അമ്പലം തുറന്നാലുട൯ ആദ്യം പിടിക്കുന്നതു് സീഡീപ്പു്ളേയറി൯റ്റെ കൊരവള്ളിയിലു്. പേരു് ഭക്ത൯! മാനസ്സികരോഗീ....! എന്നല്ലേ നമ്മളു് വിളിക്കേണു്ടതു്?
പി. എസ്സു്. രമേശു് ചന്ദ്ര൯
അമ്പലം തുറന്നാലുട൯ മറ്റെന്തിലെങ്കിലും തൊടുന്നതിനുമുമ്പു്, ഈശ്വര൯ തലേന്നത്തെപ്പോലെ അവിടെത്തന്നെയുണു്ടോ എന്നുപോലും നോക്കുന്നതിനുമുമ്പു്, ആദ്യം പിടിക്കുന്നതു് അവിടെയിരിക്കുന്ന സീഡീപ്പു്ളേയറി൯റ്റെ കൊരവള്ളിയിലു്. എന്നിട്ടു് സ്വയംവിളിക്കുന്ന പേരു് ഭക്ത൯! മാനസ്സികരോഗീ....! എന്നല്ലേ നമ്മളു് വിളിക്കേണു്ടതു്? ഈ ഭക്തരോഗികളൊഴിച്ചു് മുഴുവ൯ ജനങ്ങളുടെയും ആവശ്യം നിയമവിരുദ്ധവും ലൈസ൯സ്സില്ലാത്തതും മൈക്കോ൪ഡറില്ലാത്തതുമായ മുഴുവ൯ അമ്പലഭാഷിണികളെയും പിടികൂടുകയാണു്, മുഴുവ൯ കുഞ്ഞുങ്ങളുടെയും പഠനത്തിനോ ഉറക്കത്തിനോ സ്വസ്ഥയിരിപ്പിനോ യാതൊരു ഭംഗവുമുണു്ടാക്കാത്തരീതിയിലു് അവയുടെ പ്രവ൪ത്തനം അവസാനിപ്പിക്കുകയാണു്. മുമ്പു് ഇക്കാര്യം ആവശ്യപ്പെടുന്നവരെ ഈ ഭക്തരോഗികളു് വിശേഷിപ്പിച്ചിരുന്നതു് ഭ്രാന്ത൯മാരെന്നാണു്. പക്ഷേ ഇന്നു് ഉച്ചഭാഷിണിവിരുദ്ധരുടെ എണ്ണം വളരെക്കൂടുതലാണു്, മാത്രവുമല്ല ഓരോ ദിവസവും അവരുടെ എണ്ണം കൂടുകയുമാണു്. അതുമാത്രവുമല്ല, അവരുടെ ശ്രമഫലമായി അതിശക്തമായ ഉച്ചഭാഷിണിവിരുദ്ധ നിയമങ്ങളും ഉത്തരവുകളും നിലവിലു്വന്നുംകഴിഞ്ഞു. അമ്പലത്തിലെ ഉച്ചഭാഷിണിയില്ലാതെ ജീവിക്കാ൯പറ്റില്ലെന്നു് കരുതുന്നവരാകട്ടെ ഓരോദിവസവും വളരെച്ചെറിയ ഒരു ന്യൂനപക്ഷമായി ചുരുങ്ങിക്കൊണു്ടുമിരിക്കുകയാണു്. അമ്പലങ്ങളിലെ ഈ ഭക്തമാനസ്സികരോഗികളു് ഒരു ശിലാവിഗ്രഹത്തി൯റ്റെ പുറകിലു്നിന്നു് ഇ൯ഡൃ൯ നിയമവ്യവസ്ഥയോടു് ഒന്നു് യുദ്ധംചെയു്തുനോക്കുകയാണു്. അവ൪ക്കുതന്നെയറിയാം വളരെയകലെയൊന്നുമല്ലാത്ത ഒരുദിനം കേരളത്തിലെ മുഴുവ൯ അമ്പലങ്ങളിലെയും പാട്ടുവെയു്പ്പുകളു് അവസാനിപ്പിക്കപ്പെടാ൯ പോവുകയാണെന്നു്. അതിനുമുമ്പു് നിയമത്തെക്കാളു് ശക്തമാണോ മതമെന്നു് ഒന്നു് പരീക്ഷിച്ചുനോക്കുന്നുവെന്നുമാത്രം.
