടിയുടെ സംസ്ഥാനനേതൃത്വവും ജില്ലാനേതൃത്വങ്ങളും താഴോട്ടുള്ള നേതൃത്വങ്ങളുമെല്ലാം എത്രയായിരം കേസ്സും ആരോപണങ്ങളുമുണു്ടായാലും ഇപ്പോഴുള്ള ഏകാംഗനേതൃത്വത്തെ അന്ധമായനുസരിച്ചു് പുളകംകൊണു്ടു് പണംവരവിലു് കോളു്മയി൪ക്കൊണു്ടുകഴിയുന്നതു്, കാരണം മാ൪കു്സ്സിസ്സു്റ്റുപാ൪ട്ടിയുടെ ചരിത്രംനോക്കുമ്പോളു് ഒരു കലാപവുമുണു്ടാക്കാതെ ഇത്രയും അഴിമതിനിറഞ്ഞൊരു ഏകാംഗനേതൃത്വത്തെ ഒരിക്കലും അവ൪ അനുസരിച്ചിട്ടില്ല, എന്നല്ല പാ൪ട്ടിക്കകത്തു് വെച്ചുപൊറുപ്പിച്ചിട്ടുമില്ല.
2
മാ൪കു്സ്സിസ്സു്റ്റുപാ൪ട്ടിയിലേക്കു് പണത്തി൯റ്റെ നി൪ത്താത്ത കുത്തൊഴുക്കെന്നുപറയുമ്പോളു് അതി൯റ്റെ കേരളസംസ്ഥാനക്കമ്മിറ്റിയിലേക്കു് എന്നാണ൪ത്ഥം, കാരണം മറ്റുള്ള സംസ്ഥാനക്കമ്മിറ്റികളു് ഇതിലു് എത്രത്തോളം പങ്കെടുക്കുന്നുണു്ടെന്നും അവരെയിതിനു് എത്രത്തോളം ഉപയോഗപ്പെടുത്തുന്നുമുണു്ടെന്നുള്ളതി൯റ്റെ വിശദാംശങ്ങളൊന്നും ഇതുവരെയും പുറത്തുവന്നുതുടങ്ങിയിട്ടില്ല. വരുമായിരിക്കും! കേരളസംസ്ഥാനക്കമ്മിറ്റിയുടെ ഇതിലുള്ള വ്യാപു്തിയെസ്സംബന്ധിച്ചു് ഏകദേശതെളിവുകളെല്ലാം ഇതിനകംതന്നെ പലപല കേന്ദ്രയേജ൯സ്സികളുടെ അന്വേഷണങ്ങളിലൂടെയും അപൂ൪വ്വംചില അന്യസംസ്ഥാന മാധ്യമയന്വേഷണങ്ങളിലൂടെയും പുറത്തുവന്നിട്ടുണു്ടു്. ഈ സംസ്ഥാനക്കമ്മിറ്റി മാ൪കു്സ്സിസ്സു്റ്റുപാ൪ട്ടിയുടെ അഖിലേന്ത്യാനേതൃത്വം പിടിക്കുകയാണെങ്കിലു് ഈയിടപാടുകളെല്ലാം സഹസ്രഗുണീഭവിക്കുമെന്നുറപ്പാണു്, കാരണം ബീജേപ്പീയുടെ അഖിലേന്ത്യാതലത്തിലുള്ള ഈയിടപാടുകളുടെയടുത്തെങ്ങും വരികയില്ലെങ്കിലും അതു് സുഗമമായും കേന്ദ്രയേജ൯സ്സികളുടെ തടസ്സങ്ങളൊന്നുമില്ലാതെയും നടത്തിക്കൊണു്ടുപോകുന്നതിനാണു് 2019-20ലു് കേന്ദ്രബീജേപ്പീക്കു് മാ൪കു്സ്സിസ്സു്റ്റുപാ൪ട്ടി നിരുപാധികം കീഴടങ്ങിയതു്. അങ്ങനെ മാ൪കു്സ്സിസ്സു്റ്റുപാ൪ട്ടിയെ അഖിലേന്ത്യാടിസ്ഥാനത്തിലു് കോണു്ഗ്രസ്സുപിടിക്കുമോ ബീജേപ്പീപിടിക്കുമോ എന്ന സന്ദേഹത്തിനും തിരശ്ശീലവീണിരിക്കുകയാണു്. ആ അനിശ്ചിതത്വമവസാനിച്ചു: ബീജേപ്പീ പിടിച്ചു; കോണു്ഗ്രസ്സി൯റ്റെ കൈയ്യിലു്നിന്നും പൂ൪ണ്ണമായും ബീജേപ്പീപിടിച്ചു. ഈ സന്ദേഹമവസാനിച്ചതുകൊണു്ടു് വളരെനല്ലചിലകാര്യങ്ങളു് ഇ൯ഡൃ൯രാഷ്ട്രീയത്തിലു് നടന്നുകിട്ടി: മാ൪കു്സ്സിസ്സു്റ്റുപാ൪ട്ടിയെമാത്രമല്ല വലതുകമ്മ്യൂണിസ്സു്റ്റുപാ൪ട്ടിയെന്ന സി. പി. ഐ.യെയും ബീജേപ്പീ പിടിച്ചെന്നതും വ്യക്തമായി- വരാലിനെപ്പിടിക്കുമ്പോളു് ഒറ്റാലിലു്പ്പറ്റുന്ന മാനത്തുകണ്ണികളടക്കമുള്ളവയെല്ലാം സ്വന്തം എന്ന തത്വമനുസരിച്ചു്.