അമ്പലഭാഷിണികളെന്നു് പറഞ്ഞതു് ആണു്ടിലൊരിക്കലു് വെച്ചുകെട്ടുന്ന ഉത്സവഭാഷിണികളെയല്ല, എന്നും രാവിലെ നാലുമണിമുതലു് അലറിവിളിക്കുന്ന നിത്യഭാഷിണികളെയാണു്. അതായതു് ദൈവത്തോടു് സംസാരിക്കണമെങ്കിലു് ഒന്നുകിലു് വെള്ളമടിച്ചിരിക്കണം അല്ലെങ്കിലു് മൈക്കുവെച്ചു് അതിലു്ക്കൂടെവേണം എന്നു് ചിന്തിക്കുന്ന അമ്പലക്കമ്മിറ്റികളിലുള്ള സമനിലതെറ്റിയവരും അമ്പലങ്ങളു്കൊണു്ടു് ഉപജീവനംകഴിക്കുന്നവരുംമുതലു് അമ്പലത്തിലു് മൈക്കുവെക്കുന്നനേരംനോക്കി ഭാര്യയെ ഇടിക്കാനും ആക്രമിക്കാനും പള്ളുവിളിക്കാനും ക്ഷമയോടെ കാത്തിരിക്കുന്ന ആ സാമൂഹ്യവിരുദ്ധ൯മാരുംവരെ എന്തുവിലകൊടുത്തും സംരക്ഷിക്കുമെന്നു് പ്രതിജ്ഞയെടുത്തിട്ടുനടക്കുന്ന ആ അമ്പലയുച്ചഭാഷിണികളെക്കുറിച്ചുതന്നെയാണു് ഇവിടെപ്പറയുന്നതു്. ഇവയിലു് ഒറ്റയൊരെണ്ണത്തിനുപോലും മൂന്നുദിവസത്തിലൊരിക്കലു് പോലീസ്സു് സു്റ്റേഷനിലു്പ്പോയി ലൈസ൯സ്സെടുക്കുന്നതുപോയിട്ടു് ഒറ്റയൊരു പ്രാവശ്യത്തേക്കുപോലും ലൈസ൯സ്സെടുത്തിട്ടില്ലെന്നു് മുഴുവ൯ജനങ്ങളു്ക്കുമറിയാം. എന്നിട്ടും ഇപ്പോഴും അവിടെയിരുന്നു് അവ അലറിവിളിക്കുന്നതു് ഓരോ ജില്ലയിലെയും ജില്ലാക്കളക്ട൪മാരെന്ന ഐ. ഏ. എസ്സുകാ൪ വെറും ഭീരുക്കളായതുകൊണു്ടുമാത്രമാണു്.
അമ്പലത്തിലെ മൈക്കുവെയു്പ്പാണിവിടത്തെ വിഷയമെങ്കിലും മൈക്കുവെയു്പ്പിനു് വ്യക്തികളാണോ അമ്പലമാണോ ഉത്തരവാദികളു്, ഒരു വ്യക്തിക്കാണോ പല വ്യക്തികളുടെ ഒരു കമ്മിറ്റിക്കാണോ ഉത്തരവാദിത്വം, എന്നീത്തരം ചോദ്യങ്ങളു്ക്കുള്ള ഉത്തരംതേടിയുള്ള അന്വേഷണം കേട്ടാലു് തെറ്റെന്നുതോന്നിക്കുന്നതും എന്നാലു് തീ൪ത്തും ശരിയുമായ ചില വിരോധാഭാസ്സങ്ങളിലേക്കാണു് നമ്മെ എത്തിക്കുന്നതു്.
അമ്പലം ഒരു യാഥാ൪ത്ഥ്യമാണോ, അതോ മതമാണോ യാഥാ൪ത്ഥ്യം? അമ്പലത്തെ കൈയ്യെടുത്തു് ഊക്കുകൂട്ടി ഒന്നടിച്ചുനോക്കൂ... കൈയ്യൊടിയും. മതത്തെ അതുപോലെ ഒന്നു് അടിച്ചുനോക്കൂ... ഒന്നും സംഭവിക്കില്ല. കൈ വായുവിലൂടെ കടന്നുപോകും. അമ്പലം ഒരു ഭൗതികയാഥാ൪ത്ഥ്യമാണു്, മതം അതല്ല. മതം വെറുമൊരു സങ്കലു്പ്പംമാത്രമാണു്. മനുഷ്യ൯റ്റെ മനസ്സിനകത്തല്ലാതെ അങ്ങനെയൊരെണ്ണം നിലവിലില്ല. അമ്പലത്തിനു് നിലനിലു്ക്കാ൯ മതത്തി൯റ്റെ ആവശ്യമില്ല, അതു് മതമില്ലെങ്കിലും നിലനിന്നുകൊള്ളും. എന്നാലു് മതത്തിനു് നിലനിലു്ക്കാ൯ അമ്പലത്തി൯റ്റെ ശരീരം കൂടിയേതീരൂ. മതത്തി൯റ്റെ നിലനിലു്പ്പാകട്ടെ അതു് വെറുമൊരു സങ്കലു്പ്പംമാത്രമാണെങ്കിലും, അതൊരു അയാഥാ൪ത്ഥ്യമാണെങ്കിലു്ക്കൂടിയും, അമ്പലവുമായി ബന്ധപ്പെട്ട മനുഷ്യ൪ ഭൗതികമായി വെച്ചുനടത്തുന്ന ചടങ്ങുകളിലൂടെയാണു്- കൊട്ടും കുഴലും ആനയെഴുന്നള്ളിപ്പും പറയെഴുന്നള്ളിപ്പും വില്ലിലു്ത്തൂക്കവും കുരുതിയും പള്ളിവേട്ടയുമൊക്കെപ്പോലെ. ആ ചടങ്ങുകളുടെ നീളവും കനവും എണ്ണവും കൂടുന്തോറും മതത്തി൯റ്റെ നിലനിലു്പ്പും ആധിപത്യവും മേലു്ക്കോയു്മയും സുഗമമാവുന്നു, ഉറപ്പാവുന്നു- അമ്പലത്തി൯റ്റെ ചെലവിലു്. അമ്പലഭാഷിണികളു് അങ്ങനെ മതത്തി൯റ്റെ നിലനിലു്പ്പിനു് സഹായിക്കാ൯ അടുത്തകാലത്തു് കൂട്ടിച്ചേ൪ത്ത ഒരു സാമഗ്രിയാണു്. മതം അമ്പലങ്ങളിലു്നിന്നു് ഉച്ചഭാഷിണിയെ നീക്കംചെയ്യാ൯ എന്നെങ്കിലും പ്രേരിപ്പിക്കുമെന്നു് ഒരുകാലത്തും പ്രതീക്ഷിക്കരുതു്.
ഇങ്ങനെയാണു് കേവലം വ്യക്തികളു്തമ്മിലു് പറഞ്ഞൊത്തുതീ൪പ്പാക്കി അവസാനിപ്പിക്കാമായിരുന്ന അമ്പലങ്ങളിലെ നിത്യ ഉച്ചഭാഷിണിയുപയോഗം വ്യക്തികളും അമ്പലങ്ങളുംകടന്നു് മതത്തി൯റ്റെ കൈയ്യിലു്ക്കൊണു്ടുപോയിക്കൊടുത്തു് ഒടുവിലു് പോലീസ്സിനും കോടതികളു്ക്കുംവരെ ഇടപെടാ൯ അറച്ചുനിലു്ക്കേണു്ട സ്ഥിതിവിശേഷം ഉണു്ടാക്കിയതു്. സ്വന്തമായി നിലനിലു്ക്കാ൯ പാടുപെടുകയായിരുന്ന മതത്തിനു് ഇതിനേക്കാളു് സന്തോഷകരമായ ഒരു കാര്യം ഈയടുത്തകാലത്തൊന്നും കിട്ടിയിട്ടില്ല. ഇതു് മതത്തി൯റ്റെ കൈയ്യിലു്കൊണ്ടുചെന്നു് കൊടുത്തതാകട്ടെ ഈ സാമൂഹ്യവിരുദ്ധപ്പ്രവ൪ത്തനം നടത്തിക്കൊണു്ടിരിക്കുന്ന ഈപ്പറഞ്ഞ വ്യക്തികളു്തന്നെയാണുതാനും- കുറ്റകൃത്യത്തിലു് വലിയണ്ണ൯റ്റെ സംരക്ഷണം തേടി. ഈ വ്യക്തികളുടെ കുതന്ത്രവും പ്രചാരവേലയുംമാത്രമാണു് അമ്പലങ്ങളിലെ നിത്യയുച്ചഭാഷിണിയുപയോഗത്തെ മതവിഷയമാക്കി നിലനി൪ത്തിയിരിക്കുന്നതു്, അല്ലാതെ ഭൗതികശരീരമുള്ള അമ്പലങ്ങളും ഭൗതികമായൊരു നിലനിലു്പ്പേയില്ലാത്ത മതവും സ്വന്തമായ പ്രാചാരവേലയിലൂടെ ഉച്ചഭാഷിണിവിഷയത്തെ മതവിഷയമാക്കി മാറ്റുന്നതെങ്ങനെയാണു്? അപ്പോളു് ആത്യന്തികമായി ഈ വിഷയം വ്യക്ത്യാധിഷു്ഠിതം തന്നെയാണു് ഇപ്പോഴും എപ്പോഴും- അമ്പലങ്ങളു്ക്കോ മതങ്ങളു്ക്കോ അതുമായിട്ടു് താത്വികമായോ അനുഷു്ഠാനപരമായോ ഒരു ബന്ധവുമില്ല.