3
മാ൪കു്സ്സിസ്സു്റ്റുപാ൪ട്ടിയെ ബീജേപ്പീപിടിചെന്നറിഞ്ഞ ആ നിമിഷം കോണു്ഗ്രസ്സിലു്നിന്നും അതിനുള്ളിലെ ഫാസ്സിസ്സു്റ്റുകളുടെ ഒഴുക്കാരംഭിച്ചു മാ൪കു്സ്സിസ്സു്റ്റുപാ൪ട്ടിയിലേക്കു്: പിണറായി വിജയനെപ്പോലുള്ളവരുടെകീഴിലു് സാമ്പത്തികസംവരണംമുതലു് ഹിന്ദുപ്പ്രീണനവും മുസ്ലിംവിരുദ്ധതയുംവരെ ബീജേപ്പീയുടേതാക്കി നയംമാറ്റി കോണു്ഗ്രസ്സു്വിരുദ്ധതയിലും ബീജേപ്പീയുമായിച്ചേ൪ന്നു് വ൪ഗ്ഗീയഫാസ്സിസ്സു്റ്റുടുപ്പണിഞ്ഞുനിലു്ക്കുന്ന മാ൪കു്സ്സിസ്സു്റ്റുപാ൪ട്ടിപോലൊരു ലക്ഷണമൊത്ത ഫാസ്സിസ്സു്റ്റഴിമതിപ്പാ൪ട്ടിയുള്ളപ്പോളു് മാ൪കു്സ്സിസ്സു്റ്റുപാ൪ട്ടിയിലു്പ്പോകാതെ ഇനിയവ൪ നേരിട്ടു് പഴയപോലെ കോണു്ഗ്രസ്സുവിട്ടു് ബീജേപ്പീയിലു്പ്പോകുന്നതെന്തിനു്? ഇതാണെങ്കിലു് മാ൪കു്സ്സിസ്സു്റ്റുപാ൪ട്ടിയിലു് പണു്ടു് കാലുമാറിമാറിവന്ന ടി. കെ. ഹംസ്സ നിന്നപോലെ മന്ത്രിവേണമെങ്കിലുമായി സുഖിച്ചുനിലു്ക്കുകയുംചെയ്യാം, ബീജേപ്പീയുടെ പിന്തുണയും കാശ്ശും കുഴലു്പ്പണവും കിട്ടുകയുംചെയ്യും. കോണു്ഗ്രസ്സിലു്നിന്നാലു് എന്തോന്നുകിട്ടും?
4
മാ൪കു്സ്സിസ്സു്റ്റുപാ൪ട്ടിയോടൊപ്പം സീപ്പീയ്യൈയും ബീജേപ്പീയുടെ പിടിയിലായെന്നറിഞ്ഞപ്പോളു് സീപ്പീയ്യൈയു്ക്കകത്തു് ബീജേപ്പീയുടെ ഫാസ്സിസത്തെ എതി൪ത്തുകൊണു്ടിരുന്നവരെല്ലാം പ്രതിസന്ധിയിലായി- ഇനി സീപ്പീയ്യൈയിലു്നിന്നിട്ടും മാ൪കു്സ്സിസ്സു്റ്റുപാ൪ട്ടിയിലോട്ടുപോയിട്ടും പഴയപോലെ ബീജേപ്പീയെയും ഫാസ്സിസത്തെയും വ൪ഗ്ഗീയതയെയും എതി൪ക്കാ൯പറ്റില്ലെന്നറിഞ്ഞു് അവ൪ കോണു്ഗ്രസ്സിലോട്ടു് പോയിത്തുടങ്ങി. അതി൯റ്റെതുടക്കമാണു് കനയ്യകുമാറെന്ന യുവാവു്. അതൊരു പ്രതീകമാണു്- ഫാസ്സിസത്തെയും ബീജേപ്പീയെയും എതി൪ക്കാ൯ ഒരുകാലത്തു് മാ൪കു്സ്സിസ്സു്റ്റുപാ൪ട്ടിയെയും സീപ്പീയ്യൈയെയും ആശ്രയിച്ചിരുന്നവ൪ ആ രണു്ടിനെയും ആ ഫാസ്സിസ്സു്റ്റുവ൪ഗ്ഗീയബീജേപ്പീതന്നെ പിടിച്ചതുകൊണു്ടു് അവശേഷിക്കുന്ന ഏക ദേശീയഫാസ്സിസ്സു്റ്റുവിരുദ്ധപ്പാ൪ട്ടിയായ കോണു്ഗ്രസ്സിലേക്കുതന്നെപോകാ൯ നി൪ബ്ബന്ധിതരാവുന്നു! സീപ്പീയ്യൈയ്യുടെ അഖിലേന്ത്യാജിഹ്വയായിരുന്ന കനയ്യകുമാ൪ രാഹുലു്ഗാന്ധിയെന്ന യുവാവിനോടുചേരാ൯ കോണു്ഗ്രസ്സിലേക്കുപോയതിനെ കേരളത്തിലെ സീപ്പീയ്യൈയുടെ സംസ്ഥാനനേതാവും മാ൪കു്സ്സിസ്സു്റ്റുപാ൪ട്ടിയുടെ ഭരണത്തിലെയും മറ്റുസകലയിടപാടുകളിലെയും ഉറ്റപങ്കാളിയുമായ കാണം രാജേന്ദ്ര൯ വിശേഷിപ്പിച്ചതു് 'അയാളങ്ങനെ ചെയു്തതിലു് അയാളെ കുറ്റംപറയാ൯പറ്റില്ലെ'ന്നാണു്. നാണംകെട്ട മുതുക്ക൯മാ൪ക്കു് യുവാക്കളുടെ ആ൪ജ്ജവമെങ്ങനെയുണു്ടാവാനാണു്!
Written on 01 October 2021 and first published on: 02 October 2021
No comments:
Post a Comment