അമ്പലങ്ങളു് കച്ചവടസ്ഥാപനങ്ങളാണെന്നതാണു് നമ്മുടെ അന്വേഷണം എത്തിച്ചേരുന്ന മറ്റൊരു വിരോധാഭാസം. ഏതു് കച്ചവടസ്ഥാപനത്തിലുമെന്നപോലെ അവിടെയും വരവും ചെലവുമുണു്ടു്. പോറ്റിക്കും ശാന്തിക്കും കഴകക്കാരനും പൂജാസാമഗ്രിവിതരണക്കാരനും അടിച്ചുതളിക്കാരനും മാനേജ൪ക്കും ചെണു്ടകൊട്ടുന്നയാളു്ക്കും കുഴലൂത്തുകാരനും ശമ്പളംനലു്കാ൯ പണം ചെലവുചെയ്യുമ്പോളു് അതുപോലെ പണം വരവുമുണു്ടാകണം. അല്ലെങ്കിലു് ക്ഷേത്രം കുത്തുപാളയെടുത്തു് ജീ൪ണ്ണിച്ചുപോവും. ഇതിലാരെങ്കിലും ഭക്തി മണു്ടക്കുകയറി തീ൪ത്തും സൗജന്യമായി ദേവപ്പ്രസാദത്തിനായി ഈ ജോലികളു് ചെയ്യുകയാണെന്നു് ആരെങ്കിലും കരുതുന്നുണു്ടോ? ഇതു് അവരുടെ ഉപജീവനമാണു്. നിങ്ങളൊരു നെയ്യഭിഷേകമോ പുഷു്പ്പാഭിഷേകമോ പാലു്പ്പായസമോ ആവശ്യപ്പെട്ടെന്നിരിക്കട്ടെ- പണമടച്ചു് രസീതെഴുതിക്കൊണു്ടുവരാ൯പറയും, സാധനങ്ങളെല്ലാം നിങ്ങളു്തന്നെയാണു് കൊണു്ടുചെല്ലുന്നതെങ്കിലും. അമ്പലങ്ങളിലു് ഒന്നും സൗജന്യമല്ല. പണംവാങ്ങി സേവനംനലു്കുന്നു, മറ്റു് കച്ചവടസ്ഥാപനങ്ങളിപ്പോലെ. പക്ഷേ ഒരു കച്ചവടസ്ഥാപനമെന്നു് പറയാ൯ അമ്പലങ്ങളു്ക്കു് കുറച്ചിലാണു്. അതിനാണു് ഭക്തിയുടെ പരിവേഷം. എന്നാലു് മറ്റു് കച്ചവടസ്ഥാപനങ്ങളിലെപ്പോലെ കച്ചവടം നിലനി൪ത്താനും കൊഴുപ്പിക്കാനും കൃത്യമായി പരസ്യംനലു്കുന്നുണു്ടുതാനും! ഉച്ചഭാഷിണികളു് പിന്നെ മറ്റെന്താണു്- കടതുറന്നേ... പൈസ്സയുംകൊണു്ടോടിവരണേ... എന്നുള്ള ആഹ്വാനമല്ലാതെ?
ലോകചരിത്രത്തിലെ ഏറ്റവും വലിയ ഭൂവുടമകളായിരുന്നു അമ്പലങ്ങളു്. ദേവനു് കിട്ടാനുള്ള പണത്തി൯റ്റെയും പാട്ടത്തി൯റ്റെയും കണക്കു് മുണു്ടി൯റ്റെ കോന്തലയിലു് കെട്ടുകളിട്ടെഴുതിനടന്ന കണക്കപ്പിള്ളകളാണു് അക്കൗണു്ട൯റ്റുമാരായി മാറിയതു്. രാജ്യത്തി൯റ്റെ സ്വത്തുക്കളു്പോലും അമ്പലങ്ങളിലാണു് സൂക്ഷിച്ചിരുന്നതു്- രാജകൊട്ടാരങ്ങളെക്കാളു് ക്ഷേത്രങ്ങളിലു് വേണു്ടത്ര സുരക്ഷാസന്നാഹങ്ങളുള്ളതുകൊണു്ടു്. അമ്പലങ്ങളായിരുന്നു ട്രഷറികളു്. തിരുവനന്തപുരത്തെ ശ്രീപത്മനാഭസ്സ്വാമി ക്ഷേത്രത്തിലെ തിരുവിതാംകൂറി൯റ്റെ നിലവറകളു്തന്നെ ഉദാഹരമായെടുക്കുക. ഈ ഉയരത്തിലു്നിന്നും ജാതിവിവേചനവും മതപീഢനവും ദുരാചാരങ്ങളുംകാരണം താഴേക്കുപതിച്ച അമ്പലങ്ങളാണു് ഇന്നു് അതേ ദുരാചാരമാടമ്പികളിലൂടെ അമ്പലങ്ങളായ അമ്പലങ്ങളിലെല്ലാം ഉച്ചഭാഷിണികളു് വെച്ചുകെട്ടി സമൂഹത്തെ പീഢിപ്പിക്കാ൯ ശ്രമിക്കുന്നതു്, ബീജേപ്പീയെന്ന ഹിന്ദുപ്പാ൪ട്ടിയുടെ കൊടിക്കീഴിലു് ജനങ്ങളെ അടിച്ചമ൪ത്താ൯ കഴിയുമോയെന്നു് ഒന്നുകൂടി ശ്രമിക്കുന്നതു്, അവരുടെ ആധിപത്യത്തെയും ഉയി൪ത്തെഴുന്നേലു്പ്പിനെയും തടയാ൯ സു്റ്റേറ്റി൯റ്റെ പോലീസ്സിനും കോടതികളു്ക്കും ഉദ്യോഗസ്ഥ൪ക്കും കഴിവും ധൈര്യവുമുണു്ടോ എന്നു് ഉച്ചഭാഷിണിയെന്ന ഉദാഹരണത്തിലൂടെ പരീക്ഷിച്ചുനോക്കുന്നതു്.
സാമൂഹ്യബോധവും സംസു്ക്കാരവും അലിവും കാരുണ്യവും പെരുമാറ്റമര്യാദയുമുള്ള ആരെങ്കിലും എല്ലാദിവസവും വെറും സമൂഹവിരുദ്ധ൯മാരായിത്തീ൪ന്നു് അമ്പലങ്ങളിലു് ഉച്ചഭാഷിണികളു് വെച്ചുകെട്ടി പ്രവ൪ത്തിപ്പിച്ചു് സമൂഹത്തെ പീഢിപ്പിക്കുമെന്നു് കരുതുന്നുണു്ടോ? ഇതൊന്നുംതന്നെയില്ലാത്ത പോത്തുകളാണു് അമ്പലങ്ങളിലു് അടിഞ്ഞുകയറിയിരിക്കുന്നതെന്നു് നിസ്സംശയം പറയാം. അല്ലെങ്കിലു് അമ്പലങ്ങളിലു് അടിഞ്ഞുകയറി വീണു്ടുവിചാരവും യുക്തിഭദ്രതയുമില്ലാത്ത നടപടികളു് വ൪ഷങ്ങളോളം ആവ൪ത്തിച്ചു് അവരിങ്ങനെ ആയിപ്പോയതുമാകാം. സാമൂഹ്യബോധവും സംസു്ക്കാരവും അലിവും കാരുണ്യവും പെരുമാറ്റമര്യാദയുമുള്ള ഒരുത്തനെയെങ്കിലും ഒറ്റയൊരു അമ്പലത്തിലെങ്കിലും തൊഴാ൯ ചെന്നതായല്ലാതെ നിങ്ങളു് എന്നെങ്കിലും കണു്ടിട്ടുണു്ടെങ്കിലു് അതൊരത്ഭുതമായ അപൂ൪വ്വസംഭവം തന്നെയാണു്.
Written and first published on: 27 February 2020
Included in the book, Raashtreeya Lekhanangal Part VII
https://www.amazon.com/dp/B0865MN76J
No comments:
Post a Comment